心夜來潮 (已搬遷) 新店位置

其實我地對一些特別的菜式都有興趣，早在之前已經有留意一間食粥和特色小食所吸引。今次終於找了朋友一行3人去試食。去到比心目中細同迫，其實不太舒服但都試下食品質素再看。總結其實係有驚喜成份。絕對係個粥。招牌牛雜鍋（＄88）加菜（＄12）：牛雜不多，但牛雜汁好香同濃，送飯不錯選擇。蘿白入晒牛雜味好好味。菜吾叫好多，偏少份量。潮汕沙鍋粥（＄150）另加材料錢：粥底夠香夠綿同香茜超多，配料係每款加再上去，最後我地叫了蝦，聖子和蠔仔之類，希望變為一個海鮮粥。本來一心諗係蟹粥，但待應都好老實話現在不是旺季，所以蟹偏細隻肉不多。海鮮夠新鮮好甜加上粥底和有火係底，所以好快比我地3個KO左一大煲粥。手工面腍候（＄30）：配料多（豬肚，蝦米，䓤），湯底吾咸可以飲晒。面腍候第一次食，覺得似刀削面，口感好而吾會淋，份量都多，只係細碗其實2個人分都好飽肚。脆香手打魚蛋（＄32）：講真吾覺手打魚蛋，口感欠奉。炸得太老好乾身。加了醬都吾覺得特別好味道。所以3個人都最後仲留到1﹣2舊係度冇人食。而這個價錢得6舊黎講太少。總結：這店我覺得選擇不多，可以推介是潮汕沙鍋粥和手工面腍，其他只作一般。如下次再來只吃潮汕沙鍋粥就足

早前同友人去了位於旺角的心夜來潮食飯, 一見到個名就覺得好特別, 原來這間店是食潮州食品.打開餐牌, 款式不算好多選擇, 但好多款式都好吸引, 有些比較小食添..點了招牌牛雜鍋, 正宗汕頭手打牛肉丸, 手工捻面猴和擂茶.店員先奉上招牌牛雜鍋.這個牛雜鍋連火爐一齊上枱, 所以一邊食, 一邊仍保持熱辣辣.牛雜夠腍身, 而且好入味, 有帶點惹味. 原來當中有秘製醬汁, 而蘿蔔吸收晒牛雜和醬汁的精華, 唔怪得咁好食.也可以加錢配菜.接着是正宗汕頭手打牛肉丸.這個牛肉丸尚算幾大粒, 牛肉味也可以. 入口夠彈牙, 不知不覺會食晒成碗.手工捻面猴個名好特別, 原來是指隨意整出麵片, 所以每塊也大小不一.入口煙煙靭靭,而且配料也好豐富, 有肉碎, 乾魷魚, 蝦米, 冬菇和菜脯, 混入麵片一齊食, 口感十足.我沒有叫飲品, 反而試了擂茶. 原來這是迎客茶.茶裡混入了花生米, 芝麻和炒米.這是我首次飲擂茶, 感覺幾特別, 因為茶是咸咸地, 而且飲的時候會同時食到花生米, 芝麻和炒米, 口感豐富.經過這次來這裡食飯, 對於潮州的小食或款式多咗認識, 原來不只打冷.

當晚心血來潮，懶理三十度高溫，坐在戶外用餐的位置，在暗黃燈影的襯托下，眼前的人與物似是有形無聲，彷彿被訥悶凝著了.......空氣瀰漫著「旺角卡門」的電影感！其實早於到訪前一星期，為了滿足一嚐正宗潮菜的心願，計劃要往潮州汕頭跑一趟，後來基於某些原因，還是放棄了。或許便構成了一股潛在的渴求，萌起「心夜來潮」的決定！誰跟我來瘋，不就是身邊的另一半！我們沒有什麼部署，對餐牌上感興趣的便隨意點上。菜茶源自汕尾海陸豐一帶，夾雜了福建漳州和泉州的口味，由數款蔬菜、蝦米、冬菇、臘肉、粉絲、花生和土魷等，然後注入豬骨湯，再在面層再放上炒米，入口集脆、鹹、鮮、香、爽於一身，口感美妙！豬骨湯帶有輕輕的胡椒香氣，有著家般的溫和純樸，令我想起孩童時堂嫂弄的鹹湯丸之鹹香風味。老公選了招牌牛雜鍋，兩人來個小鍋便好了！鍋內牛腩、牛肚、牛膀、黑栢葉等和白蘿蔔等，保持原有食材的彈性，故入口富有層次感，不過份腍軟，且入味程度佳，足證火喉掌控及燜煮出色。醬汁方面，肉味清鮮、醇厚但不膩，或許香港人的味蕾已被港式牛雜佔據，這潮式的口味卻顯得甚有個性。根據餐牌內容，醬汁是祖傳秘方，經十七種香料和繁複的工序烹製而成，美味真的得來不

