班蘭葉印尼餐廳

營業中

休息中

🇮🇩回憶中的印尼地道美食｜班蘭葉印尼餐廳@pandanleafindonesiafood 自從啱啱去完印尼旅行返嚟，就一直心心念念，想再食返一啲地道嘅印尼美食🇮🇩終於俾我見到班蘭葉印尼餐廳，梗係要試吓啦！真係好地道，同我回憶中中喺印尼食嘅味道一模一樣😋必食‼️另外一提，餐廳無加一收費👍🏻全日正價餐牌🍽️人均：$100-$150🕰️時間：weekend lunch (⭕️walk in)🐟Mie Ikan Gurame Kuah Perut Ikan原條魚花膠湯粉皮 $108 原條魚勁大條又多魚肉😋煎得香香脆脆，配上清甜嘅花膠湯粉皮，好健康嘅感覺。粉皮係類似腸粉🙌🏻🍗Mie Ayarn Grepek Pedas Lblis炸碎雞撈麵 $68印尼撈麵，配上四至五隻無骨炸雞👍🏻餐廳會附上印尼撈麵，有嘅甜醬同辣醬，辣醬係好辣，大家小心調味啦🤣🍲Bakso Kecil細牛丸湯 $5印尼Bakso係我哋嘅至愛之一😋同我哋喺印尼食嘅味道差不多🙌🏻🍗1/2 Lusin Sate Ayam半打雞沙嗲 $88沙嗲雞就比我哋喺印尼食嘅大隻，但係沙嗲醬嘅味配上花生醬係一模一樣嘅味道，好地道！🍸Es serut tim

嚟到銅鑼灣，當然就要去試一下印尼姐姐介紹嘅印尼餐廳，呢間印尼餐廳都唔難搵，正正就喺糖街小巴總站；店舖比較細，但係門面都比較吸引，外面仲有好多嘅印尼特色食品賣；嚟到嘅時候畀我哋預約早咗15分鐘，見到門口好多人喺度等位，今日又座無虛席！就算book咗都要等等先有位，坐好彩只係等咗15分鐘，到就即刻安排到座位；餐廳內裏雖然比較細小，但坐落都還算舒服；服務員亦都好親切咁樣幫我哋點餐，咁你都當然要食好多人推介嘅花膠粉皮湯配虎蝦，四大天王和加多加多沙律啦！再叫埋柑桔青瓜冰和黑糯米特飲；真係話咁快加多加多沙律就已經放咗喺枱面，裏面嘅新鮮蔬菜加上一粒粒嘅類似飯糰糕，再配上印尼特色嘅沙嗲醬，真係回味無窮；之後嘅四大天王飯亦都各有特色，其中最好食嘅係花生加魚仔，而巴東牛肉亦都好大分量，絕對算得上高性價比；最後上嘅花膠粉皮湯配虎蝦，件花膠手板咁大，粉皮淋滑，花膠湯亦都好鮮甜，虎蝦超新鮮，燒得好有火喉！當然仲有我嘅柑桔青瓜冰，飲落清涼，有濃濃嘅青瓜味，消暑真係一流，而黑糯米特飲，就超多黑糯米，完全係黑糯米控嘅必然之選；整體來說性價比極高，食物質素亦都唔錯；值得推介！

係銅鑼灣糖街有好多印尼餐廳，睇過menu後最後揀左呢間睇落最吸引既入去試下💜🐥啦斯啦媽班蘭飯 Nasi Lemak Padan($88)呢個飯有炸雞2大件、炸烚蛋、2件黃豆餅(亦可以稱為天貝)、魚乾花生、印尼既辣椒醬同埋班蘭飯，仲有少少蕃茄同青瓜片，上菜時仲好貼心咁比埋手套👍🏻因為從未食過黃豆餅，所以第一口就試左呢樣先，口感好特別，唔似食緊黃豆，個人覺得味道幾好，同埋唔好睇佢細細件，都幾飽肚㗎之後就試下呢個飯既重頭戲 - 炸雞💖送上嚟時係熱辣辣，應該係即炸，個炸皮脆得嚟唔會太硬，非常鬆化，調味啱啱好，雞肉完全無雪味仲要好juicy好嫰滑，好食到驚為天人🤯，無諗到可以係印尼餐廳食到咁好食既炸雞，淨係呢個炸雞就已經非常值得再嚟💯其他配料就中規中矩，班蘭飯既班蘭味好出，仲食到少少椰香味，而且份量都幾多添不過呢個飯有一樣野奉勸大家唔好亂試，就係個兜辣椒醬🌶一食落去個辣味係即刻攻上嚟，超級超級辣，食一口即刻左邊耳仔塞左，喉嚨同條脷痛到瞬間失去味覺，要不停飲凍野甚至連冰都食埋先好返啲🥵🥵🥵自問都算食得辣之人，呢個辣度真係頂唔住，除非真係好食得辣，如果唔係真係試少少就好🥒柑桔青瓜冰(跟餐+$18)入

