食神麗宮

營業中

休息中

放左工之後揀咗間由食神戴龍師傅主理嘅中菜館，師傅係香港四大名廚之一，中菜館堅持唔用味精雞精，只選用純天然山珍野菌同生曬豉油調味，非常期待嘅一餐。特醬燒乳鴿乳鴿皮脆肉嫩，肉汁豐富，特醬嘅香味係恰到好處，突出乳鴿嘅自然美味。蝦籽山根燴花膠花膠同埋山根吸收咗蝦籽精華，每一口花膠充滿住蝦籽嘅鹹香味，配料豐富，仲有燒肉、香菇、蔬菜。上湯波士頓龍蝦伊麵波士頓龍蝦肉質鮮嫩彈牙，每一口都能嚐到龍蝦嘅海洋鮮甜，伊麵吸滿哂龍蝦嘅精華，每一啖都係鮮美嘅滋味。花生糊今晚甜品係花生糊，質感細膩而香甜，飲完暖笠笠。

食神麗宮 位於西環西營盤, 有兩個入口, 正門設於德輔道西, 門面很有氣勢. 側門可由  華大盛品酒店 入. 酒家內有食家明星照片, 相當耀眼.存有不少中外名酒,   可供食客品嚐.不乏飲食行業頒發的獎杯和金牌.食堂燈飾華麗美觀, 座位舒適, 並設有 VIP房,侍應安排座位,  開茶及送上餐牌, 好有規律. 大家飲口茶食些餐前小吃,  感覺水滾茶靚, 花生好脆口. 餐牌有多頁,  第一頁介紹食神總策劃戴龍師傅, 之後彩頁餐牌介紹菜式好清晰, 選擇冇難度, 價錢豐儉由人.  我們叫了燉湯和小菜,  上檯夠熱, 雲腿螺頭鮑魚燉雞:  冬天飲燉湯最好,  滋潤暖胃. 真材實料, 有雲腿, 螺頭, 鮑魚,  雞, 瑤柱碎, 瘦肉. 燉湯夠火候, 香濃可口, 有益又好味.特醬燒乳鴿一隻,  皮脆脆, 肉厚厚,  特別喜歡那 鹵水料的香味,   脆皮底下的 肉好鬆軟,   肉厚而不肥,   很滋味,  山楂汁脆蝦球, 蝦球好巨型, 有六隻, 伴有菠蘿, 三色椒炒, 有鑊氣. 蝦球肉質新鮮彈牙, 山楂汁開胃, 調味非常好, 酸甜度剛好.蒜子火腩紅炆班腩,   上檯已香氣撲鼻,  蒜子好香又惹味, 

已經唔係第一次嚟呢間由名廚「戴龍師傅」開設傳統中菜。戲棚粥 $68 用鱔魚同龍蝦熬製，再加上鱔魚球、魷魚片、冬菜、香芹等，加埋油炸鬼脆粒，必食💯工夫小炒皇 $138用上好嫩嘅韭菜花同韭黃，、豆腐乾、炸過嘅白飯魚、蝦乾等等，同茶餐廳食到嘅用料有d唔同，好明顯材料都係揀選過，全部都係好優質嘅👍炸新鮮魚塊 $128用好新鮮嘅石班造成6大件，炸得剛好，肉質鮮嫩，仲配埋個酸甜汁，好味😋特醬燒乳鴿 $48原隻上，特製醬料醃製的燒乳鴿，好入味，皮脆肉嫩滑😋雙蝦通菜煲 $138雙蝦係大大隻蝦乾同蝦醬，比較少食蝦醬，怕咸，呢個蝦醬唔太咸仲好香蝦醬味，菜好嫩😋紫米露飯後仲奉送是日糖水，紫米香甜軟糯，好味🤤呢間用料用心，食物有質素又冇味精，價錢仲好親民，推薦💯

