火山燒 (已結業)

秋風起，除了想食火鍋之外...最想食的應該就是燒～肉～而食燒肉最怕的就是每碟計算...食不飽對吧！不過，今次我好放心，因為這次是放題...無錯...是放題，也就是食到飽囉·電梯一打開就能感受到身處日本水產市場的感覺！而且位置都算幾寬敞～很適合三五知己一起聚會喔！跟別的燒肉店不同的是......他們會將調味料放在桌上，客人可以按自己的口味來調教味道！食物選擇種類好多，除了有前菜（特別是我最愛的味付螺肉）也有新鮮的刺生，串燒、肉類之外，竟然還有火鍋呀！基本上已經可以滿足秋冬季節既想食火鍋又想食燒肉的願望！先說燒肉串燒，大蔥雞肉串很不錯除了很有串燒店的感覺外，大蔥燒完後仲好香～另外，還有宮崎牛舌、牛仔骨、牛柳...而我特別喜歡的是宮崎牛肩肉！一看就知道是高質牛，看色澤也騙不了人！而且肉質嫩滑、味道和口感一流海鮮方面除了有生蠔還有超推介的多春魚...不得不說的就是帆立貝串（但切勿燒到太乾XD）雛雞是餐廳推介，一定要試！而且是由廚房代燒，仲要即叫即燒呢！雞肉肉質很嫩、而且很香很惹味～火鍋方面個人超推介昆布湯清得來又好香，而且搭配金菇、肥牛、烏冬仲超入味！但如果個人喜歡食辣或是有挑戰精神的話，不妨

今次絕對係為呢個而來啦! 四個就可以升級和牛海鮮拼盤, 有成8款食材, 每款食少少都圍番條數, 賣相已經超正, 開動先來榮螺, 手掌心咁大隻, 以為好難咬, 點知又嫩又彈牙, 超讚虎蝦, 手臂咁長, 蝦肉清甜, 蝦羔香滑, 淨係食呢隻都抵啦墨魚夠彈牙, 味道略淡, 但加上調味之後, 味道即刻提升, 我建議加少許鹽就OK和牛串, 大家自己試啦, 好好好好食食肉獸嘅我地點會唔點肉類呢,牛肩肉,黑豚腩片, 叉燒, 牛仔肉, 全部都靚仔喎你睇下D牛肩肉係咪好正呢, 呢間店個爐, 火力可加大同減少, 燒肉當然慢煮啦甜蛋&糯米雞肉棒又係必食之選, 甜蛋係我最愛, 而糯米雞肉棒, 燒完外脆中間軟內彈牙, 不用調味燒好就可以享用, 一定要試流心芝士年糕又係另一推介, 好似棉花糖咁, 小火就可以烤出金黃色外皮, 一個字, 鬆軟開番個大火, 燒好肉串表面, 我又轉中火, 火力由我地控制, 好快有得食, 唔識煮飯都無問題唔夠飽的話, 就要燒呢個豚肉漢堡喇! 真係手打豚肉, 好香口, 我覺得配埋一片蒜茸包一定仲正

同朋友慶祝生日，兩個人想食放題又無book位，行下行下就見到火山燒，睇食評話係自己燒，覺得幾得意就一於試下啦！上到去侍應就介紹有三個汁，分別有燒汁，辣汁同蜜糖汁，我同朋友最鍾意燒汁不過原來野飲唔係任飲，要加多廿蚊雞，咁緊係加啦！食串燒當然要飲野，不過如果呢個價錢包埋野飲就好啦之後開始點野食，都好多唔同花款，我同朋友主攻海鮮同牛肉我覺得佢d牛肩肉好食，海鮮方面就有帆立貝，蠔，蝦同埋螺，第一次食燒螺，都幾得意，一路食一路燒一路傾計，過左一個手同口都好忙嘅晚上值得推介佢個燒芝魚丸同鯖魚

