牛極 (好順利大廈) (已結業)

一直都好鐘意食牛扒，因為含有豐富嘅鐵質，適合女性補血經過雞地呢間石燒牛肉店，企喺門口已經有陣陣燒肉味傳出，而且有做lunch menu , 價錢都係$55起就有燒肉、任食沙律同牛肉湯飲。性價比好高呀！調味料有粉紅色鹽！少女心大爆發推介bbq 香草！會有燒烤醬味豚肉已經用蒜香調味好！主角係牛柳！係時候表演一下刀功入面既紋理肥瘦適中，沒有筋唔擔心難消化切成1 cm 厚任食既湯同沙律都製作認真！湯入面嘅牛腩非常多！

餐廳以自助形式點餐。在點餐機付款後，便可到旁邊的自助區加配沙律、白飯、牛肉菜湯及醬油，份量多與少悉隨尊便。牛柳 (200g | $110)• 有200g、300g及400g選擇，200g相對較少，如果是食肉獸的話建議點選更重磅數。• 牛柳是原件呈上，外層已經微熟，裡面則仍在生肉狀態，切成小片在熱石上來回數次已經可以進食，非常方便。• 肉質是偏向紥實有咬口的類型，帶點牛肉味，加點鹽粒或是沾醬油的話會比較好吃。• 進食時建議戴上店家的圍裙，不然很容易有油漬。

前日同朋友一齊去左元朗呢間牛極度食晚餐，門面好光鮮同乾淨。由於我地比較遲去食，所以好快就入左去坐低。一入去已經見到自助沙律加醬料吧，仲有白飯、湯、水、圍裙提供。沙律、白飯同湯都係無限任食!所以唔洗驚唔夠食我叫左牛肩排(180G)，朋友就叫牛柳(200G)。餐廳好貼心咁用紙巾蓋住牛扒，以免客人比油彈到係等待牛肩排燒好既同時，我已經拎左湯、沙律同飯喇!個湯類似羅宋湯，有好多牛肉係入面!建議可以將牛排切成小塊，會比較快整熟!牛肩一D都唔"un"!口感適中!本身塊肉落左少少胡椒醃製，落埋其他醬汁個味就岩岩好喇。呢個係朋友既牛柳，相對牛肩比較稔身，牛味比較淡，但都好味!估唔到咁大眾化價錢既牛排質素都唔差，仲要飯、湯同沙律任食，真係非常之抵食呀!!!

在過去一年多，香港開了多間主打石燒牛排的食店，窩夫與蝦子餅日前試了其中有多間分店的牛極。窩夫與蝦子餅光顧牛極的元朗分店。先用自助點餐機購買食品和飲品，友善的店員從旁協助，很快便完成點餐程序，要留意點餐機只收現金或支付寶。等待牛排期間，可到自助區取醬汁，蘸牛扒可按個人口味選自家製燒肉汁、辛味燒汁或蒜蓉，窩夫特別喜歡那蒜蓉，超香呢。沙律可加胡麻沙律汁或柚子沙律汁。餐廳為客人準備了即棄圍裙，十分細心。石燒牛排上桌時以抹手紙蓋著，減少油脂彈出來。窩夫點了180克的牛肩排($80)，牛味濃，價錢親民，難怪人氣高企。不喜歡牛肉太熟的話，要留意不要在高溫石板上燒得太久。蝦子餅點了200克的牛柳($110)，牛味同樣很濃，口感較軟嫩，燒好後放在白飯上自製牛柳丼。桌上有喜馬拉雅山岩鹽等調味料，可按個人口味加到牛排上。白飯任裝，還可以加入紫菜碎。不要錯過任飲的日式牛肉湯，味道類似羅宋湯，配料豐富，喝得出洋蔥和甘筍的甜味，帶筋的牛肉煲得腍腍的，帶點膠質很好吃。

