金鶴拉麵 (閩街)

營業中

休息中

又搵到一間好出名嘅拉麵店品嘗，去到好難得唔駛排隊即時有張枱，店內唔算大，但好骨子又好有日本風味。當然要試下招牌極濃雞白湯拉麵，雞湯真係好夠濃味，飲完一啖係口腔仲留住湯底嘅味道，拉麵都掛住湯汁拉麵軟硬適中，叉燒都好夠腍，連湯一齊飲埋好滿足，黑蒜醬油拉麵湯底都好香，相比雞湯會無咁易膩，係一個好好選擇。小食叫多隻糖心蛋，烤豚肉腸鹽燒雞中翼，燒物都算係餐廳著名出品，水準都非常好😋老細仲推介即時做會員可以即時儲分換小食，招呼好好👍🏾下次又可以回頭

以下價錢需+1******************************一開始店員落錯單落錯左兩碗都係蟹湯拉麵所以雞白湯拉麵要等多陣先有得食😗佐敦分店嘅座位上方各有一射燈雖然唔係直射座位但係都好熱🥵唔知其他分店係唔係都係咁嘅裝潢🫥***🥢北海道蟹湯拉麵 $138蟹湯香濃但係唔死鹹蟹肉唔霉幾鮮甜蟹肉本身係凍嘅浸左湯熱食好食啲🥳***🥢極濃雞白湯拉麵 $138呢碗拉麵嘅擺盤好ig-able😂湯底一樣係濃得黎唔死鹹不過奶味太突出感覺唔係好食到雞湯味😗慢煮雞肉嘅雞味就好突出啦有驚喜🤤***🥢鹽燒雞皮 $48有焦香味😍脆而唔油膩但係$48兩串覺得好貴🥹

🎈極濃雞白湯拉麵 $138我地時間啱啱好3點前入席，差啲落場時間☹️。濃郁雞湯底不油膩，泡沫拉麵，忍唔住先飲一啖😋。入面有黑木耳、溏心蛋、洋蔥，最重要緊係有雞肉同豚肉🍖。兩塊雞肉肉嫩😛 ，豚肉一大片，香味十足。呢到既牛蒡條大條闊身啲，香脆美味又增添口感🤗。✦✦✦✦✦✦✦✦✦✦✦✦✦✦🎈日式餃子 $38 淨係食拉麵唔夠既話，可以另嗌小食。一碟4件，煎到餃子脹卜卜咁，個皮夠簿🥟。感受一下外脆多肉，再醫飽個肚👀。

呢排返工辛苦，喺佐敦見完客收工都成七點半，返屋企食飯太夜，同老婆講聲就自己一個喺佐敦搵食，係app睇吓啦嘅呢間金鶴拉麵以前有留意過多好評，雖然平時自己少食碳水，但見心情唔靚就放肆下，就睇吓網上啲評價堅定流🤔拉麵店開喺離彌敦道都有一段距離嘅細街仔，一個人嘅關係，Walk in 坐bar枱有位， 之後見有人入嚟無book位都冇得食，生意都幾好咁，我坐個位前面有嗰疑似虹吸既擺設未點野就嗌左支手工白啤鬆下先，d花香果香味幾清爽，幾夾我之後食嗰個濃湯拉麵中式啲雞湯我好鍾意飲，但其實拉麵我不嬲麻麻地鍾意雞白湯底，因為唔鍾意日本做雞白湯有種特別嘅so味，但見呢度好似出名雞白湯，就想睇吓會唔會令我改觀，我就嗌咗嗰極濃雞白湯拉麵嗰拉麵比我想像中好，湯底始終有少少我唔鍾意嗰鍾味道但唔強，食落慢慢都係覺得好味嘅，個濃湯底夠濃夠杰，面嘅texture又唔錯（唔識形容唔算彈牙但又唔係好諗）好match佢個湯底，麵同嗰湯算真係做得好好，但碗麵嘅料就麻麻哋啦，碗麵有叉燒同雞胸做料，瘦叉燒似火腿食落似有輕醃制過，雞胸就冇咩味道有啲鞋口，兩味餸唔係難食但真係普通，好彩個湯同嗰面夠好味，咁我都覺得冇咩所謂最緊要其實我嗌多

