慢煮工業 (已結業)

今晚又同fd子黎li間慢煮Dinner啦! 準備嗌哂成枱美食😋😋😋, 無黎一排原來轉左QR code落單啱哂我地慢慢揀嘅麻煩友✌🏻.🍴慢煮脆皮德國🇩🇪醎豬手 (HKD198)個皮脆到一個點🤩, 豬手巨大隻丫唔該, d肉多到切極都仲有, 充滿醎香, 我地一路食一路話li個豬手係必食, 認真地有埋sauerkraut(好味). 有mustard seed嘅蜜糖芥末醬會唔會勁正😋!🍴醎蛋黃炸雞搥 (HKD78)只能說雞肉真係好嫩同埋4隻雞搥好大件👍🏻大件夾抵食.🍴焗農夫包湯 (HKD28)農夫包焗到外皮勁脆, 忌廉溫creamy到一個點.🍴芝士溫泉蛋大啡菇 (HKD38)一切開>>>>>超•流•心•呀! 一人一半一啖過, 芝士同温泉蛋夾埋多肉嘅菇好味.🍴軟心拉芝士條 (HKD38)Li個每次黎到必叫, 無窮盡嘅拉絲超好玩<不要玩食物🤣>幾驚佢會消失喺menu, 因為感覺上有幾款小食已經無左, 芝士控點都要嗌黎食呀.🍴蒜香🧄芝士排包 (HKD28)喺完全唔記得原來農夫包湯係一個包嘅情況下, 我地再嗌多一個包😅好彩嗌左, 勁蒜勁香勁芝….

這間餐廳都有一段時間沒有來了，估唔到人潮依舊，全場爆滿!餐廳有兩層和室外的位置，適合一班大人或兩小口來!餐牌上的食物都有多款可以選擇，而且價錢也不算太貴!極黑安格斯牛魔王肉眼，牛扒都幾大塊，因為用上慢煮，所以沒有詢問要幾多成熟，牛扒大概有5成熟，肉質鬆軟，牛肉味濃!牛扒只用上黑椒和鹽調味，但已經好足夠!焗農夫包湯，農夫包入面盛裝著蘑菇湯，有香濃的蘑菇味，麵包脆卜卜，用來點湯食特別美味!墨西哥粟米片，沒有想過半份都咁大份，墨西哥片脆卜卜，本身鹽份都好夠，上面淋上芝士醬和紅椒，再稍稍焗一焗，非常惹味，上面還有肉醬，口感非常豐富!還附有牛油果醬和sour cream，點上更加惹味，用來送啤酒一流!軟心拉芝士條，外邊脆身，內裡有熱辣辣的芝士，而且可以拉絲拉到好長的，惹味又好玩!西西肉醬意粉，因為太耐沒有吃肉醬意粉，所以就點了!意粉份量都幾多，肉醬和芝士的份量都不少，肉醬帶有少少甜甜的，味道特別!這間餐廳食物味道不錯，而且價錢不貴，值得再來!

-安格斯西冷牛扒 $986安士牛扒原來都頗細塊，牛扒肉質軟腍唔多筋位。稍嫌醃料調味過鹹，食一塊要飲返啲水沖淡，香草份量尚算正常。-焗農夫包湯 $28蘑菇湯幾好飲，真係要趁熱食，因凍咗後麵包同湯嘅好味度係會直線下降。農夫包感覺普通，未充分發揮到麵包香，同時未夠外脆內軟。-輕食拼盤 $88一碗集齊炸薯條、一字骨雞翼、吉列蝦、炸蠔、芝士條同洋蔥圈，小食而言都算幾豐盛。本身對一字骨雞翼期望都高，因為見唔少評論都話好食，但總覺得欠奉惹味，唔夠香。不過欣賞炸粉做得唔油膩，食落清爽。炸蠔反而俾到我驚喜，一咬即湧出蠔汁，熱辣辣幾新鮮。芝士條都頗香口，水牛芝士拉極都仲有，如果可以再軟身啲會更好。至於洋蔥圈，洋蔥都幾厚切，味道偏甜，可惜變成炸物我都係唔好洋蔥。-Wunder Lager $52呢枝比利時拉格啤酒只有3.8%酒精濃度，雖然簡介話會有柑橘香，但其實飲唔出。反而只係覺得比一般啤酒麥味較淡，入口相對輕盈唔苦澀。

