九份•十分 (河畔花園) (已結業)

上星期難得約到個好耐冇見既朋友，揀左呢間近佢屋企既台式餐廳。之前都有黎食過牛肉麵，味道濃郁，感覺幾正宗，今次決定豪少少食多啲當慶祝下。當然台式餐廳必叫既都係牛肉麵，今次改叫三寶，牛筋牛肉同牛肚都唔錯，而且味道仍然好正宗，湯底食得出八角茴香等香料味鹽酥雞係呢間餐廳既招牌菜，上次一個人黎冇機會食，呢度係即叫即炸，個皮非常酥脆，就咁食都好正，仲可以自行加六種唔同既味粉，個人最鍾意原味同香辣，食到一半仲可以加梅子或芝士轉下口味，而且份量都好多，絕對可以四個人share食。蚵仔煎都係台式必叫，呢度改左少少整法多左蛋既比例岩香港人口味，蚵仔好大隻同喺台灣食既差唔多，醬汁既濃度都岩岩好，值得試下。為左滿足大食既朋友仲叫左唔少小食：麻辣牛展夠麻少辣，牛展都好爽口；滷水拼盤（小）同牛肉麵既湯底一樣有香料味，而且款式多，無論係雞蛋雞翼雞腎或是豬大腸都好入味，份量睇落小啲，但兩個人都夠食。唯一覺得可惜係最後黎既醉小三，雖然有酒香但唔入味，唔算特別好食。不過成餐黎講真係最近食過最好食既台灣菜，就算係我個住過喺台灣既朋友都讚不絕口，如果我住近啲既應該都會變成飯堂。有機會試下佢地既鐵板餐同珍奶。

同朋友跑完步🏃🏼‍♂️到河畔花園想食野🤤入左呢間台式小店，好有意外驚喜！.鹽酥雞🐔$48 真係好抵食！舊舊都好大舊，仲要粉好薄，入面好juicy💦💦!!真係唔係度度食到👍🏼👍🏼👍🏼👍🏼👍🏼平，靚，正。仲要有6種唔同的味粉:原味，梅子，芝士，香辣，咖哩，紫菜。.鹽水雞🐤👍🏼👍🏼👍🏼👍🏼台灣夜市食過，番到來香港好難揾，呢度有，一定要試下，幾好食，用埋地道的石榴，又有酸甜的菠蘿，當前菜咁係好正。.細滷水拼盤👍🏼👍🏼👍🏼👍🏼個滷水汁好好食，個味好好！唔係街市果種味，都台灣的，飲左兩啖，正！入面有雞翼，腎，豬大腸，滷水蛋，味菜，鴨舌。.牛肉麵🐮👍🏼👍🏼👍🏼👍🏼👍🏼個湯落左好多薑，所以個湯係濃得來，有d辣，係好正。d牛肉好林好入味，$62都平過好多連所店，都好大碗。真係好正！.128蚊 醉鮑魚 呢個就都okay既，覺得貴就唔好食啦。因為係個d細鮑魚，想試下食貴野，都okay。.芒果沙冰❄️👍🏼👍🏼👍🏼👍🏼👍🏼👍🏼我未試過飲過咁smooth，咁滑，而又有芒果粒！我一定會再番來飲過！真係無得輸！一定飲，係就42蚊，但值！.溏心蛋 15蚊👍🏼👍🏼👍🏼唔夠飽，食多隻蛋，okay,正常野。.士多啤梨🍓麵包磚🍞係

