沙田18

營業中

休息中

獲獎無數嘅沙田18供應正宗東莞同北方菜式 仲有一系列點心同fusion創意甜品🏆人氣之選一定係北京烤鴨同玫瑰露叉燒 有師傅現場表演架👨🏻‍🍳.📌茶芥 鐵觀音茶底濃醇 正常發揮🫖前菜醃蘿蔔 口感爽脆 酸酸甜甜 好開胃 仲可以添架🥕.📌傳統北京烤填鴨 $718/隻嚟到當然要食呢度嘅招牌菜 book位就要預訂埋 揀左一食🌟師傅會即場將原隻烤鴨片成三碟 分別係鴨胸皮, 鴨胸肉同連皮鴨腿肉🔪鴨胸皮香脆酥化 入口即融 滿滿鴨油脂香 沾上甜甜白砂糖 出奇地好夾 仲中和到油膩感🦆鴨胸肉同連皮鴨腿肉就可以用軟熟煙韌麼麼片 連埋香口大蔥, 爽脆青瓜, 香甜黃麵醬一齊食🫔重口味啲 加少許辛辣蒜泥 味道口感層次更豐富 超惹味🧄烤鴨香而不膩 肉質結實得嚟又軟嫩 唔乾柴 鴨味濃郁🥰最鍾意連皮鴨腿肉 油脂感冇咁出 皮脆肉嫩👍🏻不過一定要趁熱食 凍咗會比較油膩🔥.📌禮雲子鱈魚粒炒飯 $298好推介呢個炒飯 勁有鑊氣 上枱已經聞到陣香味😍米飯乾爽唔油 粒粒分明🍚鱈魚粒炸過 幾特別 外脆內軟 不過就好易淋 有陣油溢味🐟加入鹹鮮蟹膏醬炒香 金黃色 味道昇華💯.📌明爐烤蜜汁叉燒 $260好多人都推介堂弄玫瑰露叉燒豬油撈飯 我

朋友話呢間片皮鴨係香港數一數二, 今次一行四人就叫咗半隻片皮鴨, 再叫咗好多小菜同甜品四喜烤麮 - 雖然未係友人心目中傳統味道, 但屬正常水準傳統北京烤填鴨 - 我地淨係叫咗二食, 冇要到湯, 先嚟係將用鴨胸皮沾白砂糖, 充滿鴨油香又鬆脆; 跟住就係連同煙靭軟熟嘅薄餅皮包上juicy鴨肉、青瓜、京蔥和黃麵醬, 傳統食法; 最尾就生菜片鴨鬆, 生菜清爽解膩明爐烤蜜汁叉燒 - 食完鴨開始上主菜, 但我地仲未食叉燒喎, 一問原來係漏單, 不過有得食就好, 尚算軟糯入味肉鮮彩椒鳳梨咕嚕肉 - 用新鮮菠蘿都比較酸, 咕嚕肉皮脆肉嫩, 醬汁唔會過多過濃, 幾好孜然紅蔥炒羊肉 - 小辣香口, 羊肉唔羶, 羊肉迷可能會有少少失望窩蛋牛鬆焗菠菜 - 煲仔上熱騰騰已經好吸引, 搞開窩蛋撈埋落菠菜, 索哂牛肉味同蛋嘅香滑食過咁多道菜係時候用甜品round up, 估唔到佢地甜唔品都有咁多選擇, 今次揀咗3款花雕話梅雪葩 - 清爽話梅, 花雕味唔算好濃但夠香五糧液朱古力 - 呢到除咗片皮鴨, 另一個signuture就係佢,  估唔到五糧液加朱古力效果咁好, 加埋面頭塊焦糖脆片錦上添花焗鳳梨山楂酥 - 山楂味

因為慶祝妹妹的生日，所以選擇咗去沙田18食lunch，預早了一星期前訂枱。我覺得地點很好又方便，在沙田大學站下車後行4分鐘就到，我們早了10分鐘到達。在餐廳點選了他們出名的北京烤鴨，特色點心及精緻甜品，食物質素和味道，有一定嘅水準，我自己覺得最好食係北京烤鴨😋和鮮蝦龍躉班肉水晶餃，所有點心即是蒸👍🏻，而廚房在外面，大家可以睇到制作嘅過程，非常放心，至於環境，真係景觀好好，坐位有一定距離，坐得好舒服🙂

🦆傳統北京烤填鴨今次晚餐重頭戲，朋友以前食過返尋味，十分期待，今次我哋雖然只係揀咗一食（原隻），但都有分3個部位嘅食法。1️⃣鴨胸皮，沾白砂糖，入口脆卜卜，但就試唔到入口即融感覺，少少可惜，懷疑係燒得唔夠時間 / 唔夠熱。2️⃣鴨胸肉，用麼麼皮包住，連埋大蒜，青瓜，黃麵醬。呢款食法冇咩特別，通常最後都會連埋連皮鴨腿肉一齊包嚟食。3️⃣連皮鴨腿肉，同樣用麼麼皮包住，連埋大蒜，青瓜，黃麵醬，多咗蒜泥。加埋蒜泥味道層次又唔同咗，但正常速度食，嘢食都好快攤凍咗，食落有油溢味。🐖明爐烤蜜汁叉燒食叉燒特別鍾意燒焦左嘅部分，特別甜🤣，叉燒啲肉好腍，不過有啲都韌韌哋，蜜汁再多啲就perfect。🐟🦐咸蛋黃魚皮蝦球原來係東莞菜🤔正常發揮，蝦球好大隻，蛋黃控無誤。🍄🥒豆漿蟲草菌金菇浸勝瓜豆漿煮開咗之後，味道有少少怪，冇得當湯飲，但清清哋，食完重口味餸菜都不錯。🐓香麻辣子農家雞起晒骨，貼心，送飯食應該一流。最後，用甜品做總結🤤🍨五糧液朱古力：冇飲過五糧液，食落好似威士忌🥃yumyum!!🍨黑芝麻海鹽奶蓋：淡淡黑芝麻味配咸咸哋嘅奶蓋，出乎意料地夾！🍡芝麻卷糖不甩：冇乜糖不甩嘅感覺😂

