White Button Cafe & Dessert (已結業)

從雜誌得知這間打卡餐廳，今晚興致勃勃和朋友仔享受美食之餘又打打卡🙌🏻 不過一入到餐廳，就發覺到實景不及雜誌相以打卡為招徠，不過店內的燈光著實麻麻，影人影食物都一般般，失望。留意: 原來這餐廳規定每人一定要點一杯飲品！波士頓龍蝦懸浮扁意粉套餐 $188我們就是為了這碟意粉來的。浮空的tricky處就是中間的鐵柱。意粉味道濃郁，少少膩不過可以接受。櫻花蝦明太子天使麵 $128這碟味道不錯，雖然味道有點像之前那碟龍蝦麵。櫻花蝦份量足炸雞翼炸得香脆的雞翼，好味得來十分熱氣。😂餐廳食物質素還可以，不過我們期望過多，所以反而失望了。打卡方面真的麻麻，燈光太暗照片影出來都普通。menu for ref:-

同朋友上左黎衣間餐廳，又似cafe，裝修粉粉紅紅的，好有少女feel！都有少許影相位店內還有擺放左d好kawaii既衫！上到黎先知衣間餐廳係同lilian kan有關，是朋友告知原來佢係model又係時裝設計師！好，講返食物先下午黎到，沒有一般的lunch set，只有皇牌龍蝦🦞意粉set $248，當然我地一於要試下啦！套餐包括主食、黑松露雜菌湯和飲品我地兩人當然要叫多個主食啦，櫻花蝦明太子天使麵！飲品揀左焦糖牛奶同黑糖珍珠牛奶龍蝦🦞意粉賣相係懸浮式，即是吊起左咁！而味道都相當濃郁，有2份半邊龍蝦肉，肉質都不錯櫻花蝦明太子天使麵相對就會淡味d，兩款意粉就視乎各人口味喇Order埋個甜品就prefect喇，心水係玫瑰蜂蜜千層餅濃濃既玫瑰清香味，口感雖不像某大牌子但還可以的。而飲品方面分別係焦糖牛奶和黑糖珍珠牛奶🥛焦糖牛奶頂瓜瓜味道不會太甜剛剛好！黑糖珍珠牛奶🥛的珍珠似整耐左？口感有點爛爛地，沒有煙靱感，但味道是可以的。值得一讚店員keep住親切既笑容令用餐時感覺舒服，亦保持留意店內食客狀況和需要，非常細心，而這種注視係不會覺得有hard feeling

今日朋友約我放工出來食飯兼派手信,佢話帶我去一個打咭好地方,可以睇衫又可以食飯,一舉三得!令到超滿心期待今晚的約會!!餐廳裝修很少女風,粉紅色的磚牆放著平面的漫畫佈景,還有可愛的傻豹,乾花的裝飾,再配搭粉紅色的霓虹燈,令整間店都充滿著夢幻氣息!側邊係White button x Kanalili,放滿左好多唔同既衫,我們點餐後一邊睇衫一邊等食,再打咭影相,真係好開心!<黑松露雜菌湯> 我們點了一個套餐包餐湯和沙律!湯裡放滿菇粒,菇味香濃,口感不錯,加上用黑松露醬作點綴,撈埋一齊更好飲!<田園沙律> 沙律菜新鮮爽脆,味道清新,配上日式芝麻醬,濃郁又帶點芝麻香味,食起來特別開胃!<波士頓龍蝦懸浮扁意粉>叉住意粉懸浮半空的賣相超吸精!! 龍蝦好多肉好新鮮, 濃郁的龍蝦汁帶出龍蝦鮮甜的味道,餐廳好細心將蝦身拆開,方便我們進食,肉質鮮嫩彈牙,十分好味!!意粉軟硬適中,每條意粉也沾上龍蝦汁,煙煙韌韌,口感非常好!<櫻花蝦明太子天使麵> 明太子混合忌廉的味道好夾!加上天使麵上鋪滿了櫻花蝦,聞到一陣陣香濃的蝦亁味,食住脆脆的蝦乾和三文魚籽

