肉骨皇 (已結業)

好耐無去大坑搵食，今晚落雨寒寒地，去咗浣紗街的肉骨皇整個肉骨茶暖一暖身。夜晚差不多7點入餐廳，未見有其他客人在內。侍應非常有禮貌的招呼。餐廳以平民式的裝潢，無細緻嘅裝修，但卻多一份地道的舒適感。大概就係住附近的街坊，平常踢拖落樓開飯的餐廳。肉骨茶是馬拉的風味，點了小份量，二人分享，份量剛好。湯的藥材和香料味濃香帶甘甜，令人飲完一口再接一口。另外點了柚子蝦沙律，基於本人不太能食辣，所以坊間好多餐廳的柚子沙律因爲太辣，我都比較難食得完。不過肉骨皇的柚子沙律不是用辣椒粒去調味，而係用泰式辣醬加埋柚子肉的味道，酸甜酸甜，帶少少辣，反倒合我胃口。最後的花甲喇沙，花甲量不少，而且很是肥美大隻。另外麵身可以揀淨米粉，油麵還是米粉油麵雙拼，我就當然係要雙拼啦！喇沙的湯頭濃郁，配上粉麵實在一流。邊食邊配上餐廳自製的薏米水，温温暖暖，清甜舒服。非常滿足的晚上。

很久沒有吃過星馬菜了，在朋友介紹下來一嚐《肉骨皇》肉骨茶以砂鍋呈上，有睇頭亦能保持温度。靜待數分鐘後便可把煲蓋移除，看到肉骨茶滾下滾下的。先喝一小口，味道有點甘甜，比我想像中的藥材味少！（本人是很怕吃中藥的）湯料超多的，肉即使附著骨也不會很少，還伴有金菇、腐竹、豆卜等多種配料～蝦餅是餐廳手攪的，足足有五塊之多，每塊的蝦肉厚實，非常彈牙～咖喱辣度適中，不甜也不會印度咖喱般很重口味。牛腩炆得超軟熟，再加入茄子、豆角、薯仔等，份量剛好，不會太滯～酥餅用以醮咖喱一流，但如有更多就更好了～飲品是石榴梳打和青檸梳打～另提，這裡的服務很好，老闆娘為免我們坐得太迫而特地安排我們轉座位，而且不時會走過來為我們介紹食物，非常貼心～

我同我老公非常喜愛肉骨茶，因為我哋喜愛那藥膳既味道。於冬天食完後，感覺到全身暖暖的，而依種暖暖感覺係非常舒服。我哋係港島只試過一兩間有肉骨茶既餐廳，依間第一試完便愛上，所以我哋定時定候就去食。雖然地方有點隔涉，然而這個隔涉地方亦有好多人幫襯，每次於晚飯時段都要排隊。今次等左15分鐘左右。檳城香濃肉骨茶：2人份量最好叫個細份既肉骨茶，印象中都有每人各1-2碗，但我哋今次叫3-4人份量。上枱前，員工會放上一個小火爐，用於保持那煲肉骨茶既溫度，湯熱熱的，飲落口不會燙嘴，湯成份不太清楚，只知道有藥膳味，但眼見鍋內有數件豬軟骨、杞子、豆卜、金菇等等。豬軟骨肉質腍腍的，好入味，如果配料既油炸鬼係脆口既話就更正。蕉葉燒倉魚：用了荷葉包著去燒，打開荷業葉，見到倉魚已經了幾刀，魚肉嫩口多肉，不用五分鐘，我同我老公食曬。

放假時候總愛四周覓食，雖是下雨天，但沒有打擾我的心情及興致，我與友人相約大坑食個中午飯，突然我想起了附近的肉骨皇，去年冬天時份我也曾光顧此店食過晚飯，發覺他們的招牌肉骨茶、海南雞飯都是水準不錯的菜式，想起真是好耐都沒有食星馬菜，今天我與友人一起決定去此食番個招牌肉骨茶啦!!門外的黑板都寫上了是日的中午午餐，選擇看起來真是有點吸引，除了設有招牌的菜式之外，更有印尼炒飯、菠蘿蝦炒飯、印度炒麵等.......奉送咖啡或茶。剛開學不久又正是中午時份，餐廳內都已經擠滿了不少學生來光顧，等了一陣終於入座了，店員都好友善，幫我們抺枱及奉上餐牌後，也好有效率地奉上了兩杯清水給我們，也向我們交帶一會兒會回頭幫我們落單，讓我們都感受到店員好細心的一面。本來想點個海南雞飯，可是已經售罄了，唯有轉下其他口味，我們最後點了兩份午餐及一些小食一齊共享，先來杯餐飲先，我點了一杯熱薏米水(跟Set Lunch另加$8)  ，我個人都十分喜愛它，因為可以美顏又去下水腫， ，此味道帶些微甜，都好濃郁，粒粒薏米都好有份量， 真材實料非常值得推介。小食方面我點了一份沙嗲串燒($72)，可以選擇雞肉、豬肉或牛肉，我們選擇了雞肉

