備長

營業中

休息中

窩夫完成一個工作項目後去「備長」吃串燒慰勞自己。事隔幾個月再訪「備長」，新裝修比以前更光猛。一邊看餐牌一邊吃前菜($28)，椰菜、甘筍和青瓜都很新鮮，美味的秘製麵豉醬才是窩夫心目中的主角。食物選擇多了刺身壽司，職員說即將推出全新餐牌，令人期待。窩夫必吃的牛舌厚切($78)，厚度依舊，爽口彈牙又多汁，百吃不厭。鹽燒雞翼($32)的雞皮燒得香脆，鎖得住肉汁，水準之作。點了兩隻燒蠔(每隻$48)，蔥蒜醬油和味噌各有特色。蔥蒜醬油的調味沒味噌那麼濃，蠔味較為突出。鵝肝多士($88)的鵝肝非常厚，火候控制得不錯。柚子芥末墨魚串($38)最有驚喜，上桌時還在冒煙，墨魚鬚粗身雪白，非常爽口，柚子芥末酸酸辣辣，太好吃了。窩夫不是第一次在「備長」吃日本芝士年糕($28)，依然有驚艷的感覺，是窩夫眼中的「世一」芝士年糕。

餐廳：備長地點：銅鑼灣澳門逸園中心菜式：日式居酒屋餐牌：主打串燒，有多款牛羊豬肉雞海鮮蔬菜燒物，沙律，酒餚，煮物，炒物，揚物，食事等。另外黑板都有刺身壽司可選。每張枱都放有醬料，包括檸檬同自家制味噌醬。蔬菜條 $28 另加一坐低後就有新鮮蔬菜條，包括椰菜大大份、紅蘿蔔三條、青瓜三條，配自家制味噌醬真係幾好食。美國安格斯牛柳 每串 $78 另加一美國安格斯牛柳一串四件，面頭加上牛油，好邪惡。叫左三成熟，食落都算嫩口，唔會太乾，味道唔太濃，不過唔洗牛油餸都已經唔錯。牛肋骨 每串 $48 另加一牛肋骨一串好多肉，個醬汁好好味，肉質都好嫩，啖啖肉。牛舌厚切 每串 $78 另加一牛舌厚切超厚切，一串三件，燒得皮脆肉彈牙，真係啖啖肉，肉汁豐富，係我食過最厚切既牛舌。醬汁係同牛肋骨一樣。白鱔 $88 另加一白鱔一串兩大件，燒得皮脆肉多汁，好嫩滑，而塊肉係超厚，真係我食過最厚既白鱔。燒蠔 每串 $48 另加一燒蠔連殼上，可揀味噌或者蔥蒜醬油，我地揀左後者。蠔好大隻，肉質鮮甜，又唔會太散，味道唔會過鹹。餐廳有吧枱，有正常枱，都有房間。用餐環境不俗。特別欣賞呢度串燒大部分份量都好足，食物質素高！

一直都想試這間的串燒，今日終於約到朋友嚟試，真係值得推介👍🏻👍🏻食物質素&性價比高，相信會回訪😊.▪️牛舌厚切 $78🌟🌟推薦🌟🌟肉質鮮嫩多汁，咬落彈牙又有嚼勁，值得encore再叫。.▪️燒蠔燒蠔大大隻，超級肥美😍 可以選擇味噌或蔥蒜醬油味，我選擇了蔥蒜醬油味，咬落去不會掩蓋生蠔味，反而令鮮味更突出👍🏻.▪️荔枝豬肉卷 $38豬肉表面燒得很香口，因為豬肉薄薄地，一咬落去荔枝汁爆哂出嚟，超甜超Juicy，口感正👍🏻.▪️白鱔 $88魚皮燒到脆卜卜又唔會乾身，肉身好Juicy，鹽味令魚香更鮮美.▪️清酒煮大蜆 $108🌟🌟推薦🌟🌟我超愛這個清酒煮大蜆🫨 清酒濃香程度，比平時食嘅濃郁，清酒完全滲透喺大蜆入面，除咗保留了大蜆嘅鮮嫩彈性，亦帶來一絲絲甜味及芳香.▪️法國鵝肝多士 $88嘩😳鵝肝真係入口即溶👍🏻 又不會感覺油膩，正！.▪️海膽海鮮炒飯 $158炒飯份量超大份，海膽亦絕不吝嗇大大塊，配埋粒粒蜆肉、八爪魚、蘿蔔，蜆肉好似食極都仲有咁，海膽撈埋炒飯一齊食，簡直一流.▪️巨峰梳打 $40好多清酒 / 飲料選擇，價錢正常

