Cuisine Culture

營業中

休息中

喺中環嚟講要食一間法國菜冇千幾蚊埋單都唔使諗 。呢間舖頭喺正中環最旺嘅區度，喺樓上鋪 。上到去一轉右手邊就係呢間舖頭，一入到去佈置嘅時候就好有小店嘅感覺，好warm。店員超體貼，會介紹食物俾你聽，而且喺食嘅過程亦都有機會會教你點樣去食，或者問埋你食物嘅意見，好有高級餐廳嘅感覺 。另外首先要講嘅就係店員推薦左洋蔥湯，一開始都諗緊會唔會試龍蝦湯不過最後就膽粗粗試咗洋蔥湯，呢個湯真係有驚喜，首先呢個湯裏面係以往試到嘅洋蔥湯有唔同嘅，淡淡食落去都有芝士超級正，仲要係拉絲 。聽講呢個湯嘅做法就係法式做法，麵包喺裏面浸住濕濕地，但係麵包亦都有好多芝士，唔會話因為個麵包濕晒就覺得好核突咁。配搭都唔錯 。至於法式焗蝸牛，個人就比較重口味嘅，覺得呢一個嘅醬汁配搭都非常之出色 。另外10分推薦嘅就係佢嘅豬安啦！佢嘅豬烤得好好食配搭醬汁一流另外就係佢嘅薯蓉仲要係脆卜卜好正 。整體成個菜單嚟講，呢個價錢仲要做到咁嘅質素完全冇嘢可以挑剔 。仲要每件菜式都整到好靚好似藝術品咁，特別係個甜品仲要整埋個裝飾好靚 。令人賞心悅目。

適逢萬聖節想去蘭桂芳襯熱鬧，於是訂咗依間餐廳同女友撐枱腳。由於訂咗位，嚟到唔駛等就可以坐低。店內裝修簡約，地方細細唔算好多枱，不過枱與枱之間唔算好逼，還可以。👍🏻👍🏻👍🏻由點餐開始，侍應好細心逐樣介紹。仲臉帶笑容，態度好親切。見我哋自拍，又時不時問要唔要幫手影。真心而家真係冇乜餐廳會有咁好嘅服務！👍🏻👍🏻👍🏻👍🏻👍🏻點咗個洋蔥湯，幾正宗傳統味道。濃濃洋蔥香略帶點甜味，唔錯。👍🏻👍🏻前菜係法式焗田螺，香草薯蓉配埋田螺真係勁好食😋😋😋田螺仲要唔算細隻亦唔會好乾，juicy👍🏻試過有d餐廳個薯蓉淡到冇味好難食🤣主菜係慢煮紅酒和牛面肉，肉好嫩又腍入晒味，好濃嘅牛香，個汁撈飯食都一流👍🏻👍🏻👍🏻仲有個油鴨髀，肉同樣好腍。輕輕一切就已經可以骨肉分離。味帶鹹香，就咁食就略嫌有d鹹😅始終平時都係少鹽煮意，ok啦～最後甜品揀左女神最愛嘅心太軟。朱古力味夠濃，流心，唔會太甜。入口微熱散發住朱古力香，好食👍🏻👍🏻

今日放工朋友話帶我去一間性價比高又好近中環地鐵站嘅法國餐廳食，本身諗住呢個地段應該好貴，食完先知道原來呢間緊西餐廳性價比係咁高！朋友發版叫咗以下食物:法式焗蝸牛($98) - 食法國餐必叫，蝸牛好濃味，墊底嘅薯蓉好creamy 洋蔥湯($78 ) - 聽講係餐廳最拿手食品之一，果然飲落去洋蔥味非常之濃郁，湯入面仲有好cheesy 嘅芝士，係水準之上🥰法式地道鴨腿配鴨油煎薯仔($208)-鴨腿煎到好林，好容易就可以起肉，薯仔好香口，隔離啲沙律菜好新鮮👅日式鮮帶子檸檬汁初榨橄欖油意粉($188)- 呢個意粉真係好驚喜，我初頭睇個意粉顏色我仲以為冇乜味，點知一食落就有好酸酸甜甜嘅味，帶子煎到啱啱好，意粉仲要煮到啱啱好係有咬口，非常喜歡❤️甜品叫咗酥皮蘋果批($78)，有雲尼拿雪糕跟，蘋果批唔會好甜，好食！你間餐廳非常之多食客，我哋坐低都見到一兩組客人嚟到full House要等枱，所以有興趣嚟嘅最好book定👅

今日同朋友出去中環做嘢，朋友推介呢一間喺樓上嘅法國餐廳，佢話食過午膳，性價比幾高，就想試吓佢嘅晚餐。我哋一行，兩人叫咗以下嘅嘢：🔸前菜法式焗蝸牛 $98法式地道古地芝士洋葱湯 $78- 洋蔥湯好濃郁，食到洋蔥香同埋濃厚嘅芝士碎，湯好有質感，好高質- 蝸牛有香草蒜茸焗，好入味，伴碟的薯茸好幼滑美味🔸主菜日本鮮帶子檸檬汁初榨橄欖油意粉 $188 燒蜜糖檸檬芥木籽黑毛豬豚肉配香蒜薯仔 $238- 個黑毛豬係非常之驚喜，好Juicy ，配檸檬蜜糖芥末，酸酸甜甜好開胃- 帶子意粉既帶子係半生熟，煎得剛剛好🔸蘋果批配雪糕 $78- 食到咁上下，我哋兩個女仔都飽飽地，再食埋呢個剛焗好嘅蘋果批，配朱古力雲呢拿雪糕，為今晚晚餐畫上完美的句號！我眼見平日晚上，餐廳都坐到8成滿，想喺中環食性價比高嘅西餐，可以考慮呢間啊，記得預早book位！