由名廚「戴龍師傅」開設，即係周星馳電影《食神》中出過鏡嘅中菜顧問同《喜劇之王》入面要初戀感覺嗰個客🤭戲棚粥 $68 據聞以前一邊看神功戲，一邊品嚐嘅潮州粥，所以叫戲棚粥，湯底通常以豬骨或鱔魚淆成；而呢個係高級版嘅戲棚粥，用鱔魚同龍蝦熬製，再加上鱔魚球、魷魚片、冬菜、香芹等，加埋油炸鬼脆粒，超好味，必食💯山楂汁咕嚕肉 $128呢個好特色，係用山楂汁，酸甜好醒胃，仲有大大嚿新鮮菠蘿，必食💯蒜香玉乳脆鱔球 $168鱔球新鮮又彈牙，炸粉唔厚，好惹味😋特醬燒乳鴿 $48原隻上，以特製醬料醃製的燒乳鴿，好入味，皮脆肉嫩😋食神皇帝炒飯 $188錦鯉魚造型夠精緻，仲有超多蟹籽、帶子、蝦、雞蛋同青豆，用精選靚米同糙米，再加埋天然生曬嘅盆抽，啖啖都勁多配料，米飯粒粒分明👍五豆粥飯後仲奉送是日糖水，健康又好味呢間食物有質素，價錢親民，座位寬敞，推薦💯

啱啱過完農曆新年，仲有holiday mood, 又未要加班，放工後就俾朋友約去食佢留意咗好耐的中菜館，話有名廚主理，搞到我好期待。今日星期一係平日晚市，唔算多人。環境跟一般茶樓一樣普普通通，但勝在有空間感，唔會枱貼枱。有食神加持的餐廳會以為好貴，但睇睇餐牌，居然有驚喜唔貴wor，定價都算合理，就唔使諗咁多就叫了幾個小菜。特醬燒乳鴿（$48隻）- 係招牌菜之一乳鴿。皮燒得脆，而肉質保持鮮嫩多汁。叫咗一隻，越食越滋味，下次可以一人一隻。皇室咖喱牛腩配長城饅頭（$168) - 另一個招牌菜。牛腩份量多，肉質算淋並且非常入味。咖喱香濃，帶辛香微辣。我同朋友都大愛長城饅頭，味道帶甜同咖喱好夾，饅頭有厚度，沾完咖喱汁，入口都外脆內軟。蒜香玉乳脆鱔球（$168) - 味道偏濃，非常脆口，而個鱔的生熟度是剛剛好，肉質嫩口。最後，仲有兩碗糖水送。小插曲見到食神出現同熟客打招呼，我仲聽到佢地講呢度冇味精，冇雞精，食得安心。

得朋友口碑，今晚偕同家人到「食神麗宮」吃晚飯。未嘗佳餚，在大堂先分享飯店琳琅滿目的輝煌紀錄。打開餐牌不難看到多款傳承與創新的菜餚，最吸引眼球是$48一隻的特醬燒乳鴿，晚市這麼抵食不妨好事成雙，一飽口腹之慾！一對特醬燒乳鴿隨著香味撲鼻而至，第一次看見如此有禮的跪地乳鴿，熱辣辣的乳鴿，皮脆之聲隨剪刀落下而出，酥香皮脆，肉汁鮮美豐沛！戲棚粥- 是「食神麗宮」戴師傅創作升級版，用門鱔骨及龍蝦熬湯，配料再加上魷魚片、門鱔打成的魚球、潮州冬菜及香芹等，將湯撞上煲至起花的泡飯上，味道非常鮮味，我除了嘗味，還像上了歷史的一課，原來戲棚除了欣賞大戲，還有如此美味的戲棚粥。蒜香玉乳脆鱔球~豉汁蒸白鱔就吃得多，嘗味脆鱔球還是首次，脆香的鱔球，咬落啖啖鮮嫩白滑鱔肉，的確令我們回味無窮！椒鹽百花釀生曬吊片~很有新意的配搭，吊片釀入蝦膠，鮮味彈牙，加上油炸的香口鑊氣，真正齒頰留香。上湯龍蝦燴伊麵~原隻龍蝦燴伊麵又是非常抵食，龍蝦肉爽彈鮮甜，伊麵掛滿上湯滋味無比。兩款免費糖水奉客:芝麻糊與紅豆糖水，我擇紅豆糖水，滿滿的陳皮香味的起沙紅豆糖水，甜度適中，真的想再添一碗噢！今個晚上我們食得開心，也享受著新頴的飲食體驗，

成日行過都被招牌”食神”吸引到，位於酒店G/F. 今次終於來試下有幾”神”. 特醬燒乳鴿-本身諗住叫食神雞但原來要預訂，餐廳話乳鴿都係招牌菜一於試下-乳鴿好肥美！坊間的好多都係冇咩肉食，但呢間係食到啖啖肉！-個醬汁十分入味但唔會太鹹-燒到剛剛好，入面仲好juicy 金絲脆蝦球-有6大隻，蝦肉十分爽口彈牙，好新鮮-岩岩炸完就上菜，熱辣辣好滿足, 餸飯餸酒都一流。紅燒大排翅-好耐冇食過翅了見到食神有就即叫-份量十足！叫左一碗，姐同朋友一齊食都好夠-完全唔係碎翅，係有質素的大大塊魚翅，好似扒咁厚肉-芽菜另上，加埋食夠哂口感金銀蛋上湯豆苗-豆苗份量好大，有2-3人的份量。-湯底唔鹹，金銀蛋好足料

