映水芙蓉 (海運大廈) (已結業)

公司食慶功宴, 大秘書幫手揀咗呢間無敵海景嘅川菜, 國內都有唔少分店坐低就有杯番石榴酒同車厘茄, 酒就偏甜同酸, 不過refresh味蕾都幾好敲糖棒棒雞 - 辣油係糖膠入面, 侍應畀大家影完相之後就會敲爛撈埋, 紅色好似好辣咁, 但只係BB辣級數, 可以放心食串串香 - 紅籤係辣以牛柏葉同鮑魚為主, 黃籤係麻以西芹萵苣為主, 實際上都係唔夠味, 唔係好分到麻同辣既分別蓉城雞豆花 - 將雞胸肉打成蓉壓成豆花片, 有蠟燭係底保持溫度, 味道清甜, 湯底好重金華火腿味, 做到吃雞不見雞, 吃肉不見肉, 特別沸騰桂花魚 - 上枱仲見到熱油沸騰, 桂花魚不算好辣, 但個底全部都係油, 魚片落咗好多生粉令到更加嫩滑但係有生粉味經典麻婆豆腐 - 中規中矩, 配白飯一流金湯白菜 - 雞油濃湯, 做到油水不分, 留意返呢到白菜係指娃娃菜黑松露和牛炒飯 - 食到和牛肉味, 但炒飯太油唔係炒到乾爽甜品部份唔吸引就冇叫到, 整體嚟講食海景同上菜視覺體驗為主, 味道唔係傳統川菜口味, 收費都頗進取, 不太推薦

同朋友想搵間靚景餐廳，海港城呢堆餐廳一定係好選擇🤣今次就揀咗呢間映水芙蓉食中菜😆首先對住個海景已經好吸引，食慾都大啲🤣呢度嘅菜式以川菜為主，有啲都幾創新～首先佢會上咗啲前菜先，會有一粒蕃茄仔同一杯番石榴酒仔，係martini，味道好清新同開胃😆我哋叫咗個敲糖棒棒雞🐔呢個好得意，有啲糖定咗型好似個樽仔咁裝住啲辣油，敲爛之後啲辣油同糖散落啲雞度，麻辣惹味得嚟又少少甜平衡返😆另一個前菜叫咗一位嘅川北涼粉～份量都唔少，味道辣辣哋，係一道好開胃嘅前菜！最重要就梗係食酸菜桂花魚啦！用得桂花魚就已經知道魚嘅肉質一定好滑☺️完全無骨～我最欣賞係佢個湯，飲得出除咗用酸菜煮，仲有魚一齊放入去熬，好濃味嘅湯，忍唔住係咁飲😆我覺得佢唔算好辣，酸菜非常足料，入面仲有酸蘿蔔同寬粉，非常豐富😌我哋仲叫咗一款好得意嘅小菜～就係魚香茄子😳佢將一個茄子嘅肉刮哂出嚟整做魚香茄子放返入去🤣有gimmick又好食，不過食到尾就略鹹咗少少～食完之後店員都會送上泡芙作為甜品～雖然三隻色好似係唔同味，但食落去陣味唔算好突出，我覺得一般啦～整個體驗都唔錯，好多分係比喺個景度，食物味道都算ok～但我覺得如果呢個價位同環境，冇限90分鐘/比

Book咗呢間餐廳同娘娘望住個海景嘆川菜因為有book位所以當晚坐近窗口位，個夜景靚到望咗好耐。一坐低佢地就比咗個前菜蕃茄仔，雪凍咗的車厘茄，口感好特別另外仲比咗一杯shot我地，係菠蘿味都幾好飲！💂🏼‍♀️《椒麻南非鮮鮑》$208呢個鮑魚十分出色，個擺碟已經好吸引，鮑魚都十分之大隻，另外有椒麻醬係上面！食落去除咗有鮑魚嘅鮮味仲辣辣地，好開胃💂🏼‍♀️《敲糖棒棒雞》$228呢個係必點菜式，有粒紅色嘅焦糖樽仔係面，店員會幫你敲碎，入面裝住少少辣椒油！撈勻啲雞食，就好似麻辣手撕雞咁食食吓咬到啲焦糖甜甜地又脆好過癮👍🏻💂🏼‍♀️《酸菜桂花魚》$598酸菜湯好開胃亦都好入味，啲魚好鮮嫩好滑，拎嚟撈飯一流，份量好多，另外仲有啲薯粉係底❤️2個人食都好夠。💂🏼‍♀️《辣子雞》$228辣子雞炸到好香脆，食得多都唔會膩，全部川菜都做到好正式，啲雞丁細細粒，拎黎送飯/拌麵都很吸引整體每一個菜式都好好食，份量亦都好充足，加埋呢個海景真係加哂分！價錢會比出面川菜餐廳貴少少，但係服務同埋環境一流頒發軍階:上將🎖🎖🎖🎖

