155
16
7
甜品
4 已推介
等級4
304
3
《🥇 Sukiyaki | 香港最佳關西風壽喜燒之一！》
2023-06-25 6824 瀏覽
📍 すき焼 森 Sukiyaki Mori 📍 中環蘇豪 SOHO, Central • 荷李活道66號LG層 (Multiple locations)-One of the best sukiyaki restaurants in Hong Kong and my personal favorite! ❤️High food quality at reasonable price. [ Sukiyaki Set ] is priced at $730pp (dinner) / $630pp (lunch). Beef slices are beautifully marbled, with intense beef flavor and melt-in-your-mouth texture. Taste even better with their homemade sukiyaki sauce and after dipping in egg yolk.Looking chefs tactfully cooking your food in front of you just tak
更多
📍 すき焼 森 Sukiyaki Mori 
📍 中環蘇豪 SOHO, Central • 荷李活道66號LG層 (Multiple locations)
-
One of the best sukiyaki restaurants in Hong Kong and my personal favorite! ❤️
High food quality at reasonable price. [ Sukiyaki Set ] is priced at $730pp (dinner) / $630pp (lunch). Beef slices are beautifully marbled, with intense beef flavor and melt-in-your-mouth texture. Taste even better with their homemade sukiyaki sauce and after dipping in egg yolk.
Looking chefs tactfully cooking your food in front of you just takes it to the next level!
-
This place is hard to book via phone, especially at the beginning of each mouth when booking opens. May consider booking in person at their shop when you pass by!
-
(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)
=
說到「壽喜燒」，不得不提位於中環的這一家《Sukiyaki Mori》
他們單單在中上環區就已經有三家分店，而且每一家店都人氣度爆燈
每一個月的一號，開放下一個月的預約（例如11月1日開放整個12月的預約）
那時候打電話一定接不通，於是食客們都會紛紛到店直接預約
像荷李活道這家分店，每一個月的一號都總會有一條長長的人龍，真誇張！
-
早一兩年前，曾嚐過他們的壽喜燒套餐，確實不錯（那時候打電話已經可以預約了...
可惜當時同座友人身體不適，沒有能夠好好享受整趟體驗
這次終於再訪，好好享受師傅即席燒肉的壽喜燒體驗
55 瀏覽
1 讚好
0 留言
35 瀏覽
0 讚好
0 留言
 -
晚市時段，他們提供〔Sukiyaki Set ($730pp)〕／〔Shabushabu Set ($730pp)〕／〔Mori Omakase ($1,480+pp)〕
來慶祝生日的話，餐廳提供兩個選擇：(1) 在甜品碟上點起蠟燭 或 (2) 自備蛋糕 免切餅費
-
是日點了〔Sukiyaki Set ($730pp)〕，包括了前菜、茶碗蒸、燒肉、野菜、牛肉滑蛋飯、甜品
點牛肉的話，會有四件〔A4近江牛〕；豬肉的話，則有八塊〔鹿兒島豚肉〕
聽起來好像不多，但實際上份量非常豐富，令人滿足得很❤️
採用高級日本直送食材；這個價錢是超值啊！
另外還點了一隻〔令和の怪物牡蠣〕～
-
整體用餐體驗滿好，食物真的很好吃，而且好喜歡可以看著師傅準備食物的過程！
用餐時間限制了在兩小時內，時間不算短，但節奏也有點急趕（跟第一次來的時候一樣）
而且我們的師傅也比較少與食客交流
這部分扣了一點點分
但是再吃sukiyaki的話，這裡一定還是首選XD
59 瀏覽
0 讚好
0 留言
 -
令和の怪物牡蠣
這道是off-menu的菜式，已不記得價錢
即點即開，非常新鮮🦪
尺寸很大，味道帶鮮甜還有一點海水味
生蠔
63 瀏覽
0 讚好
0 留言
 -
接下來就是〔壽喜燒套餐〕啦！