尖沙咀亞士厘道呢條街素來都係美食林立, 仲有好多隱世小店匿藏左喺各棟大廈上面, 今次黎到雅士利中心, 比門口個餐牌吸引左, 望下ok 就上12樓lu入面座位非常寬敞, 剛剛開門我就黎到, 粉紅色既牆同枱真係夠晒少女文青😂宇治抹茶芝士奶蓋 - $48芝士奶蓋d 泡泡剛剛好填滿左個杯, 芝士味唔會太濃搶晒d 味, 同奶蓋剛剛好互相平衡到👍抹茶味好濃厚紅棗枸杞五寶茶 - $58呢個五寶茶用料非常豐富, 有紅棗, 枸杞, 玫瑰, 桂圓同菊花, 非常養生😝櫻花蝦明太子天使麵 - $128櫻花蝦平均地分佈, 令蝦味更容易滲入去, 連埋d 明太子自己撈一撈更加好, 意粉唔會煮得太淋, 口感爽滑, 美味清新迷迭香西冷牛扒 - $148可以自己揀配飯, 意粉定薯菜👍牛扒煎得香, 而且係鐵板上, 夠晒熱夠晒jarjar 聲😂玫瑰蜂蜜千層糕 - $52黎到咁靚環境既餐廳, 當然要叫番件靚靚既甜品啦😝呢件千層糕非常軟滑, 食落有淡淡既玫瑰同蜂蜜既香味, 甜到入心啦

而家食肆既策略都係位置有咁窄得咁窄，張凳有咁唔舒服得咁唔舒服，等你快啲食完快啲走。就算係樓上鋪都好都希望可以盡量在正餐時段上番得幾多枱得幾多枱。所以今日嚟到呢間cafe就覺得好舒服，因為餐廳絕對可以用寛敞黎形容，身材細小的話卡位可以坐每邊四個人。聽聞呢間Cafe最出名就是他們的甜品，不過今日都想試吓啲鹹點，所以叫咗一個沙律同意粉再加甜品。雞肉沙津雞排烤得幾惹味，配合清爽嘅胡麻汁沙律是簡簡單單又好味的開始。櫻花蝦明太子天使麵睇好多食評都讚哩個天使麵，上菜時外表幾吸引，入口都是滿口蟹籽和櫻花虾干的味道。最重要的就是處理天使麵的本領，因為好多時做這個菜式時麵條大都黏在一起。呢個天使麵能夠做到條條分明，可以看出廚師的功夫。玫瑰蜜糖千層餅賣相很吸晴，層層班戟加忌廉口感軟滑，而且頗重玫瑰味，中意花味及善甜的朋友一定很喜愛這個甜品。草莓梳乎厘奄列這個奄列好好味其實他們和一般的梳乎厘班戟基本上是一樣，只不過形狀略為不同。份量都比較大，口感好梳乎，但又唔會好似食風咁，配合香滑忌廉及士多啤梨雪糕食，好快就食清碟了黑糖珍珠奶茶坊間大熱的老虎紋珍珠奶茶這裏都有供應，珍珠好煙靭，奶和忌廉亦都好creamy，黑糖

相約幾位朋友來到這間White Button 樓上Café共聚晚餐，這裡的裝飾以粉色為主，中央位置還有一些的影相地方，座位可選擇梳化位，環境舒適寧靜，幾適合三五知己搵個地方食下野、傾下計。飲品就叫左餐牌幾個唔同系列的特式飲品。包括水晶球系列—荔枝玟瑰乳酸爆珠($58)，水晶球賣相好靚，中間有粒方型似冰粒的閃燈閃下閃下，飲落去有香甜的荔枝果汁味道，有粒粒口感特別咬落去少少酸酸地的乳酸爆珠。花果茶系列--玟瑰水蜜桃果茶($58)，雖然餐牌上寫就寫一人份量，但係佢個茶壺都幾大個，可以問店員攞多隻杯齊齊開心Share，水果茶有香香的玫瑰花茶香，還有幾片的新鮮的水蜜桃，飲完後仲可以食埋水果，這個花果茶的配搭都唔錯。鐵塔系列—東京鐵塔(青蘋果)($58)，樽的擺放是倒轉，所以拎嘅時候都要小心，飲落去啖啖清新的青蘋果味。黑松露雜菌湯($38)，這個湯由店員送上枱上來時，已聞到陣陣的黑松露飄風，雜菌的味道濃郁，令人回味。小食拼盤($108)，入面有四款不同的小食，包括有炸蝦、芝士條、雞翼和薯角，小食炸得香酥可口，其中的芝士條都幾好食，可以食到拉芝士絲的效果。鐵鍋香烤柚子豬扒($118)，豬扒放在鐵鍋還