平時上網同睇雜誌都知道大坑多好野食，今日專登約左個朋友去大坑揾野食，既然特登黎到依個地方，當然揀d我平時少食既野啦，結果我地就揀左依間食新加坡菜既鋪頭喇。第一樣揀既食物緊係新加坡出名既肉骨茶啦。檳城香濃肉骨茶：肉骨茶入面分別有d藥材同排骨，首先飲左啖湯，味道濃郁，飲完感覺都幾舒服，好滋補。另排骨燉到好淋同入味，啖啖肉。依度會附上點排骨既醬汁，甜甜地同有d蒜蓉味，再配埋個白飲黎食，正！然後叫左個小食拼盤：原本小食拼盤入面有雞翼，但雞翼賣晒，轉左兩串串燒。拼盤入面分別有蝦餅/魚餅/春卷/雞肉同豬肉串，蝦餅點泰食辣醬黎食，絕配。魚餅有冬陰公味，魚味重。春卷炸得好乾身同脆口。雞肉同豬肉串燒燒既時間啱啱好，肉質唔鞋同唔乾。石榴梳打：用石榴汁好甜再配味個梳打，夏日特飲之選！而度除左食物之外，最抵讚就係店員既服務態度同埋笑容滿分。

“大坑”~~一個很陌生的地方, 從爸爸口中知道是他小時候住的地方, 也知道是在銅鑼灣附近, 最深刻的印象是新聞中的傳統舞火龍, 但朋友說原來大坑有很多美食, 因為比起繁榮的銅鑼灣, 這裡是一個比較寧靜之處, 今晚就來尋找一下美食!! 這家有名的星馬菜, 在天后地鐵站及皇仁書院附近, 朋友帶我行近球場的捷徑, 行著行著看到周圍都有不少餐廳, 而這家就在再行多一點的小斜路上。門口有亮麗的招牌, 也有今天的廚師推介, 某些也是這餐廳的招牌菜, 室內地方不算太大, 大約有三十個座位左右, 也有一些是半梳化位, 地方感覺蠻舒服也整潔, 而牆上也掛著一些星馬的舊照片, 令到客人有種去到星馬家店的感覺~因店名及主打肉骨茶的關係, 桌上的餐紙也有作肉骨茶詳細的介紹, 吃飯之餘大家又可以看下由來……幾隻人仔當然是叫不同款式的菜試一下, 更是多款的招牌菜又怎可能少呢??檳城香濃肉骨茶(Penang Bakutch) (細-$82 / 大-$148)~~~因為是幾個人的關係, 所以就叫了個大的, 最有心的是用爐上, 而且是幾特別的爐, 侍應會細說開火十多分鐘便可吃, 他們也會定時看看~~而桌上亦有幾款配料,

父親喜歡喝滋補湯水，眼見他最近工作忙碌，疲累使雙目顯出明顯血絲，更可惜的是身為女兒的我但卻幫不上一點忙。在網上翻了翻，看見這家店子主打的肉骨茶評價甚高，藥材味道濃厚，加上其他食物味道不俗，這不是正合我意嗎？一於這晚找來了爸媽，說著帶他們吃頓特別的。店子不大，裝修簡單，加上暖和昏黃的燈光，予人一種不拘謹又很家庭式的感覺。廚房屬半開放式，未能完全看透但有自信不遮掩給予客人一睹內部，令食客更為安心、信心。雙親初來時也稍稍吃了一驚，因為實在猜不到我居然會找來家星馬菜館，因此平常在街吃大多都離不開一堆西餐廳，既然如此，那倒不如坐下來喝碗滋補藥材湯，順道舒適吃頓晚飯。檳城香濃肉骨茶 $82/小(1-2人份) $148/大(3-4人份)湯會加附其他配料如：油條、辣椒、醬油、蒜，整齊有序的放在一起，湯鍋更有小爐幫忙加熱及保溫。打開鍋蓋藥材香氣四溢，湯料眾多，店員細心的為我們滔起三碗並分配湯料。湯色深沉，除藥材外亦夾雜著豬排、枝竹、豆卜、金針菇。呷一口，湯質醇厚而帶藥材與調味醬油的濃香，沉穩中帶甜，兩者相輔相成，其味使人留下深刻印象。而當中的肉除了為湯更添濃郁外，其肉身亦早已被燉煮至入味而軟化，不需費勁

和老公第一次的旅行遊歷，是新加坡。雖然那次星洲行並沒有太大的驚艷，但星洲美食真的令人難以忘懷。老巴剎、冬菇亭、糊椒蟹、肉骨茶、咖央多、獅蚶、炒粿粉......還有鮮甜到暈的果汁。不過，在香港要食到正宗的星馬菜並不容易呢，而亞坤、Toast Box一類的過江龍表現也強差人意。有時跟親友說到當地美食，還是蠢蠢欲動想再訪星洲。這天跟老公、奶奶在銅鑼灣逛街，正值晚飯時間。銅鑼灣人潮眾多，一個轉念，心想:不如帶奶奶到大坑見識一下吧!素知奶奶愛吃東南亞菜，愛煮也嘴刁，上網看這肉骨皇風評不錯。奶奶知道是星馬菜也十分期待，皆因她一直想到馬來西亞走走，順道探探親友。大坑食肆林立，而肉骨皇正是在食店最多的大街上，不難找。貫切小店的風格，店面不大，只有十來桌，位與位之間也寬敞。熟悉的深木色百頁窗木門，隱隱透出南洋風情，佈置簡約，店面明亮整潔，簡簡單單卻又十分舒適。跟奶奶用餐，當然是奶奶發辦了。每次看到她點菜時興奮模樣，我倆也樂了。她其實是個真正的食家，對食很有要求的。翻開餐牌，美食都是圖文並茂，對於未食過星馬菜的人點菜甚為方便，看當中的菜系相當正宗，全是星馬菜式，肉骨茶、大馬站豬手、咖哩魚頭、宜保咖啡骨、喇

