影片
港鐵銅鑼灣站 E 出口, 步行約8分鐘
繼續閱讀
營業時間
星期一
全日休息
星期二至五
11:00 - 21:00
星期六至日
11:00 - 22:00
以上資料只供參考, 請與餐廳確認詳情
有日尼到依度食晚餐，慶祝朋友生日。環境幾好，黑黑地，有氣氛，雖然無人排隊，但都差唔多坐滿哂人！依度真係幾有情調，裝修得幾靚，不妨可以影多幾張相食物方面，大失所望，真係唔值依個價！意粉同飯味道普通，無咩特別。另外d肉好硬，無乜味，可能因為狂影相既關係，d野食都凍哂，味道超級麻麻，幾個朋友都話難食。不過賣相唔錯既！可能只係我地掛住影相問題。~_~我地之後都話，其實食唔飽，但又唔會想再叫野食。不過我地超級滿意員工服務態度。佢地收21:00，當時我地仲未食哂，又未切蛋糕，員工都完全無吹過我地，反而仲肯幫我地係門口影相，very nice！
繼續閱讀
我記得同男朋友慶祝拍拖半年既時候就係去左呢間餐廳食飯。一早已經係openrice預約左，不過可能係平日，同埋好早去到（六七點），所以入到去都唔太多人。一入到去就覺得餐廳裝修好靚女仔一定會鐘意，同埋都幾靜幾浪漫。咖啡拉花拉得好靚，不過我覺得我果杯Greentea latte好飲啲，下次黎到都會叫番呢樣。 仲有就係個軟腳蟹飯，我地都覺得好好食，送試黎果時好脆口，加埋個墨汁飯係絕配。仲有個豬手！呢個真係值得推介，好大食又抵，個人覺得性價比極高，但最衰係我唔記得左影相。不過個沙律就一般般，可能我一黎唔太鐘意食沙律，二黎覺得啲醬有少少怪，可能我唔太食得慣，但我男朋友就好鐘意食，成碟比曬佢食lol。
繼續閱讀
兩口子帶小友過對面海作音樂練習。人身處在中央圖書館附近，對吃有點要求的我很自然就想走過去大坑那邊揾食，但太太一聽到後，面就燶了，說要行得太遠了....小弟無奈，唯有改而在附近找有甚麼地方好吃....亂打亂撞地走進信德街，在短短一條街中有數間食店。沒有甚麼頭緒要吃甚麼，就隨意走入去其中一間....一走入去，頓時就嗅到滿室花香，四圍都是花有關的裝飾，果然是店如其名，一個"花子舍"....我不是愛花之人，也覺在這環境之下用餐，著實是讓人心曠神怡....各人點自己想吃的，小友越來越大食，竟點了件頭最大的All-day；我則來一個班尼迪蛋；太太一早料到小友會吃不完那全日早餐，所以預了要執手尾，故只點了一個Pancake當成甜品食....果然不出所料，看到那All-day的陣容，莫說小友，就連我這個大個頭也有點擔心會吃不完....一只大碟中，放滿了炒蛋、豬肉腸、薯餅、炒蘑菇、燒蕃茄、焗豆、沙律菜、煙肉、火腿及多士，材料真是多得講都講到口軟啦....味道方面，正正常常的。這一類不需要特別複雜技巧去煑的配料，弄出來基本上在那兒食都不會有太大差別。小友的最愛，當然是啖啖肉的香腸以及滑溜的炒蛋；我反而挺愛吃這裡的炒蘑茹，嗒落很香且充滿甜味....班尼迪蛋非常的香滑。配上老朋友荷蘭醬本是一件很容易令人食膩的事，但舖在蛋面上的酸咪咪蕃茄莎莎此時卻起了神奇的消膩功效；墊底的煙肉個人認為可以處理得具焦脆一些，而且肉本身亦覺有點偏瘦了；再下的muffin一向是點吃egg benedict最大的目的及原因，盡嗦肉汁及蛋汁的它，絕對是精華的所在....太太的招牌班戟，又是大份量，一來便是三大片厚厚的....班戟質感軟熟，有蛋香；對太太來講，最要緊是多醬與多cream，這樣吃來就更過癮....很努力地吃，最後卒之吃畢....回到家，飽足了一整個下午.....
繼續閱讀
這次是生日飯，選擇左一個比較多花既座位，好清新。首先，環境比較清靜。然後個餐湯比較濃得黎唔會太鹹，前菜鴨胸比我想像好，夠清，唔係好似以往食既咁鹹。牛扒夠軟熟，唔硬，手工薯條夠薯仔味。豬鞍架有小小失望 某D位太”un” 好難咬，不過味道真係幾唔錯！個甜品上之前 店員仲唱埋生日歌，服務好周到，甜品係玫瑰蛋糕，玫瑰啫喱好香玫瑰花味，清新唔俗，配個cheese cake 係幾好，唔會濟，但可以嘗試比鮮花瓣，味道會更好。
繼續閱讀
雨濛濛的天氣，原本約了朋友到郊外遊，但鑒於天氣關係，兩人改了在市區找個地方歇一歇。走進銅鑼灣信德街附近，較為少人，卻隱藏了一間花草佈置的餐廳，兩人坐低後，蝴蝶結姐姐點了一個全日早餐，而朋友則點了個花子舍熱香餅。全日早餐包括了烤多士、薯餅、黑椒肉腸、煙肉、焗豆、炒蛋和炒雜菌。特別喜歡那個炒蛋，軟滑得來又滲着牛油的香味，放在烤多士上一齊食口感尤其豐富。特別配上了玫瑰花茶，氛香撲鼻的玫瑰花香味，在濛濛細雨下換上好心情。至於朋友的花子舍熱香餅，材料則有香蕉、混搭朱古力和忌廉，鬆軟的口感配上幼滑的忌廉，口感親切，作為下午茶或甜品是不錯的甜食。喜歡玫瑰花的，還可以試一試這個玫瑰花芝士餅，底下層是濃郁的芝士餅混合士多啤梨塊，上層是玫瑰花啫哩，層次分明而口感清新。身處在恍如花園的環境下，呷一口香茶，愜意休閑，亦是替代遠遊的一個選擇。
繼續閱讀