大公館

營業中

休息中

🇭🇰大公館·呢間餐廳係喺荔枝角D2 Place上面既 佢裝修好靚 而且坐得好舒服 嘢食都唔錯 好適合同屋企人嚟食😌😌·金甲脆魚皮$78 l 川味口水竹絲雞$118 l 話梅鐵棍淮山$78前菜方面佢個魚皮份量好多 而且佢個鹹蛋黃上得好均勻 惹味得黎唔會太鹹 好好味🐟之後個竹絲雞佢係做到好似水晶餚肉咁樣 食落口感都好特別🐤之後佢個淮山都好爽口 配埋佢個酸酸地既汁幾開胃😎·招牌黑毛豬叉燒$248 l 三色藜麥金沙蝦球$258 l 特色脆皮京都骨$198 l 蝦乾啫啫芥蘭煲$148之後佢個叉燒肉質都好好 調味都好好 不過我就略嫌佢個部位肥左少少 不過都好味既🐷之後佢個金沙蝦球入面粒蝦超大粒 好新鮮好彈牙🦐個京都骨個脆皮超脆 個做法有啲似冰鎮咕嚕肉 口感好好 最後個啫啫芥蘭煲都好有鑊氣🔥🔥·金瑤櫻花蝦蛋白炒飯$188 l 清心柚子糕(4件)$64之後佢個櫻花蝦炒飯都炒得好香 好乾身 唯獨是佢個柚子糕我自己覺得對我黎講有少少太澀 可能嗌其他傳統啲既甜品會好味啲🤣🤣 ·#rbyeat#rby中菜#rby荔枝角·📍荔枝角長義街9號D2 Place 1期10樓A號舖

難得大家都得閒，緊係要帶下屋企人去食下啲正嘢啦。//川味口水竹絲雞//第一次見有餐廳用竹絲雞整口水雞肉質好嫩滑，食落好似食緊啫喱咁爽//桂花蜜燒去骨鴨腳包//清甜嘅桂花蜜配鴨腳包原來都好match食落桂花蜜唔會搶晒其他食材嘅味道，仍然保留到火腿嘅鹹香，加入雞腎更帶出多層味道。//特色脆皮京都骨🔥🔥🔥//今晚嘅最愛一定係特色脆皮京都骨！每啖食落都脆卜卜、好香口肉質好軟嫩juicy淋面嘅醬汁酸甜度啱啱好，所以食多幾舊都唔覺得膩//黑松露和牛沙窩飯🔥🔥🔥//一打開煲蓋就聞到好香濃嘅黑松露味和牛亦好足料，每羹飯都有和牛粒因為係砂窩飯，一路食仲可以一路刮飯焦添💕真係啖啖都係享受//懷舊芝麻卷//成卷都好濃芝麻味，又好滑食得出真係非常濃郁嘅黑芝麻味，同街邊食開個隻菲林完全係兩個level😍整體service好好，啲菜式會慢慢上，基本上食完一兩樣先會再上下一道菜，唔怕食物會凍，又可以慢慢食真每一道菜。餐廳環境清幽，檯同檯之間都夠晒防疫距離，最岩一家人一路食飯一路傾下計

難得九龍區有裝潢氣派的中菜廳，原來也開放予非會員用膳，最近終於品嚐到大公館的菜式食材搭配及擺款的確與別不同，而且環境舒適，服務得宜。 炸魚皮的鹹蛋黃比例恰到好處，色澤黃金但不過鹹，酥脆得很 前菜小食清爽開胃，不經不覺吃了大半才拍照，哈哈～ 鴨腳包已經去骨，取而代之包了芋頭，口感豐富，外頭是甜蜜的桂花蜜。 竹絲雞肪脂較少，還有彈口的啫喱狀膠原蛋白，吃起來麻辣卻輕盈，沒有半點口水雞的油膩感 銀鱈魚球嫩滑啖啖肉，灑上脆口的豆酥，層次鮮明美味 京都骨的賣相有特色，肉質像魚般幼滑，脆皮酸甜惹味。 金沙蝦球酥香彈牙，三色藜麥代替辣椒蔥花，更加健康。 娃娃菜新鮮清甜，充滿豆香。 熱騰騰的黑松露和牛砂窩飯香氣逼人，米飯粒粒分明，非常可口 芝麻卷煙煙韌韌考功夫，是現在不常見的懷舊甜點，實屬一道完美結尾