今日朋友帶我食日本串燒，最後揀咗銅鑼灣嘅，備長。備長提供好多日式串燒，原來仲有泰國菜！不過琴晚先食完泰國菜，所以今日主要叫串燒🤩- 豚之大腸估唔到內臟嘅串燒都咁好味😍，豬大腸外脆內軟，而且無一般大腸嘅騒味，師傅將大腸切開一條條令口感更爽口。- 鹽燒白鱔肉質相當結實，外皮略嫌太焦，調味啱啱好。- 燒蠔我哋揀咗兩款味道包括味噌同蔥蒜，兩隻蠔都燒得啱啱好，味道鮮甜，味噌味會比較重口味，蔥蒜就比較清新，總之兩款都好好味啦😋- 牛舌厚切牛味非常香濃，肉質鮮嫩，絕對必叫！- 荔枝豬肉卷估唔到豬肉同荔枝味道可以咁夾，一甜一鹹，荔枝嘅甜味沖淡左豬肉卷嘅油膩👍🏻- 海膽天婦羅呢道菜有少少失望，外皮唔脆，不過入面海膽超甜，入面仲有紫菜令口感幾豐富。- 清酒煮大蜆大蜆份量幾多，味道清甜爽口，每隻蜆都滲透清酒嘅香氣。整體而言，每一道串燒都好出色，難怪備長喺銅鑼灣可以屹立不倒超過20年

「備長」屹立銅鑼灣十多年，窩夫起碼十年沒有去過，日前去吃 #串燒 慰勞自己。一個人坐吧枱，可以看到串燒的製作過程。吃串燒通常都多肉少菜，備長為客人準備的前菜($28)正好令晚餐的營養更均衡，椰菜、甘筍和青瓜都很新鮮，蘸師傅秘製的麵豉醬味道一流。牛舌厚切 ($78)和荔枝豬肉卷($38)都是人氣極高的招牌串燒。牛舌非常厚身，表面脆脆的，入面肉汁超多，爽口彈牙，誠意推介。荔枝豬肉卷($38)充滿果香，果汁補充了豬肉薄片的水份。燒蠔較常見的做法是芝士或蒜蓉，味噌燒蠔($48)較少機會吃到，蠔算大隻，味噌味濃但沒有蓋過蠔味，滋味得連汁都喝光。日本雞皮($32)燒至金黃色，加上菊花點綴，賣相吸引，口感香脆，不會吃到一口油。汁燒脆豬耳($38)比較少見，點一串試試，有驚喜呢。一上桌便傳來燒汁的香氣，咬下去有爽脆的軟骨，還有豐富的膠質，值得一試。壓軸有日本芝士年糕($28)，外脆內軟，用紫菜夾著來吃令味道更有層次。

來到銅鑼灣食串燒想不到今日既餐廳又幾好食。日本串燒店，但食材同烹調都係一流同埋我有張食500減200 coupon而家仲有得派架牛舌厚切 安格斯牛柳 先試兩款牛，重牛味，鹽燒已經好好食。特別推介牛舌，真係相當好食，好juicy 好重牛味 亦好有口感，建議可以先叫 ，因為聽到後面想叫時已賣光，荔枝豬肉卷 黑松露帶子蒲燒饅魚 荔枝豬肉卷是本台名物，真係幾好味，豚肉夾著甜甜荔枝。燒饅魚亦想當吸引，皮燒到帶點脆口。明太子雞翼 自家製免治雞肉棒 由於全部都係即製，真係好味道。免治雞肉棒真心想試，因為裡面又有脆脆軟骨，點個月見汁，真係好好食。日式芝士年糕 這個軟心芝士年糕裡面芝士流出黎，都真係好正，小心太熱辣嘴😍😍最後係一份-安格斯牛肉炒飯 138炒飯粒粒分明，加上安格斯牛肉，十分香，當食完串燒再加這炒飯，為今日這餐畫完美句號。