尋日因為去開沙田做嘢，所以夜晚係附近搵嘢食，經過有間台灣餐廳，見到有好多人聚集，我估呢間餐廳嘅質素有保證，就即刻入去食個晚飯獎勵下自己餐廳嘅環境舒服，牆上掛住一啲代表台灣九份十分嘅畫，令人回想起台灣嘅感覺見到餐牌有一款醉鴿，因為平時都好鍾意食用酒煮嘅食物，所以即刻試吓，果然冇令我失望，因為醉鴿好入味，係香濃嘅酒香味，連雲耳都好好味，而且醉鴿肉質剛剛好我仲叫咗一碗紅燒牛肉麵，材料好豐富，有牛筋同牛腩，而且仲有一啲配菜同蘿蔔，牛筋同牛腩都煮得好軟熟，而且湯底好味，粗麵嘅麵質亦令人食落好有口感朋友就叫左碟細嘅滷水拼盤，裡面有鴨舌、大腸、鴨腎，雞翼、蛋、豆腐等等，包羅萬有，總有一樣啱你口味，所有都好入味，我就特別鍾意鴨舌最抵讚嘅就係蚵仔肉碎泡飯，除左份量大碗之外，蚵仔嘅數量都佈滿每一啖，大熱天時食碗泡飯一流，加上湯底鮮甜，係真材實料熬出嚟㗎，餐廳仲提供脆米，可以倒上飯面一齊食飲品就叫左綜合水果茶，雖然份量比我想像中細，但味道一流，有好清新嘅水果香味，裏面有蘋果、橙...仲有一粒話梅吊味，酸鹹嘅話梅令到水果茶嘅味道提升，越飲越開胃最後叫咗個甜品，係芒果蜜糖磚塊，佢嘅賣相好吸引，七彩繽紛，有棉花糖

千米迢迢黎到沙田跟家姐覓食，一行5人決定排下呢間區內熱門台灣菜，攞籌等位都等左成個鐘先入到！（利申：星期六晚8點）店內裝修都幾靚，不過因為實在太逼，真係唔會有閑情逸致去欣賞下佢既「台式」造型。我地每人叫左個餐，再加個滷水拼盤同鹽酥雞開心share:*滷水拼盤*滷味最緊要係乜？緊係入味啦！呢碟拼盤份量適中，overall都幾入味，唯獨係雞蛋就略嫌比較清淡，得表面一層味道同油，雖然都「滷」得比較硬身但都係入味緊要d。大腸好淋，雞中翼如圖所見真係脹卜卜，間竭性怕肥的我都咬走左層皮，其實係好味架！*酒雕雞配米粉*呢個真係見仁見智，有人話個雞，好味肉質夠實淨，但我就覺得太鞋，雖有酒香味但肉質真係好考「牙力」；另外米粉就十分清淡，病人都啱食喎⋯ 當然呢個餐都係芸芸之中偏健康的，想重口味就千祈唔好食呢個啦。*鹽酥雞*呢個應該算係店內嘅招牌菜，因為有成6款味粉俾你玩！仲用test tube 裝住變到好pro好scientific 咁，係有gimmick既。試左紫菜溝原味加芝士，炸雞夠熱，但係本身已有調味，所以加左粉都會咸左d。原味粉/即係胡椒味最夾，其他玩玩都唔錯！*oreo沙冰*店內嘅飲品全部望落都

今日同女朋友去咗沙田，發現咗呢間都比較新嘅台式餐廳，見個menu有好多特色飲品同甜品，正餐亦多選擇，於是決定一試餐廳環境都唔錯，舒服乾淨雞肉都幾滑，唔算濃味，份量唔算多，米粉湯都幾清甜，唔覺重味精。豬手飯分量適中，豬手亦都入味，味道似糖醋幾開胃。呢杯飲品睇落非常吸引，係蝶戀花加青蘋果，有青蘋果味但比較甜，不過女友話好靚水果茶就幾抵飲，一瓶都夠兩個人飲，而且水果味同茶味都非常balance，仲可以食埋D果肉，夏天飲就啱哂，好fresh滷水亦十分正入味好食，有雞翼，豆腐，蛋，鴨腎，鴨舌同酸菜，兩個人食叫大份就啱啱好share，鴨舌真係正其他亦有水準。飯後唔少得甜品，雖然珍珠比較少，但窩夫有焦糖味好香脆，就咁食已經好好食當然多D水果同珍珠會更佳。