野川拉麵 (已結業)

在下白泥天光等到天黑，等了個多小時車，30分鐘的路程足足塞了兩小時，結果7時半才回到元朗市中心，難以置信。回到文明的區，燈火通明，吃甚麼也好，亦再沒心思左選右選。經過野川拉麵，心想，逼在居酒室的親切感，可以一掃待在荒山野嶺的空虛。座位不多，得等一會。在門外等位時已選好了。日本信州蘋果梳打氣泡細密，但過份細密，還是喜歡Somersby。不過它的蘋果味很自然，不會太甜。照燒雞扒稻庭烏冬火紅火熱的拉麵，白煙直冒。第一次見照燒雞扒被放入湯內，而不是分開上。拍完照便急急先吃雞扒，生怕燒汁跟湯底混在一起，我就是有個奇怪的習慣，不可以胡亂把東西混在一起。雞扒肉質嫩滑，醃得入味，滑溜的皮沒有照燒的輕脆和香，但上面的燒汁把味調得不錯。橙紅的地獄湯底夠辣，但豬骨湯的味道不夠，又或是跟辣味不夾，辣得刺激，卻不惹味。原隻溫泉蛋，咬開蛋白，中間是完全流心的蛋黃，煮得恰到好處，蛋黃濃稠又厚滑，蛋香十足。還有蔥，木耳和粟米，喜歡粟米跟辣湯又甜又辣的配搭。稻庭烏冬比手打烏冬剔透，較滑溜，不過偏腍，欠煙韌，但喜歡稻庭烏冬麵粉味較淡較清的味道。叉燒手打烏冬先喝一口湯，芝士湯底跟忌廉湯有幾分相似，芝士清香濃郁而不厚稠，不滯

難得跟老公入元朗做野，成日聽人講元朗d野食平靚正，當然要搵下好野食啦！幾經辛苦搵到個小車場，一落車就見到附近有間幾隱蔽既拉面小店。岩哂我胃口，即刻衝入去先！原來停車場果個係後門，正門0係大街，都幾顯眼架！店內座位唔多，同隔離都幾親密下。睇睇個menu先，拉面大概有十款配菜，配三款面底同五款湯底，選擇都唔少架！另外有唔少燒物、炸物，連飲品都有滿滿一大頁。店仔細細，但食物款式確係多！我地叫左兩款拉面，加三款燒物：照燒雞扒拉麵、極上和牛拉麵、燒牛舌同燒扇貝。《照燒雞扒拉麵》$63雞扒預先燒香左先放0係麵面，外皮香脆，肉質嫩滑，口感一流。而麵條火候控制都唔錯，不軟不硬。湯底方面，我選左地獄湯底，豬骨濃香外有微辣，非常惹味！成碗麵水準好高，反而伴碟既糖心蛋過熟，扣左少少分。《極上和牛拉麵》$73老公叫左豬骨湯底，佢覺得偏啖唔夠濃香。好彩我揀左地獄姐！但值得一讚既係牛肉，偷食左老公一舊，好驚喜！店主用左高級既燒肉級和牛，入口即溶，無諗過拉麵配料都可以有甘既質素。《燒牛舌》$26@一串牛舌定價唔平，但一見到實物就覺得好值得喇！牛舌一串有三件，三件都係厚切，非常足料！火候控制得剛好，肉質爽口；一啖咬落

其實元朗依家有好多好野食， 中西日韓意法日要乜有乜， 今日特別想食串燒 拉麵。 於是走左去屋企附近間野川拉麵 ，小小既店舖坐滿人客 。平時通常會飲兩杯啤酒 ， 食下野傾下計 ，難得今日想試下佢地既日本靜岡綠茶可樂， 淨係聽個名都覺得好特別 ，唔知係乜野味道呢? 綠茶同可樂好難想像到會可以制成為同一枝產品， 日本人的 想像力 豐富， 新奇創新， 總會給人帶來驚喜 。味道就像有汔既綠茶加左 可樂味，綠茶味較重， 比平時可口可樂較為小甜。頭盤點左泰式生蝦 ，生蝦新鮮彈牙，肉質結實 ，泰式辣汁 屬於偏辣， 不會太酸。食完生蝦， 青瓜生菜 沙律 撈埋泰式辣汁食 味道又是另一番滋味。而家 通貨膨脹乜都貴過人 ，49蚊 1碟生蝦，老實講真係未食過超平喔～燒三文魚頭是一整個三文魚頭連同兩邊腮位 上碟，大大份。 外層魚皮 燒到帶點焦香， 而且三文魚肉厚肥美 ，肉質嫩滑， 魚香撲鼻，令人食指大動雞皮同雞軟骨燒到卜卜脆，佐酒一流🍻建議上面自己再加點7味粉，更加香口惹味牛舌更是食串燒必點燒物之一 就是愛他 口感 爽脆 彈牙，不會太油膩豬頸肉 經過燒烤 油脂滲出， 肉汁豐富，我們還留起了 剛才食生蝦的泰式辣醬，

