蟹點

營業中

休息中

一直都好少會去南區個邊，問朋友有咩介紹先知道西邨街市有唔少嘢食，地下個層大部分都係啲小食店，二樓就有間小炒店，幾新淨又大間，所以就去咗試下！🤣見到menu先知原來有好多唔同嘅菜式，泰菜、潮州菜、港式小炒都有，真係超級多選擇🤩.燒魷魚 $88馬拉盞炒通菜 $78滷水鵝片 $168黑胡椒炒蟹 $498豉椒炒蜆 $98珍多冰 $38椰青 $48.見到有燒魷魚就忍唔住叫，燒得唔算太燶但好香，口感一啲都唔韌，好軟熟，唔係啲你咬極都咬唔開嘅魷魚！加埋佢泰式酸辣汁，好惹味🔥炒通菜份量都幾多，味道好夠，食得出係即炒，有鑊氣👍🏻滷水鵝片大推呀👍🏻👍🏻👍🏻份量超級多！好多時其他餐廳都會用好多豆腐舖係底，但係佢除咗面個啲鵝片之外，下面個層重有一大半鵝肉😍😍😍鵝片好淋又入味！配菜有啲豆腐同花生🥜！全部都好味😋😋😋主角嚟啦🤩🤩🤩蟹🦀見到好多人都有叫蟹食，咁難得嚟到緊係要試下！今次叫咗黑胡椒炒蟹，黑胡椒味幾香唔好辣，應該大眾都會食到！隻蟹好大隻，特別係隻蟹鉗，有成隻手掌咁大😍😍😍啖啖肉！隻蟹整得啱啱好，有醬汁嘅味道又唔會蓋曬蟹原本嘅味，重食到蟹嘅鮮甜味👍🏻👍🏻大排檔必食嘅炒蜆🤣🤣 味道夠，過足口癮！飲品要咗椰青同

每次有食蟹專門店開業必定第一時間光顧，是次惠顧位於屋邨街市內的新餐廳令我喜出望外進入飯店後就如置身漁船內，空間偌大，更有梳化坐招牌白胡椒蟹以鐵板上，侍應即席淋上醬汁， 香濃惹味，蟹肉鮮甜大排檔風味又怎少得鑊氣小炒豉椒炒蜆？鮮甜蜆肉加上惹味醬汁，配合得天衣無縫金沙黃金蝦甘香脆口，薄薄的咸蛋漿均匀地黏在蝦身上滷水鵝片滷得入味，鵝香滿溢除粵菜及潮州菜外，還供應泰國菜！椰青椰肉嫩口，清新又解渴龍眼冰清甜香醇

係咪好食，就見仁見智。見到好多食評寫得呢度好唔錯。平心而論，其實唔差，不過不失。屋村價錢，大排檔鑊氣，其實已經夠殺。款式夠多，亦係大家想要嘅野。適合一家大細，又適合幾個男人藍妹之夜。算係咁！所以捧場客唔少。見到呢度所有食評都講蟹，我反而唔特別寫太多。今次叫咗個咖喱軟殼蟹，價錢ok，軟殼蟹係新鮮炸嘅，連四塊蒜蓉多士。盡情咁放咖哩係塊多士上邊。正！不過馬拉盞炒通菜，有少少失色。一般。見人人都有叫滷水鵝，都叫一個滷水鵝片試吓。講真，同啲真係做滷水店嘅嚟俾，真係有啲距離。滷水鵝，冇鵝味，肉質太實，一定唔係新鮮鵝做嘅。滷水亦只係得豉油嘅咸味，冇滷味。但係又係嗰句，$168喺鴨脷洲嚟講，份量算唔差。亦都有叫椒鹽鮮魷。同其他嘢一樣，冇乜味道。呢一度最特別嘅嘢係，所有嘢食影出嚟個樣都係唔差。不過就冇相關食物嘅鮮味。連油飯都係。