👍🏻環境：環境優美望出窗外就是海景，有室外室內既坐位，座位與座位之間較空曠坐得舒服，裝修行高檔路線，拍卡影相一流。👍🏻服務：服務整體不錯員工有善，當晚仲送甜品泡芙。食物[👍🏻敲糖棒棒雞$228]打卡一流的前菜，可以自己敲打或者員工幫你敲打，雖然係前菜但份量同主菜一樣多，味道辣辣地十分惹味，餸飯一流。[👍🏻雞絲冷麵$48/位]辣辣地十分香口含有花生，麵質不錯，建議叫四份先係一個人既正常份量先夠飽肚。[👌🏻花椒腊肉飯58/位]用荷葉包住，打開後入面有青豆少量腊肉等，味道淡淡普普通通的，不特別不需要試。[👎🏻四川紅燒牛肉$478]這個有點失望，十分普通的燒牛肉，咁既價錢不推薦食！

🥒千絲西葫蘆 $88賣相精緻吸引好啱打卡上枱後侍應會俾時間你影完相再淋上醬汁 跟著撕成一條條好似青瓜絲醬汁混合咗豉油 醋 麻油同埋指天椒粒 味道酸酸辣辣特別開胃🌶️敲糖棒棒雞 $188相比之下呢個前菜就更重口味啦！水滴形用麥芽糖塑造 裡面包著辣油打完卡就可以敲穿佢同雞肉混合雞絲嫩滑而且醬汁都好香濃 鹹鹹香香帶啲麻但就略顯有啲油膩

@furonghk.tst 𝙞𝙨 𝙤𝙣𝙚 𝙤𝙛 𝙩𝙝𝙚 𝙢𝙤𝙨𝙩 𝙨𝙥𝙚𝙘𝙩𝙖𝙘𝙪𝙡𝙖𝙧 𝙧𝙚𝙨𝙩𝙖𝙪𝙧𝙖𝙣𝙩𝙨 𝙩𝙤 𝙜𝙤 𝙩𝙤 𝙞𝙣 𝙝𝙤𝙣𝙜 𝙠𝙤𝙣𝙜, 𝙬𝙞𝙩𝙝 𝙩𝙝𝙚 𝙨𝙩𝙪𝙣𝙣𝙞𝙣𝙜 𝙫𝙞𝙘𝙩𝙤𝙧𝙞𝙖 𝙝𝙖𝙧𝙗𝙤𝙪𝙧 𝙫𝙞𝙚𝙬 𝙖𝙣𝙙 𝙖𝙢𝙖𝙯𝙞𝙣𝙜 𝙨𝙞𝙘𝙝𝙪𝙖𝙣 𝙛𝙤𝙤𝙙 𝙬𝙞𝙩𝙝 𝙖 𝙢𝙤𝙙𝙚𝙧𝙣 𝙩𝙬𝙞𝙨𝙩! 𝙖𝙡𝙡 𝙙𝙞𝙨𝙝𝙚𝙨 𝙖𝙧𝙚 𝙛𝙡𝙖𝙫𝙤𝙧𝙛𝙪𝙡 𝙮𝙚𝙩 𝙣𝙤𝙩 𝙤𝙫𝙚𝙧𝙡𝙮 𝙨𝙥𝙞𝙘𝙮 & 𝙩𝙝𝙚 𝙗𝙤𝙣 𝙗𝙤𝙣 𝙘𝙝𝙞𝙘𝙠𝙚𝙣 𝙞𝙨 𝙙𝙚𝙛𝙞𝙣𝙞𝙩𝙚𝙡𝙮 𝙤𝙣𝙚 𝙤𝙛 𝙩𝙝𝙚 𝙝𝙞𝙜𝙝𝙡𝙞𝙜𝙝𝙩𝙨!.二訪映水芙蓉，除咗嚟食摩登川菜都係食個環境，空間感大之餘仲有落地玻璃望住維港，必叫嘅有敲糖棒棒雞，雞絲拌上自家製醬料同青瓜絲，上面喺脆糖包住辣椒油，撈埋脆糖粒辣得啱啱好而且好入味，必叫！另外螞蟻上樹炒得好乾身唔會過油，調味適中～ 其餘食物大致上都唔差，不過整體偏甜，可能係就返大部分香港人對辣度嘅接受程度，但環境真係一百分✨