繼早前的燒肉放題，原來串燒也有放題呢～爬爬文，這間還別開生面，用火山石取代一般的炭火爐。受限時段所限，晚上第二輪 ($298/人/3小時) 到，聽說好像已經full booking，幸好有訂位。入座發現跟鄰桌有別，沒有說好的火山石爐，是太旺場關係吧？雖然只能偷看完別人的，未能一試，朋友直言有專人燒更好，不怕燒壞。前菜選擇不多，但滿特別的。蒟蒻凍味淡，要加照燒醬吊味，有點失望。反而白色幼身的蒜油冷麵有驚喜。涼拌日式芝麻醬，吃起來透心涼，又有大愛的海帶。飲品要加錢 ($20/人)，但可任飲和選樽裝涼茶，算是合理。串燒怎能不吃肉？牛、羊、豬、雞都有，更有幾種部位可選，建議趁熱吃。牛肩肉薄切帶點油脂，比牛味較重但較鞋的牛仔肉和金菇肥牛串香口。搭上蒜蓉包同吃，肉味更出。豬肉類以豚肉漢堡最好吃，肉汁中混有洋蔥，甜甜香香的。豚肉腸同帶甜味，又有香草，比味濃的牛仔腸更吸引。雞肉類好幾款都缺貨劃掉，連雞翼都無有點可惜，唯有點了脆身少油的雞皮。見任點的海鮮選擇一般，沒有一心想找的蝦，便加選了和牛海鮮盛 ($98/人)。果然是升級menu，有大蝦、鮑魚、翡翠螺和一口牛粒。大蝦燒起拆殼挑腸後，仍長及汽水罐，而

香港人愛吃日本菜是常識吧？！近年更興起一股放題熱，放題者，任點任食也，即自助餐，讓我們一眾吃貨可開懷大吃一番。而銅鑼灣近駱克道L Square就有一間專門吃日式串燒的放题店，以提供優質食材及採用火山石燒作招徠，上星期剛好跟友人經過，遂一起去試一下這新概念店。甫踏入店子就被牆上的東瀛浮世繪所吸引，配上其他日系裝飾及木器枱椅，加上微微昏暗的燈光，營造出一種傳統古舊的日式風尚，看得出店主的用心設計。爐上放滿了黑色的石頭,，這就是傳說中的日式火山石。以火山石代替平常的炭火燒烤，外觀和實際上都較衛生整潔，亦能保持穩定的温度，據店員介紹火山石燒最高温度可達近370度，能極速鎖住食物的水份，保持原有肉汁及鮮味，而且沒有碳火燒的“碳屎”及熱氣，食起來會較健康。店員更貼心的教路，燒爐的中間部分是最熱的，較適合燒肉類，右邊是較温和的可用來燒蔬果類，而最左邊沒有網的部分可用來燒貝類，能直接把貝殼類放在石頭上燒，不會弄髒食物，而且更能保留貝類中的水份和鮮味。枱面放有分別以小木筒盛載的三款醬汁，分別為蜜糖、燒汁和酸辣醬，讓客人燒烤時自行添加，另外還有黑椒、海鹽和七味粉等調味料可自由搭配。看過點餐紙，有著多款不同

最愛和朋友吃串燒，這次朋友建議來火山燒吃串燒，說用上火山石來燒食物，能保存食物的肉汁，而且是限時間任食，所以不怕前來一食。收費以不同時段有不同收費，正常是每2小時放題為HKD298/位，每位加HKD20可以任飲飲品。 先來枝山查蘋果，味道酸酸甜甜都幾開胃，食咁多肉都應該能幫助消化。 店員說要在岩石位置放生蠔燒，生蠔細細隻，剛好能燒到4隻生蠔。 宮崎生蠔，真係好細隻，都幾滑口鮮甜，好吃和必須再番點來食。 來自宮崎牛肩肉，切的薄薄很快便熟了，入口非常之嫩滑能，又能食到肉汁，還帶點牛的味道，好吃，需要番點來食。 豚肉漢堡，都幾大片厚身，都幾重肉的味道，還能吃到肉的汁，果然用岩燒是有點不同。 青口，也是放在岩石上直接燒，不過青都幾彈口，個人喜好來講，對於青口這樣燒沒什麼特別。蒜蓉法包，法包加了牛油蒜蓉，放在爐上烤，一點都不脆口，而且牛油和蒜蓉味較淡口，感覺一般。新鮮菠蘿片放上爐上燒，菠蘿肉開始為帶點黃肉，真的要花點時間才可以燒熟，但燒好的菠蘿很清甜，汁又多，好好味。 香草羊排肋，切的細細件，看上燒得幾靚，肉汁都很多，入口也吃不出羊的味道，肉質不乾之外還很腍，好味要番點

