古今二 (The ONE)

營業中

休息中

早幾日去尖沙咀，突然好想食日式卷物，就去咗 "古今二"，依間嘅卷物、壽司及日式料理都唔錯，又有好多選擇，款式都幾特別㗎 ~這裡裝修簡約嘅日式風格，地方都幾闊落，餐廳設有卡位、bar枱同4人枱，另有獨立區域，約埋啲friend食下嘢都唔錯。餐牌內有好多選擇，特色卷物、刺身、壽司、鍋物、鐡板燒、串燒、天婦羅等等，看起來很不錯。超級龍卷風     $98鍾意食材豐富的超級龍卷風，外層沾滿黑芝麻同日式醬汁，餡料有鰻魚、海老、青瓜及芝士，鰻魚嫩滑，炸蝦酥脆可口，青瓜爽甜，夾住溶溶的芝士，入口超滿足，很美味的特色卷物。東京爆脆    $98另一款的東京爆脆，亦是我喜歡的高質日式卷物壽司。紫菜包飯、吞拿魚、蟹柳及蟹籽，再淋上自家製醬汁，增加層次感，口感軟綿，越食越滋味。日式麻醬豆腐沙律     $98餐廳用上的沙律菜非常新鮮，食落爽脆清甜，除了蔬菜，亦有其他材料，滑嘟嘟的豆腐，豆味濃郁，爽脆的蟹籽，清甜的車厘茄，與麻醬拌勻一齊食，口感清新，份量好足。鹽燒白鰻    $38白鰻外層燒烤到十分焦香，口感脆脆，無魚骨啖啖肉，可放心食，鹽味夠出，只是少少鹹，味道啱啱好，肉質鮮嫩多汁，好惹味。鹿兒島黑豚荔枝卷

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。午市仲有多款定食，又有壽司盛，刺身丼，蕎麥麵套餐。蕎麥麵套餐都有4款。蕎麥麵套餐D $98 另加一蕎麥麵套餐D包火山/金龍2選1，加州/費城2選1，配冷熱蕎麥麵。我揀左金龍卷配加州卷各4件，兩款卷物伴有沙律菜，仲有食用花裝飾。都有日式芥末。金龍卷係壽司飯卷上面舖上新鮮肥美嘅三文魚，加少少香辣沙律醬。飯卷中間卷住紫菜，再包住炸蝦同忌廉芝士，食落又脆口又滑溜，連炸蝦尾都食得。飯加上黑白芝麻粒增添香味。我好鍾意呢款卷物既多重口感同味道。加州卷係加上黑白芝麻粒嘅壽司飯包住牛油果同蟹柳，面頭加上大量蟹籽，口感外脆內滑，比坊間加州卷好食！冷蕎麥麵（跟餐）揀左冷蕎麥麵，細細兜，綠色幼身蕎麥麵係極有咬口，加上紫菜碎。另上冷麵汁，蔥花，白蘿蔔蓉，日式芥末，可以自己調味，清爽腸胃冇負擔。東京爆脆 $98 另加一東京爆脆一客五大件，係紫菜飯卷包住吞拿魚同蟹柳，中間個層超脆！再加上蟹籽同沙律醬汁炙燒，口感非常薄脆，味道唔

今日同朋友喺尖沙咀The One行完街，想搵餐廳食lunch，見到「古今二」就諗起之前喺其他分店食過，佢有好多款特色捲物，之前只係試過幾款，所以今次都揀咗呢一間餐廳試埋其他款式。我哋嗌咗日式麻醬豆腐沙律、黑豚豬頸肉串燒、鹽燒白鰻、火山同東京爆脆。沙律有滑豆腐、蟹柳、蟹籽同沙律菜，蔬菜食材新鮮，開胃消暑；黑豚豬頸肉燒得好香口，咬落去充滿油脂又爽口，燒汁嘅調味啱啱好；白鰻炭燒完之後，仍然保持到魚油同魚身嘅嫩滑，而且食落冇魚骨；火山係一個充滿視覺享受嘅卷物，職員上菜時會將伴碟兩旁嘅鹽粒點火，而卷物堆就會喺碟嘅中間，營造出一個「火山」嘅畫面，卷物入面有帶子、牛油果、蟹柳同蟹籽，份量充足，口感飽滿；東京爆脆一個係一個餡料相對較少嘅卷物，只有吞拿魚同蟹柳，不過配上醬汁同灑喺表面嘅飛魚子，仍然有爆脆嘅感覺。📍尖沙咀彌敦道100號The ONE 5樓502號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

