影片
更多
2021-12-28
808 瀏覽
星期日去太子做Facial，扮完靚就過始創食晚飯，本身想幫襯地庫新開嘅餐廳，但奈何多人到一個點，唯有即刻轉場。我哋逐層行吓，上咗三樓發現有間西餐廳「Amica」幾有聖誕氣氛🎄，而且又有唔少人食緊，就一於試吓。餐廳面積超大，分為室內同商場部份，座位眾多，餐枱闊落。整體環境唔錯👍，加上裝修四正，拍拖或家庭聚會嚟呢度都好適合。菜式選擇繁多🍽，凡點選主菜就可以用優惠價加配餐湯或飲品，計落都有著數嘅。店員會留意客人嘅用餐進度，適時上菜。炭燒西班牙橡果黑毛豬丨炭燒菠蘿丨薯菜丨蜜糖芥末汁($188)，呢件豬鞍扒超正🐷，佢令到我朋友對豬改觀，皆因豬扒有一定厚度，散發住炭燒香氣，而且食落非常多汁，肉質又夠軟嫩，味道可媲美牛扒(利申: 我係牛魔王)。另一邊廂，配菜同樣發揮高水準，🍍菠蘿酸甜開胃，連埋蜜糖芥末汁一齊食，同黑毛豬勁搭調。🥔薯菜包括有烤新薯、翠玉瓜、紅蘿蔔同埋特製薯餅，後者好出色，薯仔片爽口，再撈埋少少芝士更加惹味。安格斯牛肉醬寬條麵丨溫泉蛋($88)，🍝肉醬同寬條麵嘅比例近乎一比一，即係餸仲多過麵咁濟，每啖都好豐富滋味。店員介紹牛肉醬係餐廳自家製，肉醬味濃濕潤，茄酸恰到好處🍅，另外仲有隻溫泉蛋
星期日去太子做Facial，扮完靚就過始創食晚飯，本身想幫襯地庫新開嘅餐廳，但奈何多人到一個點，唯有即刻轉場。我哋逐層行吓，上咗三樓發現有間西餐廳「Amica」幾有聖誕氣氛🎄，而且又有唔少人食緊，就一於試吓。
餐廳面積超大，分為室內同商場部份，座位眾多，餐枱闊落。整體環境唔錯👍，加上裝修四正，拍拖或家庭聚會嚟呢度都好適合。
菜式選擇繁多🍽，凡點選主菜就可以用優惠價加配餐湯或飲品，計落都有著數嘅。店員會留意客人嘅用餐進度，適時上菜。
炭燒西班牙橡果黑毛豬
$188
18 瀏覽
0 讚好
0 留言
炭燒西班牙橡果黑毛豬丨炭燒菠蘿丨薯菜丨蜜糖芥末汁($188)，呢件豬鞍扒超正🐷，佢令到我朋友對豬改觀，皆因豬扒有一定厚度，散發住炭燒香氣，而且食落非常多汁，肉質又夠軟嫩，味道可媲美牛扒(利申: 我係牛魔王)。另一邊廂，配菜同樣發揮高水準，🍍菠蘿酸甜開胃，連埋蜜糖芥末汁一齊食，同黑毛豬勁搭調。🥔薯菜包括有烤新薯、翠玉瓜、紅蘿蔔同埋特製薯餅，後者好出色，薯仔片爽口，再撈埋少少芝士更加惹味。
安格斯牛肉醬寬條麵
$88
19 瀏覽
1 讚好
0 留言
安格斯牛肉醬寬條麵丨溫泉蛋($88)，🍝肉醬同寬條麵嘅比例近乎一比一，即係餸仲多過麵咁濟，每啖都好豐富滋味。店員介紹牛肉醬係餐廳自家製，肉醬味濃濕潤，茄酸恰到好處🍅，另外仲有隻溫泉蛋撈汁添🍳。寬條麵亦係亮點，麵條約有2 cm闊，質感彈牙有嚼勁，而且闊度夠，所以掛汁力強，食吓食吓好快成碟食晒。
抹茶窩夫丨紅豆醬丨雪糕($68)，食完正餐意猶未盡仲想食甜品，我哋要咗窩夫🧇，窩夫本身整得唔錯，質感外脆內軟，但抹茶味唔算太顯著🍵，不過紅豆醬就夠晒足，雪糕亦好匹配，但甜品味道就無鹹食咁突出了。
日選餐湯(+$18)，🎃南瓜忌廉湯好濃郁，飲得出用上好多南瓜蓉打成，因此口感相對杰身。餐包選用意式軟包，食落無法包咁乾噌噌。
飲品方面🥤，我哋都轉咗特飲(+$22)，分別係凍綠茶牛奶同凍蜜桃檸檬茶。前者奶味幾重，味道唔會太甜，但綠茶味可以再濃啲；後者嘅蜜桃味同檸檬味相映成趣，茶底亦唔澀。
總括嚟講，始創原來收埋咗間高質西餐廳👍，食物質素有水準，份量又夠大碟。如果喺太子想食正宗口味西餐，可以考慮嚟呢度幫襯啊。
張貼