與朋友聚會，她提議來這間cafe聚一聚若果不是她的提議，都沒留意這條街也有樓上cafe啊～～一出lift，就覺得整個氣氛都好夢幻了！裝潢都帶童真玩味！！有大大塊的backdrop可供拍照之用幾乎每一個位置都能拍到美美的照～～食物及飲品選擇種類都多和朋友點了兩份主食，一份甜品來share我們點了櫻花蝦明太子天使麵﹑香草雞肉意大利飯&草莓窩夫配朱古力汁我點的飲品是巴黎鐵塔啊～櫻花蝦明太子天使麵，櫻花蝦明太子的份量不少天使麵的質感幼滑而彈牙，不會煮得糊糊的忌廉汁好香好creamy，不會太膩淡淡的櫻花蝦香氣，增添口感的蟹籽，配搭得很好只是明太子的味道較淡，不太嚐到其微辣惹味的味道！香草雞肉意大利飯，飯的顏色是綠色的是因加了香草醬來煮意大利飯，但香草的味道不會太搶加了芝士薄片在飯面，令意大利飯變得cheesy，不像平時的意大利飯般濕潤飯的味道更香！！雞肉切粒，份量不算很多但整體的味道很配合～～草莓窩夫配朱古力汁，份量都多，另外還配抹茶雪糕窩夫微暖又鬆脆澆上濃郁的朱古力汁，沾些忌廉和吉士醬～～很好吃！！抹茶雪糕有奶香，抹茶味也夠濃郁！正～～！！草莓的表現最弱，不要預期是又甜又多汁的草莓～整份甜品的

雖然已經再不是同事，但很多時候還是會找機會出來聚一聚，反正能從同事變成朋友真的非常難得💗。既然係難得一聚，當然要找個好地方~ White Button 環境舒適，絕對是首選！👍🏼煙三文魚沙律🥗：沙律菜🥦非常新鮮，蕃茄🍅亦很清甜，加上被裝飾得像玫瑰花🌹一樣的煙三文魚🐟，視覺及味覺上都屬💯分~櫻花蝦明太子天使麵🍝：相對上這一味就比較普通，天使麵口感過淋😥，不過加入微辣又味道馥郁的明太子，以及口感香脆的櫻花蝦🦐，感覺頗特別。😋小食拼盤：由3隻炸蝦🍤、3條芝士條🧀、2隻雞翼🐥及一堆薯角🍟組成。炸蝦🍤及芝士條🧀的炸漿蠻厚，喪失了外脆內軟的口感。但雞翼🐥外皮非常香脆，加上內層嫩滑的雞肉，食完真的想再ENCORE！😍牛奶咖啡☕️：咖啡的回甘度非常濃厚，和香滑的牛奶🍼比例剛剛好。白日夢：由菠蘿汁、橙汁🍊及牛奶🍼調製而成的飲品。個人認為味道較甜，我不太喜歡，但味道蠻特別，嗜甜的不妨試試看。紅豆綠茶沙冰🍹：紅豆的甜甜軟軟和綠茶🍵的微甘清香一向都是天衣無縫的配搭，製成沙冰更加是不例外！🤤總結：個人最愛芝麻雞翼！外脆內嫩的口感真的讓人欲罷不能！加上環境舒適寧靜，非常適合上班一族放工過來輕鬆聚餐~👍🏼

又到Happy Friday，當然要跟好友們來個飯聚，這次選了尖咀的樓上餐廳『White Button Café & Dessert』！『White Button Café & Dessert』比一般的café大，並不會坐得很擠逼。我們選了靠窗的高枱座位，雖然比其他座位窄了點，但可以一邊談天一邊看夜景，感覺很不錯呢～「黑松露意大利燉飯」的賣相不怎麼樣，但味道頗有驚喜！黑松露味香濃，跟飯汁很夾，惹味得來不會過膩；粒粒香菇配上燉飯亦令口感層次提升～「櫻花蝦明太子天使麵」是在天使麵上淋上大量明太子醬、迷你櫻花蝦和紫菜碎，每一口都充滿著香濃的醬汁，配上脆脆的蝦仔，十分滋味，是女生一定會喜歡的味道！「芝麻雞翼」是必點小食！雞翼大大隻，炸得又香脆又惹味，肉質亦很嫩滑，一人只吃一隻絕對不夠啊～「火燒薯角」是在薯角上淋上芝士醬，雖不是驚喜之選，卻令人很滿足～「草莓朱古力法式捲餅」是在crepe上加上忌廉、草莓粒、朱古力醬和草莓雪糕，不太好忌廉的本人覺得它的忌廉比軟清新，不是很稠很膩那種，很好入口；草莓雪糕有點像雪酪，味道香甜；各種食材配上軟軟的crepe，給人萬分幸福的感覺～「柚子藍碟花乳酸爆珠」以乳