朋友在家工作超過一年，最近佢要返一返公司開會喎😒，於是就順便約我哋幾個老友飯聚一下，等佢可以唔使宅在家。條衰仔約到去鴨脷洲「蟹點」咁遠，不過佢堅稱有好嘢食，我哋就陪佢顛一次，唉近佢公司黃竹坑之嘛。而家有地鐵去南區方便好多，A出口上嚟離遠就已經望到餐廳。餐廳位於西邨街市一樓，地下嗰層有街市檔販同小食店，全幢最近經過大翻新✨，所以裝修好靚、好光猛，衛生又好。餐廳佔地面積超大，同街市大小相約，因為全層只得佢一間店。我哋無諗過呢度咁多座位，閒日晚上都可以全場爆滿，超厲害👏，但太熱鬧就會有少少嘈🙈。餐廳格局令我聯想起柴灣嘅漁灣街市，但環境衛生贏成條街。呢度裝修以漁船碼頭作主題⛴，燈光明亮，冷氣充足，客人坐得舒服。佢絕對同一般街市樓上嘅熟食中心唔同㗎。做得大排檔又點止齋賣一味，佢有齊粵式小炒、潮州打冷同泰國菜，選擇超多，樣樣都想食，睇到我哋眼花撩亂🌸。可能乜都有賣嘅關係，個廚房都大過人，直頭係大到痴線！招牌白胡椒蟹(大蟹)($498)，我哋幾個都鍾意食海鮮🦀，見蟹係呢度嘅招牌，就一於嗌隻試試佢。蟹有幾種煮法可以揀，例如避風塘炒、辣椒膏炒、咖哩炒同冬蔭功湯等，而我哋就揀咗招牌白胡椒，因為海報見得最多

真係好耐好耐冇係大排檔食過海鮮，一連叫左幾樣海鮮真係滿足到不得了。今次仲要去左鴨脷洲附近嘅小食亭，環境好大好光猛最緊要好乾淨。招牌白胡椒蟹🦀白胡椒好香好嘢味，蟹大大隻啖啖肉仲要鐵板上熱辣辣超級正，香港好小食到咁好味嘅白胡椒蟹。蒜蓉粉絲蒸元貝：有4大隻元貝，重點更係蒜蓉粉絲吸晒d汁真係精粹😂豆豉炒蟶子皇：蟶子都有成4大隻，豉椒炒d鑊氣堅正，大大嚿啖啖肉👍🏻👍🏻👍🏻滷水鵝片：師傅切到薄薄的吸晒d滷水汁仲有豆腐花生，你地諗下有幾好食😋西瓜🍉沙冰，用新鮮西瓜打出嚟飲落口啖啖西瓜肉。

話說屋企樓下個商場裝修完，開咗間新餐廳叫蟹點。同班朋友嚟試吓，職員都有推介食泰國菜，同打冷野。招牌白胡椒蟹食完就明間餐廳點解叫蟹點。白胡椒跟蟹肉好夾，層次豐富。蟹肉香濃鮮味，同時白胡椒亦冇搶去本身蟹肉鮮味，互相配合。當然蟹本身亦好多大隻又多膏，高度推介。比埋膠手套，唔使食得咁論盡😂咖喱炒大頭蝦椰味香濃，唔同香料令到咖喱嘅口感層次好豐富，大頭蝦嘅size好大，而且肉質鮮美。食咖喱當然要配上蒜蓉包，正。滷水鵝片份量都唔少，鵝片肥瘦適中，皮脂沒有過肥嘅情況，香濃油香而且鵝肉亦有彈性和咬口，滷水汁亦做得唔錯。馬拉盞炒通菜泰國菜必點之一，香辣惹味，而且蝦醬味亦香濃，味道適宜亦不會太鹹。紅燒脆皮BB鴿外皮相當香脆而且肉質滑嫩多汁，乳鴿肉味亦充滿滷水味道。芒果沙冰+菠蘿沙冰解渴首選，果肉香甜。

呢日又去左南區搵朋友食飯，佢話鴨脷洲邨街市樓上開左間新餐廳，所以就拉埋我去試～呢間餐廳都幾特別，粵式小菜又有，泰式又有😳除左係food court食之外都真係幾難得可以一張枱又有中式又有泰式👍🏻滷水鵝片碟鵝片比想像上大碟！而且肉質鮮嫩，不自覺地一塊接住一塊咁食😋好滿足🤩冬陰公湯呢個已經係細既冬陰公湯，勁大碗！兩個人食每人都可以飲到3-4碗！！味道好濃郁，仲好香椰奶味～而且裡面好多海鮮，好豐富😍泰式串燒串燒有6串可以自己揀豬牛雞～小弟今次就每款要左兩串😋即叫即整上到枱熱辣辣！d肉都好好食唔會un或者無味～個沙爹汁仲調得好好tim👍🏻👍🏻胡椒蟹見到旁邊有幾枱都叫左呢隻胡椒蟹搞到我地都好想試😆點知真係好大隻😳😳食落好新鮮！d肉又唔霉，啖啖肉勁正😋連d蟹肉都有好濃烈既胡椒味，正呀👍🏻🤩兩個人食食下就ko左成隻，太好食😂本身都幾擔心會食到好狼狽，不過餐廳好貼心咁準備埋圍裙同埋手套就唔使擔心啦😆呢間餐廳實在有太多野食喇～唔止打冷正仲要泰國野都好好食！下次要叫埋一大班fd一齊黎食先😂