スーパー丼 (駱克道) (已結業)

是晚經過銅鑼灣，想食日本菜既癮發作，路經呢間丼飯見到menu上既丼飯幾吸引而價錢都係由$100左右起～所以就決定揀呢間Superdon食晚飯但最後抵唔住中拖羅既誘惑，叫左個火焰三色丼，價錢就貴少少，要$188火焰三色丼 - $188三色分別係中拖羅、三文魚同埋左口魚邊，結果中拖羅令人有少少失望，味道同口感實在食唔出係中拖羅既味道三文魚就不過不失，而左口魚邊就入口即溶、甜而不漏，三款之中最出色！值得一讚係丼飯選用日本米，飯味夠香，而店員亦都不時加茶，態度唔錯

放假既平日又帶住阿媽周圍去揾食 阿媽最中意就係食日本野 所以揀定左呢間superdon 貪佢有lunch set平d下午2點幾 食客唔多 可以直接入座 原來呢個時間踩正lunch menu同afternoon tea既時段每份午餐定食都包沙律同麵豉湯 沙律上鋪滿蟹籽粒 食落就多一份口感麵豉湯味道淡淡地 正合我意 我就最驚個d咸到不得了既味精湯海膽。香蔥呑拿魚腩蓉。三文魚籽丼 ($188)呢個就係阿媽叫既刺身丼 望住七彩既配料加埋有心思既擺盤真係令人食指大動 個一大盤既海膽同三文魚籽拼埋一齊好吸引啊海膽既份量好多 食落甘甘甜甜 而幾乎滿瀉既三文魚籽粒粒都好大粒 食落口感好豐富 有一陣陣既鹹鮮既海水味 吞拿魚腩蓉色澤好粉嫩 撈埋蔥花食真係最好既配搭火焰三色丼 ($138)而我就偏愛火焰系列既丼 呢個丼又係超豐富 除左一大堆配料同三文魚籽之外 仲有三文魚 呑拿魚 同左口魚背 左口魚背好香滑 微微燒過既口感好好 入口軟嫩 火焰呑拿魚食落都有魚脂香味 三文魚反而就燒得比較乾身鹽燒牛舌串 ($48)賣相一般 但係食落有驚喜 厚切既牛舌肉質鮮嫩爽口 加上恰到好處既調味料 真係好好味

好耐冇食日本野，是日又係銅鑼灣附近，於是黎到superdon比多次機會丼飯點解係比多次機會呢？因為之前係旺角果間有啲唔太好既印象所以成三年都冇食過丼飯門口係銅鑼灣廣場一期附近，細細地餐牌都有好多選擇，價錢都合理我自己就叫左碗火焰三色丼，入面有火灸三文魚中拖羅同埋左口魚裙邊，而我不嬲唔好三文魚籽所以走左飯同海鮮既比例岩岩好，唔會有過多既飯呢碗飯比我最大既感動係佢係飯入面都撈左wasabi所以感覺每一啖都唔dry😂仲有配料加持（例如辣蒜頭）所以層次感豐富三色海鮮都燒得岩岩好，尤其係左口魚邊佢燒到入口即溶既感覺very good蟹籽三文魚丼都好豐富，我試左啖三文魚好新鮮，色澤好靚，肥瘦均勻！蟹籽都夠哂多黎撈飯炸軟殼蟹好有驚喜，用左天婦羅既整法，最最最難得係中間部份竟然有蟹黃既出現！！蟹肉好鮮甜，係食過最好食既炸軟殼蟹！埋單每人唔使二百，食到夠哂飽，very good

有時都要比另一半一啲驚喜既，今晚就突然接佢收工，同佢食佢最喜愛既日式餐廳一入到去有明亮白光既大廳，牆上面仲有幾盆小盆栽，令人覺得放鬆背後直接睇到廚師佢地既烹調過程連餐牌都設計成簡潔路線我自己點左個火焰三色丼經過火烤既過程，魚肉中既油份逼出陣陣香氣，左口魚背不但之嫩滑，而且入口即化三文魚籽一啲腥味都無，粒粒飽滿而且充滿甘甜小弟本身喜歡食煎餃子，皮薄餡靚，外脆內嫩女友則喜歡食軟殼蟹一上枱就已經望到蟹膏多到散落係碟中天婦羅漿又薄又脆，加上蟹肉既鮮甜味已經可以配上一碗白飯最後兩個都滿足咁食完整個晚餐