與家人撐檯腳吃傳統中菜。在HKU MTR附近這間中菜館，由電影《食神》的原型食神－名廚戴龍師傅開設。是晚恰巧遇見戴龍師傅也在場座陣，有初次來到的客人告訴他是特意慕名而來，部份熟客也跟他有傾有講，友善親民。特醬燒乳鴿 $38粵菜中個人最愛的小食之一，一上桌看到油光閃閃就垂涎欲滴，店員細心提供即棄手套和剪刀方便食用。乳鴿本身較瘦小，熱辣辣配上簡單調味已經很美味。15年陳皮話梅骨 $118採用肥瘦相間的腩肉和豬軟骨，肉質鬆軟淋滑，主角陳皮話梅汁酸酸甜甜，把豬肉煮得入味，惹味程度爆燈，醒胃下飯，而且份量不少，令人一口接一口，確實是白飯小偷。蒜香玉乳脆鱔球 $168雪白的鱔球裹上脆皮，再用蒜蓉、紅椒、南乳等香料爆香快炒，鹹香滋味滲入每一顆鱔球，啖啖肉無負擔。金針菇炒豬面肉 $118本身Order的是茶樹菇炒豬面肉，可是茶樹菇Sold Out，所以以金針菇取替。豬面肉有點像豬頸肉，肥瘦混雜，肉質爽脆彈牙，油香豐腴。這類油物配上配上瘦物蜜糖豆，油膩感瞬間Balance。古原蠔油牛仔肉 $96好有住家飯風味，還多一點大廚的鑊氣。以蠔油大炒牛仔肉片、冬菇、萵荀和蒜頭等配料，新鮮即炒熱辣辣。晚餐有附送喳咋

下班後約了朋友到西環的一間中菜館吃個晚飯。中式酒樓格局，店內的一邊有包廂，包廂內似乎很熱鬧。點了一隻特醬燒乳鴿($38)，乳鴿皮脆肉嫩，外層的薄皮香脆而不油膩，能沾上惹味自家調製的醬汁。鎖著內層的肉汁，把脆皮和肉同時吃下，便能同時嚐到乳鴿的肉香和脆皮。雲腿螺頭鮑魚燉雞($88)，燉湯非常香濃，燉的時間足夠，所以湯有各種食材的味道之餘，湯渣也十分好吃。鮑魚入口夠嫩，入口有嚼勁，底下有大量瑤柱碎，肉也被燉得軟腍。金絲脆蝦球($188)擺盤精緻，每一隻匙盛着一隻蝦球上桌時能聞到頗香的油炸味，趁熱吃口感更佳。毛茸茸的金黃色大球，咬下去嚐到兩種不同的口感，大蝦球多肉爽口，金絲酥脆可口。山楂汁咕嚕肉($128)，山楂的酸甜味令咕嚕肉變得更可口。這道菜還附上一碟山楂汁，喜歡吃更濃味的人，可把汁澆到咕嚕肉上，但本身這道菜的味道對我倆而言已非常足夠，不用再加額外醬汁。咕嚕肉的外層也煮得入味香脆，是一道很開胃的菜，很適合拌飯吃。金銀蛋浸時蔬($88)，份量和用料十足，頂層鋪滿幼滑的蛋白絲，混着大量皮蛋粒和咸蛋黃粒，配上新鮮嫩滑的菜特別入味。不論單吃還是拌飯吃都很適合。絲苗白飯($13)，點了兩碗，配山楂汁

