Shine (已結業)

尖沙咀勁多餐廳都唔知點揀好彩有朋友帶路🤣今次試下呢間西餐廳😍好有格調～bar檯～可惜我唔飲酒外脆內軟既蟹餅仲有酸甜既菠蘿🤤入面真係有啖啖蟹肉😍食得西餐點可以唔叫返杯野飲下呢杯lights out睇得又飲得酸酸甜甜好清爽同開胃😍諗左好耐叫咩食好最後決定食burger😍鎮店之寶既burger黎嫁一黎到已經心心眼😍大大份勁高🤣漢堡充滿住肉汁加埋蕃茄生菜無得頂薯條粗幼適中🤤即炸熱辣辣好脆🤤淨食burger邊會夠飽🤣點都叫多個飯黎食墨汁risotto好夠味面頭既海鮮煮到剛熟唔會韌反而啲飯如果可以再淋啲煙韌啲就好嚕🤣最後死都要叫多個甜品食呢個apple crumble 好特別上檯個時有乾冰加添美感將蘋果切成薄片玫瑰味唔算突出但都幾清新整體黎講餐廳環境幾舒服食物質素都okay🤤去尖沙咀又多個選擇😏

原本約好朋友嚟呢到食飯，但最後友人要OT，但都無打擾我去食好嘢決心，反正都要開餐7點左右到達未算太多人，先點了一杯Mojito Cocktails，入面嘅Rum配搭lime juice同mint酸酸哋帶清新好易入口湯我就選了湯蝦湯，濃身橙紅色飲落勁濃郁龍蝦味，仲有大大舊肉好正喔，配埋脆多士好夾主菜係安格斯牛柳配青胡椒汁，牛柳5成熟切開微紅粉嫩，牛柳好嫩腍牛味適中，而青胡椒汁會慢慢滲出，仲會有胡椒粒子但原來食埋好正，胡椒已煮到腍哂，仲有蔬菜薯仔伴邊甜品係玫瑰蘋果金寶，上檯時覺得好靚，金寶成朵玫瑰花咁，外層鬆化帶微微脆身，中間嘅蘋果粒煮到爽中帶半腍，內層仲有一片片蘋果肉，旁邊係不同種類嘅生果，仲有球雪糕～

經過附近一頭，諗起上次黎呢度食過一次都唔錯，今晚再黎食下先。🐥香草孜然單骨雞翼 $48 表層撒上黑芝麻，令整體更香口。🦀🍍黃金蟹餅配菠蘿莎莎 $118外層係吉列炸皮，裡層滿滿蟹肉，外脆內軟，旁邊的菠蘿莎莎好清新。🥩🧀燒澳洲M4和牛薄切 $168之前黎都食過一次，肉質軟淋，配上黑醋、薄片芝士、火箭菜，層次感高，味道不錯，但今次份量比上次少左🤔。🦑🦐海鮮墨汁意大利飯 $188海鮮材料都幾豐富，魷魚份量多。帶子尤其好食，煎得夠香，口感剛好。蝦都要一讚，新鮮彈牙，連青口都好香好味道。意大利飯軟硬度適中，墨魚汁味香濃突出，如果有得轉意粉就very good。🍏🍎玫瑰蘋果金寶 $78呢個真係驚喜，上次一直想叫，但朋友話太飽先無食到。估唔到會加乾冰上枱，煙霧瀰漫過後就係期待已久的甜品😍。青蘋果片乾身左d，最中意食中間芯既蘋果果肉，整體都好好味。🥝Yogurt-Kiwi $58 叫左走cream，酸酸甜甜都幾好飲，而且表層既奇異果肉係甜。

尖沙咀食肆多不勝數，餐廳已經不只是開在地鋪，現在各餐廳已經開在商廈內，太子集團中心就是整幢都是食肆，當晚走進一家環境陰暗，裝修迎合年輕人的Shine首先點一份田園沙律配橙香油醋汁，各種蔬菜加上香橙肉，非常fresh及清新，吃完有煥然一新的感覺燒澳洲M4和牛薄切，底層鋪滿火箭菜，主角和牛雖然薄切，但牛味幾濃郁，和牛邊輕輕燒過，有一點焦香的味道，半生熟的口感，兩者夾雜著一起吃，味道幾夾手工豬肉丸子伴溫泉蛋，兩大粒豬肉丸子，外層炸得好薄，從中間切開，並不是普通豬肉碎，吃下去是一絲絲豬肉，似咸豬手碎有點有黑椒，吃下去好香，最重要的是沾上溫泉蛋汁，極為美味看到隔壁點了一份漢堡有洋蔥圈，看餐牌是鎮店漢堡，當然點一份，大量粗薯條熱辣辣又香口，鎮店漢堡果然大份，點餐時店員已詢問需否分兩份，果然細心，漢堡的材料有煙肉/蕃茄/生菜/芝士，還有五成熟的牛漢堡，真的一啖都食唔晒甜品點了一份玫瑰蘋果金寶，吸晴甜品，上檯時甜品底層放了一些乾冰，甜品四周圍飄出白霧，非常仙，一塊塊切成薄片的青蘋果片砌成一朵玫瑰花形，加上旁邊的雲尼拿雪糕，令人一口接一口