店名開宗明義話做超級丼飯，期望當然高。見食評都多，就搵日一支公坐吧枱飯食個佬丼。餐牌選擇比較少同大路，左思右想之下就揀左最中價既火焰三色丼黎食。丼飯賣相非常不俗，左口魚，三文魚同吞拿魚各據一方，率先食左口魚，一入口就覺唔對路，唔係魚唔鮮，而係油份好少，正常炙燒過既左口魚豐腴油多，食落滿口魚香，呢次味道唔出，可能係魚生品級較次。再食三文魚同呑拿魚，非常正路既味道，不過成150大元一個丼我會expect more . 魚既炙燒我覺得做得唔好，火槍既火候始終不能均勻炙燒表面，搞到魚件半生熟。而且丼飯魚塊數量不多，魚同飯，佐料都好分離，冇一個味道上既整合。呢個價位咁食法就好冇癮了

我們每人點了一個丼飯套餐和一碟小食來分享。 丼飯套餐包括了一碗沙律和味噌湯。這裏的座位不多, 所以如果不想排隊, 就要早點去, 因為遲了來便要排隊, 這裏很快便坐滿了人。鹽燒牛舌串的牛舌爽口彈牙, 帶點燒汁和黑椒味, 非常惹味。火焰三色丼上有三文魚、中拖羅、左口魚背、三文魚籽。火炙三文魚很新鮮, 中拖羅和左口魚背都非常鮮甜肥美, 咬落充滿油脂香。這兒的壽司飯很軟熟, 上面有一些紫菜碎, 為壽司飯增添味道。 把微微燒過的刺身、三文魚籽和飯一同放入口中, 那種味道同感覺很棒! 吃過丼飯後很飽, 但沒有太多油膩感, 食完很滿足~

🇯🇵 前排比Superdon 既丼飯洗哂版，今日終於的起心肝去試喇! 店鋪位置非常方便，一出銅鑼灣站C出口斜右面就係👍🏻1點半到去到，店內只有4-5枱客，所以唔洗等位。我地兩個人各自叫左個午市套餐，詳情如下：1. 三文魚·油甘魚·吞拿魚午市套餐($128) 三種魚都好新鮮 淨係睇相都見到好肥美 特別係啲油甘魚真係好正啊😍 2. 火焰三色丼 ($138)我朋友揀既火焰三色丼同樣獲得好評，值得一試。Superdon 午市套餐價錢合理，平均價$150，包括沙律、麵豉湯同丼飯。而且丼飯份量十足，冇咩花巧野但水準令我滿意，唔錯唔錯！

銅鑼灣人流暢旺，向來大大小小美味高質的餐廳都以進駐這區為目標，除了因客源人流多廣之外，還會有著廣告的效應，奈何租金實在太貴，不是每間1都可以如願以償，但倒過來說，能在銅鑼灣落戶的食肆，相信一般都會有著過人的水準和實力。最近在銅鑼灣駱克道見到一間日本丼飯專門店，門面裝修時尚簡約，單從外表判斷還以為是一間咖啡室，店內面積不大，以白灰色為主調，白色的磁磚牆身和淺色系木枱櫈，倘大的吧枱及半開放式的廚房，配上明亮的燈光，一貫日系簡約無菌主義風格，清新樸素，簡潔自然。座位之間及出入通道雖感覺有點狹窄，但簡約柔和的環境讓人瞬間舒緩下來。一般的丼飯專門店，大都是主打海鮮刺身丼飯，想不到這店舖子小小，生和熟的丼飯也有不少的選擇，而且餐牌圖文並茂，列明了各種材料和份量，明碼實價。另外，這裡也可自選Mix and match，拼湊出自己口味的海鮮丼。而除了丼物以外，還有刺身、沙律、小食及飲品可供選擇，算是麻雀雖小，五臟俱全。大夥兒商量過後，決定點上海膽大吞拿魚腩三文魚籽丼、火焰三色丼和北海道玉子黑松露和牛丼，還各自加$20配上麵豉湯和沙律。！蟹肉葡萄柚沙律，雖然是套餐外加搭配，但質素一點也不馬虎，賣相色彩豐

在香港，想要吃到好品質的魚生飯都要花上一定的價錢，性價比甚低，即使喜歡也不捨得去試。7月the entertainer app 新增了這間 Superdon 主菜買一送一的優惠，早耳聞這間丼飯很足料，評價也很不錯，正好是大飽口福的好機會。店面很小，我們7點半入座，8點開始外面便開始排隊。我們被安排在裡面的四人座，本來覺得很驚喜，怎知道他們竟然在旁邊仍有空位的情況下將下一對客人與我們同座，客人與客人間的距離很小，明明可以給客人多點空間，真不明白為什麼要這樣安排我們點火焰三色丼，有兩片中吞拿魚腩、三片三文魚、三片左口魚邊還有一份三文魚籽。魚生飯的設計很完整，有醃漬過的生薑、牛蒡、蒜頭及蘿蔔片左配菜，加上魚類有8種味道，頗為豐富。WASABI他們也是用新鮮山葵所磨的，不會馬虎。魚生切得很大片，讓人吃得很滿足，不過上桌時我便覺得他們的火焰做得很普通，沒有燒過的焦香味，只把油脂略為燒出來，有點可惜。三文魚籽給得很大方，不會有腥味，帶咸味配飯非常好吃。中拖羅比想像中肥美，加上燒過的關係令魚的油香更足更滑，雖然欠缺魚味但也不錯~飯的處理也得當，不會太熱，還放上了海苔絲，不過他們選用的米就比較一般了，