今日豬小姐同豬先生尼到人氣甚高位於cwb L.square嘅火山燒食串燒環境充滿日本風味 牆身嘅畫畫功好精細 好有覇氣 尼度嘅串燒係任食嘅 menu選擇十分多 大致分左前菜，「宮崎」即牛 ，「鹿兒島」即豚肉， 「土佐」即雞 ，水產， 野菜及別類 每人+$20可以飲品任飲 另外我地每人加多$88整左個和牛海鮮盛 尼度用上左岩燒石 聽講好處係比起一般嘅炭 燒出尼嘅食物溫度會更平均 有助鎖住食物汁液醬汁方面分左三種嘅 燒汁，蜜汁同辣醬 同時亦有提供海鹽，黑胡椒同七味粉講下豬小姐力推嘅和牛海鮮盛先 擺盤好有氣勢 賣相好吸引 冰鎮住嘅和牛粒，虎蝦，海螺，鮑魚 未燒已經好想食 可能驚我地唔識控制燒嘅時間影響質素嘅關係 和牛海鮮盛會由店員燒嘅 我認為好合理呀和牛粒油脂分佈頗平均 偏肥 脂香濃郁 仲有既juicy唔韌個下好得 對牛無嘜興趣嘅豬小姐都覺得唔錯 虎蝦十分巨型 蝦頭爆膏 蝦肉加上海鹽同黑胡椒去燒 彈牙口感配上惹味香料 帶出左蝦原有鮮味 有對比之下 海螺同鮑魚就比較普通了 但質素亦非劣貨 食得出係新鮮嘅一開波肚仔餓 係咁喪叫哈哈 雞牛豬都各叫左啲 本身唔太好肉嘅我就覺得無嘜特別了 識欣賞嘅豬先

不知從何時開始，節日都跟商業掛勾，每逢節日，食店都推出甚麼聖誕、新春、情人、復活大餐，商店亦提供節日優惠，彷彿不湊湊熱鬧，佳節就會白過一樣。但明眼人當然知道，優惠都是噱頭，目的都是要大家多花費，在這些時節買的吃的的費用，就足以在平日買到吃到更好更多了。所以我跟星仔都有一個共識，不會在大時大節吃甚麼大餐，買甚麼禮物，與其將金錢都花在這幾天內，倒不如花錢在平日的小禮物上，甚或去個旅行也不錯啊！所以今年的情人節，我們就選了吃日本燒烤。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊其實今次已是第二次光顧，因為食物不錯價錢也合理，所以兩個月後的今天就帶星仔一齊來光顧。今次到來，坐電梯時才發現原來食店共分兩層，難怪地方明明看來不算大，座位也寬敞，但竟可容納80位食客。食店為放題形式，分17:00-19:00/19:15-21:30/21:45-0:00/0:15-2:00四個時段，19:15-0:00為黃金時段($298)，而其他兩個時段則為非金黃時段($238)。每個座位上都設有這偌大的抽風機，不怕食得滿身油煙。爐上的火山石就是今晚的主角，因為一道道美食都要靠這火山石烤出來。有別於

在寒冷的天氣下最好食咩? 大家可能會選打邊爐, 亦可能會選擇外出BBQ, 但BBQ要約一大班人, 又要準備一大堆食物, 對於我這位懶人……還是喜歡吃串燒, 哈! 不過……燒好晒一串串給我, 好似欠了一點特色, 亦不夠火熱, 幸得朋友介紹下來到這座邊食邊燒的 “火山”, 挺有新意, 就來一頓"火山"放題晚, 收費不同時段也有優惠, 但可惜都不岩我們, 為星期一至四$298/位 (另加一服務), 而5:00-8:00pm和11:00pm後則有八折。一出升降機門已看到 “火山” 招牌高高掛, 而最搶眼當然是泥水牆身畫上多幅色彩繽紛的油畫, 每幅都細緻精彩 。店子的地方不大, 但枱與枱之間空間甚多, 正中間設有兩大張六人長枱, 一邊設有兩張二人枱, 而另一邊有三張闊落的四人梳化卡座, 最入處則有兩張六至八人的大梳化卡座, 令人坐得舒適自在。除二人枱外, 每枱均設有大型的抽煙管和燒烤爐, 賣點是選用日本富士山熔岩的石頭, 為日式正宗火山石, 最高溫度達攝氏370℃, 受熱均勻。烤爐主要分三部分, 其中沒有網的部分是用來燒貝殼類食品, 而有網部分的中間位置則是最熱。枱上放了三款以木筒盛載的醬汁,