億饍 (已結業)

好耐無落旺角了，今日經開呢頭望見譽發廣場個牌，令我想起億饍同佢地嘅燉湯。雖然呢度款式選擇多多，但有左上次經驗，今次醒目地一坐低即刻落左燉湯先。而除左燉湯之外，仲有泰越式小食、炒粉麵飯、冬蔭功火鍋同龍蝦都有得食呀。先黎呢個花膠烏雞香菇燉湯，一睇就知夠晒足料，而且花膠養顏，烏雞補血，係女仕嘅最佳選擇。另一個就係花旗參烏雞排骨燉湯，花旗參味道濃厚，而且甘香味美，每一啖都係精華。一客4件嘅越式蒸粉包，用皮薄餡靚黎形容就最貼切。鮮蝦夠晒大隻，口感十足。order左兩件燒紐西蘭羊架，肉汁豐富加上有少許脂肪，食落更香滑美味。由雞牛豬肉組成串燒3兄弟，點上特製沙嗲醬，香濃惹味。蝦餅炸得金黃香脆，沾上濃濃嘅酸甜醬，真係皮脆肉彈香味足呀。通常我地都會叫小食拼盤，但呢度個蝦餅實在太吸引啦，小食拼盤根本唔夠分。所以呢個絕對要推介。最後仲有呢個越式炒金邊粉，幼身金邊粉幼滑爽口，配上扎肉、鮮蝦等，而愛辣嘅可隨意加上辣醬，味道香濃可口。

雖然遲左兩日，不過都要趁呢個熱潮同老友一齊屠龍，今日約埋老友兩個人收工到信和一齊攞之前訂左嘅GAME順便買埋呢期熱爆嘅GAME，之後一齊行去油麻地搵食，經過譽發廣場時睇到呢度開左一間多國嘅FUSION菜店，除左有老友好鍾意食嘅越南菜式外，仲有我最愛嘅龍蝦食，所以我地就決定去呢間億饍刷返餐。億饍係譽發廣場4樓 ，餐廳裝修嘅有西餐廳感覺，桌椅又似中式私房菜館，餐廳唔大間，我地7點半左右到雖然唔駛等位，不過客人都幾多。菜單設計簡約，但菜式選擇非常多，除左東南亞菜式、中菜，另外仲有燉湯選擇。我地點左$328嘅龍蝦孖寶，跟餐揀左咖哩牛筋腩，兩個人應該夠食，不過見到隔離枱嘅蝦餅好吸引，我地都忌唔住點左一份。泰式鮮炸蝦餅($68)呢個炸蝦餅好彈牙，而且外層香脆，沾上泰式辣醬非常惹味，而且$68咁大份，性價比都幾高。龍蝦孖寶($328)避風塘野生辣龍蝦野生龍蝦我地揀左少辣，配合避風塘製法，咸香之中帶點微辣，非常美味，而且野生龍蝦特別有彈性，入口鮮甜爽彈，我地兩個都食得好滋味。咖哩牛筋腩煲牛筋份量好多，咖哩唔會太辣，配油飯食味道好配。油飯($18)埋單每位$230，價錢合理。

放工後到旺角逛街，經過譽發廣場見到這裡開了不少新食店，今次就來到4樓的億饍，店面面積不大，坐得比較擠擁。餐牌選擇超多，集中、泰、越式於一身的東南亞多國菜，不過由於有好一段時間沒有吃過泰國菜，所以今次還是主攻泰菜吧！泰式鮮炸蝦餅 $68外表炸得香酥，不過蝦膠口感較為結實，不夠爽彈，蝦味亦淡了點。蒜香牛油雞翼 $60/4件一上枱已是牛油蒜香撲鼻，外皮炸得脆卜卜，雞翼肉質嫩滑，肉汁豐富。馬拉盞炒通菜 $68炒通菜炒得爽脆嫩綠，不過就是欠了點鑊氣，炒得未夠香辣惹味。香芒大蝦蟹肉炒飯 $108炒飯炒得夠乾身，粒粒分明，不會黏作一團，一點也不會過油，這碟飯量不少，比較適合幾個人一齊share食。大大粒大蝦新鮮爽口，加上酸酸甜甜的芒果果肉，感覺更清爽，讓人胃口大開。芒果椰汁黑糯米 $62因為現在芒果不是當造季節，所以果肉帶微酸，未算很甜。色澤紫黑的黑糯米口感軟糯煙韌，配以香滑椰汁，一黑一白，擁有著強烈顏色對比，食味卻為絕配。杞子紅棗龍眼茶 $40味道清甜，補氣補血又滋潤。另外溫馨提示一下，每位需收$8一位茶錢。泰國椰青 $40百份百純天然椰青水即開即飲，口味清新甘甜。飲完之後，還可刮出色白如玉的椰子

旺角閒日都很多人流，所以今晚就行遠少少，去油麻地食晚餐。呢間餐廳有齊中、西、越、泰等，多國菜集一，而且味道仲幾好。椰子烏雞排骨燉湯 $52，有數款燉湯可選，而且份量頗多，夠兩人分享。呢款湯的功效係益氣養顏、健脾補虛。湯水味道濃郁，清潤不膩，有椰子清香。湯渣的烏雞肉也很嫩。泰式生蝦刺身 $95，有8隻之多，份量夠，頗抵食。沾少少醬汁就夠，因為都偏辣，微酸有很重泰式香料味，蝦肉爽脆，肉質扎實。軟殼蟹牛油果卷 $68，賣相很吸引，而且堅多料。睇下橫切面，滿滿的 蟹肉，軟殻蟹即叫即炸，超熱辣辣又香酥，蟹身厚而多肉，加埋牛油果，真係啖啖滋味。泰式鮮炸蝦餅 $48，不算很熱，比較普通，但價錢還是吸引。蝦肉彈牙份量足，沾泰式辣醬味道一流。煎流心芝士肉餅 $52 （加配龍蝦$50），用鑊仔上菜很有誠意。先切開肉餅，芝士不但流心效果一流，仲有長長的拉絲，好吸晴。芝士味唔算很重，奶味偏重。肉餅肥瘦平均，質感鬆軟中帶點肥肉的彈牙，食完有少少膩。配龍蝦肉食，味道更豐富，龍蝦味道不算重，但都彈牙。原個椰青海鮮焗飯 $88，看來材料多到滿出來。原個椰青做的，所以內裡的椰青水分開裝上，也給客人飲，好清甜超解渴。有大