好耐冇試過舒舒服服咁坐系cafe嘆下，尖沙咀都幾多cafe，其中就揀左呢間試下，好喜歡坐系度靜靜地食野既感覺。場內既環境真幾幾好，裝修簡潔又冇乜人，同友人可以比較開懷咁傾計。首先不得不提既一定系會變色既水晶球，好夢幻，相機食先既節奏吾好以為系就咁篤落去飲，其實系倒轉成個波再扭開個蓋，然後個波擺系個蓋度墊住黎飲就得入面有盞燈仔所以杯野飲會變色，杯野都幾大杯，最尾飲吾曬，入面真系好多玫瑰花瓣，荔枝味亦好重，吾會超級甜。仍為黑松露迷既我又點會放過黑松露既食物，面頂有少少黑松露，但略嫌不足夠不過個汁調較得好好，食完吾會有好漏既感覺入面仲有好多菇，十分足料。然後試試餐廳推介既櫻花蝦明天子天使麵，講真系失望，雖然有足夠既櫻花蝦，但食落一啲都吾creamy以同樣價錢黎講，黑松露燉飯好食得多。

尖沙咀聽朋友講有間吾錯既樓上cafe，今日同媽媽一齊去行街，順便試下好吾好食。尖沙咀地鐵L5出口天橋向右出後直行就係，都好容易搵到。去到環境好寬敞，我地就揀左窗口的高桌位置。火燒薯角 $48炸得香脆 下面有椰菜絲墊底吸油要鋪上兩種芝士焗製 可以拉到絲 食落芝味十足只是略嫌薯角炸得太油 有點油膩櫻花蝦明太子天使麵 $108櫻花蝦份量充足 提升口感和鮮味 忌廉汁奶味香醇濃郁 拌上蟹籽 增加卜卜脆既口感 不錯天使麵非常幼身 軟硬度拿揑得剛好 掛汁彈牙但就不太覺得明太子既存在 可能與汁混在一起了忌廉汁份量係足夠既，但就拌得吾夠均勻 一邊多一邊少 不過自己拌一拌便好了柚子藍蝶花乳酸爆球 $58不是汽水喔 獨特既水晶球設計 入面仲有粒發光既閃光燈 好特別呢！飲落是柚子和乳酸的味道 內有益力多味的爆爆珠 口感非常有趣賞櫻 $62上面食落似係蜜桃味雪芭 偏甜帶酸 叉落黏黏的 口感沙沙的 下面係檸檬撻 撻皮厚度適中 做得非常香脆 亦吾重牛油味 感覺輕盈而檸檬醬餡偏酸帶甜 食落幾清新開胃呢款係一款吾太膩既甜品 鍾意檸檬酸味既朋友一定要試下！雪人 $88賣相非常精緻呢！用棉花糖做成雪人的模樣入面係榛子咖啡慕

星期日搵間Cafe早食個晚飯.係亞士厘道見到White Button既宣傳牌, 一於試一試.環境光猛, 坐得幾舒服, 好岩食完傾下計, 唔會好嘈黑松露意大利飯好足料, 份量岩哂女仔重口味人仕略嫌唔夠CREAMY櫻花蝦明太子天使麵天使麵煮得剛好, 夠彈牙麵本身淡味, 突出櫻花蝦,明太子既味加埋紫菜碎就成碟豐富哂惡魔之果實俾個名吸引左, 唔知食完會唔會有特殊能力呢佢其實係香滑濃厚既tiramisu碟邊放左乾冰, 形造神秘感覺最佳損友造形滿分, 創新既設計.食落都唔會失望喎.芒果雪糕值得一讚, 唔係一般既假甜味.獎杯入面係有焦糖爆谷墊底, 爆谷夠香脆, 就算有雪糕融左落去, 都無變腍葡萄氣酒店員介紹呢隻係西班牙氣酒.呢隻氣酒香甜適中, 果香令人回味, 係會飲上癮的東方明珠熱情果汁, 係最近經常出現既upside down.果汁甜中帶酸, 有蘆薈粒粒, 份量夠哂飲成餐