這家位於銅鑼灣的居酒屋已經有17年的歷史，是一家傳統的串燒老店。這裡提供了豐富的串燒美食選擇，讓人可以一邊欣賞師傅的手勢，一邊享受美食和美酒，是一個非常愉悅的用餐體驗。前菜的椰菜和青瓜條沾麵豉醬非常開胃，讓人食慾大開。炸芝士和蟹肉薯仔沙律都是必點的美食，前者外皮脆口，內裡濃郁的芝士味道令人回味無窮，後者則以新鮮蟹肉和薯仔混合而成的沙律，帶有輕盈的口感和豐富的層次感。牛舌厚切和露筍豬肉卷的菜式也表現出居酒屋的專業水準，前者牛舌切得厚實，肉質鮮嫩，搭配上薯仔的清甜，味道十分搭配；後者則是以露筍卷起豬肉，烤得鮮嫩多汁，讓人回味無窮。黑松露帶子和蒲燒鰻魚也是非常出色的菜式，前者帶有黑松露的香氣，讓帶子更加鮮美；後者則是烤得剛剛好，鰻魚肉質鮮嫩多汁，口感甜美。自家製的免治雞肉棒搭配上溫泉蛋，口感豐富，是非常值得一試的菜式。鹽燒雞翼和雞皮兩款菜式也非常美味，前者口感酥脆，後者則是鮮香多汁，是下酒菜的不二之選。最後，以日本芝士年糕和海膽海鮮炒飯結尾，兩款菜式都非常精緻，味道十分出色。整體來說，這家串燒老店的食物質量和服務水平都非常出色，讓用餐體驗更加愉悅。

今天介紹一家位於銅鑼灣旺區中的日式串燒店，經營了17年的老店，又有大量酒水提供，算是一家正宗傳統串燒居酒屋。首先來個輕盈前菜，奉上青瓜條、蘿蔔條、椰菜等，清新開胃菜。再介紹幾款店內推薦串燒：牛舌厚切 $78這款必叫！第一次能吃到牛舌外香Q彈帶濃厚牛味，火喉控制相當好，非常有口感！燒白鱔 $88皮脆香口是我每次到串燒店也必點的白鱔，吃到白鱔彈牙肉緊很嫩身。黑松露帶子 $58愛上黑松露的香，配搭帶子很一流。荔枝豬肉卷 $38薄薄豬肉片油香重，包著無核荔枝顆粒，一鹹一甜非常具特色！宮崎厚煙肉 $38放上芥末醬的厚煙肉，油香厚肉也非常邪惡，但每口也很彈牙！除了串燒外，都有其他湯品海鮮主食等美食：清酒煮大蜆 $108以大量清酒作湯底，直接喝喝出醇滑清甜，再吃大蜆也非常濃郁，推薦！安格斯牛肉炒飯 $138大大份的安格斯炒飯，牛肉粒真的炒得很香嫩很有鑊氣，而且用珍珠米炒得粒粒都乾身，怕串燒不夠的也必點！備長 Bicho📍銅鑼灣軒尼詩道525號澳門逸園中心26樓

