Spring field (已結業)

📍Spring Field #SpringField#MFJ灣仔 #MFJ越南菜人均消費: HKD93灣仔尾其實有好多餐廳，訓醒心血來潮過去 @spring_field_official 食個豐富Brunch 😍 餐廳好似拉麵店咁，座位唔太多！餐牌主要係幾款湯河，嚟到梗係要試佢嘅招牌春園河！ 🆗招牌春園河🍜$81招牌春園河用嘅係和牛湯底，有半生熟安格斯牛肉，慢煮牛肉條，蘿蔔粒！ 和牛湯底的確食到好香嘅牛味，但就唔係越式湯河嘅感覺！生牛肉味道唔係太香濃，不過油脂味搭夠，牛肉條好入味，但係感覺似食緊高級港式牛腩河咁😂 原本期待係好越式嘅河粉，所以係有少少失望不過整體嚟講都算OK嘅！反而特別推介係佢個辣芽菜，真心好味😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #vietnamesecuisine #vietnamesefood #pho #相機食先 #灣仔美食 #越南菜

♫♫❥❥❥打個靚叉推介比大家 非試食啊♥︎無懼世事變改 還是越南越愛🥰今次同大家介紹一間越南餐廳 餐廳用料高級 由湯底去到小食 都令人嘖嘖稱奇👏平時多人到由灣仔排隊去到天水圍啊 可想而知有幾受歡迎啊 強烈建議大家一定要去試下❗️餐廳座位唔多 所以午市都要排一陣先入得 不過上菜速度快(◐‿◑)依呢間其實唔同對面嗰間貓眼蛋包飯係同一個老細 不過我私心鍾意依間多啲依間真係我食過最好食嘅越南河💕 ==============================〖 招牌春園河🥩🍜 〗💰78依一碗包左安格斯牛肉同慢煮牛肉條🤤安格斯牛肉肉質軟腍 牛味相當濃郁👏而且好大塊 份量十足慢煮牛肉條比較似牛腩嘅部分 咬落去好鬆化👍湯底方面相當出色 明顯用心熬製而成牛味相當突出 濃面不稠 值得一試🤩〖 鹿兒島黑豚肉濃豆漿冷河粉🥛🍲 〗💰81食河粉 飲豆漿都算係普遍嘅事但用豆漿做湯底 真係好特別🥳食落去 相當有驚喜 一試難忘😋河粉散發住濃郁嘅豆乳味 非常清新開胃☘️薄切嘅豚肉口感軟身嫩滑💯〖 招牌春園春卷 〗💰38即叫即炸 一上枱仲熱辣辣 食落香脆可口 內餡好足料 有木耳 紅蘿蔔絲 粉絲 口感豐富 配埋青檸魚露汁好清新

有一次係灣仔遊走，行過見到呢間舖頭，首先比招牌上面隻🦆鴨仔吸引左😂再之後見到個menu，覺得幾特別，就放左入想試嘅餐廳清單度😙之前諗住來試，點知來到先發現因為疫情關左門😢今次再來，好嘢，開返了👏👏👏舖頭細細，得幾張枱仔同吧枱，又好彩我地來時，o岩o岩好吧枱有兩個位😏一坐低，枱面已經有點餐紙同期間限定menu~諗左陣，就叫左🍲招牌春園河、🐮火炙安格斯牛肉鮮蝦撈濛粉、🌯招牌春園春卷、🍊凍香橙紅茶同🥤可樂~呢間餐廳幾貼心，配料可以自由選擇👍係等緊野食途中，見到枱面貼左張幾得意嘅鴨仔教食河粉圖😂等左一陣，🐮火炙安格斯牛肉鮮蝦撈濛粉 ($86)率先上枱~ 會揀呢個係因為見佢寫住期間限定😝但估唔到上枱又有D驚喜😂呢個有得揀普通定大盛，我揀左普通~見牛肉隔離有D醬，有D蟹子，酸酸地，似蛋黃醬😳staff有介紹話將魚露汁全部倒晒落去，然後撈勻晒先食~撈完之後發現，成個汁唔係好酸，幾清爽喎😳🐮牛肉份量幾多，輕輕燒過，而且好有牛味😍🦐蝦有咬口~🌯春卷皮幾薄，入面料好多😍最重要係，成個撈濛冇我唔食嘅🥒青瓜🤣之後到🍲招牌春園河 ($78)見呢個有🐮牛肉片、🐮牛肉條，幾經濟實惠，就叫左呢個~因為呢個係朋友食嘅，

