美中·鴨子 (已結業)

感覺食物，服務都差了很多！酸辣湯只有辣，無鮮味！片皮鴨無最初既好食！醉雞可能落得魚露過多，好咸！粗既露筍又唔切皮，好多渣！好彩有張匯豐 $300 現金券！否則以這個原價來食就有點不值 !

因為母親節去左旅行，所以返黎先補返，加埋5月之星一齊食～大大小小13人，知道沒有訂定服務，所以約了6:00到，好彩唔使等。原來全店只有一張12人大枱，如果比人坐左，就有排等了。片皮鴨黎美中鴨子無理由唔食片皮鴨味道不過不失，反而要讚一讚個薄皮，做得好薄，又唔硬，份量又多～平時出面食通常唔夠包，要另外再叫，今次多到小朋友可以淨食薄皮～雞絲粉皮我既至愛，去親上海舖一定點。呢個味道唔錯，但第一次雞絲粉皮有辣油，我唔食得辣，所以只食左少少醋糖排骨唔錯小籠包 - 皮薄多汁～好好味普寧豆腐 - 有少少嗅豆腐的味道，我本身鐘意食嗅豆腐，所以我覺得好味小朋友就食左下面脆脆籃～話好好食鍋貼 - 正正常常咁啦炸蠔 （我冇食到，賣相不錯）生炒骨 - 叫比小朋友食，我試左2粒，味道偏酸玫瑰雪魚 - 好似80幾定90幾蚊，價錢偏貴，好細件。有少少玫瑰香味，雪魚好肥美，整體唔錯另外仲有叫胡椒包、上海粗炒～甜品 - 炸雪糕有幾款口味既雪糕揀，面有些脆脆同腰果，好夾又有口感提一提之前電話問左要收$100切餅費，可能我地買美心蛋糕，佢地又係美心集團，所以冇收切餅費。我覺得可以打去問既時候講比人知。

Time for gathering again! We all queued up for this duck skin for half an hour. Finally, we got in. The decor was really clean and bright. Comparing with 北京樓, this place looks more modern and cleaner. The food was really yummy! We ordered a lot but I didn’t have time to take photos as once the food arrived, people started eating 😂. My favorite dish is the goose skin, not fat, crispy and yummy. Highly recommend!

曾經同屋企人黎過呢間經常人山人海的餐廳食，但無奈上次職員落漏單無呢到的招牌菜片皮鴨，今次就提議同舊同學黎食。由於有同學仔唔食豬，所以我們叫多左幾個羊同鴨的菜式。呢碗羊肉湯麵就係其中之一了。羊肉入味唔羶又夠淋，幾好食。小葱蝦仁炒飯的飯粒夠乾身，加埋蛋同葱一齊炒好香 不過多蝦的份量少了點。蟲草花炒翡翠苗，D菜苗炒完仲係好嫩好綠。小籠包係朋友仔的最愛，皮唔太厚，而且D湯會爆汁架，入面的豬肉都非常Juicy。小羊腿用椒鹽整到香香的，用麵包夾埋葱同海鮮醬又幾好食喎！雲呑湯分左8碗都夠飲，雲呑Juicy加上鴨肉嫩滑，飲完會再想添！主角片皮鴨到了！鴨皮燒得又香又脆，仲要唔多肥膏！鴨肉唔乾，軟軟襯埋香葱同海鮮醬，口感幾豐富！朋友們食完主食仲未夠喉，所以叫左三款甜品share。豆沙窩餅外面夠脆，紅豆餡又夠香又夠熱。炒雪糕會有唔同味道的雪糕比大家選擇。朋友仔仲好鍾意上面的糖絲！另外，多們更叫左一份朱古力心太軟，不過蛋糕焗耐左少少，朱古力流心唔會一切就爆出黎。

難得今天集齊到全家外出, 當然要去食返餐好既一直想試呢度既烤鴨, 都知道好多人等, 所以提早6 點去排隊, 結果都要等到近7 點先入座假日限時90分鐘都習慣了, 剛好被安排一個海景卡座, 算係企左咁耐的一點心靈補償吧!座位好闊落, 4 人坐幾舒服~ 餐具餐牌都好可愛, 印晒鴨仔入座直至落單後侍應都未拎水黎, 叫左2次先送黎叫左2個餐前小食, 好快就送上黎, 應該一早整定晒牛肉餡餅 (HK$22/個) , 好熱, 切開D肉汁同油即刻泌住出黎, 個皮都幾薄, 唔錯另一個係胡椒鍋餅(HK$55/ 4個) ,都唔錯, 唔太油, 不過唔重胡椒味, 同台灣果種差太遠了叫左一個3-4人份的雲吞鴨肉湯 (HK$180), 侍應都好貼心地分好4碗上枱, 一人一小碗, 這種份量配這個價錢有點貴不過啖湯清得黎好夠味, 而且一D都唔油重點食物片皮鴨送來了, 叫了半隻HK$158驟眼睇落唔以半份, 比想像中既細鴨片望落唔燶但夠脆, 鴨肉好軟嫩, 味道亦是剛剛好, 唔會被調味料遮蓋鴨肉的鮮味, 很滿意!甜品點了一個桂花拉糕, 又係催左2次單先送到黎食落似糯米糍, 糕面有糖桂花調味, 比較一般呢度的食物都幾好食,