牛極係我地會keep 住幫襯既石燒牛因為個價錢同質素都係好高性價比疫情原因早排佢直情關門避疫，難得食市可以做到依步一知佢開番，就過黎幫襯啦之前餐具係要自己拎，依家已經擺定係位度都有圍裙比你，驚d 油彈到件衫醬料就要自己拎啦～依家湯沙律同飯都係佢連埋個牛一齊上～～疫情情況下，甘樣處理比較衛生d先上湯～～估唔到佢筆到d 湯勁足料！！！有豆腐，海帶同蘑菇～～湯底就係味噌湯湯應該一期期款式，我之前黎係飲羅宋湯架跟住就上沙律飯同牛啦如果大家食唔到甘多飯，真係一早同佢講定少飯～唔好浪費今次我地叫左牛肩同牛柳牛肩係嫩身同埋有牛味～～同埋成舊都食得，唔會有筋，基本上唔駛點醬都好好食～～$80 甘大塊～～真係去邊度搵～～牛柳係我地第一次點，店員話更加嫩～～果然係仲嫩過牛肩，但牛味就相對無甘重如果平時唔特別好牛味，牛柳就岩哂啦又係無咩筋位，成舊都食得，$110~~有成200g, 又係勁抵食同埋佢地沙津係好爽脆，同埋新鮮～～我次次都食夠兩碗～～依家佢地都有做埋外賣～～仲有折添，越貴既牛就折得越多依家日日煮到頭都暈，佢有外賣就可以多個選擇啦！

一行2人去了牛極，因為太耐冇食牛扒，而且通常都係食西式牛扒，未試過石燒牛。揀咗個牛柳同牛肩就坐低。然後自助整咗碗沙律同湯，碗湯係羅宋湯嘅味道，不過日式嘅，清淡啲幾好飲。兩塊牛上到枱面真係嚇一跳，呢個價錢咁厚嘅牛，上枱塊牛係1成熟，自己想幾熟就喺塊石上燒幾耐，朋友問塊石凍咗咪燒唔到囉，但等到塊石凍咗，都全熟啦，除非你鐘意食全熟囉，而且仲可以叫侍應換塊新嘅石㗎。我自己就鐘意牛柳多啲，因為又嫩又多肉汁，不過牛肩扒都好嫩，佢本身冇落太多鹽黑椒，所以我一路燒一路自己加少少鹽、黑椒同香草，想多啲變化仲有幾種醬，我就食原汁原味食到夠，最後幾啖先試下啲醬，不過始終原味最好食。雖然唔係超飽，但感覺超滿足，因為真係好厚，下次肯定要試肉眼。

我對上一次同朋友食另一間石燒牛，覺得咁樣一大舊肉，然後沙律、湯、白飯任裝呢個模式係幾唔錯，所以今次想物色下同類型o既餐廳，第日多個選擇。呢間o既價位同之前o個間差唔多啦，都係會有一款肉特別平用o黎宣傳，然後一般200g o既牛肉就$110-130 左右。肺炎之下，入去食o野之前要探體溫，見餐廳用o左d 膠板間開座位；如果好似我咁坐埋一人面壁位，就更加安心啦！餐廳提供澳洲、美國同日本多個來源地o既牛肉，選擇多多。上檯時店家只係輕輕咁辣過塊扒外面，只有一成熟，其餘就係家食自己操作去搞，讓平時唔識煮飯o既我過足煮飯仔o既癮，呢樣都係我想食呢d 石燒肉o既原因之一！我點o既呢款係o黎自美國o既牛柳($110/200g)，係厚身o既一舊。切落會feel 到佢肉質扎實、纖維度高，食落有咬口。本身除o左幾片蒜片就未經調味，正好俾我發揮一下小創意，瀋d 黑椒、加d 鹽晶係粉紅色o既鹽花，調製到o岩自己口味為止。除此之外，出面沙律bar o個度都有d 現成醬汁。呢度o既湯係面豉湯，個人覺得比較稍為鹹o左少少。沙律係椰菜絲沙律，厭胡麻醬實在太普通的話，可以試下倒d 柚子醬，又一番風味。白飯可以加芝麻紫菜碎

困在家中已不知幾多日，今日忍唔住要出去食個牛扒，帶左好想去街的爸去食牛扒，一人一份🥰我點的是紐西蘭牛柳，雖說是最小的份量，但看上去也不小呢！遠遠已聽到滋滋聲，店員說明了牛柳已預先準備為2成熟，可自行切成喜歡的熟度。反一反牛柳已成半焦狀態切開便會發現外層大約半cm燒熟了，可慢慢切細後，在石板上燒燒，調較喜歡的熟度。牛柳肉質軟熟，很容易咀嚼而且沒有筋位，不需調味也很有牛味👍🏻店內有3款醬汁及3款調味料，喜歡吃蒜的我直接把生蒜塗上一起吃😋燒汁也跟牛肉很搭配！還有店員推介桌上的三款調味料，粉紅色的岩鹽很能夠提升肉味，還有黑椒可刺激一下味蕾，緩和肉膩感直接加上牛扒上就很好吃了，爸試了bbq調味料表示不錯👌😗爸點了牛肩，賣相很不錯呢偷吃了牛肩三小口，肉質較有咬口，彈牙，肉味再重一點店內有沙律、白飯和湯自助的這個湯很好喝😋👍🏻有香濃的蕃茄和牛味😍

