雲南人家風味餐廳 (已結業)

食過酸辣湯底的米線，也不錯但食得最多的都是最愛的豆花米線 肉醬、酸菜都好味，但個汁比較甜另加了煎雞排，冇咩味，簡直像沒醃過的。不推薦但因為雞排冇味，所以我第一次加辣椒油落雞排到————————辣椒油好好味啊！！！香，但不辣老闆娘說是雲南當地的品種-木瓜冰，幾得意好似是木瓜籽搓出來的，口感像軟軟的冰粉個糖漿的味道幾特別不太甜，不太冰，味道剛剛好--食過覺得唔好食的配菜：雞排、燜肉、豬頸肉、麻辣豬耳-推薦：豆花米線，辣椒油-

今日放工後嚟到呢間位於新蒲崗（Mikiki附近、過一條街）嘅米線舖「雲南人家」。呢間餐廳最多人推介係豆腐花米線，不過其實除此之外，都有自選米線／米粉／客飯等可以食到。今日我哋揀咗自選米粉同埋叫左招牌木瓜冰。自選米粉—麻辣湯；三餸—肥牛、燜肉、滷蛋 （$47）先嚟講第一碗自選米粉，湯底揀左麻辣湯底，辣度雖然無得自己選擇但店家整得啱啱好，微微辣嘅味道好正；而配料有肥牛、燜肉同滷蛋，肥牛同燜肉嘅質感都好好，唯一嘅缺點就係滷蛋不太入味，如果鹹返少少會更好。整體嚟講呢碗米粉都幾好食。自選米粉—麻辣湯；三餸—鹵水雞翼、麻辣豬耳、娃娃菜（$47）另一碗米粉都係麻辣湯底，配料有鹵水雞翼、麻辣豬耳同娃娃菜。鹵水雞翼嘅肉質好鮮嫩亦夠入味，娃娃菜清爽爽口，而麻辣豬耳帶啲微辣味，依個三餸組合都唔錯。用鍚紙盆來隔熱，第一次見的！木瓜冰（主食加6蚊）最後嚟到店家招牌嘅「木瓜冰」，平時如果聽到「木瓜冰」會以為係沙冰。但呢款木瓜冰其實係類似愛玉冬瓜茶，底部有黑糖的味道而上面就係晶瑩通透嘅啫喱，全杯不帶一點木瓜味（木瓜愛好者可能要失望了），但如果鍾意飲台式飲品，就一定會好鍾意呢一杯野飲了！整體嚟講，「雲南人家」嘅味道同

【新蒲崗炸醬豆花米線+啫喱口感木瓜冰】呢間米線舖位於新蒲崗，沿著麥當勞大路一直向前行到尾，轉個彎就到佢festure豆花米線同木瓜冰，木瓜冰既木瓜唔係我地港人印象中既木瓜製成架@hkdine360 介紹左好多間好食既餐廳，每個食評都好比心機寫架，大家可以follow page同like post!______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作德勝豆花米線 (另加滷蛋+燜肉) (💝6.5/10)- 熱撈米線黎，上面有酸菜、炸醬、韮菜- 雖然話係撈，但佢唔係乾撈，我發現佢碗底係有少少湯濕下個麵，等你撈得易d- 炸醬本身包既，份量好足，佢既炸醬撈左豆瓣醬(同枱面果jar豆瓣醬味道一樣)- 豆花有豆味，味道偏淡- 滷蛋有啲失望，全熟既蛋，無流心既，滷水味唔夠😅- 燜肉用五花腩醃成，肉質口感偏UN😅，唔係燜到好淋既果種豬肉$35+8+10豬骨雞湯鍋仔米線 (

米線控今日又出動喇。今次就係為咗好有特色嘅「豆腐花米線」而嚟。心入面就憧憬住又鹹又甜嘅米線究竟係咩味呢？係咪好似大家講到兩樣嘢咁夾呢？德勝豆花米線😀上菜速度快。用上老乾媽辣椒醬，頗有風味。😬豆腐花本身好滑有豆味，冇落糖漿，所以冇咩味。撈咗米線後就俾米線嘅質感蓋過晒，完全融入喺米線入面，好似冇存在過咁。醬汁一般欠特色。不酸不辣不麻，有啲鼓油汁嘅感覺。木瓜冰😀雲南特飲幾有特色。飲落似台式飲品嘅冬瓜茶。「木瓜」質地爽滑。😬味道偏甜，建議少甜。總結：上餐嘅速度好快，可能係附近工廠區朋友嘅lunch hour，大家都快快手食。豆花米線係有特色，我就覺得分開做一個餸好過撈埋米線一齊食。未試過嘅可以try try，不過encore就未必喇。見隔離有幾枱客都嗌麻辣雞米線，估計都可能幾好食先咁深得民心。建議大家都可以試吓佢個麻辣雞。附上個餐牌俾大家參考吓