今天特意光顧這家朋友推介的日式拉麵店，聞說以雞白湯底出名，一向未太醉心拉麵的我無太大預期🤗🤗午飯尾段時間到達不用等位，我點了本店主打，極濃雞白湯拉麵👏， 上桌時餐具食物放在雅緻盛盤上，十分貴氣，雞白湯底濃鮮滑，加上配菜中的炸牛蒡絲，脆香味佳，拉麵爽口😋😋太座欣賞沾麵於是選了雞白湯沾麵， 佈置同樣吸睛，太座亦讚湯底鮮味滑口👏👏再跟了串燒，蒲燒活鰻魚串及餐前小食，芥辣八爪魚，亦水準之作😋鳗魚肉爽口有嚼感，魚味足👏芥辣八爪魚味道醒胃，肉質有咬口😋😋朋友又一好介绍👏

好耐之前食過一次金鶴拉麵，果陣第一次食雞白湯拉麵，覺得好有驚喜。今次再黎食，質素依然保持到🤤  1️⃣極濃雞白湯拉麵 （$138）有炸牛蒡、筍、慢煮雞肉、叉燒、木耳同埋溏心蛋😍湯底係奶白色既，啱啱送到既時候有少少泡係面，飲落係真係超濃郁，比起我之前係度食既普通版雞白湯拉麵濃郁好多同埋好creamy。不過講真食多左有少少漏😂鍾意濃湯既一定會鍾意，但係比我揀我會覺得普通版既好味啲。  麵好彈牙好煙韌，而且因為湯底好濃，所以都好掛湯🤤配料最特別同埋最鍾意既係佢既雞肉，真係好嫩滑一啲都唔鞋👍  2️⃣黑蒜醬油湯拉麵（$98）蒜香味幾重，通常黑蒜油拉麵都係豬骨湯底，但係呢個就唔係，食落冇咁濃味，不過蒜香味都好夠😋  好味：7/10 環境：7/10 性價比：6.8/10  金鶴拉麵 Kane Tsuru Ramen  📍地址： 佐敦閩街3號地舖 📌有五間分店，另外四間係土瓜灣、天后、北角同埋中環  #佐敦美食 #土瓜灣美食 #天后美食 #北角美食 #中環美食 #食好西 #吃貨人生 #拉麵 #極濃雞白湯拉麵 #雞白湯拉麵 #黑蒜醬油湯拉麵 #金鶴拉麵 #kanetsururamen #香港拉麵 #炸牛蒡 #

行開佐敦又想食下拉麵，網上睇見呢間評價好高，我又去試下，果然冇令人失望😍坐低見餐牌都有好多款唔同湯底嘅拉麵，選擇都好多元化👍🏻 我叫左佢推介嘅極濃雞白湯拉麵🤤同一份唐掦炸雞。可能平日去，上枱速度都好快。先飲左一啖奶白色湯底，好香濃嘅雞味，又唔會太咸太多味精味。拉麵嘅質地偏軟，但配合埋配菜嘅脆炸牛蒡，口感就岩岩好。肉方面，有二塊雞肉，一塊豚肉。豚肉薄切，但好大塊，而且唔肥膩。雞肉更加一流，好嫩滑，完全唔會有柴皮嘅感覺👍🏻👍🏻一流👍🏻炸雞塊都一樣出色，肉汁多，夠juicy 👍🏻配合掂下佢有少少話梅粉嘅調味粉，更加好味！特別叫左一份魷魚筒， 超好味， 又juicy 我見佢餐牌仲有其他期間限定嘅海鮮拉麵，下次會再嚟試下。同埋佢哋仲有得外賣😍咁高質嘅拉麵有得外賣，店員話自取仲有折添👍🏻真心推介俾大家試吓

▫️極濃雞白湯拉麵 ($138)湯底非常creamy 濃而不膩仲好有雞味😋 牛蒡甜甜地又幾香口 啱哂用嚟中和湯底嘅漏 不過略厭浸得太多係湯道唔夠脆口 另上應該會更加好🤣 拉麵嘅軟硬度剛剛好☺️以低溫慢煮嘅雞肉同豚肉亦十分嫩🤤▪️北海道極濃蟹湯拉麵 ($138)蟹肉好多 絕不吝嗇 蟹湯底鮮甜香濃 飲哂成碗湯麵唔覺得膩😍溏心蛋熟度剛好 滑溜又入味😝 兩塊火炙豚肉片烤過後味道好香好出🤤拉麵再配埋紫菜黑木耳絲等配料一齊食 味道更加豐富爽口😝仲可以即時入會 即刻會有100分 就可以換到溏心蛋或可樂😉