法國菜予人的印象總是高高在上的fine dining，但其實法國料理也不一定要如此拘謹，今次就在中環樓上舖找到了一間價錢親民的法式小餐館 - Cuisine Culture。餐廳面積不大，座位不多，但簡潔明亮的裝修營造出一種輕鬆悠閒的感覺，使整體風格和諧溫暖。餐廳老闆曾於法國學藝20年，餐牌主打傳統法國菜，定價與一般西餐相差不遠。一場來到又怎能錯過兩道充滿法式風情 signature dish - 焦糖鴨肝醬及洋葱湯？！焗法式地道古也芝士洋蔥湯 $78以多士和Gruyere芝士舖面再放進焗爐烘烤，麵包吸收湯頭精華，芝士融化後散發出焦而濃香味道，香氣四溢。法式洋葱湯要用大量洋葱，量多到要每一口湯也能吃得到，因此味道相對濃郁，洋葱只要炒透變成焦糖色，辛辣味自然消失，半溶化的洋蔥切絲滑入口中，徘徊於舌尖之間悄悄溶化，釋放出洋蔥的天然清甜味。焦糖鴨肝醬配法包 $168賣相看起來似是甜品，其實真身是一道前菜，表層糖衣燒得金黃，猶如法式燉蛋變奏。鴨肝醬口感豐腴細膩，沾上酸酸甜甜的杏桃果醬和薄脆的法包多士，鹹甜夾雜更添甘香，一嫩一脆的質感呈現極端對比。焗蜜糖檸檬芥末籽黑毛豬豚肉配香蒜薯仔 $238上

同女友第一次食法國野, 印象幾好!餐廳唔大, 裝修亦比較簡單, 有少少嘈, 係適合輕鬆傾計既地方. house wine有買一送一優惠, 仲可以一杯紅酒一杯白酒, 好開心! 我地兩個平時都唔飲紅酒, 難得$78可以試兩款酒, 紅酒比較甜美, 唔苦澀, 容易入口, 白酒原來唔甜既, 都好飲. 份量都幾多, 夠我地飲足一餐. 前菜點左龍蝦湯$88, 芝士洋葱湯$78, 都令我地眼前一亮. 龍蝦湯真係好濃蝦味, 好鮮味, 仲勁過我地至愛既檳城蝦面店, 真係好好味. 洋葱湯既精髓係嗰塊半溶化狀態既芝士法包, 都唔知係芝士定法包, 佢又軟淋淋又煙靱, 仲同個湯好夾, 芝士控表示完全無法抗拒. 我地仲點左牛肉他他配法包+薯條$158, 薯條冇乜特別, 法包明明冇翻熱, 但非常香脆, 會有衝動想買一條返屋企. 牛肉他他...其實我平時冇食開, 唔係好慣牛肉咁樣食. 佢加埋葱同法包係幾好味既, 味道比較清新, 同想像中唔同. 主菜點左 油封鴨腿配鴨油薯仔$208, 薯仔食第一舊好有驚喜, 成舊都有肉香, 外面仲煎到脆皮, 可惜之後5舊都冇太多鴨油, 比較一般. 鴨腿個皮真係一絕, 仲好味過燒乳豬皮,

慶生覓食，見呢間不錯，訂了枱食飯，人客不算太多，也許因為疫情關係。點了蘑菇多士、洋蔥湯，牛肝菌意大利麵、紅酒牛肉、朱古力心太軟。店內人手不多，有一位傳菜，三四位廚師。雖然我們不點酒，但見侍應用心介紹紅白酒給其他食客，十份專業有禮。蘑菇多士好creamy，好香，多士夠脆，超好食。洋蔥湯好足料，侍應好細心問我地係咪Share，會幫我地分碗上。牛肝菌意大利粉同紅酒牛肉都係見openrice推介，但我又不覺得特別好食。朱古力心太軟好食，雖然上枱個心大軟好似漏漏地，雲喱拿雪糕賣哂，轉配士多啤梨雪糕，都好味，味道不似cheapcheap雪糕。賣單有七五折🤪

友好生日聚餐, 莫過於要個可以食吓嘢、傾吓計、飲吓嘢嘅地方。響大家有講有笑加上兩分酒意時, 如果有美食就更添完美。在友人遲遲未到齊而我哋又好肚餓嘅情況下, 要求廚師求其比啲嘢嚟食吓先, 過咗一陣, 廚師端出幾件芋角! 心想: (咁得意!? 法食餐廳吃芋角??) 要影相, 因為隻芋角個樣見到已知佢好鬆化 , 同時嗅到好香! 憑呢陣香氣, 隻芋角應該好味. 咬落去芋角, 先係脆嘅聲音, 然後軟滑濃郁嘅芋蓉, 香菇同其他炒香晒嘅餡料, 條龍又再次伴隨耀眼光輝響口度走出嚟啦! 好好味呀!~~  叫聲未完, 友人到齊, 講咗句「係咪咁好味呀!」同時一手取去我未食嗰半隻芋角放入口... 結果又放龍. 廚師求其出嘅小食都去到呢個級數, 功力深不可測! 又心想, 咁啱得咁橋啫! 邊有咁多高人吖.入正題嘞, 先嚟個四國火腿芝士盤 英國、美國、意大利、西班牙四國火腿各有特色, 各具風味! 啱先個小食嘅關係, 心中不斷挑剔有咩唔好, 最後, 找不出半點不好! 所以, 冇得彈.然後嚟兩個湯, 濃蝦湯 洋蔥湯呢次有得彈啦! 咁好飲嘅湯, 份量太少啦! 其實係因為四個人分兩碗啫. 蝦湯淨睇色就知濃度高! 洋蔥湯,