呢間開咗短短4年，已經有唔少本地人、外國人同印尼人嚟食，水準睇嚟已是招徠佢地除咗有白飯，仲有黃薑飯、椰漿飯同班蘭飯𠻹三色豆就怕啫，三色飯好搶手㗎其實唔使配餸，齋食飯都已經好惹味燒雞我地就另外食，燒得非常香口點啲醬汁更加可口，仲有啲辣辣地㗎香港有四大天王，印尼又點會冇呢？有請吉多吉多、巴東牛肉、班蘭雞肉同蕃茄沙甸魚，粉絲分分鐘多過鏡仔㗎吉多吉多係配咗類似花生沙律醬嘅雜菜，好過癮。巴東牛肉嫩到不得了，果然係天王級數胃民點都要加小食，必叫當然係沙嗲啦！雞肉沙嗲非常滑溜，醃料超香原來印尼都有燒鱔，皮脆肉嫩，不容小覷，點埋沙嗲醬真係肉仙肉死大胃為咗解辣，嗌咗好幫手青瓜冰，好多瓜肉同柑桔，嚼住解辣真不錯胃民就點都想飲珍多冰，裡面啲班蘭條又真係唔惹小嘅店面都有啲印尼小食同糕點買，胃民又按捺不住走咗出去加料，選擇咁多確實好難不為所動嘅

去銅鑼灣經過呢間餐廳門口都成日見到好多姐姐買外賣，今次終於有機會試到啦! 餐廳嘅顧客有一半都係印尼人，擺設都好有印尼特色，感覺十分地道。巴東牛肉班蘭尖塔飯嘅巴東牛肉煮得好淋，香料、椰香同微微辣味融入牛肉和醬汁，同班蘭飯簡直係絕配！上檯唔夠10分鐘已經被KO！再嚟就係必食推介嘅牛骨白鬚牛丸湯，特別之處係個特大牛丸攪肉釀牛骨，淨係食佢都飽，味道就見仁見智啦~ 仲有芽菜、菜心、印尼黃麵同豆卜。同樣係必食推介嘅石粟馬拉盞炒通菜非常唔錯，通菜幼嫩，馬拉盞蝦醬勁香勁惹味，送飯一流！仲叫左半打雞沙嗲，一人兩串啱啱好。飲品方面order左柑桔青瓜冰同鴛鴦芒果汁，少甜後都比較甜。印尼菜比較少食，都幾特別，唔錯唔錯！

🔸羊肉沙嗲三串 $58🔸燒雞花膠湯粉皮 $88🔸三重芝士炸碎雞撈麵 $78🔸柑桔青瓜冰 $28.原來喺銅鑼灣H&M附近有條小小印尼街，朋友介紹話俾我知有好多特色食店，當然要去尋覓美食啦！今次見依間餐廳鋪位細細但長期爆滿，仲要拎飛排隊，一定冇死啦！沙嗲羊肉串燒調味好惹味，以蜜糖燒烤醬汁搽面烤至小小焦配埋沙嗲醬好香口。三重芝士撈麵係懷念嘅味道，係讀書果陣成日食嘅營多，配以黑椒調味過嘅炸雞，同韓式嘅炸雞好唔同。最推介嘅係花膠湯！店員都叫我哋要飲晒啲湯，因為係落足料煲十幾個鐘頭，啖湯飲落真係好滋補好濃郁！最後飲咗好有趣嘅柑桔青瓜冰，好清新好啱夏天飲呢！

與友喺維園打完波，諗住行返入城揾食，途經糖街，發現一間食印尼🇮🇩菜嘅小店。喺門口與友打量一番後，決定入去試吓！小店設有堂食、及大量印尼小食、飯麵以供外賣！賣相都幾吸引㗎！另一吸睛點係，我哋到達時仲未夠6pm，已經坐滿八成，仲要係印尼同鄉🧕🏽即係原裝印尼風味啦。仲唔拿拿聲揾位！😆打開餐牌包羅萬有，有選擇困難症嘅人真係幾難揀！🤷🏽‍♀️🥥椰汁冰🧊 - 真材實料，100%鮮椰子制作，貨真價實，冇叫少甜，但上枱已經係少甜，真係坊街少見。超級大大大推👍👍👍👍👍柑桔青瓜🥒冰 - 酸酸甜甜，冰涼醒胃，青瓜絲充滿囗感，清新之選！🐟黃薑炸原條魚雜錦飯 - 上枱已經被佢嘅一大碟嚇親，有炸豆腐、茄子🍆、秋葵、生芽菜，各式飯類都可揀班蘭飯、黃薑飯或白飯。👏嘩～條炸魚新鮮熱辣，雖然炸到脆卜卜，但原條依然充滿肉汁，怕辣可以唔點辣汁，條魚本身已有底味，唔使點醬都好好味，差D連中間條大骨都食埋呀🤤🐔黃薑破雞雜錦飯 - 都係即炸上枱熱辣辣，點上自家製辣醬簡直絕配。黃薑飯夠冶味 ，咪睇少呢個飯堆，一啲都唔野少，食極都有😅烤柚子雞翼 - 經過烤製，配上柚子蜜同食，另一番滋味😀

常常吃日本菜或是西餐什麼的，偶然也想轉一下口味。所以這天和朋友來銅鑼灣吃晚飯就選了這家吃印尼菜的喔！飲品看起來也很特別，所以也有點到 ^^鮮奶薑蜜 ($28) - 雖然稱不上難喝 ... 但味道夾起來很微妙就是。柑桔青瓜冰 ($28) - 柑桔味不太覺，比較像青瓜水～喝起來很清爽。既然是吃印尼菜，大概會聯想到 "班蘭" !?班蘭雞飯 ($68) - 有點像海南雞飯那樣，這個是朋友點的呢除了綠色的飯外，還配了一碗湯。份量來說頗豐富吧我點的則是 - 巴東牛肉花膠湯粉皮 ($68)牛肉和花膠湯粉皮是分開上的，這樣子花膠湯便不會混和了其他的調味。湯很濃郁～還帶少許黏性，而且真的有口感帶爽的花膠喔！粉皮則很滑嫩，配湯一起吃很不錯。個人覺得巴東牛肉的味道超濃，所以十分惹味。