由大學站行過去需時5-7分鐘，餐廳位於酒店嘅4樓。入到餐廳雙眼好唔得閒，因為餐廳左右兩邊都有設有開放式廚房，一路行一路欣賞廚師準備食物！經過開放式廚房後立即又見一排落地大玻璃，外面雖然冇咩景色可言，但係整個空間好整潔光猛，配上木製嘅餐桌，優雅舒適。食物方面我哋叫幾款點心同燒味叉燒係好靚嘅半肥瘦三層肉，咬落去肥肉融化，瘦肉嫩滑，好好食。如果唔係因爲自己最近戒食澱粉質，一定叫翻碗白飯嚟送下！厚街臘味煎魚餅，呢個係我非常期待嘅一道菜，除咗係因為平時食中菜好少食到之外，鯪魚同臘腸係我嘅至愛。魚餅上枱時脹卜卜熱辣辣，而且有陣陣咸香味，咬落去唔係死實，而係外皮脆，入面鬆軟，不過魚味略嫌淡咗少少。最值得一讚係腸粉！真係好好食。腸粉外皮又薄又滑，餡料豐富。瑤柱味突出，配合花蚌，非常鮮味！x 100 服務方面有待改善，部分職員未有留意顧客需要，舉手好耐都無人睇到。另外一個疑似較高級嘅黑色西裝職員態度不太友善，無笑容不在話下，無論落單埋單佢都無任何回應。

這夜我們又來到港鐵大學站旁的沙田凱悅酒店中菜廳「沙田18」。剛好這段時間Hyatt集團旗下的君悅酒店(Grand Hyatt)和凱悅酒店(Hyatt Regency)中菜廳正與「怡園酒莊」一齊推出的wine pairing menu，3間餐廳「港灣壹號」、「凱悅軒」和「沙田18」的菜式會稍有不同，而「沙田18」的品酒菜譜有招牌烤鴨、叉燒和小菜、主食等，配3款怡園紅、白餐酒，4位用＄2480。不過亦可以如我們般散點菜式，再另選餐酒。其實之前已經多次聽過「怡園酒莊」這家中國酒莊的大名，趁著這夜大好機會終於可以一試，真期待！先點來一瓶「怡園酒莊」的Tasya's Reserve Chardonnay 2011 。Chardonnay的果香不錯，酒身清爽輕盈，很易入口的一款白酒。沙田18的「明爐烤蜜汁叉燒」 ($165)，厚切叉燒肥瘦比例適中，肉質香甜軟腍肉汁豐富，啖啖大滿足。「鮮竹豆腐濃魚湯」 ($115/位)，奶白色的魚湯入口熱辣辣，魚鮮濃郁突出而一點不會腥，相當鮮甜。接著就到了「沙田18」的招牌菜「北京烤填鴨」 ($570)出場啦，在枱邊都聞得到香噴噴的烤鴨香。師傅用純熟手勢將烤鴨分別片

幾個月前，奶奶萌起一嚐北京填鴨的慾念，可惜在港的京菜菜館不多，而且要找到出色的北京填鴨確不是易事，所以奶奶的填鴨一度被放涼了！某天突憶起幾年前，特意選在「沙田18」為弟弟慶祝生日，因為北京填鴨是他喜歡的菜式。就這樣，趁在復活節假期裡，讓奶奶的北京填鴨「重生」！「沙田18」房間的最低消貴並不昂貴，若用餐人數較多的話，不妨選擇私隱度高的房間。當天我們一共十二人，房間裝潢雅致、寬敞，要比大廳的座位更能迎合大夥兒的需要。第一道便送上傳統北京填鴨，皮層油潤飽滿、色澤均勻，騙不了人的新鮮製作！由於十二人用餐，經理建議我們選擇一食，即片出填鴨的胸皮、胸肉及腿肉分別品嚐。另有二食及三食之選擇！鴨胸皮纖薄，入口香脆而不油膩，彷彿在咀嚼著北京填鴨味的薯片，蘸上點點沙煻，更能將鴨香進一步提昇！平日都不愛吃雞胸，一看鴨胸肉明顯要比鴨胸皮厚身，總對它懷有偏見！侍應建議以青瓜、大蒜和黃麵醬，包在薄餅內進食。光試了一片純鴨胸，雖然算不上滑溜，但卻沒有預期的粗糙感，肉質只是稍為緊密而已，相信這有賴大廚的手藝！鴨腿肉包含了香脆的鴨皮與幼嫩的鴨肉，油脂感是三者中最豐盛，不過相比廣東的燒鵝或燒鴨，這純屬小兒科而已！能將兩種