座銀

營業中

休息中

座銀 Zagin Soba認識我的朋友應該知道，我對拉麵的熱愛已經達到每週必吃一兩碗的程度。難得搵到心水的拉麵店，必定係定期幫襯。座銀就係咁，我就一唔小心變左長期回頭客變成了長期回頭客雞白湯拉麵這裡的大名鼎鼎的雞白湯拉麵超驚喜，特濃的雞白湯底味道濃郁，配上香脆的炸牛蒡，層次感非常豐富。每一口都能感受到濃厚的雞湯香氣，同時師傅也處理得非常好，就算湯頭咁濃郁都唔會有雞的蘇味。搭配著滑順的麵條，真的是讓人欲罷不能，餓起上黎仲可以追加牛蒡雞肉飯，拌入剩下的拉麵湯汁。日式炸雞另外，還點了他們的日式炸雞。用的是來自九州的雞腿肉，經過醃製後炸至外層金黃酥脆，裡面卻保持著嫩滑多汁。搭配上帶酸味的鹽和青蔥，口感更是絕妙，讓人每一口都忍不住再來一塊。

-{中環過江龍拉麵店🍜}又有得食拉麵😚今次去好高人氣嘅雞白湯拉麵🤓🤤雞白湯拉麵🤤 ($138)麵係粗麵 普通麵身爽彈嘅😍有兩塊豚肉同一嚿雞肉😋正常喇味道 湯底方面好香雞味比平時拉麵嘅稠身😛湯同拉麵都出色🥰👖褲評: 8/10🤤雞白湯沾麵🤤 ($148)麵塊係粗麵再粗啲嘅 麵身好煙韌 份量係拉麵嘅1.5倍😨個湯好稠身同比拉麵嘅濃味同咸 啲雞肉係個湯入面 有啲鞋但可接受 再加嗰兩塊豚肉就咁食有啲腥🥶要點沾麵汁先蓋過到陣味😂👖褲評: 7.8/10🤤炸雞🤤 ($48)有三大嚿 冇汁點 但有啲蔥花襯托下😌炸雞有啲油但好多肉汁☺️👖褲評: 7.5/10🤤煙熏糖心蛋🤤 (+$15)冇煙熏味 有溏心但有啲啲實心 可以skip👖褲評: 6/10值得一提服務好好 亦有提供熱茶/凍茶選擇 剩1/3嘅時候就會refill🙏廁所好靚得閒可以欣賞下🤓但定價偏貴 整體好食嘅！性價比: 6.5/10服務: 9.5/10環境: 8.8/10🚩 座銀 🚩地址: 中環歌賦街7號地舖#fuudjai #fuudjai日本菜 #fuudjai拉麵 #fuudjai中環

聽講座銀嘅雞白湯拉麵非常出名，果日咁啱去到上環做嘢，就慕名一試雞白湯拉麵。下午4:30左右，裏面都坐滿客人。座位方面較為逼夾啲，坐得唔太舒服，同陌生人坐得太近有啲尷尬。不過唔影響我試拉麵嘅心情😌店員非常親切有禮，向我介紹菜單，見我杯茶飲晒，會主動幫我斟。👍🏻今次叫左雞白湯拉麵同炸雞。炸雞層炸衣較薄，香口而唔會太油膩，一咬啲肉汁爆晒出嚟，肉質亦非常嫩滑。值得推薦！🤤👍🏻👍🏻而雞白湯拉麵係上枱前有將湯底打發至起泡，不過個人認為湯底比想像中薄身，唔係極濃厚嘅雞湯，但無可否認佢個雞湯好鮮甜😌。麵質方面都ok，軟硬都適中。炸牛蒡香口，浸湯食頗有風味。而雞肉同叉燒都唔錯，豬叉燒軟冧有肉香，雞胸肉都算滑身。其他配料都頗多，成碗麵有大量洋蔥，有啲搶味。一個人埋單$205，價錢小貴🙊🙊。食完成碗麵，我覺得佢雖然都好食，但未去到驚人嘅地步，$138加一嘅一碗雞香湯拉麵，我會覺得唔太抵，同類型嘅拉麵有比佢平比佢好食嘅，試過一次就算了。

