壹級日本料理 (已結業)

一年多前曾光顧的壹級，現再度光顧，發現環境沒有什麼大變化，但餐牌卻是煥然一新的(聽店員道聽途說的)。之前的餐牌是怎樣我沒細心記下來，但一些西式的午餐、焦糖菠蘿就肯定是新加的。店員又打趣說因為要顧及午市前來的學生，又想到就算一群人來吃午餐也未必人人也要吃日式的，因此有此改變。雖然我也很好奇日式餐廳的西餐，不過兩個人吃得不多，所以只可以點幾道愛吃的了。忌廉蟹肉薯餅的忌廉蟹肉蓉又滑又香的，炸得酥鬆，讚火炙極上三文魚腩壽司很肥美啊，而且入口即溶，除非是不好三文魚的，否則這肯定是必點之選啊刺身拼盤是自選的刺身，其中海膽會另跟紫菜和壽司飯，果然海膽是要配紫菜和壽司飯的。真不明白為何一些人可以空口吃多多的海膽...黑豚腩、牛脷，我不吃牛，所以不點評，豚肉嘛.... 可能吃的時候已涼了，所以也不是特別出眾的。在家炮製燒菠蘿，通常會加冧酒、黃糖之類的做焦糖漿，又因為如果一旦煮過火燒焦糖漿，便會留有苦味，所以即使有多喜歡也嫌其工程繁複的... 而這焦糖菠蘿是真的很好吃，焦香而菠蘿又甘甜oiishi

大排檔一向給人親民感覺，而香港人一向都好鐘意食日本料理，其中呢間「壹級日本料理」價錢親民且質素不錯，亦深受街坊歡迎，我亦幫襯咗數次。聽侍應講平日Lunch時間十分滿座，反而星期六下午卻不用等候，直接進入。火炙極上三文魚腩壽司，將三文魚腩輕輕火炙，徘徊在生與熟之間，油甘香味充斥整個口腔，一口滿足！近睇火炙極上三文魚腩，仲有Washiba與蔥花，新鮮足料。温泉玉子蒜香和牛粒飯，係今日餐牌嘅「自選配搭午餐」，$88 跟麵豉湯，入面除咗蒜香和牛，仲有木耳絲，紫菜絲同溫泉蛋，撈埋一齊食頗惹味 。芝士年糕，記得要趁熱食，年糕燒至外脆內軟，中間仲有流心芝士咇出嚟，連埋啲年糕食落煙煙韌韌，好有口感！最後一款我每次必點嘅就係焦糖菠蘿，聽侍應講係時令菜單，以新鮮菠蘿加上焦糖輕燒，酸酸甜甜好開胃，忍唔住食唔停！食飽後最好就係散吓步，沿路行大約20分鐘，就可以去到沙田文化博物館，繼續欣賞精彩嘅展覽啦 ：）

到美林邨看友人，順理成章便到附近開餐；這裡也是個不錯的選擇。軟殼蟹火炙芝士三文魚籽卷~$88軟殻蟹手卷一向都屬Hot Item，香酥脆口特別討喜；這個版本舖了芝士在上，以火鎗輕炙，熱溶的芝香滲入飯中，加埋三文魚籽，脆香、鹹香兼備；吃得份外過癮。赤蝦(3隻)~$98長過手掌嘅赤蝦，肉質鮮甜爽彈，乍看有點像牡丹蝦，但CP值更高，三大隻才$98，沒有不吃的道理。壹級丼飯(三文魚、海膽、三文魚籽、蟹籽、蟹膏)跟加州卷兩件、麵豉湯、小食及甜品~$98 吃到魚生飯套餐，而且不泛海膽及蟹膏這等貴價食材，當然要一試，飯後飲番碗熱騰騰的麵豉湯，真是至好不過。焦糖菠蘿(1客5件) $28 x 2 = $56一客只有五件唔多夠喉，爽快一次過叫兩客，一人一件唔洗爭；焦糖化後甜味更濃縮，卻仍保留了一點點酸度，推介之選！壹級日本料理地址: 大圍美田路30號美林邨熟食亭1-4號舖電話: 28139368