.
Appetizer 前菜
首先是前菜拼盤，有菜之花、日本甘荀、吞拿魚絲、三文魚子飯、海老芋 ，種類豐富～
前菜
46 瀏覽
0 讚好
0 留言
 •
Steamed dish 蒸し物
熱呼呼滑溜溜的茶碗蒸〔蟹玉子菜蒸蛋〕
加入了蟹肉跟薑蓉，可以拌在一起吃
茶碗蒸
23 瀏覽
0 讚好
0 留言
茶碗蒸
17 瀏覽
0 讚好
0 留言
 •
Sukiyaki すき焼、Vegetable plate 野菜
壽喜燒用上〔A4近江牛〕或〔鹿兒島黑毛豬〕
Sukiyaki Set
$730
35 瀏覽
0 讚好
0 留言
 〔A4近江牛〕共有四片，包含肉眼、西冷、兩款不同的牛肩
由淡到濃味的吃，各款牛肉都牛味濃郁，口感有嚼勁
沾一點蛋漿，令整體口感更加滑溜😋
A4近江牛
18 瀏覽
0 讚好
0 留言
A4近江牛
57 瀏覽
0 讚好
0 留言
 〔鹿兒島黑毛豬〕總共有八片，包括豬扒、豬肩位置
口感當然沒有牛肉般滑溜，但不吃牛肉的話，也只有這個選擇啦！
Sukiyaki Set
44 瀏覽
0 讚好
0 留言
52 瀏覽
0 讚好
0 留言
 .
在鍋子上塗抹肥膏，放上大蔥
先灑一點砂糖在鍋上，再把肉輕輕燙一下，加入壽喜燒醬汁，上菜
師傅會以味道排列煮肉的順序，讓客人可以從淡味到濃味的品嚐肉類
17 瀏覽
0 讚好
0 留言
21 瀏覽
0 讚好
0 留言
 .
邊吃肉類，邊吃白飯，邊吃野菜
〔白飯🍚〕吃一點點就好！因為待會還有滑蛋飯或烏冬呢！
〔野菜🥬〕的話是跟肉類梅花間竹的吃 ，包括有豆腐、蒟蒻、麵筋、冬菇、洋蔥、蒟蒻麵等等
野菜
26 瀏覽
0 讚好
0 留言
 其中的「春菊」跟「三葉」比較特別，師傅也有特別介紹
「春菊」是日本的茼蒿，比較濃味；「三葉」則像芹菜，解膩、清清味蕾，讓客人好好享受接下來的菜式
野菜
27 瀏覽
0 讚好
0 留言
野菜
31 瀏覽
0 讚好
0 留言
野菜
26 瀏覽
0 讚好
0 留言
野菜
41 瀏覽
0 讚好
0 留言
洋蔥
17 瀏覽
0 讚好
0 留言
 •
Rice/Udon 御飯/うどん
再來就是滑蛋飯或烏冬
先把牛肉粒/豬肉粒炒香，加入蛋漿，蓋在白飯或烏冬上
炒滑蛋
31 瀏覽
0 讚好
0 留言
 蛋非常的滑溜，蛋香味濃郁
個人比較喜歡配白飯！
御飯
40 瀏覽
0 讚好
0 留言
御飯
27 瀏覽
0 讚好
0 留言
 另外還有麵豉湯跟漬物～
麵豉湯
32 瀏覽
0 讚好
0 留言
 •
Dessert デザート
最後有奶凍和紅豆麻糬當甜品～
甜品
26 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    味道
    環境
    服務
    衛生
    用餐途徑
    堂食
    推介美食
    茶碗蒸
    Sukiyaki Set
    $ 730
    A4近江牛
    A4近江牛
    御飯
    等級4
    197
    7
    香港最難Book、最好食壽喜燒?
    2022-03-05 853 瀏覽
    壽喜燒喺香港唔算係好主流既日本料理，香港可以食到壽喜燒嘅餐廳唔算多，如果大家鍾意食壽喜燒嘅話，應該一兩隻手數到香港出名或者好食嘅壽喜燒，今次介紹嘅呢一間，大部份人都覺得佢好食，不過個個都一定認同，佢一定係最難book既壽喜燒。すき焼 森喺2017年係中環嘅荷李活道開業，餐廳主打關西風既壽喜燒，之後陸續喺卑利街同歌賦街開分店，喺中環總共有三間分店，因為老細兼總廚Mori san係一個日本師傅，姓Mori，所以餐廳就叫すき焼 森。Mori san喺日本已經從事日本料理多達二十幾年，今次係專程來港主理呢間すき焼 森日本料理。 餐廳出名除咗好食之外，仲係非常之難book位，即使有三間分店，都係長期Full Booking。すき焼 森主要提供日本關西壽喜燒(Sukiyaki)、涮涮鍋(Shabu Shabu)同限定Omakase套餐，用上最優質既和牛同日本直送食材，呢度嘅師傅都係經過日本資深師傅訓練，還原最原汁原味既關西風壽喜燒。每枱客人都會有一位師傅負責席前烹調、介紹每一道菜食材同產地，絕對係周全嘅料理體驗。咁大家究竟知唔知壽喜燒係咩？壽喜燒其實係起源喺日本江戶時代既關西地區，因為宗教影響，只
    更多
    壽喜燒喺香港唔算係好主流既日本料理，香港可以食到壽喜燒嘅餐廳唔算多，如果大家鍾意食壽喜燒嘅話，應該一兩隻手數到香港出名或者好食嘅壽喜燒，今次介紹嘅呢一間，大部份人都覺得佢好食，不過個個都一定認同，佢一定係最難book既壽喜燒。
    21 瀏覽
    1 讚好
    0 留言
    すき焼 森喺2017年係中環嘅荷李活道開業，餐廳主打關西風既壽喜燒，之後陸續喺卑利街同歌賦街開分店，喺中環總共有三間分店，因為老細兼總廚Mori san係一個日本師傅，姓Mori，所以餐廳就叫すき焼 森。Mori san喺日本已經從事日本料理多達二十幾年，今次係專程來港主理呢間すき焼 森日本料理。 餐廳出名除咗好食之外，仲係非常之難book位，即使有三間分店，都係長期Full Booking。

