雪山冰廳

營業中

休息中

之前見 Facebook 好多人講呢間餐廳，放飯時間特登撩同事去食，由於已經係下午茶時間所以餐廳唔係好多人。特餐(檳城叻沙摻摻配日本櫻花蝦炒蛋+奶油牛角酥) $48無論係下午茶定常餐，佢嘅選擇都非常多，好多仲好有特色，最後我都係想食佢個招牌-叻沙。作為常餐黎講佢真係太犯規，櫻花蝦炒蛋+牛角包，太高質～首先炒蛋佢每一口都有櫻花蝦，蛋炒得相當滑，仲有蔥花吊味，鮮味好足。至於個牛角包都好酥脆鬆軟，之前試過一d 餐廳個牛角包又細又難咬，佢簡直係另一個水平而且唔油膩，夾住蛋食都好正～至於叻沙份量都幾大，油面多過米粉，彈牙入味，我無撈曬d 醬料已經好夠味，但重口味朋友可能要撈曬啦。食材方面佢d 豆卜索曬湯所以味道好豐富，係最好食嘅食材，魚片都彈牙爽口，不過蝦就粉左D，鮮味欠奉，但整體而言都算高質！皇牌咖喱牛筋腩飯 $52男人的浪漫-咖喱牛筋腩飯一樣有水準,一上檯已經香噴噴,馬鈴薯同牛筋腩相當入味,唔會太辣但夠惹味,薯仔好腍超搶分~~而牛筋腩無o羊脂肪亦好有口感,不過對男士而言可能會唔係好夠飽,但的確係值得叫皇牌的~~流心榛子醬西多士 $25其實食完常餐已經好飽,不過見到佢個樣咁吸引又忍唔住叫埋XD

雪山冰廳雖然有六十多年歷史，但經過兩次轉手，並重新裝修，現在走的是新派茶餐廳路線。這天與C先生到深水埗買新Printer，順道來試試。裝修後的冰室簡約中帶細緻，光線充足，環境清潔。餐牌上也有不少改動，除經典冰室系列外，亦推出了不少新奇時尚的菜式。C先生是守舊派，選了"始祖椒鹽豬扒飯"。此碟頭飯份量十足，上枱時新鮮熱辣，香味誘人。豬扒有四五塊，炸得香口而不油膩。椒鹽味非常突出，卻沒有過鹹。豬扒上面灑上蒜茸、紅椒粒及蔥粒，格外惹味。炒飯亦是驚喜之作，鑊氣十足，粒粒分明，不會太油或太乾。C先生邊吃邊大讚，說值得為此再來Encore。貪新鮮的Coffreestains點了"檳城叻沙摻摻特餐"：摻摻是以油麵加入米粉而成，再配以蝦，魚蛋片及豆卜，非常豐富。叻沙湯底帶海鮮鮮美，加上濃郁的椰奶味，粉麵吸盡了湯底的精華，讓人吃得很滋味。日本櫻花蝦炒蛋配搭新穎，櫻花蝦的咸香提昇了炒蛋的食味，也帶來咬口。奶油牛角酥甜甜的，如能烘得更脆更熱，相信會更美味。飲品點了"樽仔招牌奶茶"及"港式茶走紅豆冰"。樽仔招牌奶茶放在冰櫃冷凍，沒有額外加冰，冬天喝也不會覺得太冷。奶茶茶味突出，甜度不高，整體平衡做得不俗。茶走紅

冰廳周街都係，間間都好似差唔多，但係今次去左呢間♥雪山冰廳♥令我覺得幾特別，幾深印象。夜晚黎食都幾多人，差不多都坐滿客，整體環境都不錯，幾光猛，坐得幾舒服，同埋都好乾淨。餐牌野食選擇都好多，除左港人最愛既碟頭飯，常餐等等，佢仲有唔同既粉麵小食，例如有喇沙米線，海南雞飯～芝士焗波士頓龍蝦海鮮飯 $108賣相好靚呀既一個海鮮飯，成個感覺都好豐富，最重要既係佢隻龍蝦比想像中大隻，而且仲有好多芝士鋪係面！除左有波士頓龍蝦，仲有唔同既海鮮係入面，包括有青口，蜆，仲有魚等等，材料真係相當豐富，一百頭可以真係咁多料，係值既！流心榛子醬西多士 $25西多士就食得多，流心再加榛子醬就真係第一次食～味道都幾驚喜，唔似出面一般既味道，甜甜既榛子味道，配上牛油，都唔會覺得太肥！櫻花蝦炒蛋配牛角包我覺得呢個小食也值得推薦！炒蛋上明顯地見到有好多既櫻花蝦係入面，啖啖都食到櫻花蝦既味道，同埋聞起黎都好香蝦味。牛角包唔好以為佢普普通通，佢係內有圪坤～入面搽左啲牛油，令成個牛角角都特別好食！檳城叻沙摻摻 $48呢個叻沙摻摻同樣豐富，首先解釋一下摻摻既意思，摻摻=油麵加米粉，兩種麵混合一齊，都幾得意～叻沙味道好重好濃，入

