極尚大瀛喜日本料理 (已結業)

早前與友人去了銅鑼灣的極尚大灜喜日本料理食日式放題.一出地鐵站步行幾分鐘便到，非常方便.放題款式也有不少，刺身，壽司，炸物，串燒，天婦羅，一品料理等.當中最令我感到驚喜是自助飲品區，飲品種類較其他放題選擇多.還有自助雪糕和乳酪機.甜品當然不少得.我地先點了三款前菜，當中我最愛食蜆肉，帶微微辣，好開胃，最適合餐前食.飲品我揀了真中兩款，芒果汁我成日飲，另一款是首次飲.愛食牛的我，㸃了幾款半的食品，包括牛尾湯，汁煮牛舌和鹽燒牛舌.先飲牛尾湯.對於我來講，湯最基本要夠熱，這個熱度不錯.碗內有牛尾和紅蘿白，牛尾夠腍身,湯的調味適中.汁煮牛舌.牛舌較為厚身，吸收晒汁的精華，所以入味，又夠腍身.鹽燒牛舌.牛舌相對較薄身，帶點咬口.由於我不食生野，所以無食刺身，朋友話幾新鮮.而我就選了幾款壽司和反卷, 當中我最愛食蟹棒壽司.壽司是細細件，這樣可以試多幾款.焗原隻帆立貝.帆立貝幾大隻, 入口幾彈牙.最後，當然要食大腳八雪條.我細個是也會買來食，大個左少食左，這可以說是我的兒時回憶，好令人懷念.也食了自制乳酪，味道帶點酸，幾清新，幫助消化.原來依加晚上七點半前離座或九點半後入座也有八五折.

日式放題開完一間又一間、我試完一間又一間、另我真正滿意的只有一、两間。今日又發現多一間了、地理位置非常便利的銅鑼灣、食物質素高、服務快捷有態度、最重要價錢合理。話名放題、梗係任食任點。種類大至分為刺身、壽司、卷物、炸物、串燒、燒物、主食、煮物等等。還有自助區：飲料區選擇頗多、有烏龍茶、椰汁、提子汁、忌廉鮮奶、檸檬茶。。。花多眼亂 沙律區蔬菜新鮮、有多種醬汁可案各人喜好、擺放整齊、非常乾淨另人食得放心。 前菜區亦毫不遜色、梗有一款自己喜歡的。甜品區少不了、大大個凍櫃装滿了各式各樣糕點、另外還有雪糕、乳酪等等。由於放題限定時間、快快行動勿遲疑啦。。。。 刺身油甘魚、三文魚、北海道帶子、希靈魚、虎蝦、珍寶赤蝦、有頭甜蝦、北寄貝、翡翠螺、貴妃蜜汁鮑片一口氣點了數款、上枱時自己都嘩然！美極了！品質勁讚、非常新鮮。最值得推介是珍寶赤蝦、大大隻膠質重、漿口、一大滿足。油甘魚油份豐腴、滋味。天婦羅虎蝦、南瓜、蕃薯粉漿不太厚、即叫即炸熱烘烘、入口不覺油膩。串燒鹽燒牛舌、蒲燒鰻魚串牛舌有嚼口調味亦不錯。蒲燒鰻魚串則一般、比較乾身。燒物焗原隻帆立貝酸酸咪咪的沙律醬汁跟帆立貝好夾味、好開胃、連吃二隻。主

日式放題在香港也算大熱和深入民心，從久不久便會接到身邊不同友人相約嚐放題的要求，以及放題餐廳與日俱增，遍佈旺角、尖沙咀和銅鑼灣一帶，便能理解！儘管胃納不大的我，數數手指，近幾年也嚐過好幾趟了。這回來到「極尚大瀛喜」，友人喜歡它分段用餐的優惠收費，因此當天我們在下午五時半便提早展開晚餐，因為這時段會比七時後的正常晚餐時段再平宜一點！中央部置是一列供火鍋的生料，如腸仔、烏冬、蔬菜、丸類和醬料，隨意選擇便是了！意外地更看到自助形式的沙律吧的出現，基本的沙律食材如粟米、蘋果、青瓜、車厘茄、椰果和數款沙律生菜及醬汁均齊全。側面看這雪櫃滿是乳酪和豆腐花、頂層更有我喜歡的水果。往正面查看，果然具備多種口味的乳酪，吃多了真要乳酪幫助消化！這個側面全是甜品。正面顯示，早已有食客光顧甜品了，愛甜的人真不少！原來後面還有一大凍櫃不同口味的雪糕和軟雪糕機，光是甜品已讓人眼花撩亂！怎麼連葡撻也出現，跟沙律吧同樣有著驚喜！要留心雪櫃，因不時會發現蟹肉沙律的蹤影，假如肚子餓了，還未點下單的話，這是第一時間「醫肚」的目標選擇！除了供應熱茶，這三個大雪櫃裡的飲品，加上備有果汁機，足可迎合不同食客的需要！巡視了一周後，該