日本過江龍座銀Soba店總店係大阪，主打非主流既雞湯拉麵。中環分店要爬上半山，晚市時間去到遠遠已經見到門口既人龍，店鋪面積唔算大所以都稍稍等左一陣。.同正宗既日本拉麵一樣選擇貴精不貴多，基本上只有雞白湯拉麵、雞沾麵同加左海鮮既雞湯拉麵三款。另外仲有迷你雞飯、炸雞小食同拉麵必配既糖芯蛋。但係已經好足夠。.雞白湯拉麵 💲138⭐️4.1/5雞湯係日本雞熬煮而成，湯頭非常濃郁口感帶泡沫，有香滑既膠質感。湯入面有雞肉，配料有即叫即炸既牛蒡絲，竹筍同豚肉。雞胸肉好似係用慢煮方式處理好軟滑。.雞 沾麵 💲148⭐️4.3/5雞沾麵其實係變調版既雞白湯拉麵，分別只在於沾麵既雞湯水份更少更濃更香。炸牛蒡絲另外小碟上，份量就無湯麵咁多，但感覺上都足夠。唔知係唔係錯覺覺得沾麵既拉麵底特別多，食極都仲有。個人更喜歡呢個版本因為特別喜歡特濃雞湯，不經不覺差唔多全部飲哂。.炸雞 💲48⭐️4/5比較起拉麵，小食價格算係相宜。一客三件炸雞非常香口，雞肉大塊內滑有肉汁。絕對係想即時再Encore多客既小食。.棵木煙熏糖芯蛋 💲15⭐️4/5糖芯蛋真係有鹹香既煙熏味，不錯。.總結：其實呢間拉麵店比起其他同類拉麵店唔算平。雖然

已經係第三次食，今次假期嘅夜晚去，要排隊，大約等30分鐘就有得食啦。之前食過覺得湯麵好食過沾麵，所以今次都係叫湯麵，都知佢個份量唔算多，所以小食就叫咗炸雞。最出名嘅雞白湯，名副其實，夠濃，亦都有雞嘅香味，好creamy，最畫龍點睛係佢打嘅泡，令到成碗湯一食嘅時候唔會好膩。另外佢嘅配料有雞肉同叉燒，慢煮嘅所以好夠嫩。同出邊嘅拉麵唔同，佢有炸牛蒡，脆卜卜好好食，亦都帶嚟另一種嘅口感。佢嘅拉麵係好食㗎啦，亦都睇得出同出邊嘅做法係有唔同嘅，加咗好多心思嘢，亦都喺佢嘅價錢度反映。炸雞好一般，可以不吃。今次我哋坐房，一張大檯2檯客（各二），個冷氣好唔夠，係疫情期間都有啲擔心，一食完就走。

朋友介紹呢間拉麵，就專程去食。入到去，坐位舒服，店員服務良好。洗手間都好正，女廁有齊用品，似酒店。凍麥茶相對其他日本餐廳濃郁。⭐️雞白湯拉麵⭐️湯上面有一層泡，好特別，用左打泡沫咖啡既方法去做，打卡一流。飲落濃厚而且唔會太咸。溫度夠曬熱，而食落唔會燙口。拉麵比較彈牙，就算花左啲時間影相先再食，都唔會淋曬。配上一片雞胸、一片豚肉及炸牛蒡。雞胸食落好滑，滑到差啲食唔出係雞胸。豚肉煮到好淋，表面粉紅色，遺食落較啖味。炸牛蒡好特別，浸淋左再配拉麵一齊食好正。⭐️雞沾麵⭐️湯汁比湯麵更厚實，飲落冇其他沾麵咁咸。溫度食落唔夠熱。而雞肉已經係湯汁入面。麵底同湯麵麵底唔同、食落更彈牙，有驚喜。沾麵同樣有一片豚肉，同湯麵一樣⭐️炸雞⭐️$48三件略貴、但食落就覺得抵！擺上台面既時候，表面既油仲跳緊，岩岩炸起。食落好多肉汁，外皮夠脆，配上蔥會冇咁油膩。

連登非常有名的’全港最好食嘅沾麵’只有雞白湯沾麵拉麵同炸雞選擇唔多但係都排晒長龍！ 差唔多排咗45分鐘啊入到去見唔到師傅全部都係日本人，店員點菜都用日文同拉麵師傅講，裝修都好似高級日本餐廳咁~ 炸雞食得出係即炸，外脆內軟，好耐都未食過咁高質嘅炸雞了！ 而且價錢唔過分，只需要$45一份！ 淨係為咗食呢份炸雞都抵排！ 沾麵都非常出色，濃郁雞湯配上彈牙麵條，配料仲有日本蔥，食到一半都唔會太漏而且份量非常充足，食完好飽！ $148 食一份高級日本料理完全唔過分！ 而且仲好細心提供濕毛巾同圍巾，服務質素都極好！ 推薦！

由於之前食過中環間周月，發現左邊有間座銀，於是行過去望一望決定要來試一試平時食拉麵都係食開豬骨或者蝦湯見到有雞湯底，緊係要來試一試雞白湯濃又鮮甜，飲落十分順滑忍唔住想飲曬佢湯表面打發成cappuccino泡沫狀，口感綿滑，麵條十分掛湯，唔會有油膩感，拉麵彈牙有咬口，豬肉雞肉偏瘦，配有炸金黃色嘅牛蒡，有咬口，唔會油沾麵比拉麵貴$10餐牌寫沾麵個湯底比湯拉麵更加濃，所以就各叫一款試吓個分別湯底入邊有雞肉同埋啲筍熱湯配凍麵一冷一熱 令麵條咬落更口感 ，同埋沾麵個麵本身較拉麵粗身同彈牙d表面炸得好脆，但皮唔會過厚放落口仲係熱辣辣應該係即叫即炸雞肉嫩滑有雞味