美中（不足的）鴨子叫左幾個餸，好有驚喜，百頁卷非常清新，咕嚕肉唔肥膩，菠蘿係新鮮既，鍋貼唔太咸亦唔肥，皮好香脆，重有個拌面，好惹味，面條有口感！最失望係鴨子，等左好耐，味道無特別，餅皮凍既，可以慳返唔駛試！

平時路過看見排隊的人超多，無論是不是週末所以這次路過還沒開始營業但也快到吃飯時間了就拿個號打算準點進場果真，很多人提前取了號碼，正點等著進去提前進來的位置相當不錯，在海邊，陽光刺眼露台其實還有位置，如果天不熱的話其實還不錯不過在室內冷氣真的超級大印象中，店裡有毛毯提供看到餐牌，真的什麼都好想嚐一下餐牌，餐紙，水杯都是鴨子logo感覺蠻可愛精緻的東西看起來都挺精緻和乾淨的其實只有兩個人，但是點的也不少片皮鴨味道還可以雖說沒有想像中好吃，但是也達標只是份量太少bf很喜歡吃胡椒包，但是這個，我吃了一口就停了他吃了一個也不吃了，覺得太膩了本來很期待這個桂花糕和片皮鴨是怎樣神奇的搭配上了才之後，發現，原來這個搭配一點都不配最奇怪的是底下的薯片，感覺還受潮了，不脆如果把薯片拿掉的話，桂花糕和鴨皮其實....還可以..... 吧整頓吃完，其實感覺不太滿足不飽...但再也吃不下了因為膩😥😥埋單。。當然配得起環境，有夠貴的整體感覺環境不錯，餐具菜式的擺設也很精緻但是味道跟不上配置，份量跟不上價錢啊服務員態度是不錯，但是真的超級忙和健忘啊微笑著答應了，做不做是另外一回事點的菜漏做了埋單過了十幾分鐘要催的才

排左一個鐘左右入到去、落單時服務員態度已經差、我地十個人左右，叫完野個服務完話少唔夠、我朋友就話咁要叫咩、佢就話炒飯又冇、菜又冇、大佬我地已經叫左兩隻鴨，坐低一陣落晒單都冇杯水、隔左一陣先問飲唔飲酒飲料個啲、我話飲水黑面、態度重申好差、食既野就唔提講真冇特別、係個鴨可以、蟹柑58一隻、50蚊碗湯羹好似生粉水咁、其他野都麻麻、個糖醋骨原本係前菜後來食埋個片皮鴨先來、食剩好多野、叫佢打包就話一蚊一個盒要幾多個、明明3個盒夠就求其話起碼五六個裝、啲咁差既服務、絕不會去第二次！

同事聚會一行六人，無得訂位，可能早到唔算等左好耐，有同事食過幾次，放工唔想諗野所以同事推介食乜就食乜。喇喇臨落完單，傾下偈，欣賞下周圍，暗暗地都幾有情調（雖然係中餐😆），啲餐具都好靚，配合埋射燈，閃閃發光～ 最中意鴨仔筷子托^_^首先係前菜鴨湯，好夠味，正！雞絲粉皮，正常水準！醉雞唔夠醉。小籠包，正常水準！水煮魚好味，夠惹味，再辣啲更好，但呢個辣度係老少都食到的辣！魚塊好滑，以為好少魚，但食下食下都幾多，如果粉皮多啲就仲好，索左汁好正，比魚塊再辣啲主角片皮鴨！鴨味濃，皮又脆，甜醬夠濃，薄餅皮煙煙韌韌，perfect! 呢餐的份量對女孩子黎講非常夠飽！但男孩子應該可以食多兩道菜用埋信用卡優惠，非常抵食！