大公館一直係我必試list好耐,今日難得約到朋友一齊聚會一定要食得好d.呢到環境好舒服又唔會好嘈,係一個幾好既地方同朋友聚下,一邊傾計一邊慢慢品嚐美食.川味口水竹絲雞將竹絲雞以肴肉方式製作,相當特別.呈烏黑色既竹絲雞香滑,成啫哩狀既精華濃郁鮮甜.口水汁麻香又帶住辣椒香,辣味香而不嗆.金甲脆魚皮酥脆魚皮上塗上一層鹹蛋黃,味道濃稠帶住咸蛋黃既鹹香.桂花蜜燒去骨鴨腳包外層晶瑩透亮,入口帶住桂花蜜清香,味道味而不膩.鴨腳包啖啖肉,鴨肉嫩香肉味濃.中間夾住芋頭增添一層粉香既芋泥味.三色藜麥金沙蝦球蝦球經炸香後混上鹹蛋黃,入口同樣香濃惹味.三色藜麥入口煙韌,為炸得卜卜脆又爽彈既蝦球再加添層次感.特色脆皮京都骨外層帶住拔絲既外層,入口香甜帶點酸酸甜甜,剛好中和油炸既油膩感.脆皮京都骨炸漿薄脆,內裏又帶位肉香.脆香豆酥蒸銀鱈魚球蒸蛋白上雪白既銀鱈魚球嫩滑鮮香,鱈魚帶住一陣魚油甘香,魚肉肉質結實唔會一夾就鞋,入口充滿彈性.味道同樣帶點麻辣香但唔會掩蓋鱈魚本身既鮮味.豆漿杞子鮮黑腐竹浸時蔬豆漿芡汁香滑重豆香,配上津白相當creamy濃稠.黑腐竹同樣充滿濃郁豆香,腐竹掛上豆漿芡汁後豆味更突出.黑松露和牛砂窩

🥣金甲脆魚皮用鹹蛋醃製既金黃色魚皮 超吸睛🥴魚皮唔會有好重油味 陣蛋黃香味停留係個口裏面 好正🥰😚🥣川味口水竹絲雞（冷盤）肉同肥膏比例均勻 因為係冷盤 肥膏都雪到啫喱狀食落去d肉夾雜著啫喱 口感得意 幾開胃🐽🥣桂花蜜燒去骨鴨腳包一層甜甜地既密燒鴨皮 包著鹹鹹地既肉 入口鬆化 好特別既組合🥣三色金沙蝦球有半個手掌咁大嘅炸蝦球 用蛋黃醬醃製 加上藜麥片做點綴 好大體 絕對可以喺大場合出現既餸✨🥣黑松露和牛沙鍋飯值得讚嘅係炒飯放喺砂鍋裡面可以保溫🥰好香濃嘅黑松露味 唔係講笑 啖啖飯都食到和牛 份量仲要好多抵食🤪🥣金箔懷舊芝麻卷可能係全香港最好味嘅芝麻卷由細到大都有食街邊嘅芝麻卷但真係第一次食到咁濃郁 香滑嘅芝麻卷仲要有金箔裝飾 食完正餐保證可以自己自私食曬佢😤🥺

