鮨三川 (已結業)

☆ 𝙎𝙪𝙨𝙝𝙞 𝙎𝙖𝙣𝙨𝙚𝙣鮨三川銅鑼灣渣甸街50號渣甸中心6樓羽太墨魚帆立貝平政魚金目鯛牡丹蝦鯖魚拖羅蓉右口魚邊拖羅三文魚籽海膽Omakasn十二貫壽司、沙律、茶碗蒸、烏冬、甜品比起第一次黎覺得服務方面遜色左，特別某帶眼鏡女員工，長期令人感覺唔舒服，而且明明一開始佢問左有冇d咩唔食，我話唔食葱，我諗應該佢無mark低，所以師傅有一下落左葱，而且烏冬都有葱，但之前黎無呢d情況。食物質素方面keep到，師傅都好用心製作，同埋鍾意呢到有抹手指布呢d細心位。

一月同屋企人食完之後，因為太好味而決定再同屋企人再訪。餐牌同上次一樣都係有買款，今次一行七人都揀$398嘅Lunch set，有12件手握壽司、沙律、茶碗蒸、濃湯烏冬、甜品。第一個po都係先食哂壽司，最後先講返茶碗蒸、沙律同甜品。環境分兩個房，都係有張壽司吧檯，令人可以近距離欣賞師傅功架。師傅每一件壽司都會講解，店員都好友善兼成日添茶，好完美嘅用餐體驗。鱸魚由淡味魚開始，鱸魚味道好易入口，肉質軟嫩，掃上一層梅醬令人好開胃。真鯛魚皮稍稍用熱水灼過令口感更爽脆，肉質有微微油香，好鮮味，配上辣椒蘿蔔蓉令味道更豐富。帆立貝同一月時造型有啲唔同，不過同樣灑上少許竹炭鹽。一食即有鮮味湧出，陣陣的海水味於口腔縈繞不散。深海池魚一望就睇到好厚肉又有油份，果然油份足且質感爽脆，仲滲出鮮甜味道，面層的柚子胡椒同時帶來一份清新感。伊佐木又稱為「雞魚」。肥美甘香，口感柔軟。師傅更微微燒一燒魚皮，添加一份香口，牡丹蝦同上次一樣，師傅先將蝦膏取出，然後再放於牡丹蝦上。非常之鮮甜且蝦味濃郁，質感好黏口，蝦膏又濃又香，捨不得一口吞下，要慢慢細嘗。鯖魚魚肉帶亮亮的油份，完全無腥味，肉質細膩。蔥拖羅軍艦脆脆的紫菜包著蔥拖

用餐時間：普通星期二1400-1600呢度有幾個lunch sets揀，不過最受歡迎就一定係十二貫壽司。餐廳裝修都好有日式格調。首先有沙律+茶碗蒸。沙律(評分:5/5) : 柚子醋份量啱啱好，而且蔬菜新鮮，所以係比較高質既沙律。茶碗蒸 (4/5) : 茶碗蒸入面配左啲黑松露係幾好食，不過食食下食左粒苦苦地既蓮子，我就唔係好鍾意，所以扣左少少分。由於今次係我第一次食omakase，所以唔係好熟啲高級既日式食材。今次就只係講下啲印象深刻啲既壽司。呢粒帆立貝拍打完之後會收縮，證明佢好新鮮。最後入口嗰陣都真係好食既。牡丹蝦本身已經好鮮甜，配埋燒過既蝦膏之後，超級好食。入口即溶，好似食緊和牛。三文魚籽好新鮮，而且份量超多，放落口之後成口魚油味。海膽好新鮮，一啲苦味怪味都無，而且份量都唔錯。湯底普通，不過烏冬口感唔錯。食完咁多好野之後用一個我鍾意食既甜品做結尾。最後埋單連加一係$876，兩個人平均每人$438。係人都知omakase係貴㗎啦，所以呢餐唔洗$500都食到咁多好野真係唔錯。今餐無一樣野係伏既，全部刺身魚都好新鮮，一啲腥味都無。總括黎講，以一餐omakase黎講，呢間既性價比係幾好。