正式進入秋天，開始想食返啲暖笠笠嘅嘢，今日就再去咗銅鑼灣呢間日式串燒專門店。未上菜之前，餐廳係枱面擺咗青瓜、蘿蔔、生菜等前菜，清一清味蕾。先嚟叫咗冷豆腐，豆腐滑溜清涼，作為前菜一流，除咗醬油調味之外，有木魚、番茄、青瓜做配菜，仲有一小撮薑，撈埋食有小小辣味吊味。之後開始食燒物：鵪鶉蛋，燒到外面蛋白爽口，入面嘅蛋黃好香。秋葵，外面加咗啲鹽令味道冇咁單調。銀鱈魚，燒得恰到好處，魚皮帶焦香，魚肉滑得嚟結實，味道小小甜，仲有沙律伴碟，唔會覺油膩。豚之大腸，以係係豬大腸，但相對之下醬汁較甜，皮亦較脆，燒完油份好出好邪惡。牛舌厚切，即使咁厚身仍然保持到口感軟嫩易咬。茄子，上面鋪滿木魚提升口感，燒完之後咬落更加多汁。白膳，既肥美又彈牙，魚皮燒至脆口。海膽海鮮炒飯，海鮮份量比想像中多，有魷魚、蜆等等。海膽creamy得嚟小小甜，加咗黑椒嘅炒飯味道更有層次。餐廳亦自動提供碗仔，非常貼心。食串燒最啱就配啲有氣嘅飲品，我就叫咗一杯High ball 降降溫。

自己不是嗜酒的人，因此比較從來未光顧過日式居酒屋，今天與朋友相約吃晚餐，想找個環境舒適又安靜，適合聊天的餐廳，見到這家居酒屋有很多好評，便前往一試🙂餐廳整體燈光偏暗，但吧台桌面有裝飾燈，令用餐環境不會過於昏暗。桌面整潔， 每枱也有酒精搓手液及濕紙巾提供，非常細心。首先會有一份小小的前菜，是新鮮的椰菜﹑紅蘿蔔條及青瓜條，蔬菜本來已十分清甜，若嫌不夠味亦可蘸點甜甜的味噌醬吃。除了用餐前，亦可於用餐期間吃一點清新口腔味蕾呢～這家居酒屋主要是串燒為主打，吧台位置可以欣賞廚師在開放式廚房料理串燒的過程，一邊望著廚師烹飪，一邊聞到串燒的香氣，已經令人急不及待開餐了😂非常擔心厚切的牛舌容易燒得過熟而過韌，想不到這裏的牛舌燒得剛剛好，保留了牛肉肉汁，非常驚喜，而且調味適中，沒有蓋過牛舌本身的牛肉獨有的香氣☺️柚子芥末非常驚豔，不是太刺激的芥末，配搭柚子的香氣，是清新的鹹香味～配合燒得外脆內軟的墨魚鬚，非常適合👍🏻將雞皮燒得香脆之餘，雞肉亦不會乾柴，非常juicy🤤海膽海鮮炒飯無論是海膽抑或炒飯的份量都意外的多🤩炒飯有紅蘿蔔、洋蔥粒、蝦仁、墨魚粒、蜆肉等，加入飽滿的珍珠米飯炒成，非常豐富。海膽入口有鮮甜味

慶祝朋友生日，朋友係居酒屋發燒友，姐做完research 後book 左銅鑼灣的備長，當日超好氣氛有幾枱都係慶祝生日！荔枝豚肉卷-豚肉肥瘦適中，唔會油淋淋-荔枝唔算太大粒但係十分香甜！牛舌厚切-燒得恰到好處完全冇乾冇柴，真的厚切，牛味好濃郁白鱔-厚切，皮燒到脆口，但肉身好juicy -略略加左鹽係面，更突出鱔味豚之大腸-洗得好乾淨完全冇腸臭味，唔似坊間的好多肥膏-燒到微焦，爽口！自家製免治雞肉棒+溫泉蛋-雞肉好juicy好嫩，雞味好濃，沾埋溫泉蛋有一種滿滿的蛋白質的感覺明太子雞翼-雞皮燒得好靚，微焦的。大量明太子係入面，明太子獨有的鹹香味更提升左雞的肉味柚子芥末墨魚鬚-墨魚十分厚切肥美，唔會燒到太乾-撘上柚子芥末送酒一流！胡麻豆腐沙律-日本豆腐好嫩滑，豆味濃郁-有大量沙律菜係底，夠哂清新