位於貓之眼對面嘅春園牛河雖然係同一個老闆開，不過兩者相比個人更喜歡牛河，第一次食完覺得好好味之後已經幫襯過好多次。-🐮招牌春園河 $78（半生熟安格斯牛肉、慢煮牛肉條、蘿蔔粒）一向食開牛丸牛肉雙拼不過今日突然心血來潮好想食佢個慢煮牛肉條就轉左呢款。牛肉條煮到非常軟腍，咬落去唔痴牙，完美滿足到我今日嘅心血來潮☺️半生熟安格斯牛肉其實係3款牛之中我最唔欣賞，每次食都覺得冇調味又冇牛味，雖然切得薄、唔韌、份量又多，不過真係覺得好麻麻，今日啲牛肉仲要幾多筋🫠牛丸係一咬就爆汁果種，而且好重牛味，雖然今次無食但真心大大大推❣️如果有一個配搭係牛丸+牛肉條就好😂蘿蔔粒係另一個我欣賞嘅心機位，先用鰹魚湯(?)浸過，索曬湯入曬味，一碗得兩粒其實唔夠喉🫠Last but not least (essay tone😂)，湯底同河粉都係超正🫶🏻特別係河粉好滑又有少少咬口，而且粗幼適中，真係非常高質🥹-總結：ᴍʏ ғᴀᴠ ᴘʜᴏ ɪɴ ʜᴋ sᴏ ғᴀʀ ❤️

朋友同我介紹過，話呢間越南野係佢食過最好食嘅越南河粉，所以我哋就去試吓！➼ 招牌春園河👍🏻呢個係佢哋嘅招牌推介，湯底係由和牛熬出嚟，牛肉味好濃，飲得出係同平時嗰啲唔同，就算就咁飲都唔會覺得好鹹或者好涸喉👍🏻呢款會有半生熟安格斯牛肉同慢煮牛肉條，兩樣都好淋好好食，好重牛肉嘅鮮味👍🏻一碗就可以食晒兩種口感嘅牛肉，牛肉份量又多😝性價比真心高！有朋友話我知牛丸都好彈牙好好食，不過我個人唔係好喜歡牛丸，所以冇試到😙

呢間同對面貓之眼都係長期有人排隊嘅熱門黃店上次2選1未食呢間 今次有機會去灣仔食lunch就揀咗呢間喇😆😆😆假日lunch等咗20分鐘左右 都可接受餐牌都好均真 寫明每碗有啲咩料點餐紙都好詳細 好貼心配料全部都比你揀正常/ 多/ 少/ 無仲有個牌建議你點食👍🏿招牌春園河 $78 🙆🏿‍♀️和牛湯底唔算鹹 幾好 加埋香草同青檸仲有種小清新嘅感覺 解咗牛湯嘅肥膩感安格斯牛肉好大塊 但個人覺得唔點汁好味啲啲汁有少少重口味🤭牛肉條比安格斯牛肉更有牛味 又唔會太韌🤤蘿蔔吸晒啲味好正澳洲牛丸牛肉雙拼金邊粉 $81 🙆🏿‍♀️因為全走配料 啲蘿蔔又喺底遮晒上枱嘅時候好似好頹咁🙈但其實都ok 上面講咗嗰啲就唔再講喇反而意外嘅係牛丸真心好味 推😋❎ 加一服務費

灣仔汕頭街真係好多美食～身為一個牛魔王，比個餐牌影既和牛越南河吸引住餐廳不設電話訂座，餐廳大約提供15個座位lunch時候都排30分鐘左右隊先等到入座職員會派點餐紙比你排緊隊既時候填住先-招牌春園河<店長推介> $73(和牛湯底、配料有半生熟安格斯牛肉、慢煮牛肉條、蘿蔔粒)店長建議先飲一啖湯，淡淡既和牛湯底，唔會過份濃郁可以因應自己喜好加鵝蒂、金不換、青檸汁落湯底調味唔夠既都可以問職員添加，加咗金不換既湯底特別惹味半生熟安格斯牛肉份量好多而且好大塊和牛口感嫩滑又彈牙，一咬滿滿牛肉香味，正慢煮牛肉條肉質軟淋完全唔鞋口湯底真係幾清，食完都無口渴📍Spring Field 和牛濃湯專門店🔎灣仔汕頭街25號地舖

