十八座狗仔粉

營業中

休息中

出旺角買嘢，撞啱午餐時間，就先去食個狗仔粉先再去買嘢。比午餐時間早少少到（就快12點），咁可以食得舒服啲。今日食咗狗仔粉。食狗仔粉，一定要加辣菜甫，加咗真係生色不少，真係想另買辣菜甫返屋企。咁佢本身個湯底都好好味，好鮮甜。另外一樣想叫的就係 “飛天脾”，大大隻燒鴨脾，見到已經開心，連住啲火鴨翅，好滿足。不過響街食就有啲狼狽，成隻揸住食，好易食到成手成面都係。所以有時行完街都會外賣隻飛天脾，返到屋企先慢慢食。

狗仔粉喺香港嘅傳統美食，而家已經唔係好多地方有，暫時覺得最好食嘅都係十八座狗仔粉。佢哋嘅湯底真係熬製出嚟，少許鮮甜，而且配料好多，佢哋嘅菜脯係必食，有辣有唔辣，本身狗仔粉店家已經預先放咗唔辣嘅菜脯，同埋好多蔥，唔食辣嘅朋友記得提早講要走青，另外佢哋有自家製嘅辣菜脯，用咗好多種唔同種類嘅辣椒🌶️製成，辣度非常高，食得辣嘅朋友會好鍾意。另外佢哋嘅狗仔粉食落去亦唔會過林，咬落去有少少咬勁。我另外佢哋嘅魚蛋亦不錯，用咗陳皮魚蛋，加埋佢哋嘅秘製咖喱汁，由於陳皮魚蛋比較細粒，所以好容易入味。

狗仔粉係香港傳統街頭小吃之一，亦係絕對能夠代表香的港美食。以粘米製成，麵條形狀與狗的尾巴相似，名為「狗仔粉」十八座狗仔粉更獲得米芝蓮推薦「招牌狗仔粉」用豬骨湯煲6小時 湯底味夠濃，因為麵粉令湯底麵黏湯稠，但這反而令狗仔粉更加滑身配料包括有小蝦米、豬油渣、香菇同香蔥提味。最值得一提係辣菜脯，必定要加!!!(唔加你會後悔)辣菜脯可以話係精華所在，辣菜脯惹味爽口，加左辣菜脯絕對係錦上添花，辣菜脯與「狗仔粉」係絕配

18座狗仔粉已經好多分店，但係仍然覺得花園街呢一間係最好食，因為佢由細舖變大舖，坐得舒服左，同埋呢個位比較就腳同埋乾淨，每次行過都忍唔住要食一碗，不過依家冇咗細碗啦，只係得大碗，不過係我眼中菜甫先至係重點，同埋而家愛上左食佢嘅燒賣，佢嘅汁真係大愛！

十八座狗仔粉對我黎講係「久久不吃也是懷念」類嘅食物，冇太驚人嘅「嘩，好好味！」，但食過一次之後，偶爾又會想食下。呢間店仔出名冇服務，對旅客差到不得了，有時都覺得「洗唔洗咁惡呀？」不過如果你乖乖地冇嘢激親阿姐，佢又冇咩嘢嘅，睇佢心情啦，反正食完就走！之前食過火鴨碗仔翅，覺得鴨味太濃、太杰、有啲騷，今次都係簡簡單單叫個狗仔粉食下算，最愛佢湯頭杰杰地，配上菜脯、冬菇，都幾惹味，狗仔粉偏軟，有掛湯力， 我愛食辣，所以鐘意加少少辣菜脯，不過都真係辣，小心份量。

與閨蜜各自活動後會合，肚子有點空洞，打算找點地方小食，但又不想「掃街」，於是決定到這裏。不用多介紹，大雜燴、狗仔粉和金絲火鴨魚肉湯，味道沒有別人形容的必食之選，甚至對魚肉湯更有點失望，大雜燴的醬汁也略甜，不是我的口味。環境雖小，但較想像中清潔，其實這類小店有這樣的環境，相當不錯，何況是旺角地區。除此以外，這裏的「阿姐」也很好，當然也不要期望有什麼服務質素提供。環境：3食物：3侍應/服務：NIL（不要要求這類小店也提供）價錢：5