位於佐敦一d不太起眼既位置，竟然有間岀色既鰻魚、拉麵店！依日雖然已經食左個超豐富既brunch，但路過都決左入去點少少大家share食極濃雞白湯拉麵... 招牌菜當然要試下啦！先講個湯，奶白色好吸引啊！飲落係濃而不膩既雞湯味，仲有d creamy 嫁！面頭仲有脆口既炸牛旁，浸淋左都好食，我朋友勁鐘意我就最欣賞嫩滑雞肉片，真係不得不讚，嫩到呢~蒲燒活鰻魚串... 依個燒鰻魚可以話係全港最正喺我地睇緊menu果陣，師傅都推薦我地食招牌之一既鰻魚飯。原來係用新鮮鰻魚即燒嫁！不過我地見有d飽，所以就叫左淨燒鰻魚。果然好正唷超級熱辣辣，魚皮燒到勁脆！肉質鮮嫩彈牙！超juicy! 真係每次黎都要叫啊明太子釀雞翼... 又係即叫即燒，仲好貼心用錫紙包住翼尖，用手拎住食得方便又更滋味中間明太子辣辣地，份量都唔少嫁！臨走時望一望門口，原來依家做緊外賣自取優惠有85折，如果我住附近應該會成日買

依間拉麵店想試好耐，當日就因為工作關係到附近所以黎一試。本身想試鰻魚飯，但因為天氣太熱所以都係食麵比較好。叫左個極濃雞白湯拉麵同燒豚肉（無相）拉麵麵質本身無要求亦無特別，湯底只係第一啖飲得出雞味，其後感覺都係似飲忌廉湯。但炸牛蒡好食，感覺依碗拉麵牛蒡先係主角，麵係其次。無浸湯既好爽脆，一啖湯一啖蒡唔錯。變相覺得拉麵只係為求填飽個肚，感覺好怪。雞肉叉燒ＯＫ，肉質嫩同入味。但食慣豬肉叉燒／角煮所以感覺怪怪。燒豚肉ＯＫ，醬汁夠濃味。下次想試個串燒鰻魚，因為坐係吧頭一路見師傅燒鰻魚都唔會急，唔似有Ｄ日式快餐會用火鎗夾硬燶。

記得依間拉麵一開嘅時候都幾出名，估唔到而家已經開咗咁多間分店🤔拉麵控當然要出動實測下～.極濃雞白湯拉麵 $138主打點可以唔試🙆🏼‍♀️用赤雞熬製六個鐘既湯底🤤可以見到個湯呈奶白色而且係無乜油，飲落果然係好濃厚雞湯味但又唔會過膩🥰麵條岩岩好唔會話過硬過林，吸晒啲湯汁勁入味，叉燒大大塊之餘又唔會話太肥不過唔夠嫩，溏心蛋都好流心，最特別係有一大團炸牛蒡，食落炸卜卜或者浸落雞湯一齊食都好正🙈.北海道激濃蟹湯拉麵 $138期間限定😍個湯望落好似同雞白湯一樣食咁～但食落係完全唔同，飲落都一樣係好creamy且有好鮮甜既蟹味🤤而且佢啲蟹肉比得一啲都唔手軟，每一口拉麵都可以連埋一齊食🥰勁正！！成碗麵口感勁豐富～美中不足係洋葱團好難散開，有時唔想食到洋葱都避唔到🥺(我無偏食架haha).總結，如果鐘意食濃厚感既依間絕對唔會失望，同埋食得出淨係湯底已經好有誠意🤤會令你想飲晒啲湯佢～私心的我愛蟹湯多啲🤭

因為驚多星期日晚多人要等 所以喺openrice度book定先 雖然遲左20分鐘 但好在鋪頭仲有留返個位比我🙈我同男友分別嗌左2個人氣拉麵$138 極濃雞白湯拉麵 🌟🌟🌟🌟湯底好香嘅雞味 口感好Rich同重奶味 上面嗰幾條食完都食唔出係乜😂 2塊雞肉冇乜特別 口感一般 但麵質爽口 係粗麵來的😋$138北海道極濃蟹湯拉麵 🌟🌟🌟🌟🌟 一入口個湯底勁濃 正😋 蟹肉幾甜 唔重雪味 舊叉燒就普通 個人認為出色過雞湯👍🏻值得推介 因太濃味 唯食到最後會覺得有少少膩仲叫左2個小食$48 明太子雞翼 🌟🌟🌟可以想像到嘅味😂不過都幾好食$38 日式餃子🌟🌟點左先知係炸 唔係煎 有少少熱氣😂都算炸得香脆 但不會推薦整體而言 拉麵真係幾出色 可以encore 唯一缺點就係價錢略貴 😀