今天與朋友吃拉麵做晚餐,其實已不是第一次吃這一間。但是上一次的海鮮湯底拉麵，實在是太咸，但同行朋友的雞白湯拉麵很好吃。因此今天再戰。與朋友每人叫了一碗雞白湯拉麵再加一碟炸雞 很好吃｡湯上的泡沫很新奇，亦是細滑的泡沫。味道很好，而且第一次吃到有泡沫的拉麵。雖然炸牛蒡不是每個人的菜，但是味道不太重，仲可以接受。另外拉面的雞肉煮得恰到好處，不老。但雞肉的份量可以增加，只有兩塊，而收138的價錢，稍有不值。不得不提是炸雞很有誠意。火候控制得很好，雞肉很嫰滑。因吃的時候還是很熱，應該是剛炸起的。值得一提的是，服務很好。服務員一直有為我們加水，而且有熱茶和凍茶提供。

聽講跑馬地舖的雞白湯拉麵好出名，去唔到跑馬地，就約埋朋友嚟中環哩間試菜喇。原本想試佢做緊季節限定嘅南瓜拉麵，點知要到下午3點後先開始供應。唔緊要啦，橫掂未試過雞白湯，咁就試吓雞白湯啦。個湯........ 唔夠熱....... 由於佢本身個湯喺好濃稠嘅（可能有將部份雞肉打碎？），唔夠熱嘅結果喺會好似食漿糊咁嘅；而且室溫嘅湯呢，喺唔能夠將個香味充分發揮出嚟；所以一飲個湯..... 唔..... 有啲失望嘅......义燒一大塊、雞肉一大件.... 肉質嫩嘅.... ok啦.....炸牛蒡好出色，好得意有心思又幾好食。糖心蛋中規中矩，炸雞都尚算可以。碗麵比想像中大，一嚟到時見佢好似好少咁....... 點知食食吓先發覺個碗喺深不見底的.......下次可能去返佢跑馬地間舖試吓，睇吓會唔會有分別先。都值得再俾一次機會佢嘅.....

經朋友介紹知道座銀係中環都有，之前以為得跑馬地先有，既然咁近就放工去試下啦。雞白湯拉麵 $138，湯底用雞高溫長時間熬製，呈現奶白色，清澈得黎又不油膩，味道極之濃郁！拉麵既配料有牛蒡、叉燒、雞肉，我先品嚐一淡湯，然後再食好脆身既牛蒡。正！叉燒味道就一般，反而雞胸肉肉質細緻，幾美味！仲有一點大家要注意，拉麵本身係無溏心蛋，單賣$15一隻。小弟係有加到既，不過味道就一般，可以不加！炸雞 $48大大件鮮嫩 有雞味配雞個粉幾特別係似檸檬粉咁既野，用黎點炸雞好夾！試過好多間唔同既拉麵店，呢一間係係香港食過最濃郁既雞白湯，可以話係完美！價錢雖然貴，但貴得有理，下次想試下佢既期間限定，因為今次去已經無左。試意推介大家！！

我一直覺得拉麵真係要到日本吃先會食到正宗好味，然而朋友推薦一家說是全港最好味的拉麵🍜，帶著期待又餓的心情去試試先說位置，餐廳位於半山上，爬樓梯好一陣子才到達，果然要吃美食前得付出點勞力一才會顯得更加珍貴走到門口已發現一堆人在排隊，當場嚇了一跳，我還未吃早餐，又爬了山已經餓得不行不行了⋯⋯結果再睇真啲，原來排緊隔離鋪中午時間約一點左右，一進餐廳已經可以安排入座，還對著廚房，下單後可以邊看著師傅們忙碌的身影，邊了解一碗美味拉麵是如何誕生的。開餐前先洗手是常識吧 等待期間去洗手間一趟，然後發現日本人之貼心服務，洗手間光亮乾淨，除應有清潔設備外，連牙膏牙刷等清潔用品都有，食完重口味美食後都唔需要擔心口氣問題先上的是炸雞，只配上檸檬酸味粉一口咬開炸得金黃的外皮，一陣肉汁噴出，嫩滑的雞肉依然保留鮮甜味，加點配有的味粉，酸酸的中和了炸雞的膩感，可以多吃不過得小心熱騰騰的肉汁燙傷嘴巴喔主角終於上場，第一眼見到被打到起泡沫的白雞湯，奶油感十足。喝下第一口熱湯，率先感受到濃郁鮮雞味，帶有甜度，飲完全身暖暖好有補身的感覺麵條軟硬適中，份量對我呢啲小鳥胃人嚟講還是算多了一些；至於叉燒肉就普通，温泉蛋也算一般，