☆映水芙蓉🥢𝘍𝘶 𝘙𝘰𝘯𝘨芙蓉花依水為生，每到秋季，花香四溢這次私心推介位於尖沙咀海港城的高質正宗成都菜，師傅以傳統手法烹調菜式卻不繼創新，為求呈現最真實精緻的佳餚美食，延續成都多姿多彩的飲食文化，保證有驚喜🤩環境方面更是無法挑剔，餐廳坐落維港隔壁，座位寬趟舒適，加上全方位落地玻璃，能夠飽覽維港海景🌊-🥄 敲糖棒棒雞（$188） 𝘽𝙤𝙣 𝘽𝙤𝙣 𝘾𝙝𝙞𝙘𝙠𝙚𝙣, 𝙘𝙝𝙞𝙡𝙞 𝙤𝙞𝙡, 𝙝𝙖𝙣𝙙𝙢𝙖𝙙𝙚 𝙨𝙪𝙜𝙖𝙧 𝙢𝙤𝙪𝙡𝙙來到*必點*的棒棒雞，麥芽糖衣呈水滴型，內裏盛載著不同四川、貴州辣椒及紅油混合而成的辣汁，敲碎糖衣表層後，將辣油攪拌嫩滑的雞絲，又好玩又好食😍一道菜吃得到甜、辣、鹹香，絕對是味蕾上的享受(˶‾᷄ ⁻̫ ‾᷅˵)推薦指數: 8.5/10 . 🍲 小米金湯獅子頭（$188） 𝙎𝙩𝙚𝙬𝙚𝙙 𝙢𝙚𝙖𝙩𝙗𝙖𝙡𝙡, 𝙢𝙞𝙡𝙡𝙚𝙩, 𝙜𝙤𝙡𝙙𝙚𝙣 𝙨𝙖𝙪𝙘𝙚 獅子頭擺盤十分精緻，店員會再細心地把肉丸球切開兩半，務求味道鮮甜的肉丸索盡湯汁湯底方面亦十分濃郁，而且有加入不少小米，令口感更有層次不過個人來講本來也不算特別喜歡吃獅子頭，略嫌整體太厚重容易飽膩，所以感覺還好(˶‾᷄ ⁻̫ ‾᷅˵)推

睇相見到環境幾好，有海景，所以今日同屋企人嚟試下侍應帶我地入去嗰陣，見到一排都係窗口位，望住個海景真係好正見到咁正嘅景即刻影返幾張相先一開始會上咗前菜先，係甜甜地（醃咗？）嘅蕃茄仔，幾好味我地嗌嘅第一樣係敲糖棒棒雞，侍應敲之前會問我地洗唔洗影相先辣辣地幾好味！食落都好多雞肉第二樣係香芒山葵蝦球，唔好就咁以為得3舊，其實唔止架芒果同蝦球好夾，好味，不過唔係好食得出山葵，似沙律醬多啲～第三樣係酸菜桂花魚，雖然好多辣椒，但唔辣架桂花魚好滑，而且份量都好多，入面仲有啲寬粉（？），幾入味，個湯ok~ 第四樣係川蜀烤雞，侍應切之前會拎過嚟問我地洗唔洗影相先雞肉都唔錯，不過感覺就快去到有啲鞋第五樣係金湯白菜，呢個份量就偏少，味道正常整體嚟講嘢食都唔錯，環境又好侍應服務都好好，每食完一樣餸就會幫我地換碟，仲成日幫我地斟茶，見我地夾緊餸又會問要唔要幫我地都幾適合同屋企人嚟食

