花子舍 (已結業)

今次嚟到花子舍搵食！ 小店裝飾佈滿了乾花及保鮮花，吸睛之餘又帶來清新的感覺，好適合收工後放鬆心情，同另一半享受晚餐。Set dinner選擇不算太多～但有幾款都想試呢餐湯今天的餐湯是濃蕃茄雜菜湯，蕃茄膏味非常重，酸酸地配合雜菜清甜爽口，好開胃。沙律鴨胸皮和肉肥瘦均勻，肉味香醇，沙律菜除了用沙律醋，還加了檸檬汁和香芧調味，這個配搭非常突出。大蜆扁意粉配蟹肉醬忌廉汁（$158）忌廉汁採用了蟹肉提升鮮味，而且蟹肉份量亦不少，増加了意粉口感。蜆肉都算大粒，味道亦很鮮甜。慢煮加拿大豬胺架配紅莓汁（$198）配菜薯角用了孜然粉調味，唔會淡貿貿，慢煮的特色保持肉質鮮嫩多汁，再將表面煎香脆，好水準，唯獨是紅莓汁味道不足。洛神花茶 $32 +蜜糖 $3套餐包了紅酒或白酒，但身處花花世界當然要添加一壺花茶，由於洛神花茶味道偏酸，我另加了蜜糖中和一下，而且味道還很夾👍🏼白酒白酒易入口～酒精度適中配以意粉味道很夾整餐飯非常滿意～建議可要求予約一進門口的花花空間有私隱得來又夠浪漫🌹

契爺約吃飯，他提議在銅鑼灣，因為他知道我們都鐘意花，便選擇花子舍。來到到門口有很多乾花，感覺好舒服，而且有一種幸福的感覺。我們每人一個晚餐，我要了帶子黑松露意大利飯，他們要了豬鞍架和肉眼扒，每個餐包餐湯、沙律、一杯紅或白酒。例湯係南瓜濃湯，南瓜味道濃郁，好田園呀。沙律有好多薯仔，又配合芥末汁，令到我好開胃。帶子黑松露意大利飯，帶子煎得剛好，黑松露味道濃，飯質唔會太硬，食落唔會太生，我把成個飯很多吃完，好味。豬鞍架用慢煮方法烹調，所以肉質好淋，唔會好硬，仲好juicy 😋😋😋肉眼扒剛好六成，雖然有些根位，不過由於肉眼質素幾好，所以唔靱，仲幾有肉味👍👍👍飯後要了兩個甜品，一個蘋果烤酥，另一個玫瑰芝士蛋糕。蘋果烤酥的外面酥脆，而內裏係蘋果片，唔係太甜，因為熟了的蘋果片帶點酸。玫瑰芝士蛋糕，吃得出淡淡的玫瑰味，而芝士又唔會太淡，結果我吃了一半😂😂，因為我好鐘意呀。香港好少以花為主題的餐廳，我覺得如果這裡再放多些鮮花和花味香薰會更好。

不經不覺已經轉咗工五個月，忙到有啲透唔過氣，年尾前仲有四個Business trip要去。星期日真係要畀自己嗰腦休息下，慢活一日。A姐好善解人意，話帶我去返銅鑼灣後花園花子舍Florahouse食餐好。蕃茄雜菜濃湯我就一向都最鍾意飲湯，呢個蕃茄雜菜濃湯茄味濃郁，加埋紅腰豆、西芹、紅蘿蔔等雜菜，非常足料。沙律新鮮沙律菜加帕爾馬火腿，再配自家製沙律醋，真係非常開胃！燒老虎蝦蒜片辣椒墨魚汁香草醬扁意粉虎蝦大大隻，燒得好香口，一人一隻，唔洗爭。扁意粉煮得啱啱好，煙韌彈牙，每條都沾滿墨魚汁，加埋蒜片同辣椒，真係好香口。慢煮加拿大八安士豬鞍架配紅莓汁話明慢煮，豬鞍架非常腍身，尤其近脂肪位。另外，紅莓汁幾特別，吊出豬鞍嘅鮮味。配菜一啲都唔馬虎，薯仔切成細細粒，再加黑椒炒過，非常惹味。（記住Like同Share畀朋友）

位於銅鑼灣嘅花子舍，最近都喺唔少媒體見到介紹，週日同男朋友去食左食晚飯。門面望入去幾靚架，以手作乾燥花作佈置，彷如置身花房，有興趣仲可以買走花束呢！不過呢個位置已經有客人坐左，否則相信我地會影多好多相，哈哈。近入口左邊就係收銀、廚房，另一邊就係座位。餐廳位置唔多，用上木枱木櫈，貫徹文青風格，仲令我諗起喺旺角嘅小房子呢。枱與枱唔算密麻麻，但空間感唔強烈，不過時間尚早，只有三、四枱客人，環境舒適、寧靜以花為題，枱面都有好可愛嘅蠟燭擺設，用乾燥花包裹蠟燭，真係周圍都係影相位。餐牌選擇唔多，晚市有9款套餐，包括餐湯、沙律、飲品，定價$159-$198。另外有4款小食，定價$45-$85。飲品選擇較豐富，有咖啡、鮮奶、汽水、茶類、酒類、特飲等，除左特飲，其餘一律套餐可配。一人點一個套餐，定價都可以接受。薯仔湯連湯都有拉花，西利，可見湯足夠濃稠薯仔打得好碎好滑溜，飲落唔粉，好似食緊薯蓉咁，足料。沙律沙律都唔馬虎，有一塊小小煙三文魚。羅勒香煎帶子扁意粉 $159扁意粉軟硬適中，份量足夠，食落偏淡，調味略嫌不足，加番少少海鹽、黑椒或蒜味會較突出。而最致命係油份高，近碟底嘅意粉有點油膩。兩粒帶子都幾大粒