今日陪朋友去深水埗高登買電腦配件，買完後佢就話早前有同事講過在附近有間港式茶餐廳嘅招牌炸雞肶好出名，知道朋友係一名食肉獸就介紹畀佢，於是我地就用 OpenRice search 吓，原來行過去只係5分鐘左右咋。我地到達嘅時間係一點左右，已經差不多座無虛席，餐廳環境乾淨光猛，兩排有卡位座，幾寬敞舒適，而最吸引就係牆上嘅龍吐珠噴畫，非常搶眼。餐牌都幾多選擇，除了快餐、常餐、特餐，各式各樣粉麵飯都有，就連素食食物亦有，適合各口味人士。我地今日就叫咗個快餐和一些特色小食試吓。『人氣海南雞飯』（$52）海南雞份量都幾足，仲要大大嚿，食落無骨啖啖肉，肉嫩而不乾。雞皮爽口，無乜脂肪，雞油飯做得好香，油香中又略帶椰香味，幾好！隨飯會有兩個醬汁，分別係黑豉油同酸辣醬，黑豉油好有星加坡風味，味濃帶甜，而酸辣醬則蒜香味突出，個人十分喜歡，兩種醬撈飯同配雞食都好惹味。『港口味炸肶 』（$22）炸肶大大隻，比我的手掌還大，新鮮炸起，上面灑上大量七味粉和炸蒜粒，香脆又惹味，外脆內嫩，外皮炸到脆卜卜，內裏嫩滑多汁，雞肉厚得嚟都好夠味，而且一點雪味都沒有，好吃！『日本櫻花蝦炒蛋多士』（$26）炒蛋嫩滑，加入大量櫻花蝦

雪山冰廳有成六十幾年歷史既一間老冰室！之前關左一排，經過裝修之後重開返，如果就咁經過真係唔知佢有咁耐歷史，因為裝修過後好新淨，不過都係有寫源自1956年。環境放左招牌樽仔系列係門口雪櫃做佢既賣店，而座位方面都係正常茶餐廳格局。其實，黎食之前係上網見到呢間冰廳想黎試下，但評價好壞參半，好人話正亦有人話服務差食物差，但我好想講，呢到既服務係十分好！縱使侍應們都係上左年紀既老一輩，每個嬸嬸伯伯都好有禮貌，就連上食物時未拎走張落單紙，咁少既事都講左聲：「唔好意思。」之前岀左篇講地獄廚神間餐廳啲惡劣侍應，佢地咁既服務態度都拎米芝蓮一星，呢到真係冇理由唔拎三星。港口味炸脾 $22招牌必點，皆因炸脾大大隻，有成隻手掌咁大，上面灑左大量七味粉，生炸脾冇落炸粉裹住，所以唔會有炸粉過厚既問題。食落帶七味粉香，肉質幾嫩滑，咸咸地唔算好入味，但都唔錯！流心榛子醬西多士 $25呢個就失色啲，皆因佢話係流心，一上枱已經切開，但都冇流心，棒子醬適中唔算多，西多士較扁身，最外脆炸得唔多脆，屬一般之作。快餐——人氣海南雞飯 $52黎到都一定要食海南雞飯，好快就上枱，份量比較少，男仔食未必飽，雞肉以茶餐廳水準黎講真係唔錯

