稚內日式創作料理居酒屋 (已結業)

香港食日本野嘅餐廳多到數都數唔晒，日式西餐都有好多選擇～但係西式日式Fusion菜又好似比較少有．嗰晚同 Farewell 舊同事，揀左呢間稚內日式創作料理居酒屋，位置唔算僻，但因為同酒吧做鄰居，有幾個朋友都行過左都唔知，但估唔到食落有啲驚喜，已決定擇日Encore。嗰日雖然係星期一，但小店都係訂位安全啲，所以去到唔洗等就入得，間鋪座位唔算多，開始仲覺得幾迫，但由七點半坐到Last order十點半，又覺得OK喎～而且我地因為等埋朋友所以都坐左一陣先落單，佢地都催我地要叫野食，反而仲幾熱心介紹有咩推介。【極上刺身盛】就係店員推介，的確唔錯，上嘅時候仲有乾冰嘅煙，好鬼有氣勢。我地傾得興起，食得有啲慢，但店員都會提醒我地要趁早食，而無比我地感覺係催我地～【鴨肶蒿麥麵】係最後我地忍唔住加單叫的，係11月限定嘅menu，鴨肶炆得相當稔，唔怕難分。加上蕎麥面係我至愛，所以特別喜歡呢一道菜。加單其實仲加左隻燒春雞，不過無影到相，佢釀左啲薯仔入去，好入味！我地走左之後醒起無影到大合照，走番入去問店員，店員都好好咁幫我地影相～！味道OK服務又OK，埋單又唔算貴，絕對值得Encore。

係香港有個地方叫稚內？哈哈大笑,係餐廳既名叫稚內啫!以為係食日本嘢,點知係日本同西餐既cross over !是日點菜如下:海鮮米通,係啲切碎既刺身放咗係米通上面,刺身應該有三文魚,吞拿魚,八爪魚同埋油甘魚,海鮮刺身用微辣嘅汁撈過,配上脆卜卜既米通,係一都好出色又醒胃既前菜!蠔周打海鮮湯,非常足料!見唔到一隻隻蠔係湯入邊,因為已經將啲蠔打滑咗啲湯mix買埋一齊好,香嘅好蠔味,有隻連殼嘅青口係入邊,仲有帶子同埋蝦,呢個值得推介!鴨脾蕎麥麵,我一向都有自己法式整油封鴨髀,所以其實係街好少點嚟食今次店員推介呢一個鴨脾蕎麥麵係用慢煮嘅方法做所以就試下佢!鴨脾已經煮到啲肉化晒,用叉輕輕叉下佢已經甩咗啲肉出黎,完全唔使用刀幫忙,經過慢煮既鴨肉好𣺉,仲好保持到鴨嘅鮮味,重點係啲都唔酥!估唔到個蕎麥麵熱既,蕎麥麵中間夾雜咗啲青瓜絲,感覺好特別,成道菜嘅配合都幾好!呢度竟然有德國脆皮鹹豬手食,豬手原隻上枱嚴刑俾我哋影完相之後就幫我地切埋,呢個豬手最特別嘅地方係個汁,個汁好似燒汁咁樣,有少少甜甜地,同個豬手係非常夾的!豬手果皮燒得好脆,啲肉又唔會好乾,仲keep住得住好juicy!估唔到日本餐廳做豬手會咁

Happy Wednesday!!!上星期三放工後,約了一班朋友去食飯,其中一個朋友話想食日本野,對我而言,星期三只要不吃小炒我就好安全!日本菜大部分的菜式都是刺身壽司類居多,而其中一位朋友是不吃魚生,所以就找來了一間Fusion 日式菜館,至少選擇比較多....來到了太子警署後面的稚內日式創作料理,一入來深啡色的實木建築,壽司吧上有大量的清酒, 價錢也算合理,這裡也有 Wine Pairing, 不過,我不喝酒,所以沒有聽進耳朵裡~餐廳食具也是一絲不苟,很有處女座的感覺,不論自家用的餐具,或是上菜用的碟子,都是畫上同一個圖案的...極上刺身盛 $218先來一個刺身盛,入面有甜蝦,帶子,三文魚腩,劍魚,油甘魚腩,八爪魚等刺身,刺身厚切,每件都是依照魚肉的紋理去下刀,入口油潤而不覺得有渣,新鮮甜美蟹膏軍艦 $28 /火灸左口魚邊黑松露壽司 $34 /油甘魚壽司 $35 (一客兩件)再來的是壽司喔!蟹膏軍艦深啡帶墨綠色的蟹膏味濃, 加上青瓜絲可中和膩的口感,入口有海水味,屬於比較濃味的選擇火灸左口魚邊黑松露壽司以火輕輕燒過的左口魚,把魚油都逼出來了, 加上黑松露醬,過份油潤的感覺忽然生起油