悠閒的日子一般只限於星期六日，休息之餘對食物的質素都比較有要求。週末休息過後，蝦餅建議外出食午餐加行街，屬意尖沙咀。上網找找，就找到有格調的cafe，之前亦有朋友去過表示不錯，一於一試地點於食街內，地鐵站前往都好方便，樓層只有單一店舖，一出𨋢已見餐廳的佈置，歐陸式的藍，配一幅幅不同風格的畫，氣氛不錯。店舖內左右兩邊都有窗，引入自然光感覺舒服，座位亦非常鬆動，有一邊更有大梳化座位，聊天談心的空間感更大。食物種類都算多，小食、飯、意粉、甜品一應俱全，全包抄的我，決定要一個小食，一份意粉同一個甜品。巴黎鐵塔 （$62）- 優雅的名字，飲品的設計近年大熱，倒樽飲品增加了飲品分量外，更可作為Gimmick，一舉兩得。粉紅感覺浪漫，這是杯荔枝玫瑰特飲，加了玫瑰花瓣碎，杯邊亦有一圈鹽巴。荔枝味重，但無玫瑰味，只可作裝飾。如混合鹽巴飲用，感覺會奇怪，我亦只當裝飾吧。櫻花蝦明太子天使麵 （$108）- 西日fusion，一點也不冗突，蟹子及天使麵先用忌廉煮好和調味，再灑上櫻花蝦和紫菜，此舉令櫻花蝦和紫菜保持爽脆，入口添加質感。天使麵煮的時間剛好，彈牙麥香味重，但忌廉汁太少，食一兩口天使麵已非常乾，而且分

尖沙咀好多cafe 今次選擇去到這家cafeMenu吃午飯炸水牛芝士條 ($48/5*)炸芝士條呈現沉沉的褐金色 剥開有長長的拉絲效果食下去皮就頗為厚不夠薄 微微硬身 芝士趁熱食比較軟熟 凍左之後硬了就變得煙韌黑松露忌廉意大利飯 ($108*)點餐後很快就送上桌上 快得驚人幸好仍然熱騰騰地冒著煙表面中央那一團黑松露份量多 壓著下方雪白黏糊的意大利飯醒目地吃一定唔會搞均而會一啖啖送入口 送到最後一啖都濃香飯粒煙韌而粒粒分明 唔算太濕潤不過又唔會很乾身奶香的忌廉滲漏口中 少了芝士都夠濃郁 食完差不多八九成飽櫻花蝦明太子天使麵 ($108*)櫻花蝦和明太子份量很多 不用刻意搞拌都啖啖有料忌廉香就比較淡然 櫻花櫻明太子味強而鹹香天使麵煮得比較淋身 軟左少少不過掛汁力不錯然後當然就到吃甜品的時間焦糖香蕉班戟 ($68*)份量大份配料很多 攞碟漂亮吸睛 顏色看似誘人法式可麗餅上唧上忌廉 用香蕉片包圍 放上一球雪糕再唧焦糖醬所有的配料同時放入口中毫無違和感 口感都屬軟綿班戟煙韌好嚼 色澤分佈金黃 雪糕軟滑 香蕉夠熟非主打的甜品反而意外的出色 口感恰好 頗為驚喜賞櫻 ($58*)即是一球雪芭放在冷凍的

　　White Button是早前某友人曾不斷提到想去的一家小餐廳。看過照片，那格局卻更像咖啡店，可是這裏不以咖啡做主打。印象就只有那棉花糖甜品和倒插玻璃樽的飲品。說到底，Gimmick野，不難看出，所之沒有一時趕去湊熱鬧。　　有如香港不少咖啡店及餐廳，White Button也設有用餐時間限制。不過並非很趕急的幾十分鐘，兩小時時限也是合理的。晚上設有最低消費，每位$100，最後落單時間為十時。　　店子以玩味設計，繽紛色彩為主，不是流行興起的白色木系文青咖啡廳。長枱適合多人派對聚會使用，一旁也有卡位及梳化座等。除了畫面豐富不凌亂的裝飾外，枱面也有一些Selfie道具。就是有趣小紙牌這樣，配合時下很多年青人的自拍習慣。　　原來這兒也有供應午餐及下午茶餐，星期六、日及公眾假期就只予穿著校服的學生。一份餐有沙律、主菜及咖啡或檸茶，可以加錢升級至其他各式食物。另推出了摩天輪下午茶，八款鹹甜小點加飲品，兩人份$198+10%。價格相宜，而賣相也頗有心思夠特別，不失為呃Like之選。櫻花蝦明太子天使麵　$108　　本對Cafe模式的White Button意粉沒有太大期望，貴是貴，但意粉還是意菜餐