楓林小館 (已結業)

8年前，P和J毅然辭去各自的正職，然後開了屬於自已的第一間店，這8年實在是太忙了，抽不出時間及心機去延績我的食記，和以往的OR食家亦很少聚首，好彩仲有同爐兄keep住聯絡，Halloween當晚約了爐兄一家4口去楓林小館吃晚飯。是晚爐兄點菜，點了一桌子必吃小菜，整體上有水準及風味十足。最推介豆豉雞，雞肉超嫩滑，豆豉汁只有濃香，沒半點過咸，送飯一流，我食左半碟。另外，大家亦一致讚好三鮮炒牛骨髓，牛骨髓超肥美，一啲膻味都無。三鮮包括蝦、魷魚及冬菇，味道一般，主角始終係大大條&肥嘟嘟的牛骨髓。爐兄大仔食到停唔到口。招牌乳鴿勝在即燒熱辣辣，脾位好厚肉，乳鴿非常大隻多肉，可惜皮不夠脆，肉汁亦不夠，有些少失望。至於每枱必點的椒鹽蝦我就覺得一般，P就幾鍾意，話夠新鮮及乾身。數數手指，同爐兄和阿嫂已認識了10年，在此祝福各人身體健康。

見openrice 食評幾好，今次有機會可以試吓。聽聞楓林小館已有六十多年歷史，裝修古色古香。這晚屋企人生日，在楓林小館的２樓延開４席聽說這裡的乳鴿是招牌菜之一，幸好酒席中也有，如果唔係就唔知幾時有機會可試。原來除招牌菜乳鴿，　還有幸可試到椒鹽蝦！炸得通透，非常乾身，肉質結實鮮美，蝦殼香脆可口，有水準！紅燒乳鴿，差不多每枱必點鴿味香濃，肉嫩多汁！合桃露香滑，但個人覺得太稀

雖然平民版的米芝蓮一星,未必個個認同,但始終相信評審不會盲目附和,人云亦云,無實力,想飛上枝頭總有點度 其實是晚菜單及飯局是由南瓜兄舉辦,誰不知有事來不了,臨時拉扶由小弟頂上,事前亦落了少許功夫,知道店方名物,見有幾位食肉獸在場,即時加幾味菜,份量是一定足夠. 是夜店內客人不多,畢竟是還未奪星的日子,香港人愛貼金的做法,諗起都好笑,不過對有實力但無人吹噓的食肆而言,又的確起了強心針的作用. 基本上整個菜單都是圍繞著炸物為主,近年來飯局出席了不知多少次,對於大部份都是炸物的一餐,倒是第一次試. 乳鴿免切 : 店方所謂紅燒乳鴿,其實同市面油泡手法一樣,都是先經滷浸,讓香料的味道滲入肉質之內,到上檯之前油泡,一來夠熱辣辣,二來避免鴿肉未熟,三來將肉汁鎖在鴿皮之內,如果斬件上碟,可以說是風味全失,連皮一齊咬,肉汁充盈,鴿味香濃,跟本連淮鹽都不用蘸點.而伴碟的鴿心及鴿腎,炸得煙韌有嚼口,不過又是膽固醇老友,敢不敢食,閣下自理. 冬瓜盅 : 是日唯一非肉類小菜, 配料有蟹肉,竹笙,陳腎,瘦肉,瑤柱,鴨肉,金華火腿及夜香花等,雖然不是老火湯,但是日太多煎炸食物,多一點清潤的湯水也是好的. 椒鹽蝦 :

兔年團拜1st round 兼美人B-Day飯聚.今年新春團拜在我新裝修好5星級(自己認為)的家舉行, Mahjor耍樂後, 就一行6人浩浩蕩蕩打的出發去"楓林小館". 因是次gathering會連同美人的B-day一齊慶祝, 固已訂了枱, 無須等位.到櫃位登記, 眼見下層已滿, 侍應叔叔帶我地上樓上入坐一張有"留位"既枱, 但位置在死角位, 隔鄰有一張超大枱, 無咁舒適, 通風無下層通爽, 有少少侷, 都可接受.我地點了以下菜式 :- 擺位 先來椒鹽蝦 - 中蝦, 肉身唔夠爽口, 椒鹽味適中, 比預期差咗少少. 蒜蓉豆苗 - 唔會過油, 過老, 蒜蓉味遮了草青味. 是晩最正. 炸鮮奶 - 我無食, 但我見清碟, 應該得. 口者口者排骨煲 - 排骨無乜味而且少, 其他配菜如蒜頭, 大蔥都唔出味, 我只食了一口就放棄. 炸釀豆腐 - 最好食這個, 豆腐外脆內滑, 可帶出蝦膠既鮮味, 有少少汁係底, 唔會浸腍豆腐, 一個字"正". 好似水, 無粟米味, 失水準之作. 合桃糊 - 偏甜但有合桃香.舊式中菜館買少見少, 但留下來的, 又可留住幾多客人?

我哋VU嘅聚會，今次揀咗楓林，我第1次嚟食咋！老牌小館，試吓喇！1) 椒鹽蝦 (招牌菜)但我覺得唔夠椒鹽2) 豆豉雞 (招牌菜)冇咩特別，O.K.喇！3) 紅燒乳鴿個樣幾靚嘅，但我唔食乳鴿嘅......4) 炸子雞都係冇咩特別......5) 煎封豆腐 (招牌菜)乾得滯，我覺得唔夠味......6) 香酥鴨 (招牌菜) 芋頭，我最鍾意......7) 蓮藕餅 喱味最驚喜，超好食！8) 合桃糊湯丸 送嘅，真才實料，唔係開粉嘅可能嚟之前對佢期望過高，所以有啲失望......侍應都係老伙記，招呼都唔錯嘅！其實價錢都略貴......

公司飯局地點選在這老牌飯店, 包了上層開了幾圍地方也見寬落. 老伙計服務當然不會要求太多, 但換碟添酒也算快手快腳椒鹽蝦 - 蝦殼炸得很香脆, 用上海中蝦, 肉質鮮甜彈牙, 是晚最出色的一道菜元貝鮑魚炆鵝掌 - 溏心鮑魚腍中有點煙韌, 而鵝掌扣得很腍很入味, 獻汁香濃但不會過杰身, 不錯炸乳鴿 - 最令人期待, 但也教人是最失望的菜式, 鴿身只帶微暖, 皮亦沒從前般香脆, 尚幸肉質還帶鮮嫩兼多肉汁, 拉平下尚可合格清蒸老虎斑 - 蒸魚時間控制得剛好, 肉質嫩滑, 魚味亦很鮮甜香酥鴨 - 這味功夫菜看賣相很不錯, 但可是吃下卻很油膩, 芋茸本人一向不太好, 而鴨肉也過份薄身, 是晚吃淨了大半碟煎釀豆腐 - 豆腐外皮煎得香脆, 內裡卻依然幼滑, 很出色, 反而釀在上面的蝦膠卻淪為配角糯米飯 - 簡單的配上腊味等, 飯身不油膩卻帶甘香金菇炆伊麵 - 望賣相已教人提不起興趣, 但當然要吃下才可論好與壞, 味道一如賣相...無色無味金華火腿螺肉湯 - 湯味道偏淡, 但吃下這麼多油炸食物, 當清清喉嚨也不錯是夜水準好像是退步了, 但再相比別的飯店水準依然高一班, 希望下次再來時這裡能重拾以往風采