有蒸氣 海鮮石鍋專門店 (已結業)

食得太多放題、韓燒，有時候真係唔知去食咩好。不過有朋友話近排興起食蒸氣海鮮鍋，所以我地都襯放假，就約埋一班好朋友出黎食 呢間有蒸氣海鮮石鍋專門店係尖沙咀天文臺圍，位置都比較入，所以我同朋友都搵左一陣先去到。食店環境潔淨舒服，而且唔會話坐得迫夾。好在朋友一早book左位，唔係我地都有排等，因為基本上已經滿座，門口都排左唔少人！事不而遲，我地先叫左三款小食，分別係酒槽雞腳、酥炸墨魚頭同秘制花甲。雞腳酒香撲鼻，淡淡都食到花雕香。墨魚頭粉漿夠薄，所以炸得非常香脆，而且內裡嘅肉質夠哂彈牙！三款入面我最中意就係秘制花甲 花甲鮮甜爽口，湯底係胡椒湯，帶有少少辣！實不相瞞，作為冷盤小食整得的確係幾出色 之後店員就將南瓜、排骨同米放到最底層，等最後先至食 整好之後就開始蒸海鮮喇 一開始就係蒸南非鮑魚，店鋪有兩種口味，分別係古法雞油同蟲草花。鮑魚大大隻，而且蒸得岩岩好，口感非常彈牙！蟲草花鮑魚味道比較清淡，但係夠哂健康；而古法雞油就味道比較重，加左薑蔥絲做調味，變得好香口！之後就到蒜蓉蟶子，蟶子一樣都係好大隻，入面仲塞滿左粉絲 因為要用黎留住蟶子嘅肉汁。而面亦鋪左好多生熟蒜蓉，所以蒜香味

相約了一班老朋友到這裡食飯, 海鮮非常新鮮好樣, 小菜又有水準蒸鍋底層有米再放入南瓜同排骨, 原來要等到最後就會變成粥的.海鮮即蒸即食的感覺非常到胃, 新鮮熱辣, 睇住佢熟, 睇住佢流口水隻隻海鮮都大大隻有南非龍蝦, 蒜蓉蟶子, 都幾大隻, 啖啖肉大元貝, 好鮮甜跟住有個2味南非鮑魚, 一邊係蟲草花, 一邊係薑葱雞油, 可以比我地各自揀鐘意嘅喜好口味, OK喎, 同埋堅新鮮, 大細對我嚟講, 岩岩好見到佢地有個菜叫冰鎮本地斑馬瀨尿蝦, 好吸引, 雖然覺得有點貴, 要$468, 但係一大班朋友無理由掃興,上枱, 嘩! 好大隻呀, 隻色冷冷地白, 好特別, 試入口超好味, 好多膏, 新鮮, 好值, 分完一舊仲想再食, 哈哈,仲叫左個咕嚕肉, 好獨特, 不同以往我在出面食開的一舊舊炸排骨, 哩度都係一舊舊, 但係滑嘟嘟架, 好靚仔, 而且好好食去返蒸爐食蒸嘢, 好鐘意哩個, 黑松露墨魚滑配心型蘿蔔, 好有心思呀, 見到心心就開心, 無苦澀味, 墨魚滑夠滑, 好味道仲有叫左個本地手切牛頸脊, 要$328, 蒸一分鐘就可以開蓋食得, 開蓋時有7-8成熟, 入口剛剛好, 唔太生, 好嫩本人好鐘意食

係公司工左了8年, 終於要離開了,一班好同事今次幫我搞歡晚飯,難得齊人, 岩岩好一圍台, 訂左獨立廂房, 而且仲係食我最愛的海鮮!!! 一入到房見到台中間擺放左蒸爐,爐的外圍係圓形的轉盤,呢度的蒸氣鍋由專人負責在旁照料,等大家品嚐到最好的味道 首先將鍋底材料放入蒸爐最下面,我地選擇左<南瓜排骨粥底>未開始食之前, 先飲碗<南北杏燉豬肺湯>暖和下身體先~呢煲湯真係女士的至愛,豬肺嫩滑, 湯味濃郁之後開始今晚的海鮮大餐啦!<南非飽魚(蟲草花/古法雞油)> 鮑魚大大隻, 蒸的時間剛好,鮑魚彈牙不靭同事話蟲草花帶出鮑魚的鮮味而我食的古法雞油用左雞油＋蔥絲＋陳皮絲味道比較濃列、入味<黑松露蒜蓉南非龍蝦> 把份量十足的新鮮南非龍蝦放進蒸爐龍蝦肉新鮮彈牙, 多汁鮮甜加上黑松露、蒜蓉, 十分惹味<蒜蓉蟶子>超大隻的蟶子, 啖啖肉, 爽口彈牙粉絲吸晒d汁的精華, 好正!<日本大元貝> 好似手掌禁的大元貝配上蒜蓉及辣椒保留元貝的原汁原味, 鮮甜彈牙<黑松露墨魚滑配蘿蔔>師博好細心將蘿蔔切成心