最近聽朋友介紹深水埗美食，就講開一間叫雪山冰廳，今日終於有時間去食。平時去舊區都會捐窿捐那搵舊式茶餐廳，今日去到雪山冰廳就啱我口味。我同朋友每人叫左個常餐，我揀左沙爹牛肉公仔麵，再加多個流心榛子醬西多士。首先黎到嘅係沙嗲牛肉公仔麵，沙爹醬好濃味，牛肉亦好滑，唔似係開罐頭嘅沙爹牛肉。牛肉片亦份量多，食完一碗麵已經覺飽常餐亦有炒蛋、火腿同多士。多士有小驚喜，就係多士本身係甜甜的，唔似白麵包烘成。炒蛋都好滑，放上麵包食，味道好夾到左最邪惡嘅西多士。有得自己落糖醬，可惜並沒有流心。榛子醬做夾心，以為會好甜，點知又唔算甜咼！雖然好滯，但係味道係好嘅，好滿足的午膳飲品方面，呢度有樽仔奶茶，我作為奶茶精當然要試下。可惜奶茶無論奶同茶味都唔係好濃郁，中規中矩

昨天去d2 place友情客串朋友玩具攤檔店員前，我們先吃個下午茶，而下午茶主要都是過口癮，待會可以晚點吃晚飯也沒問題。金黃香脆的流心榛子醬西多士塗上牛油，淋上糖漿後非常搶眼，並聞到濃濃的蛋香撲鼻而來。多士內裡十分柔軟，盛裝甜美的流心榛子醬，偶而入口的榛子醬甜中帶香，吃起來有種高潮迭起的感覺，讓人很期待下一口。茶餐廳亦可吃到日本櫻花蝦炒蛋多士是第一次，紅紅的櫻花蝦在滑蛋裡無比注目，其香酥亦增添炒蛋的口感，很難讓人不愛。炒蛋滑嫩嫩的，蔥花和櫻花蝦簡直與它是絕配，滋味豐富。我們最愛茶餐廳飲品非紅豆冰莫屬，甜蜜蜜的綿密紅豆搭配清涼的椰汁，那甜甜絲絲已融入我們心頭裡，雖然熱量不少，但我們都無滋抗拒紅豆冰的魔力。日式照燒雞翼炸到雞皮脆不可擋，然後曬上討喜的照燒汁，蔥花跟芝麻，閃耀著迷人的焦糖色彩，雞肉肉汁鮮嫩，皮薄多汁不乾柴，嚐起來亳不膩味，可口極致。XO乾炒豬扒公仔麵現點現炒的，送上桌時XO醬的香氣不是蓋的，也感受到炒麵那股鑊氣。公仔麵非彈牙度十足，XO醬完美滲透麵條之中，風味迷人，同時每咬一口豬扒，朋友都充滿元氣。樽仔奶茶也是茶餐廳不可錯過飲品之一，奶茶需不斷繁複煮茶，撞茶，才撞出茶香，之一

朋友住附近，本來約左見面，但佢地臨時唔得閒，於是我地兩個游下游下，決定食埋個下午茶先走。唔算係經常會黎呢邊，冇留意過有間冰室，見下午茶價錢幾親民，就揀左呢度餐廳位置都都幾多，對住門口位有個冰櫃，映入眼簾當然就係一枝枝整齊排列嘅樽仔奶茶，我已經決定飲乜了。下午茶時間，加上週末，餐廳都幾full，原本只有兩人位，後來店員見有卡座，馬上換俾我地，幾細心。裝潢光猛幾乾淨，印象良好下午茶兩點後供應，一般餐室有嘅，呢度都有，例如炒粉麵、湯粉麵、三文治、豬仔包、多士、炸肶、熱狗等，價錢相當公道。假日黎講，唔洗30蚊食到個tea，我都滿足了。至於味道方面中規中矩，今次只係試左茶餐，有機會再黎搵朋友會捉佢再訪流心榛子醬西多士 $26 首先點左個西多，都有一段時間冇食過，而家嘅西多都有好多花樣，呢個有榛子，都幾特別。西多正常厚度，煎得幾靚仔，令我期待感up，面頭已有半溶牛油，另外我加左大量糖漿，正多士切開，就未見流心效果，裡面係搽左榛子醬，榛子醬嘅份量可能未夠澎湃，變相切開就已經係醬嘅質地。撇開唔流心呢樣野，其實塊西多都幾食，面頭脆脆地，榛子同多士幾夾，唔會太甜膩，即使我加左咁多糖漿，都可以接受樽仔奶茶