如果不是在旺角行過去大角咀也不會知道這間潮式小店的存在，很久沒吃過這樣地道的潮汕菜式，對上一次吃還要回鄉下汕頭那邊才吃到，隋了有手打牛丸還有類近醬油蟹而且價錢相宜，一口氣點了幾款店員推介的招牌菜品嘗。店內坐位可坐十多人，亦可坐室外，還會營業到凌晨時間，不失為一個宵夜好去處。很多款菜式都很便宜，大約在20-40元之間，每款都點一個也不為過。招牌牛雜鍋－香辣惹味，未吃前已聞到香濃既牛雜和陣陣辣味。牛雜吸收了獨家醬汁很入味夠"林"身又夠煙韌，吃得出牛雜抆得了很長時間，如果抆得不夠時間會令牛雜比較硬身及不夠入味，吃光牛雜後再喝了整個湯，整個湯越滾越濃，味道帶咸且辣及牛雜加秘制香味濃撈白飯一流。 吃醃生蟹還是頭一次，先說價錢聽朋友說吃生蟹的餐廳普遍都很貴，而這裡100元就可以吃到不知道是否抵吃(因我沒吃過)，用秘製醬油醃的蟹肉質黏糯,味道滿口鹹鮮，單吃比較咸配白飯會較好。牛丸肉味鮮夠细嫩，而且咬落不粉，因為吃得太多牛丸是粉多過肉，不過不知道是我浸得太耐還是牛肉丸下鍋時滾耐左少少所以覺得不夠爽滑，整體肉身質素佳。豬蹄夠肥肉與肥膏各佔半，雖則看似很肥但入口不覺得肥膩，肉味甘香適合愛吃肥膏的我。炒飯外

琴日係旺角行去大角咀，經過天橋底，見到有間野叫心夜來潮，招牌幾特別，唔知咩來，行過去八卦下，店主話係食潮汕野，新開幾日現時試業中,我初頭以為打冷鹵水，但睇完Menu發覺除左汕頭手打牛肉丸聽過之外，其它菜式都有好新奇聽都未聽過，膽粗粗一於試試啦。平時係街邊d小食檔食開一串串既牛雜,今次品嘗下第一次用煲裝住既牛雜.賣相幾好,顏色偏淺無街邊牛雜咁深色.感覺比較乾淨.擺係台緊係相機食先,但未食之前已經聞到香味比d熱力逼緊出來.對我來講由於菜式比較陌生,店主好熱情咁我係地隔離一路介紹,話呢個牛雜鍋本身係鄉下餐廳已經係馳名菜式,食客慕名而來.所以將醬汁秘方轉移過來香港.醬汁用十七種香料十幾道工序煮成.牛雜炆得好入味,口感唔錯,試一啖醬汁香而不鹹,我食得出有咖喱,五香粉呢d香料味,其他就估唔到,睇下下次食家估唔估到.剛開始食既時候味道適中,但煲野一路滾一路食,味道越來越香濃,就好似平時食雞煲咁.要點上自制既辣醬,中間仲有舊腐乳.乜腐乳唔係點羊腩架咩?牛雜都得?但試過又出奇地夾.個名好搞笑,未食睇落似狗仔粉果類,連個名都有個動物呢度有馬騮人地有狗仔.我都唔知點解要咁叫.我食得出係刀削麵既粉質,但d粉唔