一早知道狗仔粉係5-60年代好出名, 我地呢堆90聽就聽過, 今日終於一試, 買返碗返屋企慢慢嘆狗仔粉有d似烏冬,每條都一隻手指長, 口感較淋, 上網得知係用麵粉同粘米製成, 湯杰杰地有d 冬菇粒同蝦米, 如果就咁食會比較淡口, 所以一定要落菜甫, 混埋原味, 辣味菜甫同蔥花一齊食, 辣辣地菜甫即時令狗仔粉味道提升, 好滋味

想試好耐既狗仔粉，今日途徑花園街買寵物用品就順便食。其實會吸引我入去既原因係因為辣菜脯它家有兩款，一款唔辣另一款大辣口味，細個食白粥，媽媽都會加少少菜脯碎比我地配粥，所以大個了也很喜歡，但畢竟唔多店會有辣菜脯。我叫了一碗大狗仔粉，見店員於煲內盛起已製作完成既狗仔粉。狗仔粉帶濃濃鴨香同鴨肉，味道不錯，但略厭狗仔粉軟硬度不一，而且大碗同小碗價錢相差$7，卻分別不太，建議可點小碗（眼見來到的客人也大都點小的，我是不是蠢了）總結之言：味道不錯，但粉質卻雖改善

跟好友相約晚飯前逛逛花墟、逛逛年宵，逛完moko正準備往年宵出發之際，跟友人不約而同地有點肚餓，一於先醫醫肚再起行吧！友人提議到附近的十八座狗仔粉，雖然狗仔粉並不存在於我的回憶裡，但聞說是非常地道傳統的平民食物，獲米之蓮推介，當然一試無妨。十八座狗仔粉的黃色招牌十分搶眼，星期日的三時多，等了約十五分鐘，終於有位了。 食物有狗仔粉、火鴨脾、碗仔所翅、魚肉湯、大雜燴、辣魚蛋等等。兩人的下午茶不能吃太多，一於嚐嚐狗仔粉及魚肉火鴨翅。 馳名狗仔粉（大）- 湯底偏杰，帶點糊狀的質感。狗仔粉有點像切開了的烏冬，但質地較加爽身及粉質。配料方面有冬菇、菜甫、蔥花。菜甫簡直是狗仔粉的靈魂，可自行加入原味或辣味，使粉仔的味道更加豐富，更加醒胃。（注意辣菜甫辣度十足，不能吃辣的朋友要注意份量） 魚肉火鴨翅 - 碗仔翅非常足料，有很多木耳絲、冬菇絲、火鴨絲，毫不吝嗇！味道亦很地道，質地不會太杰或太黏。魚肉則爽口，煮得入味。

聞前出了個米芝蓮推介食店，我們一向都喜歡支持小店和地道菜。是日來到了旺角東，下午茶口痕想要吃點東西又不想吃太飽，便想起試試這米芝蓮狗仔粉。米之蓮推介 十八座狗仔粉😄 (細粉$20 大粉$27)狗仔粉一端上還怕沒有料而顯得寡，一呷湯頭非常濃味，原來是用了冬菇🍄、蝦米、豬骨🐖、豬油渣🐽等熬湯底，用匙攪拌起來是頗稠密，也能吃到不少湯頭料。加上放面的爽脆菜甫和新鮮蔥花，為整碗湯粉增添香味。🍲客家狗仔粉自己做，每一條一樣粗幼，有尾指般長，吃下去滑滑的qq的，比鞋口的銀針粉好吃得多。有分上脾和下脾，上脾便宜一點卻也不小隻。脾肉嫩，皮拖過油，吃下去不算肥膩。翅有木耳和菇絲，只吃到少許已經覺得很夠味很足料。但脾浸翅只有沾到少許翅，要吃脾又想吃翅的話便要分開叫兩款了。雖知佐敦才是總店，旺角這個店位置也有點衛生不太好的感覺，但我想吃的都實在很不錯，有機會想去總店試試有沒分別。