🍣東京爆脆 $98卷物餡料包裹著吞拿魚及蟹柳 外面灑上的飛魚子發揮了爆脆的感覺 卷物表面輕輕加以火灸 讓焦香味散出 同時散出醬汁的甜酸感 讓人開胃🍣彩虹卷 $119卷物包裹著蟹柳及青瓜 而外層則分別覆蓋著三文魚 吞拿魚及劍魚刺身 中間則夾著牛油果 色澤鮮豔 層層遞進 尤如彩虹🍢紫蘇葉雞肉串燒 $36入口咔嚓一聲 雞皮燒得相當焦脆 內裡亦能保留肉汁 整體焦香🍢鹿兒島黑豚荔枝卷串卷 $32灑了黑椒在黑豚表面燒 惹味又香 黑豚包裹著香甜多汁的荔枝 味道又咸又甜 味道多層次🥗蟹柳沙律 $78沙律份量十足 色彩繽紛 滿滿蟹柳及蟹籽 加了芥辣的醬汁帶點微辣 配上多款蔬菜 爽脆生菜 青瓜絲 車厘茄 脆口蟹籽 口感非常有層次

˙˚ 古今二 ˚˙主打創意卷物的「古今二」，提供數十款卷物，餡料配搭大膽創新，例如有草莓配炸牛肉、海膽配炸帶子等🤌🏻如果食厭咗居酒屋菜式，想試試新意思的話，非常推介呢間，今次試的菜式都好喜歡，性價比亦頗高🥳࿐🍤超級龍卷風 $𝟗𝟖💫由香脆炸蝦、彈牙鰻魚、爽脆青瓜絲組成，另外灑上脆片碎，口感豐富，內餡加上芝士，帶微微咸香，喜歡特別口感的必試🫦🦀東京爆脆 $𝟗𝟖💫吞拿魚、蟹柳、炸紫菜組成內餡，配上芝士醬及醬汁，味道偏咸及微辣，相對另一款更惹味☄️🍖雞胸軟骨串燒 $𝟑𝟖💫雞軟骨爽脆，調味偏咸，會想𝐞𝐧𝐜𝐨𝐫𝐞再食的味道🐣紫蘇葉雞肉串燒 $𝟑𝟔💫雞皮煎得香脆，肉質嫩滑又𝐣𝐮𝐢𝐜𝐲💯🥗龍卷風沙律 $𝟖𝟖💫中華沙律、蟹柳絲、蟹籽配搭大量生菜，配上微辣秘製醬汁，味道更惹味，比普通沙律更易入口，開胃菜啱晒✨🐮埼玉網燒牛舌 $𝟕𝟖厚切牛舌肉質鬆軟，咸味偏重，佐酒一流！🍹百香果益力多特飲 $𝟒𝟐

🔸️龍卷風沙律 ($88) 4/5蟹柳柔軟，海藻爽口，整個配搭很清新健康。美及滋昇華了整個沙律，吃完後口腔內殘留少量辣味，刺激著味蕾，十分開胃。沙律絕非只作前菜，其實份量十足，十分飽肚。 🔸️東京爆脆 ($98) 5/5🔸️海老天婦羅卷 ($62) 5/5期待的卷物，伴碟很有心思，有驚喜！2款卷物，結實不鬆散。爆脆內有吞內魚及蟹柳，相互融為一體，好像有明太子，香脆可口。炸蝦與芝士更是水準之配。 🔸️黑豚豬頸肉串燒 ($32) 4/5肉質彈牙，油脂剛好。 🔸️鹽燒鯖魚 ($82) 4/5魚身的切口有助檸檬汁滲入肉內，魚皮脆身，魚汁都鎖在內。鹽燒所以不沾鼓油也可，很下飯。 服務：友善良好，上菜速度及次序都拿捏得好。 環境：在商場內，地點方便。飯點時間人較多，要注意。 ✴總結：上次吃過古今，果然古今二也沒有讓人失望，與古今有異曲同工之妙，逛街看電影前後的好選擇！

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。呢度都有二人前套餐。午市有多款午市套餐，包括壽司盛，刺身丼，熟食等。牛肉壽喜燒定食 $108 1人前 另加一牛肉壽喜燒大大鍋，肥牛有5大片，好有口感，都唔錯。蔬菜好多，有娃娃菜，豆腐，粉絲，冬菇，洋蔥絲，金菇，同蔥條。個壽喜湯好夠味，跟有一碗加左紫菜絲嘅熱白飯。跟餐沙律有蟹籽雜菜粟米車厘茄沙律，加上大量胡麻醬，好夠味又有脆脆口感。仲有甜品，係一粒泡芙，外皮好薄，入面忌廉好滑。呢個餐好豐富。卷物拼湯麵 $98 另加一呢個餐包兩款卷物。火山同金龍卷2選1。火山一客4件，係加左黑白芝麻粒嘅飯卷包住紫菜再夾住蟹柳，青瓜絲同牛油果，飯卷上面係大量蟹柳絲同帶子絲，加左唔少辣沙律汁，味道都幾辣。最頂再加少少蟹籽。味道頗重醬汁味。費城卷同加州卷2選1。費城卷一客4件，係加上黑白芝麻粒既壽司飯包住紫菜，三文魚，牛油果，同忌廉芝士。口感同造型一樣，滑溜清新。兩款卷物伴有沙律菜，青瓜片，檸檬片同車厘茄，仲有食用花裝飾。都有日式芥末。