朋友說起當年電影《食神》是以食神戴龍師傅為原型取材的。而戴龍師傅在西環開了一間名為「食神麗宮」的中菜館，正在想那日可去嚐嚐。既然想去，就不要再等，即拉着朋友去。裝潢以傳統中式酒樓格局。菜單上提供多款經典粤菜和懷舊菜式。著重烹調佳餚，不採用味精和雞粉。❣️ 特醬燒乳鴿 $38乳鴿以自家調製醬料醃製。乳鴿表面呈醬红色，燒得表皮帶脆，油光而不腻。內裡鴿肉入味，令人滿口鹹鮮，香酥入骨，鴿骨也帶甘香味鮮。❣️ 煎牛柳 $118厚切牛柳肉質軟腍，口感鬆軟。掌握火候得宜，鎖住肉汁，肉質不乾，伴以爆香帶甜的洋蔥，牛柳牛肉味濃，且帶鑊氣。❣️ 15年陳皮話梅骨 $118話梅骨肉質酥軟，味道鹹酸帶甜不膩口。加入果味清香的陳皮，話梅骨的肉香提升，味道層次更豐富，亦減低話梅骨的油膩感。酸酸甜甜的味道很特殊，越嚼越甘甜，是一道特別醒胃的下飯菜。❣️ 山渣汁脆蝦球 $128色澤偏紅的山渣汁脆蝦球，表面脆醬不厚還帶脆，蝦球體積大而爽口。山楂汁的酸甜味道有層次，帶有酸香氣息。喜歡重口味的，可再蘸汁，風味獨特的山渣汁濃郁滋味。❣️ 蒜香玉乳脆鱔球 $168鱔球肉質新鮮彈牙，厚肉已去骨。濃郁惹味的蒜香味道，令鹹香的脆鱔球非常香口。

今日收工同朋友去食咗中菜，揀咗呢間中菜餐廳（食神麗宮)，餐牌上有不同種類的中菜，有好多外面都食不到和一些特別菜式，還有所有菜式都唔會太鹹和沒有落味精，令顧客食得健康。1. 特醬燒乳鴿乳鴿係原隻上，原汁原味，外皮脆卜卜，內裏熱辣辣和多肉汁，食得出和外面餐廳絕對有分別，呢隻乳鴿不需要點用任何配料已經非常夠味，可以用手套抓住成隻乳鴿黎食非常有風味。2.山楂汁脆蝦球炸蝦球好大隻，亦有好多粒，爽脆彈牙配上山楂汁酸甜開胃好特別，配上青椒和菠蘿非常夾3.魚香茄子煲茄子煲非常有鑊氣，熱辣辣，茄子切得大細適中，配上鮮肉碎非常夾，味道不會好鹹，食到最尾都不會覺得好油膩。4. 吊片炒粉絲粉絲煲用料好豐富，有好多粉絲，魷魚等不同配料，粉絲入口香味好濃郁，粉絲炒好乾身，食落有煙韌口感。5. 生炒2吋菜芯每條菜心大細均勻，新鮮爽脆清甜，燒肉脆卜卜，炒埋一齊一啲都唔油膩最後餐廳贈送甜品黑芝麻糊一人一碗，芝麻糊甜度剛好，入口充滿芝麻香，濃稠度適中。總結值得推介呢間懷舊中菜餐廳，款式特別，值得推薦。

星期六想食中菜，行到去水街附近諗起隔離有間酒樓，就決定喺度食個晚餐🥢。原來餐廳名叫「食神麗宮」，好盞鬼喎。呢度環境正正常常啦，一般酒樓格局，燈光都算幾明亮。另一邊廂，店員們態度友善，並主動關心客人需要，例如及時送上濕紙巾，抵讚👍。餐廳原來大有來頭，👨🏻‍🍳由戴龍師傅主理策劃，佢係邊個？咪就係周星馳電影食神嘅原型囉🎬，佢更係香港四大名廚之一。餐廳菜式選擇繁多，實在令人眼花撩亂，而定價就屬中等水平啦。原隻龍蝦炒乳酪($268)，餐廳門口有幾個魚缸，嗌龍蝦的話，姐姐就會即刻捉一隻入廚房畀廚師整。🦞波士頓龍蝦幾大隻，但肉始終唔多，幸好肉質爽彈。菜式名稱所謂嘅炒乳酪同想像中有啲出入，因為我覺得似炒蛋白多啲🙈，不過都OK嘅，而且入面都加咗蝦肉。戲棚粥($68)，呢個即係潮州粥🥣，估唔到一人份都幾大碗，可以當主食。潮州粥其實似泡飯多啲，湯底係龍蝦湯，飲落鮮甜又惹味😋，最緊要係熱辣辣。同時，泡粥仲好足料，例如有大量魚片同魷魚等；而伴旁嘅油炸鬼粒粒則脆卜卜。醬皇煎牛柳($118)，煎牛柳有成六大件🥩，質感都算嫩。調味方面好新穎，有啲似日式麻醬溝菠蘿汁，味道酸酸哋。除咗牛柳之外，伴菜仲有西蘭花、洋蔥同菠蘿