成日見到好多人等，終於有機會試下。因為我地兩個人食，唔敢叫太多，但又好想試片皮鴨，所以叫左半隻。之前食其他中菜既片皮鴨通常都係皮連肉，但美中鴨子既係皮同肉分開，想淨食皮又得，淨食肉又得。皮好脆，肉好香，唔硬唔油，燒得好靚。 而用泥包片皮鴨既皮整得好薄，食落去唔會成陣麵粉味，，唯一唔好就係因為太薄，撕塊皮出泥既時候好易整爛。不過就算兩塊一齊食都唔會覺滯，仲有陣陣芝麻味。 叫片皮鴨仲會送鴨湯，人頭份的。好清，有鴨香。 兩個人淨係食片皮鴨好似太dry, 所以我地加左幾條小黃魚。小黃魚炸得好香，肉好滑，但略嫌太多骨，食食得好小心。皮炸得香脆，好味，如果骨都炸到脆卜卜可以食埋就更好。 整體泥講食物質素唔錯，食物幾有特色。

周圍都係鴨仔裝飾好得意又同餐廳主題一致。坐得舒服，不過燈光不均勻，一些位置好暗，一些位置好刺眼，影響觀感。服務生會主動添水，不錯。與其他餐廳一樣為了提高翻桌率會非常主動收枱。食物總體很不錯。

筆者一向怕排隊，要排隊既餐廳，除非好特別，否則唔去(講哂啦) 。呢間係少數令筆者願意等既餐廳。 依家排隊可以裝app拎飛check 冧吧, 等既時候可以係商場行街打發時間。其實之前已經食過覺得好，今次來返啅的美中鴨子係美心集團既一員，有人一聽到大集團就耍手擰頭，彷彿有原罪咁。先唔考慮背後其他問題啦，純粹講味道及用餐體驗，筆者一向宗旨都係：好唔好？食左先講啦！今次近last order先黎，都要等半個鐘，行下pageone唔覺唔覺就有位。餐廳環境新淨企理，枱唔算好細但叫得兩三樣餸會唔夠位擺。餐具都幾精美首先係醉雞，好好味呀酒味唔濃，反而甜甜地好吊味。全部起哂骨，啖啖肉夠哂過癮馬蘭頭百葉卷，筆者就無乜興趣喇。根本兩樣食材都唔夾，勉強無幸福呀。。。揚州炒飯上碟好靚呀，食落乾身，米粒分明，睇得又食得，適合筆者呢類無飯不歡既飯桶呢到既招牌片皮鴨到喇鴨皮鬆化唔膩，粉皮出色，比出面既做得軟韌(出面一般乾啲硬啲，不過筆者好怪，覺得乾啲硬啲配片皮鴨好啲) , 鴨肉無蘇味。鴨湯好有驚喜，香濃！豆沙鍋餅就麻麻地喇，皮硬，唔脆，唔知自己食緊乜。明明好多道餸都唔錯，可惜可惜炸生蠔外脆內鮮，伴碟沙律竟然係爽口既

次次經過呢度都好多人，今次有AE CARD食甘抵，所以要試下了6:30PM已經好多人等位了片皮鴨 招牌菜當然好味啦，日日去甘多貨，當然好好新鮮，即整即片，皮脆多汁，不過要等好耐，等45分鐘，所以一坐低就立即ORDER啦媽咪就最鍾意呢碗擔擔麵話好香，又花生係湯裡，湯又濃，正至於碗一口雲吞都OK，皮簿，同埋個湯都好好飲～HEHE

晚飯時段明知道要等位,拎左飛再去附近行街,感覺上都好快有檯。美中.鴨子名字和招牌logo都設計得很好看,連店中使用的餐具都和店名一樣精美別緻!先點一杯香茅青檸梳打,我們點的小菜都是重口味的,有這杯飲品可以中和一下味蕾!擔擔麵很香濃,我嫌多點辣味會更好吃~今餐主角片皮鴨,鴨皮不夠脆口,鴨肉有點過老,肉質較鞋,廚師刻意片走肥膏,吃入口不會太油。宮保雞丁,很惹味的小菜,辣度很適合我愛嚐小辣的人,花生換成腰果會更好,因為花生一點也不脆!

已聽朋友說這家常常要等位,於是星期6的晚上6時左右便到達,餐廳已有9成入坐的人!我們一行5人,還好尚有位, 不用等便入坐了, 而且還是卡位, 能望海景!起初以為沒有水提供 (因為環顧其他的台也沒發現有水)所以每人都點了飲品...最後才知道是有水的! 侍應怎麼不自動提供呢?片皮鴨因即燒關係, 侍應說要等40分鐘, 所以最後才上皮沒有肥膏, 吃起來不膩, 等得值!所有食物質與環境都很好! AE白金還有折! 所以此晚餐真的物超所值!