其實真系超少食魚生飯，多數食魚生都系放題/ 居酒屋食，魚生飯呢樣食物確實滿足到勁中意食魚生既人，價錢冇散叫咁貴之餘又可以食到幾款魚生。想入去坐番低枱就要等下，座位數量吾多，得番高枱，自己本身吾中意坐高枱，所以等一陣都無妨。餐牌有多款選擇，除左呢度出名既魚生飯之外其實仲有熟食 e.g. 燒鰻魚飯、天婦羅飯，吾太中意食魚生但又想試呢間既人就多啲選擇喇首先叫左個火焰三色丼，有三文魚、左口魚背、中拖羅，三文魚每一塊都好大塊不過吾厚，其中一層就系燒過戈一層，層次好分明左口魚背偏向薄身，冇多餘既脂肪，中拖羅系燈光之下會見到閃令令，食完冇幾耐有回甘既感覺。三文魚親子丼既三文魚都系同樣既感覺，朵花擺系度做裝飾用黎相機食先感覺更好， 不禁影多張三文魚既特寫，真系超正架！

日本的食物一直是港人最愛之物，近期比較盛行不是壽司、刺身等而是一碗【丼飯】。究竟【丼飯】有何其吸引力，單單是銅鑼灣鬧市中已經有數間林立，是日選擇此店全因門外的白色設計，滿滿舒適度。星期日的關係並不是午飯時間到來，人流少了很多而且不用等位不錯。 輕輕打開餐牌有生食及熟食的【丼飯】之分，價錢由三百幾至百幾不等；可以算是大眾化吧！而且有生食及熟食之分，我與朋友決意點了一生一熟試下它的分別之處。 【丼飯】還未到來也有驚喜吧，原來ZERO是有枝裝的令人意想不到，還有巨峰提子汁我確信也是夏日必選之物，香甜又美味。 火焰三色丼 $138減肥的我如果要選擇食物首選日本菜全因大多以新鮮食材，少點調味為主餐牌上多款丼的選擇·我一眼就選擇它🤗已經動心了。平常的丼比較少見的「左口魚邊背」正呀·肥美的魚油脂好滑溜，三文魚同中拖羅，燒到剛剛好。魚籽精瑩通透。完全是我杯茶，飯粒以珍珠米口感不俗。 醬燒廣島蠔丼 $138那麼多的熟食我卻選擇它，廣島蠔是廣島的名物。如果你有到訪過廣島一定很想再吃，平常都比較少見的廣島蠔丼。選擇它的確有意外驚喜，蠔身大大粒配合醬燒醬汁入味無比；還有燒得紋理的茄子配合珍珠米令人一試忘懷！

位於銅鑼灣鬧市區嘅Superdon, 遠遠已經注視到佢嘅全白色門面設計.  入到店內同樣以白色為主調, 置身其中感覺好舒服悠閒~  由三文魚、中拖羅、左口魚背拼湊而成嘅火焰三色丼 ($188), 再加有三文魚籽, 整個碗嘅面層被刺身舖到滿滿 😆呢個丼入面有3塊又大又厚身嘅三文魚刺身, 眼見紋理清晰分明, 食落味道鮮甜之餘, 口感仲好豐腴!中拖羅亦都要一讚,  色澤亮麗且油潤滑溜, 魚味又好濃郁, 經微微炙過後食落更香!!仲有仲有呢度啲三文魚籽好大粒好爽口, 一咬開即滲出陣陣清甜味道, 而且分量都唔少, 一直食到底都仲可以夾埋啲飯食, 呢舖真係滋味到底  😁另外 +$20 可以轉為套餐, 有麵鼓湯同沙律!! 呢間嘅餐沙律好有誠意喎!! 喺沙律菜、車厘茄入面仲加有蟹肉同西柚, 驚喜之餘仲感覺好清新 👍Superdon嘅刺身丼認真正, 皆因用料上乘, 食完忍唔住嗌一聲 "好滿足~" 📣