影片
更多
2018-05-31
1501 瀏覽
早排睇左Youtuber的介紹，佢極力推介呢間位於銅鑼灣的Pizza店，今次同朋友一行7人就決定一試。朋友係7:30前已經去排定隊，最後我們係8點到就有位了。餐廳係門口掛住個Notice，話8點未排到入餐廳內，就未必有位了，所以有心去食的大家，請盡早了。餐廳內不大，目測有20個位到，難怪要排咁耐隊。環境暗暗地，播住的音樂有少少嘈。一共有11款的Pizza味道可以選擇。如果大家同我一樣，咩都想試下的話，可以揀一半一半配料都可以(唔洗另外加錢)。除左Pizza外，仲有好多人都推介的香蒜芝士焗麵包、沙律、小食、意粉。價錢亦唔算特別貴。當大家決定食咩後，就要自行行到門口的Cashier落單。Cashier旁邊就係Pizza烤爐，職員就係用呢個特製的烤爐去烤Pizza了。意大利肉丸的Portion睇落有D少，$98八粒肉丸。不過茄味都幾燶，不過如果多人食的話建議叫多份。另外，我們仲叫左一份粒粒鮮茄芝士沙律。以意大利牛奶芝士配合車厘茄及新鮮沙律菜，食落唔錯，不過我個人認為個Basil特濃香醋落得多左少少，稍為蓋過了材料的味道。我們有7個人，決定叫兩個(小)13吋的薄餅。由於想試多幾款Pizza味道
早排睇左Youtuber的介紹，佢極力推介呢間位於銅鑼灣的Pizza店，今次同朋友一行7人就決定一試。朋友係7:30前已經去排定隊，最後我們係8點到就有位了。
餐廳係門口掛住個Notice，話8點未排到入餐廳內，就未必有位了，所以有心去食的大家，請盡早了。
餐廳內不大，目測有20個位到，難怪要排咁耐隊。環境暗暗地，播住的音樂有少少嘈。
一共有11款的Pizza味道可以選擇。如果大家同我一樣，咩都想試下的話，可以揀一半一半配料都可以(唔洗另外加錢)。
除左Pizza外，仲有好多人都推介的香蒜芝士焗麵包、沙律、小食、意粉。價錢亦唔算特別貴。
當大家決定食咩後，就要自行行到門口的Cashier落單。Cashier旁邊就係Pizza烤爐，職員就係用呢個特製的烤爐去烤Pizza了。
意大利肉丸的Portion睇落有D少，$98八粒肉丸。不過茄味都幾燶，不過如果多人食的話建議叫多份。
另外，我們仲叫左一份粒粒鮮茄芝士沙律。以意大利牛奶芝士配合車厘茄及新鮮沙律菜，食落唔錯，不過我個人認為個Basil特濃香醋落得多左少少，稍為蓋過了材料的味道。
我們有7個人，決定叫兩個(小)13吋的薄餅。由於想試多幾款Pizza味道，我們決定兩個都以一半一半的形式，試齊4種款式。第一個Pizza以肉為主，有白汁個個係Beautiful Chick (雞味濃)，以Mozzarella芝士、蕃茄、火箭菜、烤雞、紅洋蔥、紅椒及白汁整成，配料食落好香，不過個餅邊有D硬。另外半邊叫的係Meat de Cavemen (山洞人啖啖肉)，食落都幾Meaty，除左有谷巴火腿外，仲有美式肉腸、意大利肉腸，加埋紅洋蔥夠晒香口。
(左)雞味濃 (右) 山洞人啖啖肉
$198
96 瀏覽
0 讚好
0 留言
另一個小薄餅就叫左一半好瘋狂的Crazy Cheese (瘋狂芝士)，及超好食的My Parma (我的帕爾馬)。芝士已經成為Pizza的好朋友，不同款式的Pizza都會見到芝士的蹤影。我們7個都係好芝士之人，呢份包含四款芝士的瘋狂芝士真係啱晒我們。入面除左有Mozzarella芝士、芳提娜芝士、意大利牛奶芝士及帕馬森乾酪芝士。另外，我們大讚的我的帕爾馬除左有Parma Ham的感香外，更有新鮮的火箭菜及芝士，味道豐富，好食好食！
(左)我的帕爾馬 (右)瘋狂芝士
$228
112 瀏覽
0 讚好
0 留言
最後，我們叫左份大家都話「重口味」的香蒜芝士焗麵包。如果你唔蒜得的，請...勿...動...口... 因為呢份芝士蒜蓉包無論用鼻聞定用口嘗，都非常重蒜香！但由於我係有蒜之人，我就大愛呢份蒜蓉飽，勁正！
香蒜芝士焗麵包
$118
189 瀏覽
1 讚好
0 留言
==============================
鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
張貼
