一焼肉

營業中

休息中

上網搵上水廣場美食時，發現呢間燒肉店都多人介紹，就同住附近嘅阿姨去試吓。🔥 必試燒肉：鹿兒島 A4 和牛肉眼壽喜燒，一大塊薄切嘅 A4和牛肉質鮮嫩，浸埋喺黑松露蛋汁入面一齊食😋~好味！ 🦀 必試套餐：極上蟹味噌甲羅燒套餐，個甲羅燒鮮甜無腥味，連鵪鶉蛋🥚放喺紫菜溫泉玉子飯入面食，正！牛舌芯口感爽嫩，薄切 A4 和牛肩肉多汁，鹿兒島 A4 和牛壺漬每粒浸透醬料。雖然一燒肉有原味同鹽味燒汁、韓式辣汁同蒜香醬油等調味料，但部分肉已經輕醃過，唔使加其他醬料都好夠味，同時保留到肉嘅鮮味。 另外，我哋仲叫咗翠肉瓜串，上面加咗木魚香口多汁，車厘茄同粟米串都好新鮮清甜，砂肝串（岩手縣產）即雞腎都好爽口！   🍢 除咗套餐同額外嘅串燒，我哋仲叫咗單點燒肉，有安格斯西冷薄燒（配蒜蓉、炸蒜片同蔥花），厚燒牛舌芯串燒。不過，我哋更鍾意自己燒嘅牛舌芯，因為燒燶少少更惹味！其他仲有日本黑豚肩、牛板翼同雞脾肉。雖然好似叫咗好多，但份量啱晒二人 share，唔會浪費。 最後，我哋食埋跟餐嘅日式蕨餅，有黃豆粉同抹茶口味，真係到最後最後，始終忍唔住叫咗熱嘅松竹梅撰清酒試吓，完美 🍶

原來上水廣場開咗間燒肉店🍢,不過因為喺角落,所以無留意到👀~間店有幾款套餐,仲有唔少單點嘅肉類同蔬菜可選👍~呢個極上蟹味噌甲羅燒套餐真好正!除咗有甲羅燒🦀,仲有A4和牛肩肉🐮,油脂分佈靚,食落又香又綿~另外仲有厚切牛舌👅,啖啖肉勁juicy~精選牛三食嘅肉就無咁靚油花,相對肉會無咁滑,但就比較香牛肉味😋~呢個餐都有牛舌,但就薄切嘅,我個人覺得薄切嘅比較好食👍~而牛五花油脂都多,食起嚟好香~呢兩個餐都會跟前菜同埋飯🍚,我哋加9蚊轉咗紫菜飯,勁香😋~另外點咗呢個澳洲M5和牛內裙邊,非常大塊!佢仲有好多串燒可以選🍡~我哋自己燒翠玉瓜唔太掂...反而點串燒呢種就好食好多,上面仲有郁郁木魚碎~而呢個香葱豚肉腩卷都唔錯🐷~好多葱,又香又脆,而且幾抵食~另外仲點咗日本二節翅🐔~翼尖燒到脆卜卜,雞翼嘅肉就比較嫩~呢個砂肝串其實係雞腎,本來仲以為係雞膶~唔會燒得太乾,食落好爽口😍~總括而言,呢度嘅燒肉種類都幾多選擇~個人最鍾意有甲羅燒嘅套餐👍👍,款款肉都好好食~而蔬菜類嘅嘢就叫串燒比較好,自己燒好易燶😂~

相信同住北區的朋友，都發現北區的餐廳款式比起九龍、香港差好遠，有時放假想食好西，又唔想離開呢個"Comfort Zone"仲有咩可以揀？原來上水廣場近客Lift的位置開咗間最近好Hit的一人燒肉店。除了有單點，餐廳仲有唔同的餐點，價格由$88-$228不等。適逢啱啱出糧，決定叫和牛豪一豪佢！呢個「鹿兒島和牛三食」一個餐有齊牛肩胛小排、和牛赤身、和牛角切，仲有白飯、麵豉湯、泡菜、蕨餅。「極上蟹味噌甲羅燒套餐」有鹿兒島A4和牛壺漬、鹿兒島A4和牛肩肉、厚砌牛舌芯配塩蔥，仲有日本蟹甲羅燒！甲羅燒有滿滿的鮮甜蟹膏，質地綿密滑順，鍾意食海鮮不能錯過。除了一般的豬牛雞外，餐廳仲有來自日本、澳洲等地的和牛，所以選擇都會比市面的一人燒肉店有更多選擇。我點的餐點，都有來自日本鹿兒島的黑毛和牛，塊塊都有美美的油花，入口滿滿的和牛油香，追求油香的朋友仔不能錯過！而我個人比較鍾意肉味香濃的和牛，而整體我比較欣賞的係「澳洲M5和牛內裙邊」！魚的裙邊就聽得多，但牛的內裙邊又係乜東東？其實佢係牛肉橫隔膜，佢的肉質較有咬口 (但正常人的牙係咬得開，放心)，肉汁都較為豐富，而且肉味濃厚，非常美味！鹿兒島A4和牛肉眼壽喜