第一次寫食評，決定寫俾呢間Bookmark咗好耐，決定母親節帶屋企人嚟食一早預訂table by the window，一覽維港景色，心曠神怡。1. 敲糖棒棒雞 4.8/5成餐不斷食嘅就係呢道菜，辣得啱啱好而且非常入味，雞肉好嫰，難怪咁多人都推薦！2. 椒麻南非鮮鮑 4/5新鮮，爽口，作為前菜一流3. 螞蟻上樹 4.5/5我真係十分喜愛螞蟻上樹呢道菜式，由細到大都好喜歡。呢間餐廳整出嚟嘅效果無令我失望4. 花椒桂花魚 4.2/5其實味道係好的，不過平時唔食辣嘅慎點，好辣不過魚肉好滑溜，都好索到湯嘅味道5. 大刀回鍋肉 3.3/5呢份係屋企人嗌的，對於好驚食油膩嘢嘅我，都覺得呢道菜可以接受。廚師將啲豬肉處理得好乾身，我反而比較鍾意，如果較重口味嘅可以考慮其他菜式。因為味道上唔會話好突出，相比其他菜式。6. 紅糖糍粑 5.1/5俾爆分，係因為誠意，嗰標語係臨時希望加上的，因為母親節廚房都好忙，但都咁有心機，隻愛心手好可愛！媽媽見到都好開心味道也不俗，因為誠意所以忽略咗性價比，如果注重性價比嘅人可以選擇其他甜品嘗試。其實唔止呢幾樣，不過我掛住食，無全部影曬7. 蔥油餅 3.7/5做法同

春夏之間，雲凝霧繞，在尖沙咀和中環之間的津渡，若浮現海榭閣台。渡頭此食店內裏的食物，多出自雲海仙山。難道食客多是愛溫、深、古、雅的仙家？川菜不是全是辛辣嗎？ 菜譜內有80種餸菜，辛辣的只佔半數。店方不會在菜譜內標示紅椒圖案，註明辛辣度，因為成都菜不是燙紅辛辣，是講溫度。更重要是，成都菜是以多層次、遞增式深度調味方法見長，辛辣性質有數十種，難以幾個紅椒圖案說明。其實，古法是沒有紅辣椒的，紅辣椒加入中菜只有百多年時間。 成都古稱蓉城，「映水」之名足以把菜系形象化：成都菜是水，講深度。重慶菜是火，講猛度。重慶辣鷄煲、烤魚、麻辣毛肚火鍋、酸辣粉在口水雞的帶領下，來到水寨叫陣，抱怨未能加入餐單菜譜。蓉城守將「墨魚子酸辣羹」打頭陣，企上檯面，供我們兩人品嚐。它未懼重慶軍的火攻，如窗外的晚霞那麼血紅。酸辣羹湯淡淡地滋暖我的喉嚨，細訴酸辣羹湯過去陳事。我在孩子年代，跟媽媽去上海館子，就認識了酸辣湯，一直誤知道它是上海菜；因為在香港的上海館子都一定有酸辣湯。「他們搞錯我的名子了！酸辣湯不應該叫做湯，應該稱為【羹】，因為它是連湯料一起吃。是四川的街頭小食，行血祛濕，並要填飽肚子。」入口如豆腐羹，加多木耳，

首先講一講環境氣氛一流落地大玻璃見到維港景色三五知己聚一聚環境唔錯而且店員嘅服務態度十分好每一次上菜嘅時候都會介紹餸菜名稱咁樣就唔會唔知自己食咗啲乜嘢特別推介佢嘅敲糖棒棒雞同埋花椒桂花魚味道相當唔錯，一試回味特別要提一提我哋買咗蛋糕慶祝生日亦都叫咗個紅糖糍粑做甜品點知店員好細心咁樣係個紅糖糍粑嘅甜品上面寫咗祝福嘅字句連埋個蛋糕一齊上令人覺得窩心，感謝店員嘅小驚喜另外仲有一個小甜品送整體來講菜式味道都唔錯，環境服務都唔錯價錢跟服務態度菜式味道成正比不妨一試如果真係想睇夜景不妨預先book位預訂窗邊位置

我尋日打電話book位食飯，聽電話既小姐好有禮貌同埋入面既服務員都好細心，因為我地食晚飯既時候，我留意到serve我地位服務員幫我地斟茶既時候滴左一滴水係枱面，佢都即刻第一時間拎張紙巾幫我地抹番乾個枱面！服務態度抵讚！ 另外，食物方面令我最驚喜既就係敲糖棒棒雞，個雞肉好嫩滑同埋個汁好惹味！ 下次再去既時候必定encore呢個前菜！