原來豆腐花同撈米線一齊食係咁夾㗎！呢間雲南小店似係家庭式經營，牆上貼有唔少報道介紹呢度嘅特色食物。我叫咗德勝豆花米線小辣，加麻辣羊肉。豆腐花充滿豆香，而且好滑溜，夾埋滑脫脫嘅米線一齊食，滑上加滑。羊肉、肉碎末同酸菜充滿辣勁，見到用左唔少辣油，食啲豆腐花可以有助解辣。木瓜冰好似食緊蒟蒻啫喱咁，好味好特別。外賣米線嘅份量同堂食嘅差不多，加咗娃娃菜同豬潤，令到米線整體冇咁辣。另外我叫咗個小食:手拍青瓜，走辣。廚師落咗好多蒜頭粒粒，可以落啲去米線度一齊食，又係另一個風味，青瓜清新爽脆，一解米線嘅熱勁。

經常飛雲南的好友多年前已介紹這店，稱是最貼近雲南當地風味的米線，所以久不久就來吃碗，彌補一下一直未能去雲南的遺憾。裝修陳設簡單整潔，就是家鄉風味的小店，特愛 德勝豆花米線，名字意頭好，豆花是別處嚐不到的豆香且入口即化，作為鹹食一點也不突兀，米線別於一般，較粗身，非彈牙質感，柔軟而條條分明，汁底是撈米線較濃厚，加上肉碎及大量的韮菜碎，味道很豐滿。終於首次嚐 香煎乳餅，外皮微脆，味道令我猛然想去早前去順德吃的水牛乳，那種久久勾留在口腔的酥香，回味無窮。每次必點良伴 木瓜冰，消暑解渴，飲到中至底部又嚐到類似台灣愛玉的那種軟啫喱植物纖維，怎捨得浪費quota叫杯求其都飲到的凍檸茶？三年了，味道依舊，價錢也沒大起，難得。我下次一定要找機會點碟蜂蛹蟲之類......

25-3-2017 (Sat)傍晚,同老公又o係旺角油麻地辦完事後,又搭車去新蒲崗搵雲南人家食晚飯,我o地好早去到,才6:30pm,一場o黎到,就係要食勻佢o既特色美食,叫o左:4. 叫米線加$4.00就有o既木瓜冰木瓜冰甜甜地又解渴,食有少少辣o既德勝豆花米線,飲佢係一流.由於唔夠飲,於是我都另叫一杯,就$12.00.味道: 5分木瓜冰唔係真用木瓜做,睇下面簡介吧.1. $29.00o既德勝豆花米線老公先食,原來辣辣地,重有啲辣醬o係o度.我食就仍然可以接受到佢o既辣度o既,豆腐花滑但冇乜豆味;米線就略嫌過腍.味道: 3分2. $80.00o既酥炸雜蟲熱騰騰o既,裡而有蠶蛹,竹蟲同草蜢;蠶蛹外脆內裡粉粉地;竹蟲冇乜特別; 草蜢最正,脆卜卜,但好少.而成個都唔會好鹹要你飲好多o野,唔錯.味道: 5分3. $58.00o既雲南乳餅呢個等好耐,一客6件,食落唔覺得羶,佢o地冇調味,而原來呢個係鹹食,蘸少少鹽食,出奇地夾.我o地一啖酥炸雜蟲一啖乳餅咁食重好食.味道: 4.5分其實我o地重叫雲南臭豆腐同可以當甜品食,$30.00o既鴛鴦餌塊,但已經賣晒.抵食係1.5分題外話:題目”膽粗粗”唔係

第一次食豆花米線就係呢個地方，食過一次已念念不忘。估唔到豆花同米線原來係咁夾，個豆花真係好滑，配埋個醬汁，蔥，酸菜真係好好食。記得上次黎既時候啲米線煮得實在過淋，估唔到今次第二次黎食有改善，雖然叫左走辣，但啲配菜都係有啲辣，加4蚊叫左杯木瓜冰 ,抵啊(午市佢menu無show 岀黎的），所謂木瓜冰係無冰同埋同木瓜一啲關係都無，飲落味道似蜜糖水同入面有啖啖啫哩，老闆娘話係玫瑰蜜，啲啫哩就係用木瓜杍做岀黎既愛玉凍，感覺都幾清新。唯一係間鋪係一入去有陣怪怪既味道，唔但食食下又唔覺@@