一直覺得餐廳無論環境或食物都很不錯，終於找到時間來吃一頓晚餐。晚上的餐廳採用昏暗的燈光，音量調低的音樂，好讓客人可以輕鬆聊天吃飯。除了單選美食外，晚餐還可選擇dinner set，有齊前菜，主菜，飲品和甜品，望落都幾抵，就點一個吧。先來飲品，熱檸水，都是一般，沒什麼特別。煙三文魚配意式油醋沙律前菜選了沙律，煙三文魚肥美香口，沙律菜略為苦了點，如油醋多一點會更合心意。芝士忌廉彩椒雞肉意大利粉 Creamy的口感和味道惹人喜愛，又不會「杰撻撻」，吃得很順口，不過雞肉量不算多。安格斯牛柳(10oz)配青胡椒汁 ($328)另外還叫了全熟牛柳，望落大概一個網球般大，雖然全熟，但不韌！很容易一刀切開，入口仍嚐到肉汁，很美味。最後到甜品環節，跟餐甜品有慕絲布甸，啖啖香濃咖啡味，而且非常滑溜！面頭的水果亦不錯，旁邊的朱古力也香甜，不會因為是跟餐甜點而令人失望玫瑰蘋果金寶 ($78)壓軸登場的Apple Crumble，完全沒想像過乾冰效果可以這麼強烈！除了保持食物冷凍温度外，視覺效果也很棒，感覺像要溢出來似的XD至於味道方面，外圍撻皮好脆口，中間一層層的青蘋果片又爽口，加上有肉桂，多重口感，又酸甜兼

聖誕前夕, 同閨密去行街睇燈飾, 經過太子集團中心, 原來有幾間樓上餐廳, 閨密話想食西餐, 所以揀左SHINE. 電梯一開門忍唔住 ”嘩”左一聲, 講真個環境好有驚喜. 餐廳以我最鐘意既紫色為主, 一出電梯就已經見到長長既BAR 枱, 仲有好多聖誕老人公仔裝飾佈置, 充滿住節日既開心氣氛~~餐廳設有BAR枱, 高枱, 卡位任君選擇, 地方寬敞, 仲有梳化位, 環境非常舒適! Main course -我地揀左海鮮墨汁意大利飯, 雖然只有大蝦一隻, 但已經份量十足. 食第一啖已經知道佢好新鮮, 一定唔會係雪藏, 肉質鮮嫩, 仲有青口, 尤魚, 帶子一樣咁新鮮, 不得不提, 廚師好細心, 將D尤魚界成十字, 令尤魚更加爽口, 配上墨汁意大利飯, 真係好好味~Main course -慢煮啤酒浸豬架扒配牛油雜菜廚師用左慢煮既方法去整, 真係幾特別, 原汁原味! 慢煮可以保全肉汁, 每食一啖都食到豬架扒有啤酒味道, 肉質嫩滑又充滿左豐富既肉汁, 切開仲見到少許粉紅色, 廚師仲將豬架扒表面煎過, 所以食落去外脆內軟, 非常可口. 配菜有新鮮柔嫩既蘆筍同紅蘿蔔, 清甜又爽口, 配埋豬架扒一齊食,

每逢紀念日，我會選擇一間氣氛較好嘅餐廳食晚飯。 「Shine」其實係一個很好嘅選擇， 掛上別緻嘅燈飾， 以紫藍色為主色， 用了木色嘅餐桌， 環境非常舒適。首先叫了份《脆香魷魚配蒜香蛋黃醬  $68》做小食， 外層包住薄薄嘅脆漿， 魷魚炸得香脆可口， 魷魚鮮味十足， 煙韌彈牙， 配香濃嘅蛋黃醬， 好夾。 賣相相當精緻嘅《慢煮啤酒浸豬架扒配牛油雜菜 $328  》， 廚師以慢煮方法烹調，剛剛熟嘅黑毛豬，肉質不但嫩滑而充滿豐富嘅肉汁， 仲帶有香噴噴啤酒香味， 真係好好味！豬扒表面煎得香脆， 內裡呈現住淺粉紅色， 廚師仲用了啤酒打成泡沫，十分漂亮。配菜係新鮮柔嫩嘅蘆筍，翠綠爽口， 咬落鮮甜可口。仲有自家製嘅薯蓉，有香濃牛油， 香滑忌廉，非常Creamy， 十分惹味。 強勢回歸之《極「黑」海膽意粉配三文魚籽 $188》， 材料豐富， 上面鋪滿鮮甜嘅海膽， 旁邊放咗大大粒嘅三文魚籽。海膽入口軟綿綿， 味道獨特， 鮮味十足，入口甘甜，質感CREAMY。 三文魚籽幾鮮甜， 咬落爽口， 加上軟硬適中嘅墨魚汁意粉， 味道就更上一層樓。嘩! 嘩！嘩！ 未食， 已經覺得好驚喜， 真係用心之作， 師傅加咗大量乾