之前已經同朋友食過古今二喺荃灣嘅分店兩次 前幾日喺尖沙咀行完街 見原來依家喺The One都有分店 於是就去試下😆🍴日式麻醬豆腐沙律 ($88)凍冰冰又滑溜嘅豆腐、三文魚籽、蟹籽、中華沙律、車厘茄、爽脆嘅沙律菜 配上芝麻醬 係一款唔錯嘅前菜沙律份量亦好足 好大碗👍🏻古今二嘅卷物出名好多唔同配撘 超有創意😆 今次叫左兩款卷物 擺盤好靚 好有心思🫶🏻🍴東京爆脆 ($98)呢款卷物入面有吞拿魚同蟹柳 加埋面頭辣辣地嘅沙律醬 幾惹味🤤同埋卷物有微微火炙過 所以食落脆脆地 幾特別🍴蜘蛛 ($103)第二款卷物有炸軟殼蟹、青瓜、牛油果、蟹柳餡料幾豐富 炸軟殼蟹亦炸得香脆🦀🍴蒜香牛油燒帆立貝 ($42)呢款串燒有驚喜！帆立貝大大粒 牛油味好香🤤推薦❤️🍴鹿兒島黑豚荔枝卷串燒 ($32)呢款之前都有叫過 今次再encore!黑豚加上香甜多汁嘅荔枝 減低左油膩感 真係一個唔錯嘅配撘🫶🏻

呢間日菜一向出名特色卷物 成日經過都比餐牌吸引 終於的起心肝試下(*´∇｀*)卷物嘅配搭真係好多 款款都好似好足料～仲有啲鍋物 串燒 刺身等等 選擇都幾多 整體味道也很不錯.♥ 卷物東京爆脆 $⑨⑧龍卷風 $⑦②第一款係蟹柳加吞拿魚 配料簡單 但微辣嘅醬汁好突出 帶來不一樣嘅味道(≧∀≦) 另一款係軟芝士加鰻魚 估唔到芝士鹹香加鰻魚又幾夾 兩款卷物嘅餡料都好足 口感滿滿.♥ 串燒鹽燒白鰻 $③⑧ 宮崎味鹽牛舌串 $③② // 鹿兒島黑豚荔枝卷串燒 $③②即叫即燒🍢白鰻好爽脆完全不腥 牛舌有咬口 牛味濃郁 豚肉卷中間夾荔枝 味道清甜不膩.♥ 日式麻醬豆腐沙律 $⑧⑧大碗足料(‘∀`)新鮮開胃 豆腐份量很重手的說～

鐘意食日本野嘅我，好鐘意去日式居酒屋，因為有得飲有得食！而古今二更加係我久唔久都會去食嘅一間，因為佢嘅創意卷物同燒物都好好食今次因為約左九龍人，所以黎到尖沙咀The One分店，因為星期五嘅關係，都有唔少人排隊等位，我地等左大概20分鐘就有位啦！呢度嘅Menu 係好似photo album咁，啲野食都有圖有真相，淨係卷物都有5頁，搞到我地有選擇困難症！最後，我地叫左兩個卷物，分別係龍卷風同東京爆脆同埋其他野食首先黎嘅係龍卷風🌪️，裡面係鰻魚同芝士，兩樣野加埋個口感好creamy，加埋灑起卷物上面嘅脆片，口感更有層次之後黎嘅係東京爆脆，呢個裡面係吞拿魚同蟹柳，成件事好comfort food，令人忍唔到口去不停食唔好以為古今二淨係得卷物好食，燒物都係好高質架！所以我地叫咗幾個唔同嘅，分別係鹽燒白鰻，鹿兒島豚肉荔枝串燒同埋西京比目燒所有野燒嘅火喉啱啱好，調味一流，食得出係心機之作，特別推介鹽燒白鰻，食落超爽口彈牙，令人一試難忘！食得多肉，想叫個沙律平衡下，於是叫左個雜錦刺身沙律，正呀沙律菜上面勁多刺身，超滿足最後叫左杯士多啤梨🍓益力多，呢個配搭唔錯，飲落好fresh，同啲野食好夾，正