今日經開佐敦 諗住再戰金鶴既蟹湯。點知原來已經無賣！佐敦店係第一次來，個位置都比較偏，有隱世既感覺，但慕名而來既客人很多，7點半已經排左5pair情侶！仲要未計有幾pair行過見到多人走左。環境方面就無乜挑剔，坐得好舒服。服務方面係唔錯，但我個人比較鐘意土瓜灣店既服務。食物方面就非常有水準，無得叫蟹湯，但極濃雞白湯，都非常正！極濃雞白湯拉麵 ($138)推介指數：9.5/10個湯底非常濃，但絕對唔會覺得膩，而且係非常清甜，係會有衝動飲曬成碗湯的！黑蒜醬油拉麵 ($98)推介指數：8.5/10湯底相對下有小小鹹，但都係會食上癮！當然，係雞湯先會有既清甜感覺，呢款拉麵就唔會有，但完全唔會覺得有味精既感覺，加分！呢個湯底比較濃，如果整成沾麵實好正！今次諗住加個小食，但好多款都因爲疫情來唔到貨，最後叫左個炸餃子，又係好食到不了！炸餃子 ($38)推介指數：9.5/10個皮炸到超脆，肉汁亦鎖得住，非常高質！加上有個醋汁可以點，唔會覺得dry。無得食蟹湯係有小小失望，但極濃雞湯同個炸餃子都成功令我大滿足！希望快d可以推出番個蟹湯，真係超級掛住！

一個月前都冇諗過，食餐飯都要左顧右諗，怕呢怕路，所以真係要珍惜每一個當下。當然呢個時候千祈唔好餓親自己，食飽啲抵抗力都好啲啦好多胃民表示自己已經好耐有食日本嘢，趁而家仲有得揀，梗係食拉麵啦！呢間嘅拉麵真係去完一次，冇辦法唔去第二次，原因在於佢地嘅濃湯實在太有魔力，呢碗新出嘅蟹湯濃而不鹹，仲有大量蟹肉，問你服未？每次食呢間，冇法子唔叫佢地嘅雞白湯拉麵，呢次仲係極濃版，豐富到你呢，加上華而美味嘅牛蒡，諗定下次幾時再去食都得喇樓面時常fill水，怕我地傾偈傾到口涸嗌個無骨雞翼食吓，脹卜卜咁，睇嚟好多餡好飽滿嘅明太子呀，加上嫩滑嘅雞翼，一樂也喺咁有日本氣息嘅拉麵店用餐，樂觀啲當自己已經返咗鄉下一轉啦

大街上人不多，轉過街角，便看到這間麵店。店舖裝潢甚具品味，牆上有一幅金色的鶴畫，格局如日本的拉麵店。極濃雞白湯拉麵($138)，極濃的雞白湯由平時水狀湯底變成忌廉似的湯底，口感讓人眼前一亮。相較普通雞白湯拉麵，這個湯底如忌廉般濃滑，入口是濃郁清香的雞湯味，雞肉味比平時喝的雞湯相倍濃厚。拉麵掛湯，忌廉狀的雞湯自然更能掛到麵條上，令到每一口都嚐到煙韌爽滑的拉麵和雞湯的滋味。黑蒜醬油拉麵($98)，我們很喜歡任何黑蒜系列的拉麵，來這裏自然不能錯過。也許是極濃雞白湯拉麵的味道太出色，黑蒜拉麵有點比下去。用上同一款拉麵，依然能掛上黑蒜醬油湯底。湯面有大量芝蔴，先喝一口熱湯，再嚐拉麵。配料與其它拉麵一樣，有紫菜、半熟蛋、非常軟香的慢煮雞肉和大片帶着脂香的叉燒，當中以雞肉的質感最好。還有一絲絲炸過的牛蒡，脆吃和浸湯吃亦可，但以不浸湯吃為佳，更能嚐到其香脆味。浦燒活鰻魚串($68)，是在店員推介的鰻魚飯和網上推介的極濃雞白湯拉麵中，各取其優的選擇。燒汁做得非常出色，鰻魚燒得鮮脆，如拌飯吃更佳，往後有機會必嚐這裏鰻魚飯。另，店員服務很好。總括而言，是一間以味道取勝的拉麵店。