🍜🇻🇳天氣咁熱，食麵一定開胃過食飯.ᐟ.ᐟ$73蚊一碗熱辣辣招牌春園河(我嗌左金邊粉.ˬ.) 有和牛、牛肉條、蘿蔔粒( ᵕ̈ )最鍾意一定係個湯～望落清清地點知又有牛味同埋甜味(偷偷地清埋碗湯des!!) 雖然坐得窄啲不過真係好快靚正之選~上網睇到原來呢間嘢係好多人排隊架.ˬ.好感動我地去到唔洗排～揀啲非繁忙時間去會比較好𓎩𓌉𓇋 ‎-

喺呢頭返工我間唔屎都會行呢條街搵嘢食我之前都有嚟過呢間度食佢嘅PHO, 我記得佢嘅和牛濃湯河係好好味，河粉嘅質地係煙煙銀，我鍾意嘅口感有一排冇嚟過，差啲唔記得佢最近睇到有foodie 介紹佢嘅另一款河粉，鹿兒島黑豚肉濃豆漿冷河粉見到話係冷河粉即刻好想試其實我真係好鍾意食凍野唔係好鍾意食湯麵類嘅嘢所以大家冇見過我介紹拉麵湯類嘅嘢而我又鍾意嘅應該係得越南PHO 同埋泰式boat noodle 其他麵食我多數都會揀撈麵撈夢嗰啲所以見到佢話有冷河我就即刻嗰日lunch仆過嚟食一食落口真係驚為天人，個豆漿冷湯好好味呢個味道好啱我口味啲河粉仲要超級煙銀，有少少似稻庭烏冬，仲要好滑仲要可以加勁多芫荽勁多蔥好正，其實呢款野應該之前都喺度不過成日忽略咗佢，見佢係豚肉所以冇理佢，通常都係主攻啲牛肉湯河真係好彩呢位foodie介紹 我先發現到原來有個咁嘅嘢😂我仲加咗個春卷，好香脆可口，同埋佢杯橙味凍茶都好好味，唔會太甜，有淡淡的橙香，仲好似有少少果肉同埋我真係好鍾意佢哋仲有成樽辣芽菜俾你任加係我最鍾意嘅小芽菜，冇咗個大豆嗰款，辣度適中隔咗一個禮拜之後我又再返嚟今次試吓個牛肉河粉我轉左金邊粉呢個係招牌春園河和

今日同朋友約咗喺灣仔，朋友推介咗呢間食越南河嘅小店，11:30剛剛開門我地就去，所以完全唔駛等位。由於第一次黎，朋友推薦我食招牌春園河 - 入面有和牛湯底、半生熟安格斯牛肉、慢煮牛肉條、仲有蘿蔔粒。店家好貼心，客人可以自己揀配料既分量，之前喺出面啲舖頭食成日都唔記得叫人地走芫茜，呢度就唔駛擔心啦😊 同時可以揀河粉或者轉金邊粉，唔食生牛肉既朋友亦都可以要求轉做全熟。枱面上仲有一張教你點食先正宗嘅圖 (但我唔太好香料就冇跟啦😅)今次我叫左一個配料比較少既版本 (芫茜-無、紫洋蔥-少、青蔥-正常)，同埋改咗金邊粉。粉既分量正常，肉嘅分量就好多😍和牛湯底 - 好濃郁，帶少少酸都幾開胃；安格斯牛肉 - 其實我好怕果啲生到好似仲流緊血既牛肉，但呢個生熟度啱啱好，食落好嫩滑；牛肉條 - 雖然見佢都幾厚身，但一啲都唔韌，一咬就咬得開，非常好！連個蘿蔔粒都要一讚，好甜！下次再黎試埋其他食物😋

今日突然想食越南河粉，於是嚟到Spring Field 嚟間餐廳試食😆今次叫咗個招牌春園河，見到呢款係店長推介嘅，所以對佢都幾有期望食越南河粉當然要跟返越南嘅食法啦~先飲一啖湯底，佢嘅和牛湯底真係好美味😋唔會好油膩👍🏻餸菜方面有半生熟嘅安格斯牛、慢煮牛肉條🥰 真係要讚一讚佢嘅慢煮牛肉條，真係好淋呀👍🏻一啲都唔靭👍🏻提提大家💡喺落單嘅時候可以選擇多蔥少蔥或者多芫荽🌱 咁大家食嘅時候就可以食得開心啲啦🥰