老老實實，我係有睇蔡瀾蔡先生所寫既文章因為當中不單是對食物既食後感，仲有相關既知識經驗及後記不過文章又唔會好似現時甚多既抒情多於談食，閱後總會有種學到野既感覺今次黎到大坑既肉骨皇，都係蔡先生曾撰文評論先前病左一輪，心諗好番就要補補佢，係好老人家思想，但我就係咁架啦:^p上網查查藥膳何尋，結果就見到呢間久在待食清單上既星馬菜館二話不說，晚上急急腳放學就黎大補一番！環境寬敞闊落，坐得舒服鬆動枱面大小也叫恰當，放上餸菜後也算夠位，食時不太狼狽餐牌選擇多得令我呢個選擇困難症患者不知如何是好分類井井有條，價格清楚列出，仲有不少圖片，圖文並茂最後……還是請店方推介一下吧檳城香濃肉骨茶　$82上枱時係蓋住煲蓋，放係氣爐上熱至滾起我十分期待既藥材香氣頓時滲出，真係「聞一聞，醒腦提神；索一索，舒筋活絡」同時送上數塊油條片、椒、蒜及醬油，職員順道講解食法講真一望呢煲，心想當然是小意思啦，份量還不夠我解渴豈知一打開煲蓋……差啲「嘩」左出聲入面既食材原來豐富至此，真係好似平時點一個煲仔菜咁豐盛！醬油作湯底，色濃，湯亦帶稠單是藥材已有十數款，難怪香氣之重之醇入口比以往飲過既更厚潤，而且味道竟是非常的甘甜，同飲過

馬來西亞、新加坡，聽好多人講去幾日玩吓就夠，不過，唔知何解，都幾鍾意依兩處地方，前後每個地方都去過兩次，都仲未厭，就好似年初去咗9日大馬自由行（檳城、浮羅交怡、馬六甲、吉隆坡），被人話去9日咁多，我反而答話唔夠玩喎。可能鍾意佢個環境，亦鍾意佢哋啲食物，所以，睇見食友晌「肉骨皇」嘅食評，就搞到我都躍躍欲試。憑著門口個小燈箱「星馬餐廳」，你就知「肉骨皇」主打星馬菜，即時令小弟回想返晌星、馬兩地唔少「大排檔」式美食廣場或食街，檳城嘅新關仔角、紅園，吉隆坡嘅阿羅街、肉骨茶集中地，以及新加坡嘅老巴剎、史密斯食街……等等，真喺多到不得了。除咗門口幾扇大百頁窗木門，店內雖然無乜太多大馬風情，但裝修雅致整齊，橙襯黑，令人感覺幾醒目。牆上掛有數張食物相及推介菜式木板，平實精簡。翻開菜牌，首先肉骨茶喺必然選擇，跟手再晌沙律、咖喱、主菜……等等揀幾款，點個菜，都差不多好夠食。菜牌內，部份菜式圖文並茂，影得非常吸引。如唔想點諗，亦可考慮店方嘅廚師推介。海鮮柚子沙律 $88本來喺個肉骨茶先上場，不過需要座番滾，而個沙律就正正攝上依個等待嘅空檔期。海鮮柚子沙律嘅柚子拆得好大嚿，又爆汁，清新鮮爽，只喺澀味稍稍重；而

到大坑覓食，最後選擇了位置較入、顧客不多的肉骨皇。我們吃了～檳城香濃肉骨茶($68)：在沙巴天天都喝肉骨茶，今次再喝，感覺無異。肉骨茶用鍋盛載，並一直在加熱，所以熱騰騰，適合冬天進補。藥材味香濃，加上豆腐乾和油炸鬼，配料足夠。馬拉沙嗲串($63)：雞肉、牛肉、豬肉各兩串，肉質算嫩滑，配上沙嗲醬，十分惹味。咖哩海鮮($88)：本來想吃麵包咖哩雞，可惜售罄了，退而求其次，點了同價的咖哩海鮮配原味油酥餅。單看賣相以為會很辣，幸好辣度比冬陰公湯低，只在入口那一刻會感到辣味，我們都能接受。海鮮方面，蝦肉、蜆肉、魷魚都算多，全都很易咬，不會很韌。油酥餅只有四少片，略嫌有些凍和太少了。是夜顧客寥寥可數，環境寧靜，可以慢慢享用晚膳。將來，我會再光顧肉骨皇。