同友人行下行下,,行到唔知時日過...但2人又唔覺得好餓,,但成9pm,點都要食d野掛,,,,於是就行左入友人介紹ge十八座狗仔粉啦~火鴨翅~~呢個我係幾欣賞架wo,真係啖啖鴨味wo~~唔會好鹽~~平時我唔食翅類野架,今次呢個食完我認為下次可以再食呀~~~狗仔粉,好似比較油...如果同火鴨翅相比,好似味道就爭d...好似好淡甘..記得食狗仔粉係好細個ge野.今日可以再次食狗仔粉,係開心ge!係幾好,between,佢d配料好好味所以我自己再加左d配料之後就perfect返啦~~~下次會帶娘親去試下!!!!

本來都冇諗住食，因為聽d friend講環境真係好差，座位又超迫，但d friend話幾好食又幾特別，咪即管去試下囉！去既時間又咁岩有2個位，結果就入左去鋪頭最入既位置坐，但真係吾係講笑，我同後面個位客人其實係背對背坐，我完全係痴住佢書包黎坐之後我同個fd叫左個大碗狗仔粉,大雜燴同火鴨翅，老實講個狗仔粉就真係幾好食，會愈食愈上癮，大家不妨一試個大雜燴都吾錯，不過等左段時間，around15分鐘左右，但個豬皮勁爽口，一咬即係彈返上黎，但個蘿蔔真係吾夠入味，望落好似好多汁咁，但咬落去個心真係無咩味個火鴨翅其實吾錯，食頭2啖都覺得吾錯，味道幾特別，不過食食下，就開始厭啦，鴨既味道可能真係同翅吾係幾夾，好似怪怪地咁😕😕😕不過又未至於難食，大家都可以試下既！總括而言，喱間野就吾係食環境既，我覺得情人節喱d大時大節就唔好係度食啦，平日想求其揾野食下，喱間就真係吾錯既選擇，不過建議你地外賣好d！☺☺☺

每次去魚街都會經過呢間鋪頭但係我唔習慣自己一個人食飯所以都未有機會去試今次同我老婆經開呢頭一於就入去試試！但係由於鋪頭太細間，等位起碼等左15分鐘我地一人叫一個呢度既招牌食物第一樣當然就係狗仔粉啦即係以前叫既"粉仔"個湯既味道好濃郁好濃既豬骨湯味我飲第一啖就已經愛上了粉既彈性我覺得岩岩好唔會太un，又唔會煮得太淋配埋個菜甫真係一絕但係個辣菜甫味道雖然唔辣但係真係太爆辣我食左少少已經頂唔順唔食辣既朋友我勸你可以唔駛試至於呢個火鴨翅更加同平時食開既碗仔翅截然不同絕對足料，唔會水汪汪咁溝好多水就算呢碗野真係好味道既但係食多左會有d 漏漏地既感覺建議同人Share會更好不過我都大力推~ 以街邊小食黎講絕對超班雖然其實價錢都唔算平但係絕對值得一試！

剛星期日本來打算睇戲，但買飛時剛滿院唯有去吃東西………（根本是籍口…）行過花園街見到新開的豆腐花撈米線，又見到新開的十八座狗仔粉，最後揀了有位座的狗仔粉。之前吃過的狗仔粉都煮過頭，很粉很糊，咬落去像咬粉漿…所以狗仔粉是有點驚喜的！口感有，再加上辣菜甫立即加分！辣菜甫真的很辣………但很惹味！另外又點了火鴨翅，味道普通，但狗仔粉不錯，很過可以一試！