唐閣

喺TST Langham hotel 嘅3星米之蓮。第一次試，覺得環境好舒服，服務亦非常好。 我哋兩個人無叫套餐因為唔食燕窩(如果呢個係唯一嘅原因可轉其他羹)，而且鐘意揀乜都得。我哋叫咗焗釀螺同蟹蓋，百寶盒，叉燒，上湯菜心，XO醬腸粉同埋鮑魚炆麵。 每樣嘢都幾好食， 個腸粉好脆好特別。 唯一係個叉燒我覺得對我嚟講太多汁好杰，肉質唔夠滑。我比較鐘意食六國粵軒同益新嘅叉燒。 下次會試晚餐睇吓有咩其他菜式選擇。 今日係weekday, 12:15分到無乜人，所以好靜，啲枱隔得好開，好舒服。

有幸訂到位中午陪媽咪去米芝連食府品嚐美食慶祝她的生辰。北京片皮鴨，片脆，完全沒有肉的，配料用的烤肉醬（乳豬醬），加有紅椒圈穿起切花䓤段，簡直色香味美。另外，焗釀蟹蓋，是媽咪至愛，蟹肉一絲絲的，嫩滑配上鮮甜的洋蔥絲、加點喼汁，酸味味，麵包糠焗出來的外脆內軟的蟹肉，口感豐富，回味無窮。我估計一個蟹蓋最少拆兩隻蟹才夠釀到一個全蟹蓋。別家食府未必會食到的，我覺得這是物有所值。呢喥的干炒牛河，牛肉肉質鮮嫩，唔靭，河粉唔會好油，河粉的豉油顏色炒得好均勻，食完全碟，都唔會見到有油在碟面上。再配上好味的余均益辣椒醬，令河粉牛肉汁味道提升了。因為今次預定咗生日蛋糕和壽桃，所以吃不到茘容焗布甸，唯有留待下次再來光顧吧！

第一次豪食米芝蓮三星食府，預定北京片皮鴨兩食，皮薄香脆，一隻可以片到打半，完全沒有有肉的，配京葱絲微辣醒神，加埋青甜青瓜用熱辣辣的嬤嬤包在一起，當然加點乳豬醬汁，非常好味，色香味具俱全，囗感豐富，有醬汁的甜；片片鴨的脆；京葱的微辣；青瓜的爽脆新鮮，軟綿綿的嬤嬤，嬤嬤與鴨片份量剛剛好，四個人每人吃到四份，個個都吃得好開心滿足，唯獨嬤嬤好快凍就會變硬而變得乾裂，另外，建議如果可以將每塊的嬤嬤用牛油紙分隔開，方便容易取出，嬤嬤就唔會大家癡著大家啦！點了焗蟹蓋，每人一隻，各人都讚不絕口，外面熱辣辣的麵包糠脆到short short 聲，內𥚃的全部充滿著新鮮的蟹肉一絲絲的配少量洋蔥絲和芝士，真的想再吃多件，不過等下次啦，因為價錢唔平$180一個㗎。二食片皮鴨叫生菜包鴨鬆，啲鴨鬆細粒到好似米咁咁細，師傅刀功簡直一流，粒粒大小一致，加上少許冬菜，芬香撲鼻，西生菜好新鮮青脆，每一塊菜邊是九牙邊，好美觀，可分到八份，片皮鴨兩食加焗蟹蓋已差不多六七成飽，由於是慶祝媽咪生日，所以必定加多個乾燒炒伊麵，配料有磨菇，伊麵看起來好夠光澤，嫩滑，感覺油膩咗少少，所以加了些醋，感覺又唔同咗，帶些酸酸尾尾，好醒胃㖭。預