麺屋武一 (已結業)

已經差唔多試哂香港拉麵既我，無論雞湯、豬骨湯、醬油湯、鹽味湯都鍾意，未去到旅行時都可以係香港搵到接近日本味道既拉麵，今次介紹既係算係香港第二主流既雞白湯拉麵，呢家唔再係豬骨湯盛行，開始有好多過江龍、甚至係本地既雞白湯拉麵店。麵屋武係一間來自日本東京新橋既過江龍拉麵店，香港店係2019年開業，係日本國內擁有12間店，海外亦都有10間分店，店舖主打濃厚雞白湯拉麵，香港分店仲有限定既蔬菜拉麵同低糖質蒟蒻麵，食素既朋友都可以食到美味健康既拉麵。呢度既雞白湯底都係係日本入口，同雞肉丸同雞髀肉叉燒一樣，所以可以食到原汁原味品日式風味同啖啖雞肉鮮味。麵屋武一仲有提供迷你鰻魚丼、章魚燒、煎餃子等小食選擇，尖沙咀係一個唔錯既選擇。每次我食過江龍拉麵都會睇下日本本店既評價，日本最多人用、參考價值高既就係TABELOG，高過3.5分既餐廳已經係好好食，4分可能係日本最好食或者係米芝蓮級數，所以當我睇到呢間拉麵有3.72分，而且係同區第三名，就非常期待。香港分店係尖沙咀棉登徑，係K11附近，近地鐵站，所以好方便去到。店鋪唔算大，疲情前去人流都有，近排去人流就無。店舖裝修好有日式居酒屋風格。一個人去個時店員唔會

之前來開附近都會食一蘭，今日想食拉麵又肚餓，一於行去另一頭搵下有邊間唔使等位。雖然去到都要等一張枱，但都算好快。舖頭唔大，但每張枱之間至少唔會太迫。講食物先，拉麵都算幾抵，八十幾蚊份量都足夠。麵質夠晒爽口，叉燒啱啱好半肥瘦，溏心蛋一咬就流晒出來，正柚子梳打飲落幾fresh，又唔會太甜，都好好飲啊﹗朋友要左咖喱薯餅，食落咖喱味好重，不過我嫌太淋，都係鍾意一般薯餅多d整體來講，拉麵不錯，喺尖咀絕對抵食，唔想喺一蘭等位都可以過來試下仲有好多唔同來自日本的樽裝飲品，見到靚靚包裝特別想試p.s.員工態度都好好，過程中有詢問我哋想唔想轉台，方便畀後面3人入座，當問到轉位嗰度會唔會對正風位，佢都好老實答有一邊會吹住，仲話唔緊要，留返原位都冇問題，令我哋感覺都好好。

尖沙咀區是香港拉麵圈的地獄戰場，一條街道可以有多間麵屋並起，甚至激烈得拉麵店的門口對著另一間的門口。麵屋武一香港分店座落棉登徑及白蘭軒道交界，人流很旺，容易找到之餘店舖外觀相當吸引。話雖如此，麵屋武一舖位卻是四面受敵，棉登徑豚王、K11三田製麵所、麽地道風雲丸及緬甸臺一蘭，四間麵店正正就在麵屋武一位置的四隻角，四間麵店都相當有實力，麵屋武一在這開店，少一點實力也不行。麵屋武一究竟有什麽實力呢? 先看品牌，總店在日本東京新橋，在日本類似開飯的平台評台都有3.7分，評分算稍好不錯，在日本大約有12間分店，在海外亦有10間分店，其中5間設在東南亞，4間在中國，香港分店是第11間。麵屋武一主打雞白湯，我此時想起當年在同一個地區亦以雞湯聞名的鳥華，麵屋武一售賣的不只是純雞白湯，還會混入醬油或味噌，再加上自家獨有的蔬菜湯及蒟蒻麵，因為自家有特色，有一定實力可以抗衡四間拉麵店。根據本人的觀察，麵屋武一有一項比人優勝的地方，由於坐吧檯座位可以近看廚房操作，當然除了一蘭其他三間都可以看到廚房，不過清楚程度就不及武一，其他的只看到厨工的樣貌，而在武一我清楚看到烹調雞湯及製作雞腿肉叉燒的情形。麵屋武一的師

麺屋武一係一間源於東京新橋以濃厚雞湯拉麵作招徠嘅拉麵店，喺世界各地都有分店🤫店舖裝修充滿日式居酒屋風格，日式風味十足😝-🍴濃厚醬油拉麵拉麵🍜湯底以醬油同雞湯混合而成，當中既雞湯更以新鮮雞隻🐓熬煮13小時，再配上雞骨、洋蔥、蒜頭、昆布等材料製成。再配上選用日本小麥製成嘅直麵、日本直送雞肉丸同以雞腿肉製成嘅低溫炆煮叉燒☺️拉麵本身比較幼細，但入口食落嘅質感亦唔會太過軟淋，入口嘅軟硬度適中😊反而仍然帶有少少爽口嘅口感😋同時亦都非常掛湯，所以入口食落有好重嘅雞味😯而重點嘅醬油雞湯方面，湯底入口有好重鮮甜嘅雞味，雖然雞湯配上左醬油，但雞湯嘅鮮味不減反增🤗至於個雞腿肉叉燒方面，叉燒入口口感非常嫩滑，而且帶有陣陣嘅雞味😚成個叉燒味道都同拉麵本身非常匹配🥰至於個雞肉丸方面，雞肉丸嘅肉質偏向比較鬆散，有別於平時食到嘅豬肉丸質感，而味道方面亦都帶有淡淡的雞味😉而額外加配嘅溏心蛋入口就有好香嘅醬油味，而且咬開中間確實係非常溏心，真係超級加分😍-🍴鹽味蔬菜清湯拉麵蔬菜清湯使用左多達13種新鮮蔬菜熬製而成，拉麵表面再放上香菇🍄、車厘茄🍅、洋蔥、菠菜、粟米芯🌽作配菜，即使係素食者都非常啱食😎蔬菜清湯入口有淡淡的蔬菜

又一日本拉麵過江龍登陸香港 麵屋武一，開業只有一個月左右，店家主打雞白湯拉麵，強調湯底同配料雞叉燒，雞肉丸由日本直接入口，我點左濃厚醬油拉麵$88，配料有雞叉燒，雞肉丸，半熟蛋要加錢$12，湯頭入口的確雞味濃厚夾帶住微微醬油香味唔錯，麵係幼麵，幾爽幾滑，但雞叉燒同雞肉丸就比較一般雞叉燒肉味淡有啲鞋口，半熟蛋亦煮過時間太熟，仲有洋蔥碎入口有啲乸口(應係係部分太大粒唔夠幼細，刀功問題，如果用紫洋蔥效果可能會好好多，純粹個人意見)其實一間食店除左食物質素重要外，服務亦好重要，我坐bar枱隔離仲有兩位食客，當佢哋埋單走左後啲麵碗竟然無人收，嗰時其實唔忙連埋我只有三位客人，服務員行過去只係將麵碗疊起就走左去，去左邊？就係去左收銀附近食嘢，你係咪真係咁肚餓呀？執幾隻碗抹下張枱要幾耐時間呀？呢啲本身就係你工作啦，唉…話晒都係日本品牌過嚟香港開店點解會做得咁差，如果當時有其他食客入嚟見到真係好難睇，一枱都係碗無人收但服務員係喺度食緊嘢喎，難怪香港拉麵業做極都唔好啦，就算幾出名嘅日本品牌拉麵嚟到香港一樣做唔起，就係多得呢班人，希望有關方面真係留意下。