好似好耐冇嚟D2 place喇原來呢到多咗咁多嘢食！今次叫咗幾個朋友一齊嚟食新潮少少嘅中菜，環境闊落舒服，唔會太多人太嘈雜，好適合幾個朋友嚟傾下計慢慢食飯(｡･ω･｡)ﾉ金甲脆魚皮🐟鹹蛋黃加魚皮呢個經典組合(=´∀｀)人(´∀｀=)有一排好興呢啲零食，個時hit到周圍都賣唔到！黃金酥香好適合做開胃菜。桂花蜜燒去骨鴨腳包🍗鴨腳去咗骨塞咗唔同餡料入去，唔知入面包咗啲咩呢口感好豐富，大啖食落好滿足٩(˃̶͈̀௰˂̶͈́)و川味口水竹絲雞🐔呢碟大家都好滿意一夾再夾ʕ •ᴥ•ʔ我自己就幾鍾意佢上面嘅配料一齊食好清新，雖然話係川味但係佢唔算好辣，唔會麻不過好香，收碟嘅時候姐姐仲話好多人好鍾意個汁會留嚟送飯添'(*ﾟ▽ﾟ*)'三色藜麥金沙蝦球🦐真係好鍾意食鹹蛋黃所以又叫咗呢碟金沙蝦球٩(˃̶͈̀௰˂̶͈́)و蝦球肉嫩爽甜而且好大隻，非常滿意！特色脆皮京都骨🦴睇個樣完全估唔到係京都骨！原來係起咗骨，再炸成一舊漲卜卜方形，真係好有特色(｡･ω･｡)ﾉ外層酥脆再裹咗一層甜甜酸酸嘅醬，好開胃。脆香豆酥蒸銀鱈魚球🐟呢碟大家又係讚不絕口，有人鍾意下面嘅蛋白奶凍(?)，有人讚個魚好滑，都有人讚個豆酥好香，唔知食咩嘅話叫呢碟應該都冇錯㗎啦

因為家住美孚，過嚟荔枝角都好方便，所以，間唔時都會過嚟食飯，「大公館」這家店早有聽聞，有啲會所嘅格局，最初因只招待會員，又帶點神神秘秘之感，不過，最近聽位去過嘅朋友講，其實都唔喺咁神秘，只喺屬高檔消費而變得感覺無咁親民啫。有時道聽途說，好多嘢未必咁真，今晚嚟大公館嘅萬慶軒食飯，就知確喺高消費，價位可以講唔喺咁親民。雖然未至於做到鬼斧神「公」，但用料精，手工細緻，而且，環境又唔會有太高不可攀嘅感覺，讓人用餐舒服。由門面到內廳，都極富中國色彩，環境卻又不失高雅。右邊一排喺一個接一個嘅廂房，但據了解，如果無人訂房 亦作為堂食散枱之用。講明消費高，淨喺品茗，茶錢都收$28-$38位，但款款都喺靚茶。我哋揀飲福建安溪鐵觀音，茶色清徹，茶味醇厚芳香，誇張啲講，入口真喺有份心曠神怡，就連茶壺都精緻過人。餐前小食喺烤麩，比起啲花生、蝦片、酸菜更有誠意，烤麩入味又咬口。餐牌有兩大組，一個主餐牌，喺各式散點菜式，另一個就主要擺咗各式套餐，如午市商務套餐、尊貴晚市套餐及一些6人晚市套餐……等等。我哋所食嘅喺尊貴晚市套餐，會員價每位$648，非會員就要$708 + 10%，兩位起。先上嘅前菜，就有4款精緻嘅美

荔枝角、長沙灣以往是工廈的集中地，抹不去一股工業的沉悶，不過自從數個大型住宅進駐後，工廈活化逐漸讓那裡變得豁然開朗、打破獨沽一味的形象。早前到過荔枝角一家日本餐廳用膳，地理位置非常便利，與港鐵出口只是一段小馬路之隔，對路癡也不是問題。我跟此地原來緣份不淺，數月後竟又遇上機會到訪同一商業中心的另一食肆。「大公館」是近期最具魅力的新食肆，光以食肆來形容，似乎未夠全面。皆因「大公館」是結合美食、藝術及音樂於一身的私人會所。甫進門，在中式高雅的用餐環境下，可欣賞到不少藝術擺設，當中朱銘先生的太極系列尤為奪目。讓我們先來體會美食的一環。川味口水竹絲雞以肉質扎實的烏雞取替傳統的三黃雞，辣度未算強烈，蒜香卻甚為突出！隨後是有如騰雲駕霧的清香柚子凍鮑魚，夢幻的視覺效果先來加分！鮑魚製法創新，以凍食及清新甜香的柚子味示人，底部盛上飽滿的柚子粒，將鮑魚換上跳脫的一面！香料層次分明，混合爽彈的海蜇頭，與及清香的番石榴粒，涼伴海蜇頭帶出酸甜與微辣的惹味！嚐過「大公館」的三小碟後，兩位中樂演奏者出場，即席為食客奏樂，增添氣氛！「大公館」的招牌黑毛豬叉燒，將新派選料揉合傳統製法，終於可讓我回味從前喜歡的叉燒味道。