乍暖還寒的日子，沒甚麼比相約親朋好友圍在一起吃火鍋更好了！一行十一人來到尖沙咀天文臺圍的有蒸氣海鮮石鍋專門店，還好時間尚早可以立即入座，聽說7時後已被預約得滿滿的！有蒸氣其實在寶軒酒店1樓，可以在店的正門上樓梯，或者用酒店的電梯上一樓，就算帶同家中長輩一起也不怕要走樓梯了。店裡樓底挑高，通風不錯，不怕會困著火鍋蒸氣將人燻得一身味兒。座位有卡座、多人長桌、也有能容納十幾人的VIP房，整潔的木系裝潢比一般火鍋酒家舒適。店裡的食物和火鍋料可以單點，也有提供套餐選擇，花多眼亂的我只有坐著等吃的份，與有主意的朋友一起吃就是好啊！第一次吃蒸氣火鍋真有點好奇，似乎一切秘密都在大桌中間的蒸氣石鍋中。點菜後店員先打開蒸氣石鍋的開關，一股蒸氣噴薄而出，散發出溫暖的氣息。大夥兒選了南瓜排骨粥底，吃海鮮前先將米、南瓜和排骨倒進底層石鍋中，蒸海鮮時精華會一點一滴的掉到粥裡，令人期待壓軸的鮮美南瓜粥。南非飽魚 (古法雞油/蟲草花)淋上薑蔥的古法雞油或放上蟲草花的南非鮑魚約有手心大小，已事先起肉劃上格紋令受熱更平均。火候剛好的鮑魚肉質偏軟容易咬開，口感濕潤沒有被蒸乾水分。配上薑蔥與古法雞油將鮑魚的鮮味進一步提升，還

新年期間，打邊邊跟日韓燒肉都吃過。這次搞搞新意，試蒸氣石鍋。雖然有套餐供應，為了目標海鮮，決定自組選擇。附有兩款開胃小碟，wasabi調味的青芥末丹耳清新健康。開始時，送來的是粥底……的材料？店員掀開桌上的蒸鍋，原來內有乾坤，底層可以熬粥呢！倒入材料後，蓋好隔層準備蒸海鮮吃。蒜蓉蒸蟶子 ($58/隻)配好伙伴蒜蓉，賣相吸引，登時醒神。來自紐西蘭的蟶子肉，跟殼一樣長，肉質爽口不韌。古法雞油蒸鮑魚 ($88/隻)質感厚實的南非鮑魚，看似一般薑蔥果皮清蒸。細心的鎅有格紋，咀嚼時透出一抹雞味，別有風味。蒜蓉粉絲蒸日本大元貝 ($88/隻)名副其實，大如餐碟。加入辣椒，鮮甜同時惹味。粉絲吸收扇貝精華，格外好吃。冰鎮本地斑馬瀨尿蝦 ($468)先清蒸後冰鎮，再沾wasabi京蔥浙醋，吃法新奇。幾近手臂的長度，像乳豬全體的擺盤，足夠多人分享，竟然是本地出品？錯愕尚未平伏，便再因又紅又多的蝦膏驚呼，無得輸。酥炸墨魚頭 ($98)將墨魚打成滑，再粗切至條狀。色澤金黃誘人，超級彈牙，大推。避風塘茄子粒 ($48)本對茄子卻步，朋友一試力捧下，心癢癢的嚐了。酥脆香口，咬下時迸發出茄子汁，有驚艷的感覺，必試！