我一向是好花之人，特別近年興起的乾燥花，我更加愛不釋手！一天，友人聽說銅鑼灣有一家餐廳是以花作主題，吸睛非常，我們決定一探究竟。餐廳名叫 — 花子舍，位於地鐵站E出口附近，步行約八分鐘便可到達。驟眼看，餐廳真的跟一般花店無異，四周都擺滿不同的乾花作裝飾，花朵以粉色為主調，少女味濃。我們被安排坐在近門口的位置，坐下後，侍應非常有禮地為我們遞上餐牌。SET DINNER的選擇豐富，經過一輪深思熟慮後，我選擇了「羅勒煎帶子扁意粉$159」，友人則點選了「慢煮三文魚扒配薯蓉和雜菜$188」，套餐還包一杯餐飲、餐湯和沙律。在餐牌的末端，亦有幾款以「優惠價」的小食供客人享用，我們選了「蜜汁雞翼$45」。餐飲方面，我選擇了白酒，友人則選了玫瑰鮮奶咖啡，果然應景。等了一會兒，先來了餐湯和沙律。餐湯是我最喜愛的薯仔忌廉湯，都幾creamy。湯裏還有少許薯仔粒。沙律用的三文魚、蕃茄、火箭菜和粟米都很fresh，餐前食用實在是最好不過。沙律吃到一半之際，「蜜汁雞翼」隨後呈上。香噴噴的蜜汁雞翼「蜜味逼人」，令我和友人垂涎三尺。雞翼表皮充滿蜜糖味，但一咬下去，味道偏淡，似乎醃制的時間未夠長呢。至於主菜「羅勒煎帶

對花卉的喜愛絕不是女生的專利，男女老少大都有自己喜歡的花卉，即使是對花敏感覺的，不敢褻玩大都也不介意遠觀。之前在網上介紹見到以不同花卉作室內裝潢的花子舍已經對其非常有興趣，就提議友人生日飯定在這裡。＊＊＊＊＊＊＊＊＊＊＊＊＊花子舍位於銅鑼灣和天后站中間，地點雖然比較吊腳，但其實距離兩個地鐵站都只是十分鐘路程以內。店內無論是門口位、天花上或餐桌上，都放上不同的花草樹木，讓人有一種平靜和遠離繁囂的感覺，但意外地，食店裡無論是廚子、水吧或侍應卻是清一式雄糾糾的鬚眉漢子。每張餐桌上都有一大瓶放了薄荷葉的清水。晚餐有十款選擇，價錢由$120至$198不等，每個餐都包括餐飲、餐湯、沙律和主菜，主菜可選豬牛羊魚飯意粉漢堡，都不難找到自己的心頭好。花子冰一般套餐如果有包餐飲都是普通咖啡茶，最令我覺得抵食是這裡可選餐酒或餐牌內絕大部份的特飲都可以選擇，例如這杯花子冰單點就要$52，但跟餐竟然不用另外加錢。花子永杯邊有大大粒士多啤梨，杯內亦有一粒有水果製成的冰塊，賣相討喜，入口酸酸甜甜帶點花香味，都幾特別。凍朱古力朱古力顏色較淺，上面用朱古力漿劃上不規則花紋，入口朱古力味不算得別濃，味道中規中舉。煙肉椰菜

最近唔知係咪因爲春季，經常見到花既食物，甚至餐廳，咩都"花"一餐。不過今晚呢個"花"又有少少特別。銅鑼灣是一個好旺既地方，但原來都有靜既一面。係中央圖書館附近有一間特色餐廳，係銅鑼灣嚟講，係旺中帶靜。從門外望入去，見到既係"花花世界"，放左好多花既擺設。再望入去，見到一個歌手自彈自唱。原來咁岩係星期六，請左歌手live show。坐係花既附近，聽住歌，其實都幾放鬆。餐牌食物有扒，意大利粉/飯，burger，小食等都有。飲品又有特色花茶，咖啡同啤酒。在場所見，餐廳內不乏"酒友"，有唔少人係度傾計飲酒聽歌。餐湯粟米湯加上忌廉，味道唔會太濃或太咸。沙律將煙三文魚砌成花的形狀，配上沙律菜，十分切合周遭的花佈置。羅勒煎帶子扁意粉 $159好有驚喜，因為加左檸檬汁，令意粉味道好清新，十分開胃。意粉本身口感好滑，加上香煎既帶子，整體的感覺都超出預期。美國肉眼扒 (8oz) $198肉眼扒叫左 medium，生熟度岩岩好，又易切。切開中間的部分稍紅，食落好嫩口。旁邊薯條炸得較為硬身，口感幾特別，一樣是外脆內腍。餐酒一杯(可轉其他飲品)薰衣草茶係花花既環境之下，叫左個熱薰衣草茶，散發既花香令人好舒服。花