舍 (已結業)

初四，新年同朋友團拜一行七人，因為大伙兒比較嘈，我們選擇室外用餐，天寒地凍好彩餐廳有火爐，放在枱邊不會太凍；我們叫左點心，一個炒飯及炒米粉，點心方面差燒係最好食而且鬆化，另外燒買，菠蘿差燒包及腸粉都唔錯，其他點心除左椰汁棉花雞外，其他都合格，原本椰汁棉花雞賣相不錯，但欠缺椰汁味，還有椒鹽豆腐皮唔夠趣，以里個價錢食里個質量，就比較唔合理，；最後叫左一個招牌炒飯及雪菜鴨絲米，炒飯用料靚味道唔錯，不過鴨絲米粉，就比較咸但不太油膩。。。 服務方面態度非常有禮！ 但留意切餅費相對較貴，要200蚊可能地區問題吧！ 是次用餐每位約350 左右！

今日和朋友往中環IFC舍食午餐, 餐廳在連卡佛近賣化妝品的位置, 我們點了香檳金蝦餃, 椒鹽豆腐和秘製龍蝦炒面。香檳金蝦餃粉紅色的外皮, 賣相吸引,皮薄餡靚,蝦新鮮彈牙, 食落有香檳的醇香, 口感細緻；椒鹽豆腐炸得金黃, 豆腐外表香脆, 豆腐軟腍, 入口即熔,配上醬汁提昇口感, 食落惹味；最後秘製龍蝦炒面賣相吸引, 龍蝦切得細細粒, 肉質新鮮彈牙, 味道鮮甜,炒面炒得乾身醒胃, 食落爽口。餐廳座位舒適, 可看維港景色和摩天輪, 食物賣相吸引高質, 朋友相聚好地方。

上個星期有個朋友返黎揾我地, 佢去左德國幾年, 終於返黎揾返我地, 咁耐無見, 所以約左佢去一間比較高檔既中菜食飯聚下舊。間餐廳雖然係食中菜, 但係去到我地發覺店員全部都係外國人, 有啲出乎意料之外既感覺。呢間餐廳叫做「舍」, 英文就係「舍」既普通話拼音 「She」，我發覺近來中環越黎越多類似既餐廳不斷湧現。去呢間餐廳最好問下路, 因為佢位於IFC既連卡佛旁, 唔係太易揾, 但係一去到門口就覺得好high class，我地坐既位背後係一大塊玻璃窗, 從IFC望出去就係醉人的維港景緻, 好令人陶醉!!店員都非當有禮物, 男店員同我地講野既時候, 都係半鞠躬既形式, 超有禮貌! 我地點左一啲點心, 因為個朋友真係好鍾意食點心, 而響德國佢住既地方又唔係有太多正宗既點心食, 難免會有啲 “思鄕”。首先黎左個 “蜜汁黑豚肉叉燒”, 係有個小火爐熱住, 所以都keep住係暖, 雖然我地無一口氣食晒, 但到最後尾啲叉燒其實都無被煮到過熟, 可能個火都只係好細, 所以係剛剛好可以令個叉燒一直保持微熱。叉燒係半肥瘦, 肥既地方唔多, 係兩大塊肉之間有一層薄薄既脂肪, 叉燒食落係非常之tender, 肥

今晚約了舊同學到IFC相聚在云云餐廳中選了這家中菜先點了招點心香檳金蝦餃粉紅色的外皮原來以紅菜頭汁製成外形搶眼蝦肉鮮味突出流心紫蕃薯外形十分精緻外皮香脆咬一口番薯蓉流出甜而不膩作為前菜一流椒鹽豆腐外皮炸得脆脆內裡豆腐卻滑得過份點了小鍋招牌花膠滋補養生鍋材料有花膠螺頭杞子桂圓紅棗等湯頭清澈看得出是經過時間的歷練蜜汁黑豚肉叉燒是我的最愛黑毛豬肉半肥瘦入口甘香配一碗白飯一隻煎蛋幸福無比秘製龍蝦炒麵氣勢磅礡龍蝦肉鮮甜彈牙份量也不少全蛋麵有微微的XO味既香辣又惹味最後以太極馬拉糕作結馬拉糕以太極形狀造成有原味及黑芝麻味香甜可口侍者貼心有禮我們都十分享受

數數手指，係IFC食野既次數確係五隻手指數得哂，價格固然係一個原因之一，但偶爾都要獎勵下自己又或者同另一半食餐好既，今次揀左呢間中菜館。環境位置比較特別，係位於一間賣名牌既店舖入面，所以一開頭都搵唔到間餐廳，一入去就有酒吧位置，餐廳格局似西餐廳，仲有户外座位對住海景，氣氛一流。餐牌選擇十分多，都有套餐可選，價格固然不便宜，但既然到訪就揀自己想食既。椒鹽豆腐 $88簡單但好考師傅功架既一道菜式，豆腐咁易爛既食材要沾上生粉去炸，油溫、時間都要控制得好好。份量適中，每粒大小均稱，外層酥脆，沾附少少既椒鹽調味岩岩好，內裡豆腐嫩滑，做頭盤小吃很不錯！招牌花膠滋補養生鍋(1-2人份) $298呢個係1-2人份，用上等花膠、蟲草花、杞子、紅棗、乾螺頭、准山、桂圓、豬骨等等多種材料用慢火熬足12小時，標明無加味精。店員會幫忙分湯，十分足料，飲落好清甜，湯頭因花膠膠質增添濃稠度，但又唔會漿口，口感舒服，花膠亦夠大塊，會吸取返湯汁，有咬口。除左1-2人份，亦有多人份$888。蜜汁黑豚肉叉燒 $198/例食fusion既中菜餐廳，食豬肉的話大多都會選用黑毛豬，呢到亦不例外，選用來自加拿大既黑毛豬，上枱仲會用

復活節最後一日假期，喺IFC睇完戲順道晚餐~ 黎到以前喺連卡佛入面既Angelina位置，試試呢間中菜《舍》。餐廳內外融入五行元素以木、金色作主調，綠色植物牆身點綴，裝潢風格高貴之餘，又不失時尚感!呢度亦有提供afternoon tea set($328 for 2) / cake set($98)，價錢貼地之餘，最正緊係個靚景啦~ 雖然係中菜，但酒吧區都整齊展示左唔同種類既酒，仲有happy hour 時段~ 甫進店至安排坐位，感覺高貴有格調，裝修型格時尚。趁6點多天色仍然光亮，未坐定已經先到outdoor area觀賞維港景色自拍一下!! 呢個環境之下點可以少了一杯cocktail 哩~ 🍹《PINK ROOM》以櫻花酒, rose wine為主調，襯托左洛神花甜中帶點酸既味道~ 🍸《NIGHT JASMINE》有茉莉花既優雅、輕柔清香，酒精感亦相對比PINK ROOM的少。《香檳金蝦餃》香檳玫瑰色既外皮，highlight了金色，令一粒平凡既蝦餃變得不平凡，作為粉紅控的我也被'她'吸引了! 同時亦不失內在美，一啖入口蝦肉爽彈鮮美!最近吃了不少紫蕃薯製品，之前2篇食評也介紹過~今次