海龍王海鮮大排檔

營業中

休息中

上星期同男朋友兩個人入左長州行街，夜晚見到近碼頭哩間鋪頭，見地方都乾淨同光猛，又唔會好似其他鋪頭咁行出黎係咁叫人食，不過可能都接近9點，所以唔使等就入得喇！咁入得長州當然就要食海鮮啦！所以就叫左鋪頭介紹下海鮮推介！由於兩個人所以都唔叫得太多，總共只係叫左四樣餸！四樣入面椒鹽瀨尿蝦最值推介，肉質爽口得黎個味又唔差！另外個清蒸本地龍蝦都好好食，清蒸可以保存到肉質鮮味，而本人應為本地龍蝦肉質好食過波士頓龍蝦！薑蔥炒蟹本人應為都ok 都好入味！菜就冇咩特別！整體黎講四個餸都好味，唔會有過咸既問題出現！成餐價錢都算合理，侍應都冇點介紹錯，會再返去再食過！！！

今年香港五月份真係熱到爆哂燈，趁住尋日放假就入去長洲游下水消暑，順便整返餐海鮮食下啦。游完水行去買左我最愛既沙螺，再返出碼附近間海龍王食晚飯。貪佢夠大間，有大大個海鮮池，又有無敵海景。行到出來坐低仲剛好睇到日落。都唔好話唔正。一行三坐低無耐就有小二哥開茶過來，開頭問下佢有咩好介紹。佢就同我地講，如果想食新鮮游水靚野就要自己去海鮮池度自己選擇。如果普普通通就可以菜牌上面晚或者食套餐，不過就係例牌野，冰鮮既。都未聽完都唔洗考慮啦，食得海鮮既就一定要食新鮮游水架啦。就隨便秤左幾味，再問下小二哥有咩菜食下，佢就同我介紹左個上湯浸勝瓜。聽佢講熱天都係食瓜類，夏天既菜都唔好食咁話，又好，比面你試下佢。超豪海鮮餐本座最愛既蒜蓉蒸沙螺，好鮮好甜。蒸到岩岩熟白灼花竹蝦仔，鮮甜彈牙椒鹽長頸瀨尿蝦，夠哂味夠乾身，仲有幾隻有米既，係差在唔記得叫小二哥加辣。豉椒炒蜆，食海唔食返幾粒蜆總係差左d咁，聽過話而家當做，咁又真係蜆仔細細但係好肥美既薑蔥爆生蠔，味道可以主角之一：清蒸本地龍蝦，食咁耐龍蝦都係香港本地既龍蝦好食，清蒸！再點少少豉油來食。其他做法真係浪費哂。彈牙，鮮甜同個種龍蝦獨有既香味。正主角之二：清蒸東星

國內親戚來港，帶他們到長洲看看，順道說吃個海鮮餐做午餐，怎料嚴重「中伏」。扇貝細小而因蒸久的關係，有點「老」，同桌的阿姨不禁說，自己煮的還要比較好吃。魚第一次上菜未熟，再翻蒸回來，還是未熟！而其他部位已開始變老變鞋口。龍蝦伊麵完全不能上碟，龍蝦淡而無味，麵底卻鹹得難以下咽。整碟味道都非常腥，而且有沙！完全不能入口。炒菜是最好吃的一味，很多就全清。味道正常，但還是帶點腥味。味道ok，但太細小，問店員為何其他桌的較大，他說是因為其他人是磅購，我們這個沒說明就上了例牌（咁你一早又唔講？？？）炒蟹是較好吃的一味，也算是啖啖肉。這一頓更要$17xx！實在很氣憤，食物其實應為負分，太難吃了，不會再去，更會警告朋友不要光顧。