首次到來，室內燈光和環境具氣氛，感覺舒服。 前菜 一碟新鮮蔬菜，有椰菜、紅蘿蔔和青瓜條，帶着清甜味道。沾點日式味噌醬，這才發現這個混和甘甜和鹹鮮的日式味噌醬非常美味。 那種甘潤的甜鹹味道適合配搭任何食物，可提升美味程度。 牛舌厚切外皮烤得香口，內裡質感綿密，又帶點脆感。那份獨特的柔軟細緻口感，不是牛的其他部位所能感受到的。牛舌在口中散發着誘人的香氣，沒有膻味，越嚼越香。 荔枝豬肉卷以豬肉片卷着去了核的荔枝，豬肉片外皮燒烤得焦香。一口咬入去，充滿果汁的荔枝混和甘香的豬肉帶出清新的口感，還能中和油膩感，不錯的配搭。 燒蠔(味噌/蒽蒜醬油) ：兩款醬油可選擇，今次我選味噌。以惹味的味噌混和新鮮的生蠔來燒，更能突顯出生蠔的鮮味。燒烤過的生蠔肥美飽滿，口感嫩滑，非常滋味。 軟殼蟹天婦羅 薄炸漿裹着軟殼蟹。炸得外皮酥脆， 但不油膩。 海膽海鮮炒飯大大片的海膽鮮味無比，惹人垂涎。粒粒分明的飯炒得香口，加上鮮甜美味的海膽，啖啖滋味。

今日去咗銅鑼灣食串燒，揀咗呢間居酒屋，入到去揀咗坐吧枱，可以見到師傅即叫即燒。餐廳準備咗小小野菜同埋調味做前菜，俾食客清一清個口。去到叫咗唔少新嘗試嘅串燒，首先係自家製免治雞肉棒，配有蛋醬，點嚟食更香，免治製法嘅雞肉雞味濃之餘，咬落去質地稔身易咬。之後叫咗最近新寵白鱔串燒，鍾意佢香得嚟肉質結實，餐廳落咗黑椒同鹽調味，食落彈牙而且燒到脂肪啱啱溶，油脂感滿滿。荔枝豬肉卷，配搭幾新鮮，清新嘅荔枝肉令到豬肉冇咁油膩。主食叫咗墨汁炒烏冬，用烏冬煮真係比較少見，但係烏冬比意粉粗同吸水，所以好入味。而且加入咗墨魚鬚同豚肉（有驚喜因為本身黑得滯睇唔到），豚肉嘅調味鹹鹹地，同炒烏冬好夾好好味。炒雜菜分量算多，亦唔算好油，係健康之選。牛舌厚切，名副其實嘅厚切，好厚身好好肉地，食落彈牙而且有串燒嘅焦香味。串燒豆腐外皮炸過，好香脆，仲有醬油調味。最後叫咗串燒粟米，上面搽咗牛油，好香好甜，仲好 juicy好多粟米汁。嘢飲就叫咗烏龍茶 sake cocktail，茶味清清地可以消滯，同時又有sake，一次過滿足曬兩個願望。

購物日去銅鑼灣逛逛後, 就直接去了1間居酒屋, 以1餐串燒作句號.餐廳在澳門逸園中心上, 不會過份喧囂. 餐廳裝飾偏暗, 很有情調, 令人放鬆. 抽氣系統非常利害, 開放式的串燒廚房亦無油煙味.前菜新鮮的蔬菜作為一餐的開始和不同的串燒之間的緩衝, 實在細心.牛舌厚切厚切不止保留了牛舌的口感, 更充滿肉汁, 鹽燒已經足夠發揮食材荔枝豬肉卷少見的配搭, 荔枝燒過後的清甜與豬肉非常合襯, 有趣的料理柚子芥末墨魚鬚墨魚鬚燒得剛好, 彈牙爽口豆腐精緻但反映出廚房的細心, 先炸後燒仍保留豆腐的嫩滑明太子雞翼雞翼起骨填滿明太子, 唔錯燒飯團(三文魚)不會過多醬油而太燶牛肉稻庭烏冬份量十足, 誰說居酒屋吃不飽總結: 每款美食都十分精緻, 味道上反映廚房對食材味道追求的細膩. 在如此情調的地方品嚐美食, 作為假日的完美句號.