信得過 (已結業)

曾在團購看過杏汁豬肺湯優惠，當時沒有購賣，但對這招牌菜有所期待。今日到訪卻有點失望，湯很稀，杏仁味不足。另外叫了咸菜炒豬脆脆同菠蘿咕嚕雞球。咸菜炒豬脆脆味道是ok但豬太有點韌，吃得很攰，所以打包了。菠蘿咕嚕雞球不錯，美味！值得一提是職員們服務態度真的很好！

友人病病地，想食清淡的午餐。信得過向來都是我心目中最真材實料的餐廳，當然無令我地失望！早前黎過幾次，都係叫湯加麵，無試過小菜套餐形式的lunch set。ABC 餐都係小菜加杏汁白肺湯，再配飯或粉麵。$78 較單點的湯粉麵貴，但如果除左杏汁白肺湯外想試多d 野，不妨試下lunch set，幾飽肚。先來的是左面的杏汁豬肺湯和右邊的雞湯底米粉。兩個湯都幾乎飲晒，其實雞湯都好正，甜得黎好自然，真係無落味精。出現左小插曲，職員話無晒冬瓜，叫我改另外兩個餸…但唔想重覆肉餅和唔想食雞，佢話咁不如走冬瓜啦，其實有蝴蝶腩和豬脆脆。出黎既效果好好，可能仲比多左我地！無冬瓜，但白菜墊底，都叫做有d 菜，仍然均衡健康！豬脆脆d 軟骨好好食，勁有口感又惹味！另外個肉餅就普通少少，唔算厚，土魷唔算多，不過甜味適中，唔會加味精黎令到d 甜味鮮味好假，還不錯。

出街食飯好驚多油，多鹽，多味精！想食健康d真係好難！不過，信得過真係信得過！(雖然豬內臟都係唔健康XD)今次叫左杏汁豬肺湯，同黃沙豬潤出前一丁！個豬肺湯充滿淡淡杏汁味，豬肺非常乾淨！秋冬飲黎潤下最推介！之後係個豬潤麵，豬潤係厚切，非常彈牙！沒有半點血水，亦無任何腥味！好多人不喜歡豬潤粉粉的，我也是！這裡的黃沙潤真的非常爽口彈牙，湯底更充滿金華火腿及雞味，我半滴不留！不過，呢道係食豬及其內臟的專門店！所以選擇不多，另外身為河粉super fans 的我，對於只有米線，烏冬及出前一丁的少選擇就覺得太少了！如果有河粉，就一定更能夠吸盡湯頭的精華了！

去開灣仔做野，順便黎呢度搵食，一搵就搵到呢度有間賣湯嘅鋪頭，一入門口，侍應已經好熱情咁招呼你坐低，介紹午餐，再幫你點餐。等野食過程中見到佢地好有禮貌咁周圍打點，又同客打招待。我叫左杏汁豬肺湯$40 +$6 (米線), 個湯食得出冇味噌，大約有5~6舊豬肺，可惜的是啲湯點都會有啲油。米線味道正常。lunch set $78有豬肺湯，飯同一舊勁大嘅蒸鯇魚，好抵，可惜我唔太餓，食唔落咁大舊魚啦

經團購買左碗杏汁豬肺湯, 盛惠HK$38!前幾日路過換咗碗返公司嘆, 路程10分鐘, 返到去打開蓋都仲好熱! 順帶一提個外賣蓋有d難開, 好容易濺出d湯!所以要小心!每碗有3舊大豬肺, 超林好好食! 個湯夠濃但唔咸, 啱啱好 飲完真係唔會頸渴!值得推介

因為去動漫節，就在灣仔區搵食啦，本人很喜歡喝湯，早前已對這間主打湯的店舖有興趣，終於可以來試試。兩個人叫了以下食物：杏汁豬肺湯，湯的質地比較濃密，杏味很強烈，因本人覺得杏味不是太討好，總覺得有點太搶，令我不能好好的欣賞豬肺味道。煲完湯的豬肺也可吃，很軟身，沒怪味。元貝雲吞味道不錯，湯也可以喝光呢，附送幾條小白菜。豬潤柔軟得來有彈性，很香，本身我不喜歡吃內臟，也覺得很易接受，菜也很新鮮，這個湯底比較咸。連喝幾碗湯，令我這個湯怪覺得很滿足，這裡強調不加味精，果然吃完不覺得特別口渴呢。

我是喜歡吃內臟的，常常見到在街邊的一串串牛雜，我都會買來吃，找了個機會就來看看是否信得過？一進來就送上了茶，後來看了餐牌才知道，他們餐牌上是說不提供茶水的。兩個人下午來到也不是很餓，就完全是為了嗜味道，就點了一碗杏汁豬肺湯和一個豬肝湯加新竹米粉。我很喜歡杏仁味，但對我來說杏汁味不太濃。湯喝進口很順口，喝過後嘴唇覺得粘粘的，湯很濃郁。豬肺有五六片，很軟滑，還有肉湯的香味。再來吃豬肝，豬肝也有五六片，而且每一片都很大片，豬肝不乾也沒有渣，也很粉嫩，很香一點都不會有羶臊味。米粉很爽口，一般食米粉，食到最後米粉都會把湯吸乾。但這米粉食到最後，湯還很多，而米粉仍然爽口，湯一樣濃郁，但不會口渴。內臟是很花工夫處理的，也很容易被客人挑出毛病的，能做到那麼好，實在了不起，的確值得信得過。