❀ 映水芙蓉 #尖沙咀 ❀❗️望住維港景色嘆摩登四川菜 高質酸菜魚❗️——————————————————位於海港城嘅川菜餐廳，對正270度維港景色，一路食飯一路可以飽覽風景🏙值得更讚嘅係佢哋嘅食物質素亦都好高！作為香港第一間精緻官府菜嘅成都菜館，佢哋秉承着「傳統不守舊，創新不忘本」嘅理念，菜式呈現左成都菜嘅傳統味道，但又以較為創新嘅手法呈現，的確有驚喜。佢哋嘅菜式唔會得死辣，而係更着重麻香，用上各種香料整成，所以每個菜式嘅辣味都有所不同。.✷𝑀𝑒𝓃𝓊✷☞酸菜桂花魚$498難以忘記、非常足料嘅酸菜魚！湯底酸、香、鹹、麻都平衡得好好☺️。桂花魚分量好多，而且即使喺好保溫嘅酸菜湯底下浸左咁耐都冇變鞋。另外亦有好多酸菜同埋少許寬粉，入晒味超好食😋。味道: 4.7/5 性價比: 4.2/5.☞敲糖棒棒雞$188好好味嘅棒棒雞😍😍😍！水滴型嘅糖衣裝着由成都二荊條、成都中椒、貴州貴頭、貴州子彈頭及紅油造成嘅辣汁，食之前可以敲爛佢，睇得、玩得又食得。最正係嗰層糖衣為整個棒棒雞增添甜味，令鹹香嘅辣醬層次更為豐富。一絲絲嘅雞肉亦夠晒滑，索曬辣汁，去買爽脆嘅翠玉瓜絲，回味無窮🥰。味道: 4.7/5 性價比: 4

🤵🏼👰💙💙🌹結婚周年紀念當日特別揀選了影水芙蓉食飯，網上知道它坐擁美麗的景色，很想去感受下，本來是安排食晚飯睇夜景，但疫情影響不能晚市堂食，唯有轉到日間食午飯慶祝。🌹早兩星期已訂定位，要求要窗口位置，星期天， 11:30我們已到達食店，是第一台客人，女服務員帶我們坐下，一個相當好的位置，欣賞到美麗的維港景色，眼睛滿是藍調，很喜歡💕！點餐🍽（5🌟為滿分💯）敲糖棒棒雞🌟🌟🌟🌟麻辣香口千絲西葫蘆🌟🌟🌟🌟賣相取分，不夠稍淡蔥油餅🌟🌟🌟🌟外脆內軟，賣相美大刀回鍋肉🌟🌟🌟豬肉稍肥，做得太乾身，辣的一味紅糖糍粑🌟🌟紅糖較甜，內餡太少個人評分（5💙為滿分💯）食物💙💙💙💙服務💙💙環境💙💙💙💙💙衛生💙💙💙💙💙抵食💙💙💙回頭率💙💙💙映水芙蓉擁有極佳景觀，近海寧靜，奈何服務員不合格，有三位服務員，只有女服務員做到本分，態度親切，她還主動為我們拍照，其餘兩位男的服務員態度，若不改善，真是污了食店之名！

開業已有一段日子，一直都很想試，難得經過尖沙咀，就與家人一起嘗試新東西吧！一直看見這個棒棒雞，造型非常吸引，在研究為何辣油可以被封在裏面呢？🤣味道都算不錯，不算太辣，送飯食一流👍🏻見到酸菜魚口水都流哂，未食過咁好食嘅酸菜魚，肉質不會鬆散，是有口感的魚肉，一試難忘。沒想到這個和牛黑松露炒飯那麼好吃，飯的乾濕程度剛剛好，是一粒粒的，非常香口，不會油膩，又有黑松露的香氣。出街食都要健康，一定要叫一碟菜喔～甜品是最令我驚喜的！它是話梅味的啫喱球，起初以為裏面是實心的，但一咬開，裡面話梅味的汁就爆開了，香氣充滿着整個口腔！還有菠蘿汁的甜，配搭非常新鮮！環境非常舒服，店舖還很貼心地有酒精搓手液，餐具設計亦十分精美，媽媽說希望家裏也用這種餐具呢😆