冬菇亭美食之行 - 「大圍」壹級日本料理 ╴╴╴╴╴╴╴╴╴╴╴╴╴╴╴╴ 難得早幾星期，天氣放晴，當然要同陽光玩遊戲踩單車，踩完單車肚餓，當然要祭一祭五臟廟啦。踩到大圍，港鐵站附近沒什麼好東西吃，朋友就建議走進一點，去美林邨的以前冬菇亭，看看有什麼東西吃。 . 雖然美林邨冬菇亭位置有點格涉，不過朋友帶路，而且又有好東西吃，當然沒所謂。美林邨冬菇亭有三間不同的食肆，不過由於踩得一身熱，我們決定選擇「壹級日本料理」，吃日本菜，過冷河。看一看餐牌，種類都好多款，由刺身、小食、熱食、串燒都有，而且價錢都是小店價不會太貴。 ╴╴╴╴╴╴╴╴╴╴╴╴╴╴╴╴ 先食刺身拼盤，有赤身、油甘魚腩、劍魚腩、帶子、珍寶牡丹蝦 、薄切八爪魚。 刺身都十分新鮮，厚切魚生片。整盤ms. C最愛珍寶牡丹蝦，鮮甜爽口，而且蝦頭仲有好多膏。 P.S 店員解釋，大部份刺身都是4片為單位，如果不夠吃的，可以4片後可逐片加，這個安排很貼心！ ╴╴╴╴╴╴╴╴╴╴╴╴╴╴╴╴ 炸物小食，點了忌廉蟹肉薯餅($28/3件)，薯餅外脆，夾著內裡軟滑的忌廉蟹肉薯蓉。 明太子乎羽($48/2隻)， 雞翼外皮香脆，內裡保持

大家都會趁新年假期相聚, 所以新年期間就最多飯局, 真是「豐衣足食」。今日就約了一班好耐無見的朋友仔吃開年飯, 由發起者發辦, 最後揀了來到一間位於大圍的日本餐店。大圍!? 一個甚少踏足的地區, 幸兒有住港島的友人, 一直陪伴, 太幸福了!一出大圍火車站便一直行一直行, 原來餐店位於一個熟食亭裏。黑色的牆身上有兩個日本相撲手, 很酷呀!走進內裏, 就見到一個大型的木酒架, 放滿不同的日本酒, 絕對是大夥兒暢飲的好地方。餐店地方寬敞, 樓底又高,空間感十足。靠牆設有多張舒適的四人卡座, 中間則有三張可坐十多人的大圓枱, 還有單人的壽司吧枱。今日坐滿客人, 好熱鬧呀!翻開厚厚的餐簿, 選擇非常豐富, 有日式火鍋、沙律、佐酒小食、小食、炸物、刺身四切、壽司、手卷、卷物、天婦羅、一品料理、浜燒、爐端燒、串燒、麵、飯、湯、冷麵、鐵板燒、丼和三款築地鮮魚刺身和食 (二人盛)等等, 還有一份自選配搭午餐。******************************先來一客山形青瓜蟹籽沙律 ($55)清新一下, 食材疊得高高的，擺成一座小山丘，此名字的確很貼切。有大量清爽的青瓜幼絲、柔軟的蟹柳絲、爆脆

今日過大圍搵朋友打機，打完機一齊落樓下醫肚，午市已經好多人，等左一陣終於入座。午市套餐抵食，我叫了一個藍旗吞拿魚蓉帶子蟹籽飯，藍旗吞拿魚都只係$98，真係好抵！加$4有紙包飲品。以午市黎講，都幾抵食。藍旗吞拿魚蓉帶子蟹籽飯好足料，有滿滿的吞拿魚蓉、蟹肉、蟹籽、青瓜絲等，口感極為豐富，魚肉鮮美加上爽脆的青瓜絲，一口一口地吃，尤其滿足！之後再加了焦糖菠蘿，在菠蘿上塗了一層薄薄的焦糖，要落去更脆更甜，工序一定比普通燒菠蘿複雜，心思值得欣賞。仲叫左粟米串燒，份糧多，粟米好新鮮好甜，不過就無咩特別，食完特別飽肚，哈哈！

聽朋友講大圍有間平民日式餐廳，Lunch好抵食，趁今日去沙田博物館睇展覽之前，先嚟呢度食Lunch。原來呢間餐廳係大排檔嚟！不過就比以前嘅大排檔坐得舒服好多，入面位唔算多，好有空間感，最重要係有冷氣！首選係 S1 角切魚生粒飯 ，只係$35，好快賣晒，我哋有幸點到！呢碟魚生飯一啲都唔失禮，CP值幾高，入面魚生視乎前一晚刺身供應，仲算係好新鮮，一啲都唔鯹～ 另外滑蛋豬扒飯都係午市抵食之選，連埋味噌湯都係$48，一啲都唔失禮。芝麻手羽，皮脆肉好多汁～我食咗2隻～仲有我哋叫咗啲串燒，分別係焦糖菠蘿 同迷你甜薯串，即叫即燒，甜甜哋好惹味～食飽飽之後慢步行去沙田博物館睇展覽，原來好近，大約行15分鐘就到～