三與朋友走完屏山文物徑就到元朗去覓食，本來想到一間地區小店吃午餐，但那裏已經人滿為患，所以便選擇了在附近的牛極，選擇的原因是可以吃厚切牛肉！（當然要自己切得厚😂）四人進餐，所以決定每一人點不同的牛肉，這麼我們就可以分享了。自助機點餐，有店員在旁協助及介紹。每份肉的價錢已包括自助沙律、飯和湯。推介沙律加上柚子醋汁，格外開胃。飯軟糯，配牛肉正。湯味道有驚喜，像是沒加肉的羅宋湯，不知道有沒有加肉去熬，但真的一條肉絲也撈不到🙈。每份肉以石板伴上場，強烈建議穿什麼衣服也要繫一條圍裙，因為牛的肉汁或油會飛濺。牛肉上桌時只有約一成熟，所以牛肉是邊切邊煮，部分牛肉多筋，較難切，女仔真會切到手軟😅，甚至是切到尚有1/3未石板已沒熱力😂😂，不過這裏是可換石板的。牛柳最易切，不消一分鐘已厚切完。六成熟左右吃最嫩口，太熟就易柴。牛仔肉眼紋路美麗，吃落較香，八成熟吃亦充滿牛肉味。西冷色偏淺，當日吃那塊較多脂肪。牛肩最有驚喜，雖然因較多筋要多花力氣去切，不過熟哂吃時肉質不乾柴，能保持口感。肉點蒜茸加辣醬共吃很合我胃口，或煮時灑鹽或黑椒也別具風味。整體而言肉質不錯👍🏻，自助燒肉新體驗。

元朗新開一間食🐂🐂，作為牛魔王梗係唔會放過佢😈餐前沙律菜自己夾，鍾意食幾多就攞幾多，仲有沙律汁自己加😁 沙律隔離就係湯同飯，都係任飲任食，我仲落左好多紫菜碎撈飯拌飯😜 主菜牛牛要去門口隔離部機買飛，我同朋友一個叫左牛肩排（80蚊180克）一個叫左牛柳（110蚊200克）。牛肉放係超級熱嘅石板上面，會有好多油彈出黎，我同朋友傻下傻下冇留意到，好在職員提我地，幫我地攞左圍裙✌🏻煎嘅時候可以加啲鹽同黑胡椒，會更加好食。醬汁方面都係自由配搭，不過就得幾款，我就溝左個蒜蓉加燒肉汁，點牛肉好惹味👍🏻👍🏻🐂牛肉方面，其實兩款牛肉都算嫩，都好juicy，就算自己煎到七八成熟都唔會覺得肉硬，如果真係要2揀1，我比較鍾意就肩排，肉質會比牛柳更加嫩腍。整體黎講都不錯，反正唔貴，可以一試再試，下次品嚐唔同部位嘅牛肉😋😋

成日經過鳳郡街，最近見到開左間食牛，終於有時間同朋友去食。我閒日夜晚去，唔需要排隊，一入去已經有店員過泥招呼我，教我用部點餐機，上面有唔同類型既牛，牛柳牛肩，西冷，而店員好有耐性咁介紹每款有咩唔同。最後我揀左牛柳，我朋友就揀左牛肩。雖然餐廳的沙律菜，麵豉湯同白飯係自助形式，但係好食，個沙律菜有兩個汁配，麵豉湯好飲到朋友飲左兩碗。而白飯一定要加埋紫菜粉食我地叫左牛柳同牛肩，我地第一次食呢種熱石牛排，可以自己控制個熟到，不過煎塊牛排的時候好刺激同緊張，我根據個牌切到一小舊咁煎，個人建議唔好切太細舊，因為好容易煎老左。食落去牛柳同牛肩的感覺都差不多，兩款都好好食。我覺得餐廳好好係醬料（辛辣同燒汁同蒜蓉）都係自助形式，而我就最鐘意配上蒜蓉食。我見到隔離枱有人用牛柳配沙律菜食，原來咁樣配搭，會無咁膩，感覺不錯。以呢種價錢食到咁既牛柳，性價比高，而且係食牛之前的烹煮過程都好好玩。令的我同朋友都覺得好開心。呢間食店值得再去