慢煮的烹調方式也許聽過許久，但一路都沒有機會品嚐。品嚐過＜慢煮工業＞後，我就愛上了慢煮烹調。除了食物吸引我之外，環璄亦替這次的用餐加了不少分數，環璄像一間酒吧，但是不會很嘈吵的，是可以跟朋友詳聊的一間樓上酒吧＜極黑安格斯牛魔王肉眼　１２安士＞平時都是食五成熟牛扒的我，開始時我為了不能夠選擇生熟度而擔心。但後來超美味的肉眼就一邊打著我的臉，一邊笑我的無知。這肉眼擁有平時五成熟般的鮮嫰度，牛肉的味道；但不會因為為了牛肉的新鮮，就會血淋淋般放在你的面前，始終有些人會抗拒太新鮮的牛扒。但經過慢煮之後，大家就可以食到熟透但鮮甜嫰滑的肉眼扒了。＜脆辣一字雞翼＞之前，我不會想像燒雞翼可以燒得雞翼充滿肉汁？但食過＜慢煮工業＞的那些辣雞翼後，我才知道雞翼，可以烤跟嫰滑並存。而伴碟的那個蜜糖芥茉醬絕對有提升烤雞翼的味道和層次＜溫泉蛋卡邦尼意粉＞雖然這個名字平平無奇，但我郤真的被這意粉驚艷到。主要是被溫泉蛋的化學作用所吸引，本來卡邦尼意粉應該是一般菜式，但將半熟的溫泉蛋跟意粉搞攪拌之後，這個意粉的味道級數是有著幾何級數的提升。這個意粉是我食過最好味的意粉。＜焗農夫包湯＞本身濃郁的南瓜湯已經令人十分滿意，再加

今日終於有機會試下位於太子白揚街的慢煮工業環境好大好靚，位算幾闊落，好適合一班人黎食野傾計先叫左個肉眼扒，個扒一般，偏簿，同廚房煮到一邊太熟一邊就岩岩好，平心而論煮得岩岩好果邊係ok，但太熟果邊就唔係好得喇 🤦‍♀️但都唔使失望住，佢另外的野食好出食，呢個係芝士溫泉蛋大啡菇，芝士味好濃再加上佢個溫泉蛋好流心，配合好厚的大啡菇，簡直係絕配❗️焗農夫包湯都好出色，佢個湯係南瓜湯，好濃，好重南瓜味，加上個包又唔會太硬，吸收晒湯的精華，好正身為薯條控的我，梗係要叫薯條，好大盤，絕對係兩個人會食飽的份量，芝士好重手，完全唔同你慳，兩種不同芝士配合太量好厚好大的煙肉，食到停唔到口另外佢有多種手工啤選擇，叫左呢款比利時杏脯啤酒，味道好特別，未試過可以一試

幾姊弟咁耐無出過去食飯，點都應該黎番個小孩gathering。細妹提議食西餐，老弟嘅要求就只係「肉、肉、肉」。於是，我哋誤打誤撞，就搵咗一間叫「慢煮工業」嘅西餐廳。喺太子地鐵站D出口行三分鐘，就黎到呢間西餐廳啦！甫踏入餐廳，我哋就見到一塊帶有五、六十年代特色嘅霓虹燈牌 估唔到嚟到夜晚8點半，餐廳仍然車水人龍。好彩我哋醒目提早預約，所以唔駛浪費寶貴嘅時間喺排隊度。餐廳近出口位置仲有一套西洋鼓，好有七、八十年代嘅風味呀！唔知平時會唔會有人做busking呢？我哋喺一張四人檯坐底，就即刻睇睇餐牌有咩好食。經過一番討論，我哋決定要盡食呢度嘅肉品，細味意國風情。減肥？？聽日再算喇！既然四人同行，當然要叫番個「四人慢煮星級盛宴」。一個set dinner，我哋就食到12安士嘅慢煮肉眼牛排、兩隻咸蛋黃炸大雞肶、四隻炸豬仔肶、各式各類嘅炸雜菜等等。喺咁多種肉類當中，我最鍾意呢道咸蛋黃炸大雞肶。因為呢種雞肶比平時喺街邊賣嗰啲大好多，一隻巨肶已經有我兩隻手掌咁大。鹹蛋黃醬蘸滿成塊脆雞皮，簡直香氣十足；加上厚肉得黎又鮮嫩多汁，我哋都覺得食落口感相當過癮呀！而四隻甜甜嘅豬仔肶，又岩哂我哋一人一隻，真係perf