其實一直都好喜歡食牛雜及豬雜，但又怕出面D餐廳洗的唔乾淨 (自己屋企一定唔會煮)，所以就比較少吃。之前睇雜誌，話呢間野是香港少數吃豬雜的好地點，所以就冒名一試。PS. "餐廳仲是無味精GA"我其實是"湯迷"，咩野湯水都中意，特別鍾情於 "杏汁豬肺湯"，所以即叫一碗。杏汁豬肺湯唔算話真是好濃，但豬肺有5-6件，足料，同時，味道唔錯，無怪味。飲完碗湯，仲叫了一碗"時菜黃沙豬潤米粉"醫肚。碗湯完全無味，可能是我飲左豬肺湯先啦，但豬潤就真是幾爽GE!!

家中各人都係豬腰豬潤 fans，聽朋友講灣仔開左間專食豬內臟既茶餐廳；見媽咪平時喺廚房清潔 d 內臟咁辛苦，上個月就屈左老豆請我地黎試下。　地方好光猛，唔算污糟，但又唔可以話好乾淨，中規中矩啦。格局同一般茶餐廳無異，分卡位同散枱，餐具收埋喺枱下面個櫃桶，方便兼慳位。當問及推廣緊既晚市＂黃星星私房餐＂時，哥哥仔話餐廳後半可以擺張十幾人用既大枱開私人party，老豆已經約好左佢班老友下個月一齊去試添。唔知係咪落大雨既關係，店內既顧客只有我地三個人。哥哥仔都算有耐性，完全冇催促我地叫餸。嘩，出食物既速度快過打針，張枱好快就滿哂，哥哥仔重好有心機地幫我地排得整整齊齊（見圖），咁好既服務態度真係令小弟有少少吃驚。　水晶雞：$38碟；正確名稱唔係好記得，不過簡單黎講係口水雞走辣。我地好驚訝，因為做得好食過好多酒樓。少肥之外，連雞胸肉都唔乾唔嚡重好嫩滑，真係有d功夫仔。個豉油教到甜咸適中，少辣，正。驚訝推介一。　杏汁豬肺湯：$38碗；個人第一個反應係茶餐廳既湯洗唔洗咁貴呀？不過食評們大力推薦，唔試好似唔係好比面，所以都叫左碗三個人分 。冇錯個湯係好滑好甜，不過就好似唔係好夠豬肺味。要讚既係豬肺洗得非

聽聞杏汁豬肺湯是蠻花時間和心機去煲，從未飲過豬肺湯的我，暫沒本事到名店陸羽茶樓品嘗遠近馳名的杏汁豬肺湯，唯有先到這間餐廳試食。我應該改寫為茶餐廳才對，進入後這兒的裝修和格局無疑是典型茶餐廳，但地方還算寛闊，座位還可以。四處張貼不加味精的告示，用的是真材實料。服務是可以的，以一間茶餐廳來講，信得過絕對是合格有餘，唯大家要好好留意付錢時，收銀姨姨可能會找錯錢，因為我的大老闆已試過了。杏汁豬肺湯：我是為杏汁豬肺湯而來，當然要馬上嘗一嘗，我飲後覺得味道可以接受，因為我個人十分討厭杏汁的味道，這個湯雖然聲稱為杏汁豬肺湯，但我完全嘗不到一點杏汁的味道，討厭杏汁味的朋友，不妨一試。當它是豬肺湯來飲，我們會樂於接受，豬肺湯之所以要花這麼多心機和時間，全因清洗豬肺(啤水)的過程，蠻花時間和心思去把豬肺內的穢物清走。完全飲不出任何異味，可以證明啤水功夫幹得好，湯本身呈奶白色，濃香而清澈。極罕有的爽豬腸新竹米粉：大老闆點了爽豬腸新竹米粉，我最欣賞的是湯底本身已經十分濃味，乃這個米粉的靈魂所在，相信這個湯底，廚師花了很多時間去煲，可以考慮下次把湯飲光。爽豬腸其實外表跟生腸無異，只是顏色上的不同，十分爽口，可以

杏汁豬肺湯"正"！絕對是真材實料，奶白色的湯杏汁味濃，又有豬肺食，特別是豬肺是清潔得好乾淨，又不會煲到豬肺硬實實，食落軟淋淋絕無加味精其中一碗我配上烏冬都好吃鮮元貝雲吞湯配出前一丁果然是有元貝的，當然不是太大，但都有粒花生左右大，味道都好吃，配上出前一丁都完全不怪因為個湯底都做到好好。白灼豬心及豬膶都做得好好，不會灼到過火，嫩滑軟腍，原來他們是選用乳豬仔的內臟你菜式，所以入口特別好吃油菜果然有質素有良心的食肆，用料好、無放味精，特別是個杏汁豬肺湯，如果要自已煲就功夫多喇！信得過煲得有水準，一想飲就來這個地方飲就得啦！