今日到元朗工作, 午膳選了就在附近的野川拉麵。這是第二次來野川拉麵, 顧客比上次多很多, 其中學生佔大多數。 店員告知, 學生午市套餐連飲品, 只需$33-39元, 比晚市一碗拉麵價錢便宜了一半, 十分優惠。汁燒極上和牛烏冬: 和牛4片, 伴有生菜絲, 木耳絲, 粟米及流心蛋的蕃茄湯底烏冬 味道一流。 汁燒和牛薄切, 面層稍稍焦香, 肉質嫩滑; 醬汁醃得非常入味, 瞬間吃完。 手打烏冬很彈牙, 配上鮮甜蕃茄湯底, 我的至愛, 亦是這裡人氣之選。除此之外, 我還點了燒帆立貝和燒牛舌。 燒帆立貝一串3粒, 一口一粒, 醬汁略嫌太多及偏甜。燒牛舌: 薄切三片, 面層滿洒胡椒粉及黑椒碎, 很惹味, 牛舌有質感, 韌韌地剛好。此時口中咸香味濃, 立刻點了一小瓶清酒配合, 感覺簡單輕鬆, 滿足順快。

同chicken去元朗一日遊，緊係順便去搵下食～行到咁上下覺得攰，而且附近有間拉麵店，而我地又好耐冇食拉麵，就入去食個lunch～地方位置其實唔大，只係一間細鋪用心經營，廚房位置會比較亂，不過唔會有太大影響食拉麵前會上左前菜沙律，蔬菜幾新鮮，配上胡麻汁酸酸既味道會更加開胃照燒雞扒拉麵番茄湯，湯底番茄味幾濃，唔會太咸，味道適中，而且拉麵既份量好多拉麵既配料亦好多，因為好中意糖心蛋，所以多嗌左一個，糖心蛋蛋白幼滑，蛋黃味濃，chicken嗌左燒汁極上和牛稻庭烏冬芝士辣湯，湯底都幾辣，都幾到香濃芝士味，烏冬彈牙爽口，和牛肉質唔錯，一碗好夠飽，而且比我留意到，學生優惠價好平，做依邊既學生真係幸福～炸魷魚鬚，7味粉令魷魚鬚更加入味，韌口微脆，唔會好油膩，我地都覺得有水準，值得一試！蒜蓉燒扇貝，岩岩出爐既扇貝非常熱手，所以要小心，蒜蓉加扇貝好夾，扇貝食落鮮甜，而且食到淡淡既燒香味，個人幾中意～黃金蠔，好濃既忌廉芝士味，令蠔既腥味完全蓋過，蠔非常多汁，而且都幾鮮燒牛舌，調味粉太多感覺有啲咸，牛舌咬落好爽，而且算薄身，若少啲調味粉會更好蘋果酒，酒中帶蘋果既香甜味，好易入口，唔中意飲酒既我都愛上左，不過

果晚同朋友行去寵物店買野,由 B 仔一路直行入去轉左就到 ,途經見到間拉麵 , 朋友就話買完野去試下囉 ,見到價錢同餐牌又OK 喎 , 冇問題 !  野川拉麵地址: 元朗裕榮徑4號地舖除左拉麵之外 , 仲有好多選擇喎 ,有凍食 , 串燒 , 炸物等 .  汁燒極上和牛讚崎手打烏冬揀左芝士辣湯底 , 諗住辣辣地易入口 , 點知職員話會好辣嫁 , 另上比你 , 你自己落啦 , 賣相 … 真係麻麻 , 咁少配料既 ? 原來睇唔到啫 , 嚇得我丫 !  首先飲左湯底 , 比較淡既芝士味 , 之後加入辣醬 , 咦 … 味道即時唔同晒 ,湯底變得濃郁 , 有小小辣 , 配料有粟米 , 菜 , 木耳絲同溫泉蛋等 , 烏冬好彈牙同滑 , 和牛好入味 , 唔錯 .  泰式生蝦估唔到食拉麵都會有泰式生蝦食 , 仲有埋蔬菜 , 食完生蝦 , 再點上醬汁又可以做個沙律 , 生蝦都唔錯 , 而醬汁就辣左小小 . 蒜蓉燒扇貝原隻連殼即燒 , 一啖放晒入口 , 好香既蒜蓉味道 , 一咬落扇貝 ,鮮甜好味夠晒大隻同多汁 , 正 !黃金燒廣島蠔10 蚊1 隻又唔貴喎 , 叫左2 隻試下先 , 溶溶地既芝士入口好好味丫,