Attic Handmade Pasta (已結業)

為朋友慶生而選了Attic Handmade Pasta，看相片覺得餐廳的環境不錯啊！平日來晚飯，餐廳的入座率不高，7pm來到的我們是晚市的第一枱客，可以拍一拍照才開始點餐。點了兩份不同價錢的3-Course Dinner Set Menu，分別是$488及$388的餐，3道菜是餐湯、前菜及主食。點餐後，侍應先送上一盤麵包及餐前小吃。微暖的麵包有3款，方形那款是蕃茄麵包，由於本人不吃蕃茄而沒嚐，朋友說味道不錯。圓形的軟包富牛油香，長形的那款是法包口感，適合蘸湯吃～餐前小吃是煙三文魚忌廉芝士脆餅，煙三文魚鹹香，底下墊有忌廉芝士及脆餅，口感豐富得來又不覺膩。是日餐湯為椰菜花忌廉湯，味道香滑，加入少量脆麵包粒，增添口感！先介紹一下$388那份餐，前菜選了法國鵝肝慕絲那款，但侍應落錯單，所以我們多了法式鴨髀肉肝醬批可吃。法式鴨髀肉肝醬批，熱烘烘的上桌，切開酥皮面後，鴨香四溢，肉肝醬中混有一絲絲鴨髀肉，作為前菜，味道不會太濃，幾好食！法國鵝肝慕絲伴無花果啫喱、焦糖無花果及焦糖榛子，凍食的鵝肝，將鵝肝製慕絲質感，中間夾著無花果啫喱，入口軟滑即化，帶有鵝肝香，無花果啫喱有助進食時不覺得膩。焦糖無花果

生日打算搵間情調好啲既餐廳，所以揀左呢間係尖沙咀西餐廳。入到去鋪頭細細，但燈光暗暗，環境都ok。侍應服務態度都好好，向我地介紹3 course set dinner 係有兩款，分別係$388同$488，而兩者既差別在於主菜度，兩款餐同樣包頭盤、是日餐湯同茶/咖啡。嗌完野食好快就上左麵包籃同海鹽牛油，有一舊法包同一舊牛油軟包。法包外脆，入面偏硬，需要出啲牙力先食到，軟包就正常發揮。送既煙三文魚忌廉芝士餅，都係正常味道頭盤揀左兩款唔同既，分別係法式牛肉他他同蛋白麵，松葉蟹肉湯。法式牛肉他他，撈均左蛋黃之後，牛肉都算滑，份量比想像中多。蛋白麵，松葉蟹肉湯，蛋白麵其實就係將蛋白蒸熟再切條，湯味道唔錯，似中式酒精既海皇羹。另外加左$98要左三隻是日生蠔，雖然唔知係邊度產地但唔會腥，食落都算新鮮。是日餐湯係蕃茄忌廉湯，蕃茄味濃，質地偏向濃稠。$388同$488既主菜各嗌左一樣，以下係$388既主菜，一上枱仲以為漏左野，因為嗌左油封鴨脾肉意大利飯，但唔見隻鴨脾，膽粗粗試下飯入面既啡色野，原來油封鴨脾唔同坊間般咁原隻上，而係手撕完撈左入飯裏面。但唔知係咪同意大利飯一齊煮得太耐，啲鴨肉又乾又「鞋」，不過

裝飾有點復古-水晶球吊燈，大大的鏡子，梳化位最有特色，可以提早預約梳化位，今次叫咗2個set dinner。是日餐湯 椰菜忌廉湯前菜香煎法國鵝肝配紅酒燴梨及榛子碎流心蛋黃蟹黃蟹肉自家製意大利雲吞主菜海膽醬手打意粉，海葡萄，烏魚子卡邦尼手打意粉香煎法國鵝肝配紅酒燴梨及榛子碎煎過嘅鵝肝口感軟綿，散發着鵝既油脂香，加入咗榛子碎非常特別，紅酒燴梨少少酸，中和返油膩感。流心蛋黃蟹黃蟹肉自家製意大利雲吞餡料嘅配搭非常邪惡，一切開已經流出蛋汁，蟹黃蟹肉非常鮮甜，意大利雲吞皮煙靭，我非常中意。海膽醬手打意粉，海葡萄，烏魚子手工意粉煙靭Q彈，掛汁能力高，醬汁用左日本海膽、麵豉、清酒製成，口感好rich，每一啖都食到香濃海膽味，加埋沖繩特製海葡萄同埋烏魚子，帶有海水嘅鹹香味，增加口感。卡邦尼手打意粉用左意式風乾豬腩肉（Pancetta ），比起煙肉更有油脂香，味道更香濃，更有傳統風味。卡邦尼口感柔滑豐盈，濃郁嘅蛋香味加上意式風乾豬腩肉鹹香味，非常夾，係食過嘅卡邦尼意粉之中數一數二。

之前生日嘅時候book咗喺尖沙咀附近staycation，無意中就搵到呢間主打手工意粉嘅高級餐廳～ 餐廳嘅裝修、氣氛同menu都幾適合慶祝生日～ 如果坐喺窗邊梳化位就會闊落啲舒服啲，但我哋嗰晚就唔好彩就坐咗喺近廚房門口、牆邊嘅2人枱，張枱就真係幾窄又近路口，而且高級西餐嘅碟都好大隻，所以張枱真係有啲迫呀😅 3-Course Dinner Set分咗2個價位：$388同$488，分別就在於主菜嘅款式，有9款可以揀～ 2個價位都奉送手杯餐飲、餐湯、麵包同埋頭盤，而頭盤都有7款可以揀。•📸 麵包 有兩款，而且兩款上菜嘅時候都係室溫嘅，食落好乾好硬，而且只係配普通牛油，比起我之前食另一間fine dining餐廳嘅，呢間真係好失色～•📸 餐湯 - 南瓜湯南瓜湯好濃郁好滑，仲有幾粒麵包粒，吸咗湯之後幾好食，比起開頭上嘅麵包好好多🤣 不過呢個餐湯係喺食晒麵包之後先上，如果係同麵包同時上嘅話，應該會好啲～•🥢 是日生蠔 +$98 (3pcs)原價$168，Set dinner就可以用優惠價$98加配～食落都幾重海水味，但就唔太肥同唔夠creamy～•🥢日式醬油漬溏心蛋黃多士，黑松露意大利軟芝士，魚子