今日氣氛很好，和男友出街，他帶我去尖沙咀行街，男友知我行得累，帶我去一間樓上餐廳休息，好貼心，識得選擇優靜餐廳環境舒服，好適合談心全日早餐：非常豐富，有烤大菇讓白汁芝士煙肉，咬一口，菇汁爆晒出來，好好味；白香腸煎得脆口嫩肉；煙三魚超新鮮，火腿好香，還有炒滑蛋夾埋沙律，放上烤多士一起食，真豪邁足料海膽，加埋三文魚仔，撈埋墨魚汁意粉，好香好食用青萍果整成一朵玫瑰花，周邊放有果仁，配上雲呢拿雪糕，口腔溫讓一陣陣花香味，視覺藝術士多啤梨味好濃厚，加入Cream，飲落聞到奶味夠香薄荷巧克力上面放了棉花糖粒，飲起有嚼口，而且微甜散發薄荷味

之前其實食過佢一次，但上次食唔到海膽意粉好sad所以決定要再黎多次！！點知order果陣話冇貨，又要再sad多次了。。 龍蝦湯…不過上次記得個龍蝦湯好好飲，所以就再叫左黎飲，水準依舊咁正！睇個湯既顏色就知啦，超濃郁龍蝦味，又唔會太咸，旁邊既香脆牛油法包夠香夠脆口，蘸埋湯一齊食不得之了！忌廉菠菜雜菌扭紋粉…手搓既意粉口感好好，仲有大量雜菇、菠菜蓉喺入面香味十足，冇肉類感覺好健康！佢另一個香味黎自芝士，濃郁又有少少拉絲效果，食落完全唔會膩！燒原隻活波士頓龍蝦配巴馬臣芝士汁…上次都有食哩個真係一試難忘，所以今次要再叫番！不過比起上次望落冇咁有份量，但肉質同样鮮甜彈牙！食鉗位最正！紅酒燴牛面肉伴帶子、南瓜薯蓉…第一次食牛面肉，好有牛味，肉質夠淋帶少少爽，一d都唔會乾同鞋，用紅酒煮真係好夾！底下既南瓜薯蓉整得好幼滑，南瓜同薯蓉都好襯。玫瑰蘋果金寶…蘋果切成薄片，再砌到玫瑰花咁花真係咪話唔靚！用黎冧女就岩哂啦！撻皮好香牛油味，如果再脆口d就正喇！

同媽媽好耐都無一齊食飯喇 黎到Shine好在有book位咋 真係估唔到閒日嘅夜晚都會全場爆滿🙈所以一開始只係坐左係吧枱～但媽媽想坐得舒服啲店員都好貼心話如果之後有二人枱埋單就會安排我地坐😊服務抵讚啊！.媽媽想飲個湯 嗌左佢最愛嘅龍蝦湯 ($88)龍蝦湯味好濃郁😳 好似將十隻龍蝦拎去熬煮出黎咁唯獨蒜蓉包再脆身一啲就好了😂😂但蒜香十足 非常開胃!.而我就鍾意飲飲品多啲嗌左Rose Lychee Soda ($44)雖然杯野飲無咩顏色 但入面粉嫩嘅荔枝同上面幾朵小玫瑰真係好吸睛好可愛💓飲落無半點死甜！有陣陣玫瑰幽香 令我對杯野飲愛不釋手🤤.之後我地叫左個前菜～烤茄子佐燉炆蔬菜 ($58)茄子烤到香 上面舖上滿滿嘅蔬菜同芝士😍蔬菜全部都煮得軟腍 好好味☺️上面用左茄醬 酸酸甜甜特別開胃！.嗌左總共兩款全菜！Shine鎮店漢堡 ($168)既然係招牌就決定試試佢喇～ 比起平時嘅外表 呢個漢堡上面多左兩個洋蔥圈！洋蔥圈我覺得不過不失啦🙈係用真紅洋蔥做 但炸得比較油膩同埋唔夠脆身但漢堡就真係無敵🤤🤤🤤漢堡扒肉質緊密 毫無半點鬆散口感 呈粉嫩色煮得剛剛好咬開即刻有肉汁飛出黎😍 真係超級juicy而且漢堡