Office搬離灣仔一段時間，Spring Field係我掛住小店嘅top 5。今朝一早出左去做野早餐都未食，就趁機revisit 呢度超有heart又好味嘅pho。好好彩12點多少少去到仲有位，即刻order左招牌春園河(走芫荽走蔥 )。半生熟安格斯牛肉好嫰一d筋都冇，慢煮牛肉條好爽有肉味又唔會老到癡牙，正！採用嘅和牛湯底真係好清好甜，可以就咁飲完全唔涸喉嚨，厲害在於就算碗河粉食到後段都仲係好清冇乜油，真係好純。雖然我都好鍾意近金鐘另一間幾出名嘅pho，但我更愛Spring Field 清純嘅湯底，同佢一碗牛河有兩款或以上唔同嘅牛，好味而性價比高，滿足貪心嘅我。食完碗牛河已經好飽，但難得嚟到所以好貪心咁叫埋招牌春園春卷，熱辣辣脆卜卜，唔會好油。就咁食超香口，而包生菜食就帶點小清新嘅感覺。食左好多次呢間小店嘅質素都好consistent，實在難得！唔怪得成日都大排長龍啦！

餐廳是朋友介紹的，午飯時段店外已經有長長的人龍，店鋪大約十幾個位，所以要有耐性等待，不過，很值得，是我吃過最美味的和牛湯河。招牌春園河 （$73）（和牛湯底，半生湯安格斯牛肉，慢煮牛肉條，蘿蔔粒）和牛湯底清但很濃郁，加上青檸和辣椒，立即昇華，安格斯牛肉軟諗，最欣賞慢肉牛肉條，冇牙阿婆都食到，加上自身少少的膠質，美味又不失口感，果然招牌。火炙半熟和牛片河（$98）（和牛湯底，火炙和牛，蘿蔔粒）都好食，比較安格斯牛肉，多了一種煙燻的味道，但對於我這個廢舌頭，不太比較到和牛與安格斯牛肉的分別🤣招牌春園春卷配青檸魚露汁（$36）外皮很脆，口感很豐富，配上魚露汁，解膩凍香橙紅茶（$18）清香，喜歡它不太甜，但有點少總括而言，我覺得過灣仔值得試，但中午晚飯時段，就預了要排隊，餐廳用料靚，所以值而個價，但份量如果多一點點就好，對女士而言就剛好，男士應該不夠吃。

今日天陰陰想食d暖胃既野黎到灣仔一間專門食越南粉既小店舖頭唔大 不過等左一陣就有得入去食啦叫左招牌春園河order果陣可以揀洋蔥 蔥同莞茜既份量 非常貼心麵都可以揀河粉或者金邊粉我就揀左河粉 佢個河粉超好味唔會係出面好稔一pat pat咁 咁有口感既河粉真係第一次食啊！menu上寫既和牛濃湯真係好重牛味越南粉最講求就係個湯底佢個湯底真係好濃 好正 有碗湯既顏色已經睇得出有幾正！餸就有半熟安格斯牛肉,慢煮牛肉條同蘿蔔粒牛肉同牛肉條入口即溶 蘿蔔索曬d湯全部都好好味啊碗湯仲爭d飲曬添😋另外仲加左個雞翼呢個雞翼都非常高質外面好脆 好香口佢比既醬汁都好好味好欣賞d鋪頭係專注整一樣菜式menu入面唔多選擇咁代表果樣野一定好好味啦！

越南嘢同日本嘢我地平時就食得多，但係你有冇諗過兩種菜mix埋可以擦出咩火花呢🤔🤔？去Spring Field就可以比到一個答案你🤤🤤！首先餐廳係唔接受book位嘅。如果唔想排咁耐隊嘅話就要儘量避開lunch hour🤣🤣。我去到果陣已經係下晝1點幾，不過都要等大約25分鐘先可以入座。店面好有日本酒吧feel，除左有平時坐開嘅2人/4人檯仲有吧檯同高凳，可以望住廚師係開放式廚房入面烹調美食😍😍。我order咗招牌春園河同凍香橙紅茶。碗河粉用咗和牛湯底，飲落清清地，唔會覺得油膩。而餸就有半生熟安格斯牛肉、慢煮牛肋條同蘿蔔粒。生牛肉片嘅厚度適中，咬落唔韌，而牛味亦相當濃郁。至於牛肋條，食得出有用心慢煮，因為放落口有種即溶既感覺。蘿蔔原本expect係用黎吸收和牛湯底嘅精華，但係出其不意，食落竟然有關東煮嘅味！凍香橙紅茶落咗新鮮橙片，入口好清新，啱晒用黎送偏清淡嘅牛河。順帶一提，店方亦有提供日本拉麵店常見嘅餐前小食：涼拌辣豆芽比食客享用🤤🤤。本身打算叫埋季節限定食品：特濃日本雞蛋布甸+自家製咖啡淡忌廉嘅，可惜職員話賣曬，希望遲啲有機會可以再試啦～