牛扒癮又起, 當然要找家主打牛扒的西餐廳大快采頤。店面裝修走工業風路線, 頗有特色。一心來吃牛的我先點了肉眼扒, 和近來風頭一時無兩的威靈頓牛柳。肉眼扒本身想要三成熟, 但原來慢煮是不用選熟度的。對於很怕吃到過熟牛扒的我, 一開始也有點擔心, 但當牛扒上桌後便釋除了疑慮。牛扒經過慢煮後大約七成熟, 令人驚喜的是還有很多肉汁, 肉質不會韌, 甚至連筋位都能輕鬆咬開。牛扒只以鹽和黑椒調味, 不需醬料已能充分展現牛扒的肉味。對於第一次吃慢煮牛扒的我, 真的大開眼界呢, 這應該就是慢煮的精髓吧。威靈頓牛柳賣相吸睛, 外層酥皮焗得香脆乾身, 一切開內層仍然呈粉紅色, 時間和火侯皆控制得不錯。牛柳肉質軟腍, 配上牛油味香濃的酥皮和層次豐富的醃料, 為口感帶來了新的衝擊。喜愛吃蒜的話更可配一顆烤過的蒜頭伴著吃, 令味道更上一層樓。這道菜出名工序繁複, 烹煮時間長配料又多, 現在能以此價錢一嘗此英國傳統名菜實在超值。除了牛扒之外也點了一份豬仔骨, 豬仔骨表面有輕輕烤過, 封住了肉汁令豬仔骨吃起來不會乾身, 輕易便能把骨和肉分開, 再加上配搭香濃惹味的BBQ醬, 連本身不愛豬肉的我都大為欣賞。肉類加配了

之前見啲foodie朋友成日都po 左慢煮工業d相，睇到啲食物嘅相好吸同埋環境睇落去都好relax 好有外國pub ge style，一路都想試，終於係禮拜六約埋幾個朋友仔一齊嚟試慢煮工業！餐廳離地鐵站唔係好遠嘅，但係呢個門口就唔係咁容易搵，要細心啲先發現到一個霓虹燈寫住慢煮工業。行上一層就係用餐嘅地方，見到周邊嘅擺設都好入外國嘅style，連埋枱上面擺嘅餐紙同埋刀叉都係經過精心嘅設計，好鐘意佢把餐刀，斧頭嘅形狀好Q呀<焗農夫包湯$28> (評分：3/5）包嘅口感偏硬，基本上你個把就係將一啲白湯擺咗落覺農夫包裏面，冇咩特別可以唔使捱嗌<蒜香芝士排包$48> (評分：3.5/5）焗到外脆內軟，加埋蒜蓉同埋芝士真係非常之惹味啱啱出爐啲芝士同埋蒜蓉焗到溶溶，鋪系排包上面真係好好食，記得一定要趁熱食！不過下次應該唔會咁貪心叫半分就算，食全分包有啲太飽<芝士煙肉薯條$68> (評分：3.5/5）其實本身係想帶芝士煙肉薯條拼番薯條，話當晚已經冇蕃薯條供應，咁我唯有叫個薯條嚟過下口癮先睇相都知道呢個芝士煙肉薯條有幾邪惡！！餐廳一啲都唔孤寒，落咗勁多芝士

近排公司工作忙到一頭煙，難得今日不用OT就週圍嚐鮮。慢煮工業位於旺中帶靜的太子白楊街，地鐵太子站一出行數分鐘就到。店舖頗大以工業風設計，枱與枱之間寬闊，可以少少哋兩個人密密傾，亦都可以一大班十幾個人去Happy Hour，每張枱都有自己的私人空間。店舖主打今期流行的真空慢煮，真空慢煮的烹調方法能鎖住肉類的鮮味，唔會因為水份蒸發而流失精華，肉質亦更鮮嫩。可樂可樂抵飲，估唔到$15的可樂有檸檬冰底，抵讚。安格斯西冷牛扒8oz配以63度慢煮溫泉蛋以慢煮方式烹調的西冷牛扒，慢煮完後再將西冷牛扒微微兩邊煎香，做到外脆內嫩。牛扒一切開，好粉嫩，牛扒味道濃郁而且入口juicy，加上廚師烹調時已加上的鹽及黑胡椒，更能帶出牛扒的鮮味。燒烤盤燒烤盤亦非常豐富，有烤春雞半隻、美式豬仔骨、烤粟米、烤紅蘿蔔、烤薯角及椰菜沙律。烤春雞非常嫩滑配以味道不錯的調味，推介。美式豬仔骨肉厚而且豬肉爽口，唔會得條骨，抵讚。烤粟米火喉控制得好好，好似BBQ完的粟米咁正。椰菜沙律可以中和燒烤盤的肥膩感。焗農夫包湯農夫包外脆內軟，南瓜湯好香甜濃郁，如果可以多些湯就好。