嵐山日本料理

營業中

休息中

今晚無飯食，唯有一個人係街食飯啦，行行下見到間日本餐廳唔錯就入黎試試。一個人食魚生又好似太貴，就食個炒飯加小食，日本野都可以平食的。海膽炒飯($128)為左填飽個肚就點左個海膽炒飯，海膽份量都幾多，炒完後米飯仍然好有質感，加上海膽的鮮甜，及多款配料造成的層次感。最重要係每一口都有海膽的鮮甜為炒飯加了不少分。串燒安格斯牛肉($76)牛肉的質素十分高，師傅燒的手藝也十分好，表面有少少的焦香味道，但係牛肉的肉汁仍然保留係牛肉內部沒有流失出黎，除了嫩滑外牛肉味也十分重，加上日式的醬油配合得恰到好處。燒芝麻雞翼($38)可以話係我食過最好味既燒雞翼，雞翼外皮好脆好香，咬落去雞肉同皮中間的油脂變成左流質，除左雞既香味散發外仲令雞肉肉質好嫩好濃味，廚師醃味都做得十分好，不只是外皮有味，雞肉都有吸收到，燒得好醃得也好，普通雞翼有心機也可以做得十分出色。