隨心 (已搬遷) 新店位置

今晚約咗響鰂魚涌返工嘅朋友食飯，帶我去佢平日嘅飯堂，一間主打「無添加味精」的星馬菜餐廳，的確係好介紹。新加坡炒貴刁上枱已經感受到一份誠意，超有鑊氣，又沒有過火。河粉中夾雜麵條，增添多一種口感，餸料亦不吝嗇，芽菜、臘腸、魚片和大蝦，味道十足，完全感受到東南亞風味。隨心海南雞飯（冇骨）份量十足，海南雞計埋有十幾件，海南鷄香滑度拿捏得剛好，飯不只是雞油飯，是椰汁味十足的雞油飯，飯量足兩碗，配合醬料，超好味。食星馬菜，檸檬飲薏米水當然不能少。朋友叫了一杯冰雪梨茶亦令人回味。總括來說餐廳好味非常正宗，食物份量十足，加上無添加味精，真心值得推介。

今日做完gym就黎左附近呢條鰂魚涌呢條食街海光街食返個post workout meal。營養師話做完運動應該補充蛋白質同適量碳水化合物。食呢間海南雞飯就啱曬。但係又見呢度店名有華人喇沙咁大隻字，又心郁想試。決定叫呢度招牌菜，海鮮喇沙（$80），加個海蜇雞絲沙律($38)等我可以食多啲雞，又不至於浪費啲飯。海蜇雞絲沙律黎到係超大份，呢個價錢真係抵食，用既雞脂肪唔多，啱曬健身人士，食完呢個我既蛋白質夠曬數！雞中間加埋海蜇，令口感軟中帶爽，正啊！海鮮喇沙果然係招牌菜，首先湯底椰香味夠重，帶微辣，對平時唔食辣既人黎講，絕對係接受到既程度。湯底濃郁，所以啲麵都好掛湯，啖啖味道都好豐富。配料有兩件超索湯既豆腐，一咬就必曬啲喇沙湯出黎！蝦有兩隻，味道幾鮮彈，肉質唔會好霉。魚片亦夠彈牙。仲有半隻蛋添。喇沙傳統就係用米粉加米線，口感咬落有爽有嫩好特別架。時間尚早，比我趕上午餐尾班車，加$2已經有杯飲品，冷熱同價。我叫左熱檸檬薏米水，味道有蜜糖甜味，加上檸檬既酸味，係幾開胃解膩既飲品。呢度上菜幾快啊。侍應亦好友善，背景音樂播住廣東歌純音樂，好令人放鬆。絕對唔係一般茶記。

星期日晚得我同媽媽食飯，行開太古坊嗰頭就揾埋嘢食，唔使媽媽煮兩個人飯咁麻煩媽媽見到呢間星馬菜餐廳覺得好有興趣，睇睇價錢都唔算貴，就決定食呢度啦其實我地到嘅時候先就六點，侍應都好好提示我地如果即刻落單仲係下午茶價錢但我地決定好食乜已經過咗時間😂 不過價錢都係okay的我地叫咗個海南雞飯，跟咗個紀子雞湯雞件無骨就必然，雞肉白淨滑溜，雞肉肉味鮮而濃郁，好靚飯同好多坊間嘅油飯比少咗層油膩感，多咗椰香，仲好粒粒分明，食到停唔到紀子雞湯都好清，飲落就知係無添加媽媽叫咗熱檸檬薏米水飲，消滯解油我地又叫咗個燒豬頸肉佢嘅燒豬頸肉唔算猛火燒，無咁燶同熱氣肉都算幾腍，份量好大，性價比高最後都係媽揀嘅新加坡黑胡椒炒虎蝦呢個唔平，但係好惹味虎蝦隻隻都手板咁大配料都多，所以炒出嚟味道好豐富蝦肉好結實好食同易處理，值食完同自己朋友講起先知原來好多太古返工人仕都會嚟呢度食飯，我真係有眼不識泰山下次一定會再嚟食海南雞飯同試下喇沙🙌🏻🤣

不知大家有沒有睇金剛和小儀的「街坊廚神舌戰新台韓」呢? 他們飛往新加坡介紹當地出名的美食, 還有一輯專介紹我最愛的喇沙, 睇到我流晒口水, 忍不住想快快飛往新加坡一轉, 不過我又未至於咁豪氣, 為了食喇沙飛到新加坡, 唯有在港四處覓食。覓食未必一定要捐窿捐罅, 在近自己的地方也會有新發現, 就來到這間新開張吃星馬菜的店子試試吧!店子外已放了兩塊大型的餐牌, 門上亦貼了色彩繽紛的菜式相片, 有海南雞飯、肉骨茶等等地道菜式, 當然不少得我喜愛的喇沙, 如此吸引, 那便快快走進去。甫進內裏, 地方不算大, 預設約五張四至六人枱、兩張寬敞的四人卡座, 還有一排面牆的單人位, 整齊企理, 加上柔和的燈光和音樂, 令人感到舒適自在。店子沒有花巧的擺設, 牆上除了貼上吸引的菜式大相片外, 還有多張新加坡的風景圖片, 設計平實簡約, 但已具代表性。安坐後馬上細閱餐牌, 圖文並茂, 非常清晰。主要分午餐、下午茶及晚市, 晚巿所提供的菜式當然是最多, 分別有麵類、飯類、肉類、海鮮類、肉骨茶、菜類、小食及沙律、甜品和飲品, 對於新開張來說, 選擇亦不少。***************************

去太古城中心睇戲之前去左鰂魚涌附近搵食，本來想食周月，但見到有間食海南雞飯的馬拉菜館，突然好想食海南雞就入左去試。我地點左海南雞飯、海鮮喇沙、班蘭葉炸雞、馬拉盞炒通菜、沙嗲串燒同兩杯檸檬薏米水。大部分的菜式味道都較一般馬拉菜清淡，沒有以往食過馬拉菜的濃郁味道，店門都見到佢標榜不含味精，可能味道就較為減鹽減油吧～但的確食完唔會好想飲水解渴，這口味可能是迎合附近上班的OL吧！最驚喜反而是班蘭葉炸雞，連班蘭葉炸到變薯片咁脆，而且炸雞唔駛沾雞醬都好入味，好吃！但反而沙嗲串燒較不推介，這不是燒的是用炸的，而且沙嗲醬不夠惹味～