任飲任食既放題真係愈開愈多，不過多數黎黎去去都係個幾類食物，食到有點悶。而大喜屋集團旗下除左開左間走高檔路線的放題外，更期亦開左另一間「極尚大瀛喜」，係大瀛喜的高級版，食物和刺身多左選擇外，質素都比前者高。前排同事食完返黎更大讚和推薦，有同事睇完相後更即時訂位即日去，小妹都立即訂左星期五晚去，Happy Friday梗係要食盡佢!.晚市放題分兩個時間，亦有全時段六小時放題選擇:5:30pm-8:15pm 或 8:30pm-11:30pm。7點半前離座或9:30後入座更可享85折呢，好抵!記住經電話訂位免加一啊，星期五每位$248，平時一個普通放題都要$2xx，所以呢個價錢係好抵食，不過只限新開張優惠，遲點應該會加貴，就好似而家極尚大喜屋一位都接近$300了。.平時放題的環境通常都好迫，小妹覺得呢度還好，就算兩個人都有卡位住，坐得更加舒服。.點菜紙有分刺身、壽司、火灸壽司、軍艦/一口手卷、創作卷物/壽司、炸物/天婦羅、串燒、燒物、主食、煮物等。.前菜、沙律、甜品和飲品都係自己出去拎的，更有提供軟雪糕機呢。.飲品的款式真係第一次見有咁多選擇，而且竟然有一樽樽韓國的梨汁供應，梗係要試下。.甜

是夜一家人來銅鑼灣吃晚飯，這兒交通十分方便，在地鐵銅牌灣站C出口過馬路左邊斜對面見銅鑼灣廣場二期即是。店舖座位，以日本料理來說，寬敞且舒適；裝修平實，沒有什麼花巧。晚市放題，由5:30PM至8:15PM或8:30PM至11:30PM，星期一至三，每位$228、星期四，每位$238、星期六、日、假期及假期前夕，每位$248。在7:30前離座或9:30後入座，還有85折，價錢頗吸引。食物方面，款式多而新穎，更有自助沙律區、自助美食吧，供應熱食、湯、糕餅甜品、軟雪糕機，一般放題店什少有此供應。質素方面，食材新鮮、高檔。真有意想不到的驚喜。刺身(三文魚、吞拿魚、希靈魚、有頭甜蝦、貴妃蜜汁鮑片)刺身質素不差，很新鮮；三文魚厚切大塊，鮮甜肥美、希靈魚好味、甜蝦爽甜、貴妃蜜汁鮑片具嚼頭，入口甘香。三文魚及貴妃蜜汁鮑片應為添食之選。海膽手卷、三文魚手卷、龍蝦沙律手卷盛手卷容器很美觀，手卷小小，一個一口，鮮甜美味，十分寫意，又是追加之選。自助沙律難得有鮮蘆薈粒，喜愛蘆薈的我，以蘆薈粒、翡翠苗、雜果粒、九芽菜、西生菜、紅毛菜及粟米粒等調製成沙律，非常好吃，且立即添食。辣酒煮花螺花螺新鮮無沙，用辣酒煮，增進

Honey下午突然來電，話有得早收，晚飯多左時間所以想改食日式放題。小肥記得上星期喺互聯網上睇到友人上載咗啲日式放題相，搵返出黎睇卻只見店名「極尚」兩個字。雖然張相講名話係喺尖沙咀度食，不過上OpenRice查過，叫「極尚」o既日式放題似乎只有銅鑼灣o既「極尚大瀛喜日本料理」，見反正係即興，所以就先訂咗張六點o既二人枱 。位於銅鑼灣廣場二期o既「極尚」面積可算為全層，因為餐牌、餐具及單據上都可以清楚見到同層o既「牛脾氣牙涮鍋」其實係有所關連。店子間隔開揚得黎每個散座都極具私人空間，燈光充足但仍不失柔和。大堂o既二至四人散座全為梳化式卡位，室內冷氣足，環境闊落又舒適。  桌上一本厚厚o既記事薄原來係餐牌 。餐店屬放題形式，食物可任食任點，但仍不忘於餐牌中提醒食客要珍惜食物及減少廚餘 ，非常正面。記事薄內有多頁點餸紙，分A至K頁列出不同款式o既日本料理，有刺身、壽司、燒物、天婦羅等，就連雪花牛肉火鍋都有得食，可真琳瑯滿目，全部仲要係即點即煮，確保新鮮。除咗入座後有熱茶之外，酒水同樣係任飲，全放於店子中央四個大雪櫃內。沙律、前菜、小食、雪糕、甜品等則屬自助區食品，歡迎隨時自取回座位