Cafe Paradise (杏花邨) (已結業)

咁岩要黎杏花村工作，否則都好少會踏足呢個地方。由於唔熟路既關係，都係決定係杏花新城解決我既晚餐。商場内食肆都幾多，最後比呢間餐廳既裝修吸引左入黎。竟然係一個餐廳見到旋轉木馬，又唔係係主題樂園。餐廳内仲有好多不同既公仔，睇得出店主落左好多心思去裝修同佈置。Menu選擇都幾多，最後為左容易d揀就揀左個set。美式BBQ豬排骨 豬排骨好大條，幾乎同我既手臂一樣。望落色水唔錯， 切落發現其實肉比想象中小，但都飽既。旁邊有個醬汁，不過我就唔推薦點，因爲原本舊豬排骨已經好夠味。 蟹籽蟹棒忌廉意大利墨汁寬條麵 寬條麵上面鋪滿蟹籽，一d都唔吝嗇，撈完都仲見到粒粒既蟹籽係每條麵上。麵條食落都ok，但如果可以硬少少就更好。朱古力慕絲套餐仲父送左個甜品，好似每日都唔同，今日係朱古力慕絲，味道還可，略嫌少少硬。總括而言，呢度好適合有小朋友既家庭或者朋友黎，環境不錯，食物都ok既。

其實我好少會過黎杏花村，以前細個有親戚住呢度就黎得多。由細到大我都覺得杏花新城呢個商場特別靚特別夢幻，而家長大左呢個感覺都係無變。呢度既店鋪都配合返商場個主題，變得同係其他地區既分店唔同。行行下見到座旋轉木馬，覺得幾特別，所以就決定係度食。周圍都裝修得好夢幻，好多公仔，同個名一樣，好似置身係天堂咁。睇得出店主花左好多心思係裝修度。立體Menu，打開時都幾有驚喜是日既餐湯係洋蔥煙肉蘑菇湯，湯内煙肉和洋蔥粒都唔少，飲落都有蘑菇既味道。沙律都幾大份，2個人都幾乎食唔哂香煎墨魚餅睇相都見到係煎得好靚，肉眼都睇到d墨魚粒，都幾多幾足料。點埋旁邊個酸辣醬汁，就perfect!美式BBQ豬排骨豬排骨有手臂咁長，其實我覺得豬排骨上既醬汁已經好足夠，不過旁邊仲有個美式BBQ汁。蟹籽蟹棒忌廉意大利墨汁寬條麵個寬條麵整得幾好，唔會太淋剛剛好。都落得幾多蟹籽，幾乎每一啖都食到蟹籽，口感更豐富。Chocolate Mousse朱古力味道濃郁，甜度適中，但略嫌有少少硬。套餐+$15就可以轉特飲，我杯荔枝沙冰係超多荔枝肉，多到其實用肉眼都見到。其實我不嬲對cafe既食物要求都無咁高，畢竟我覺得cafe唔多唔少都係食

今日同男朋友去街，預先搵左呢間cafe paradise. 我比佢嘅旋轉木馬吸引左! 去到門口已經好開心! 真實嘅環境肉眼睇比相更靚更夢幻。唔好以為女仔先啱，男朋友都覺得餐廳幾好feel, 又坐得舒服。經理同其他staff嘅服務態度好好，又細心。餐牌選擇幾多，staff 特別介紹二人餐畀我哋。 有沙律餐湯一個 四選一 意粉 同埋四選一pizza， 仲有甜品同餐飲，都只係$198 加一， 認真抵食。 加15蚊可以叫啲特別嘅飲品添。 如果二人餐嘅嘢食揀唔啱 ，餐牌上嘅主食都可以加少少價錢變做set din, 自由度好大 , 我地都心大心細， 好多選擇。 最後叫咗個$198二人餐。 是日餐湯係忌廉薯仔煙肉湯。 先上咗沙律同湯。 沙律份量適中，啲菜幾新鮮，沙律醬份量啱啱好。 個湯我好鍾意 ~雖然係忌廉湯但係唔會飲完覺得好滯嘅感覺。好清楚飲得出煙肉同薯仔嘅味道， 個湯幾有誠意。主菜揀咗蟹籽蟹棒忌廉意大利墨汁寛意粉 同埋香噴噴辣肉腸意式薄餅。 個意粉好吸睛! 滿滿大大粒嘅蟹子喺上面， 撈咗啲蟹子之後， 每一啖意粉食落去都係一種 light creamy配搭脆卜卜蟹子嘅感覺~滿分~個pizza係厚批

之前都有食過太子嘅Cafe Paradise，好高興見到今日佢越做越大，越嚟越多擁躉，仲開埋分店添。放工約朋友食晚飯，成日都唔知去邊食，但又想搵間cafe坐下傾下計。今日係杏花村附近，心血來潮就入去杏花新城搵餐廳喇！估唔到就見到Cafe Paradise，梗係要試下佢新開嘅分店啦！一踏入去第一個感覺係好童話，裝潢特別，仲有個大既裝飾旋轉木馬，啲員工好服務，都幾好禮貌！今日客人唔算多，大多都係一家人，有老有幼，可能係因為我地太夜黎啦，差唔多8點幾先黎到，坐唔滿人～飲品餐牌好特別，打開時會有立體蛋糕彈出黎，幾有驚喜。Main menu嘅款式都唔少，有扒，意大利飯，意大利粉同千層麵，價錢都唔算貴。仲有set dinner，唔想考慮咁多既話可以揀個main course配套餐就得，價錢同main menu差唔多，但會配有餐湯，沙律，餐飲同甜品。仲有兩款二人餐可選擇，我地都幾肚餓，就選擇左有多野食同埋食物特別啲既$328二人餐！揀左秘制慢煮花甲，西冷牛排同鰻魚薄餅，另外仲加咗$15同$25要咗杯Chocolate@Paradise同洛神花茶。忌廉粟米湯是日餐湯係忌廉粟米湯～凱撒沙律然後就係凱撒沙