轉左新工之後都無咩同舊同事聯絡，咁啱係中秋節時收到暖心嘅祝福咁就順勢相約出黎聚下舊食餐飯。雖然位處尖沙咀但餐廳屬於樓上鋪，旺中帶靜。幾適合同朋友黎食飯傾偈或者情侶撐枱腳。因為大家第二日都要返工，所以就唔飲酒了揀左兩杯SMOOTHIE。菠蘿味沙冰打得好幼滑味道清新，酸甜味恰到好處，對之後食嘅小食起到解膩作用。BUTTERFLY FLOWER即係蝶豆花，同啤梨汁混和之後慢慢由藍變紫，簡單嘅酸鹼變化除左影相靚之外，亦令人感到十分治癒。單骨雞翼入味之餘，孜然香料亦足加上入口焦脆內裡仲保持嫰滑，十分惹味。炸魷魚比想像中輕盈，薄薄嘅面衣無乜油酥味。魷魚有咬口之餘，配上蒜香濃郁嘅蛋黃醬一啖一件，食多幾粒都唔覺飽滯。和牛用上車打芝士片同燒汁紅酒醋配搭，加上火箭菜墊底，分量十足。和牛熟成度啱啱好，肉質軟嫰。配上芝士片同食，咸香味道更帶出牛肉嘅濃郁。一上枱已經俾佢鮮艷嘅橙色配黑色所吸引。意粉上面兩大片海膽入口綿滑甘甜，CREAMY口感充斥口腔之中。三文魚籽嘅咸鮮味在當中調和，令海膽汁嘅鮮味更上一層樓。墨汁意粉煮得軟硬適中帶煙韌，仔細咀嚼所散發出淡淡嘅墨汁香味令海膽三文魚籽呢三樣食材嘅組合更覺香濃。蘋果金寶

上年今日我同老婆仲係德國嘆緊悠長假期, 今年雖然冇自製長假外遊, 我地都要係香港嘆返餐靚靚西餐。😋之前係網上見到尖沙咀人氣餐廳Shine嘅介紹, 最吸引到我係當中一款小菜慢煮啤酒浸豬架扒, 因為老婆最愛吃豬架扒, 為左俾個小驚喜佢, 我今日同佢去I Square睇完戲後就直接帶佢過黎開餐。😁Shine係北京道太子集團中心, 係I Square行過去非常近, Shine位於6樓, 餐廳裝修好有格調, 配上燈光效果同音樂, 令餐廳氣氛好有情調, 好適合同另一半黎撐枱腳。😚菜單設計簡單, 只有2頁, 不過款式選擇都好多, 當然慢煮啤酒浸豬架扒一定要點, 另外點左燒日本M4和牛薄切, 烤茄子佐燉燜蔬菜同揀左網上好多人推介嘅甜品玫瑰蘋果金寶。原本我想叫杯Smoothie飲, 不過老婆想飲Kiwi Cucumber Yugurt又怕飲唔哂, 我唯有同佢Share一杯啦。🙈Kiwi Cucumber Yugurt原來真係好大杯, 2個人Share份量剛剛好, 果味好濃, 唔會太甜, 配有新鮮奇異果同青瓜片, 感覺清新。烤茄子佐燉燜蔬菜比預期大份, 茄子肉多汁, 配上芝士番茄醬同其他蔬菜, 醒胃又惹味

星期日緊係要同mama出去搵食啦，之前跟朋友去食過dinner，味道不錯，今日專程帶mama過來試試。我們約十二點到達，餐廳客人不多，到了兩點多，約有半滿，餐廳光猛寬敞，景觀開揚，座位舒適。還有一間獨立房間，想自成一角的朋友可以問問價錢。星期日有Brunch。另有單點餐單。Brunch選擇較少，所以決定點一個brunch，其他單點，特別是甜品，mama至愛，不可不叫。手工豬肉丸子伴溫泉蛋豬肉丸很大粒，共有兩粒，伴上半熟溫泉蛋，還有少許沙律菜伴碟，賣相精緻，份量十足。豬肉丸外層以麵包糠包裹著再炸，所以外面香脆，裏面的豬肉是手工製，肉質不會死實實，亦不會散收收，軟硬度適中，豬肉不會有肉腥味，外脆內軟。溫泉蛋蛋白已凝固但蛋黃是流心，一切開蛋黃汁流出，用來點肉丸吃有另一番風味。套餐凱撒沙律配巴馬火腿沙律份量十足，有三塊巴馬火腿，大量炸煙肉碎及麵包槺，羅馬生菜新鮮爽脆，配上蛋黃醬及巴馬芝士，味道清新健康。巴馬火腿咸香十足，但肉味較咸，油脂甘香，不會太油膩。麵包糠焗得香脆，有陣陣蒜蓉牛油味；煙肉炸得比較燶，所以有點硬身。海鮮墨汁意大利飯海鮮款式多，份量十足，有海鮮、青口、帶子，魚柳粒、帶子仔、魷魚