我就非常非常鍾愛食米線，不過因為對食比較挑剔，一直搵唔到一間心儀既米線舖。 家鄉係雲南昆明，雖然印象已經有啲矇矓，但對過橋米線個份味道一直都念念不忘。自從一次由朋友口中得知新蒲崗有間雲南米線舖幾好食，就急不及待去食，仲差啲行錯隔離舖，畢竟位置對於我呢個路痴黎講都有少少難搵。 去到雖然冇過橋米線，但卻有令我眼前一新既豆腐花米線同小鍋米線，仲有令我好懷念既木瓜冰。第一次去我係食小鍋米線，聞落已經好香。米線好軟稔，配料都好足。然後我係個刻我已經變成舖頭既忠實fans。 成日去幫襯變到老闆娘都認得我，同佢吹過幾句水，都好nice，可能因為係細舖仔啦，人情味濃好多。有少少為我唔係住新蒲崗而覺得可惜。呢次去就帶左幾位朋友去，冇辦法好掛住呢到既豆腐花米線，對我黎講比小鍋米線仲吸引！我試過一次就好似上左癮咁，太正啦！ 木瓜冰―飲左一半先記得相機食先 ，太失敗啦！一直都好想知係點整……第一次仲以為有木瓜唔敢嗌，點知係我諗多左。比我感覺似蜂蜜水，好好飲！鴛鴦鉺塊―本來好似有紫色，但上枱個陣變到4塊白色，可能冇貨掛 。不過味道依舊有保證！入邊既餡料咸咸甜甜，好難講似咩醬汁，但好好味！朋友食過都話好

之前與雲南朋友吃過手拉麵小廚之後行經此處，便說要來試試。後來她去歐洲旅行，我便先獨自來試了。豆花米線 $28第一次來，當然要先吃豆花米線吧。除了豆花和米線之外，還有肉燥、酸菜和辣醬，很是特別。不能吃辣的朋友可以走辣，不過我還是覺得有點辣椒比較有風味。據我的雲南朋友說，雲南人一般會把豆花弄碎混著米線一起吃，可能這也是店家把米線煮得比一般軟身的原因吧。豆花很滑，但豆香不是很夠。肉燥炒得香噴噴，配上辣椒吃風味更佳。酸菜該也是那邊的特色，比平時吃的更酸一點，是我喜歡的類型。不過由於辣椒放得比較多而湯不是很多的關係，吃到後來就有點太多油了，比較膩。總體還是不錯的。另外跟餐+4即可享用的木瓜冰也很好喝~雖然名字叫木瓜冰，但實際上沒有木瓜也沒有冰！點的時候不知道，叫侍應姐姐走冰，她還提醒我是沒有冰的木瓜指的並不是我們一般吃的那種水果，而是當地一種植物，它的種子可以磨出汁液，製成類似台灣愛玉的啫喱狀物。乍看之下，還真的挺像冰呢！它單吃著沒有味道，口感不像jelly那麼Q彈，但更加滑。木瓜冰喝著有淡淡的玫瑰味，很香，但不會過甜。據說喝這個還能清熱解辣呢，實在太好～而且跟餐只需加$4就有一大杯，如此超值，

這間小店很近上班地點，差不多每有半天工作的日子，我便想到這兒吃超棒的麻辣米線。麻辣米線的味道是吃過最好吃的，或許這就是最正宗的雲南風味。由於小店位置偏僻，平日下班吃飯總不會選這兒。每次都是自己一個人來吃，吃一碗米線加一杯木瓜冰已經飽得撐住了。又遇著星期六要半天工作的日子，正好白老鼠放假，下午要為我做苦力，便要來嘗嘗美食，儲存能量。米線和木瓜冰當然是必食之選，麻辣湯底香濃，現在想起也會口水直流，每次也差不多把大碗湯喝光。難得是每種配料不論自家製的雞翼、豬排、大腸、豬肚等，又或是現成加工食物蝦卷、墨魚丸等，都是選料上乘、用心之選。除子蟲蟲外，對其他小食十分感興趣，有白老鼠在正好有人協助我嘗嘗小食。點了烤豬頸肉，卻令人失望。皮不脆肉不香，一點香料的味道也沒有，完全感覺不到地道的風味，配上醬汁還算好吃一點，加上價錢不便宜，只可說不吃也罷。看著鄰座的食客吃著炸蟲，白老鼠細心看著牆上相片的介紹，已知道他很想嘗試。平常看到這些蟲蟲我都會驚叫，要把蟲蟲吃進肚子裡，對我來說是大挑戰。一碟的份量不少，要$80實在不便宜，叫白老鼠一個人吃光，又是沒可能的事。價錢不便宜，又不想浪費，每次都是白老鼠陪我吃我想吃