嵐山日本料理

營業中

休息中

有兩位朋友生日，由於遲咗搵食book枱，只係早幾日先上嚟open rice睇，見到呢間嵐山仲有得book位，仲要位於棉登徑，好味大概有保證（棉登徑既嘢食大多好味），果然不負所望！先上枱既係燒牛舌，有少少蔥花加啲檸汁中和返啲油膩感，味道唔錯，不過有少少韌。九點刺身盛好足料，件件刺身都厚切，而且好新鮮！鍾意食海膽既我表示好滿意！ 份量一啲都唔少，用紫菜包住入口，鮮甜鮮甜！其他刺身無論色澤、口感、味道，都離不開個「鮮」字，油甘魚、鯛魚等等，肥美油香而不漏，真係物有所值！呢個海鮮手打烏冬，係比各位喺open rice既相片吸引既，見到奶白色既立魚湯就好心動，上菜時又香，食落又鮮味，而個烏冬一啲都唔馬虎，有好多料包括蜆、青口、唔同種類既菇、菜。再嚟一個海膽炒飯，食到非常多既配料，有帶子、菇、粟米、蛋、蔥花、紅蘿蔔，當然唔少得海膽，雖然比例唔算好多，但口感都好豐富，不過相比之下，我會覺得烏冬更好。追加銀雪魚，細細兩塊煎得啱啱好，啲醬汁非常惹味，濃得嚟又唔覺太咸，甜甜地，魚肉滑溜，仲有兩塊醃蘿蔔酸酸甜甜好好味！而牛油雜菌就比較常見既菜式，呢度加既帶子都唔細粒架！啖啖肉咁幾好咬口！食物以外，我哋叫咗幾

今日去尖沙咀做啲野，夜晚就去左係棉登徑，近尖東站同尖沙咀站既嵐山日本料理去食野了。𥚃面既陳設有日式居酒屋既風格，開放式廚房見到師傅埋頭苦幹地準備野食，好relax好舒服。刺身拼盤入到去師傅就介紹下今日有乜野新鮮直送刺身，即叫即做。Order 左中卜口，赤貝同埋油甘魚等既刺身拼盤。油甘魚新鮮肥肥地有少少油脂味美。赤貝爽口，亦都不錯。特別推介中卜口，入口即溶，東京築地市場的味道返來了。安格斯牛肉燒香口之餘又不油，加埋啲配菜，肉食者之選。串燒雙拼 - 雞肉棒 / 廣島蠔串燒也是即叫即做的，熱辣辣少少脆卜卜上枱，有少少燒野食味道，我既其中一個最愛選擇。和風炒雜菜炒野菜其實不太易控制火候的，但係佢嘅火候就控制得剛剛好，good!海膽炒飯最後以一碟又香又好味既炒飯作結，不錯!

今晚同朋友到嵐山食好D食豪D。7 點鐘到，餐廳都已經差唔多爆場，好彩預早訂位，仲提供了一早要求的Bar 枱，正。鍾意Bar枱原因是可以近距離見到各款新鮮的魚生，又可以同廚師有互動。餐牌是用平板電腦的，感覺比較高級。未開餐，廚師先給我們開胃的前菜沙律，沙律菜好新鮮，食落索索聲。刺身就更係要選擇新鮮而又時令的，廚師推介左口魚薄切，中拖羅，銀雪魚及北海道帶子。刺身好新鮮，好肥美。左口魚刺身薄得透光，食落爽口，配上特別的醬油，好味。厚切的中拖羅及銀雪魚的魚油十足，入口即溶。煎銀雪魚就食得多，刺身都係第一次嘗試。帶子厚肉鮮甜。壽司有蔥花吞拿魚蓉及鰤魚壽司，好耐無食到有脆身既紫菜，要讚呀! 壽司飯亦已經調左味，所以完全唔需要點醬油，好味。串燒有鮑魚，銀杏同黑豚肉。鮑魚大隻爽口，燒完都不會縮水。黑豚肥瘦均勻，燒得香口，鍾意有脆邊。銀杏配上木魚絲，好味。蒜片安格斯薄燒，安格斯牛燒得剛剛好，肉身不會太老，仍然嫩滑，再卷上大量蔥花及蒜片，仲有大量芽菜墊底，一齊食就prefect 啦!餃子皮薄肉汁多，點上酸酸的醋汁，一個人可以食一客呀!最後更係要湊下米氣，叫了一個海膽炒飯，兩個人份量剛剛好。雖然只簡單用上海

今日放工出去尖咀，同朋友食生日飯，另一半找來這間居酒屋。早到等人叫點飲品（無影）和食物等住先，雞翼上抬十分香，（左）芝士雞翼夠香，（右）明太子就去骨釀入，但唔夠明太子味。一心想食到街邊小食燒茄子，但可惜，無燒香味，而且十分淡的茄子（只有木魚味）。人齊就開始叫菜，海膽味十足的炒飯十分香口，夠乾身，十分出色。炸蝦一般，但底下的炸麵就十分好食。（又一妹仔大過主人婆）又一出色的菜色，燒牛舌厚身香口野味，色香味齊晒。無飲，有趣一影。（上面那篤是碎冰）十分香口的牛油，菇淋可口。普通。新鮮，但味淡。鮮甜湯底，大件海鮮，必試。一樣味淡，無乜魚味。軟殼蟹一樣是去日式店必叫之一，今次軟殼蟹香脆，但紫菜就一般，可惜。最後無影單張。。。算，今次五個人二千零三，因為有最底消費（每人三百），夠數走得，環境舒適，上菜快，價錢中上，服務員有禮貌，整體評分是中上的。

今晚無飯食，唯有一個人係街食飯啦，行行下見到間日本餐廳唔錯就入黎試試。一個人食魚生又好似太貴，就食個炒飯加小食，日本野都可以平食的。海膽炒飯($128)為左填飽個肚就點左個海膽炒飯，海膽份量都幾多，炒完後米飯仍然好有質感，加上海膽的鮮甜，及多款配料造成的層次感。最重要係每一口都有海膽的鮮甜為炒飯加了不少分。串燒安格斯牛肉($76)牛肉的質素十分高，師傅燒的手藝也十分好，表面有少少的焦香味道，但係牛肉的肉汁仍然保留係牛肉內部沒有流失出黎，除了嫩滑外牛肉味也十分重，加上日式的醬油配合得恰到好處。燒芝麻雞翼($38)可以話係我食過最好味既燒雞翼，雞翼外皮好脆好香，咬落去雞肉同皮中間的油脂變成左流質，除左雞既香味散發外仲令雞肉肉質好嫩好濃味，廚師醃味都做得十分好，不只是外皮有味，雞肉都有吸收到，燒得好醃得也好，普通雞翼有心機也可以做得十分出色。