蛇王業

營業中

休息中

每年例必跟朋友訂一至兩圍蛇宴(以往多數食工聯), 以蛇會友~上年經歷了失敗的一年(油麻地某廚藝學院), 今年為求穩陣, 就試下深水埗專業蛇店.揀左蛇王業, 因為朋友試過在地鋪食蛇羹話正, 所以就訂一圍蛇宴試試.唔算難訂, 預早個幾星期打去問, 有位, 第二日去比訂金.第一味當然係主角x 2窩, 好正, 足料炮製, 仲有成大筒薄脆及一碟檸檬葉.第二味係炸五蛇丸, 好香口兼彈牙, 全晚最好食係佢, 好快比人搶晒跟住係七彩炒蛇絲, 這個就無咩特別到椒鹽蛇碌, 真係好多年未食過, 加左辣味, 唔係個個食到辣, 我可以食多幾件, 好野味.紅燒大山瑞, 即係水魚, 外貌就一般, 但既然黎食補野, 自然要接受, 肉比想像多, 骨膠感極重生扣蛇腩, 真係第一次見, 基本上都係蛇皮, 無咩肉. 真係唔識黠形容, 其實攞去炸應該會好D 蛇汁時菜, 無咩特別, 連相都唔記得影蛇汁貴妃雞, 雞唔算肥, 有雞味, 大家開始有D飽, 食淨了.藥材龍鳳燉蛤蚧, 夠晒重口味, 原隻蛤蚧清清楚楚, 飲完變左暴龍哥到最後嘅生炒糯米飯, 花生臘味足料, 飯身帶點濕(有些人喜歡乾身)總結: 蛇羹一定無得輸. 喜歡食另類野味的

秋風起 三蛇肥2018年12月頭已經天氣轉涼，當然要試試新野，今次就係人生中第一次的蛇宴!當日約了舊同事係深水埗的老字號等，地鐵站出去行少少路就到，唔算難搵。成個餐單有10道菜:人齊之後姐姐好快起菜，先黎一窩蛇羹。望住咁大窩以為係2窩合二為一，點知道之後仲有一窩，我前後食左3碗。啖啖都係肉之後既椒鹽蛇碌同埋蛇腩都好OK蛇碌偏辣，怕辣既人可能要飲多2啖水對於第一次食蛇既我黎講，蛇腩要合埋眼先放到入口每碟既份量都好足夠，加上我之前已經食左3碗蛇羹，之後個D都係淺嘗就算...可惜飽到食唔落山瑞( 雖然我未必敢食)最後食唔曬既菜(糯米飯﹑貴妃雞)都要其他人打包走先可以，戰鬥力薄弱~

天氣寒冷, 大嫂突然想食蛇宴, 哥哥叫了我倆一齊; 剛好可以食半圍 - 蛇王葉蛇肉分量好多每人分到兩碗外層炸得香口, 蛇肉香蛇碌口感煙韌, 椒鹽香脆J先生話: 爽口! 好味蛇腩煮得腍; 支竹入味第一次食山瑞, 肉質軟腍腍的雞肉又嫩又滑藥材味濃, 入口清甜時菜爽口已經很飽了, 人人也要一口試味! 最後每人也分一碗糯米飯炒得好好味, 香濃帶少少黏! 花生不夠香脆!蛇王葉 總結: 一定要試!