    すき焼 森主要提供日本關西壽喜燒(Sukiyaki)、涮涮鍋(Shabu Shabu)同限定Omakase套餐，用上最優質既和牛同日本直送食材，呢度嘅師傅都係經過日本資深師傅訓練，還原最原汁原味既關西風壽喜燒。每枱客人都會有一位師傅負責席前烹調、介紹每一道菜食材同產地，絕對係周全嘅料理體驗。

    咁大家究竟知唔知壽喜燒係咩？壽喜燒其實係起源喺日本江戶時代既關西地區，因為宗教影響，只有天皇先可以食肉，一般平民係冇辦法品嚐，所以農民會偷偷地殺畜，用農具去加熱生肉，すき指既就係鋤具。 之後受到西方思潮影響，變到人人都可以食肉，壽喜燒就開始普及，仲會搭配蔥、味噌、醬油、砂糖一齊煮，去除牛肉既腥味，仲會加蛋汁令到牛肉更加滑嫩。咁樣睇壽喜燒係來自關西，不過時至今日，壽喜燒其實已經有關西風同關東風，咁究竟兩個有咩分別。

    關東風係類似打邊爐既做法，首先將醬汁味道調好，再將啲肉倒落去醬汁度煮，以鍋物式上台，不過又無shabushabu咁多湯。而關西就類似燒肉嘅做法，係汁煮、半烤半煮既做法，首先將塊肉係一個淺啲既鐵鍋煎香，再調味，醬汁唔會咁多，有啲餐廳仲會落糖，每一片牛肉獨立咁煎煮，所以肉味會比較集中，唔會去晒湯底入面。前者對烹調既次序同細節無咁講究，後者就好考驗師傅嘅技術。好似我上面講嘅壽喜燒歷史，正宗嘅其實應該係關西風壽喜燒。

    因為關西風呢一種做法味道比較濃郁，有啲人會覺得太過重味，覺得太膩，所以餐廳用嘅滋賀縣既A4級別近江牛，而唔係用最肥嘅A5和牛，相比起尖沙咀用A5和牛既壽喜燒名店日山。不過近江牛其實同松板牛、神戶牛稱為三大和牛，係300幾個品牌牛肉之中脫穎而出，而且係有最耐歷史嘅牛肉品牌，甚至係和牛比賽羅過獎，一隻近江牛身價可以去到一千萬日圓。

    餐廳會決定用A4級別近江牛，除咗係因為唔想太過油膩，Mori san話之前試過用日本唔同產地嘅牛做食材，不過整體都唔夠而家用嘅近江牛好。餐廳都堅持所有肉類，無論係牛定係豬，都唔用機器切割，全部都係人手一塊一塊咁切，因為係手切先可以保持和牛同豚肉既肌肉紋理，唔會破壞肉質入面既脂肪，令和牛同豚肉更加好食。Mori san表示餐廳嘅和牛同豚肉每一片都係鮮紅色，係燈光照耀下閃閃生輝，令人食慾大開，反而如果用機器切既話，色澤就會變得暗淡無光，賣相大打折扣。

    之後就到最重要嘅book位，食呢間餐廳係唔可以Walk in，一定要book位，Booking喺每一個月嘅1號開放，你可以嘗試打電話，不過我自己試過打幾十次都冇人聽，網上有人話甚至打過過百次先有人聽，所以最穩陣嘅方法就係每個月嘅1號係佢開門嗰時排隊book位，會開放下個月嘅Booking。我係1月1號個時去book位，餐廳係12點開門，12點去到嗰時已經差唔多有20幾人排緊隊，排左九個字終於入到餐廳，有啲似interview，佢哋會有二月嘅form mark低你想book幾多號嘅咩時間，如果係食壽喜燒要講定，如果大家想食多啲種類嘅牛，建議book夜晚。原本我係book咗夜晚，不過因為疫情關係，政府禁晚市堂食，原本我以為冇得食，不過餐廳主動打電話俾我，話可以幫我轉做晏晝時間或者下個月，最後我就轉咗做同日嘅12:30食。
    28 瀏覽
    3 讚好
    0 留言
    餐廳喺中環嘅蘇豪區，如果搭扶手電梯可以去到大館門口之後向上環方向行，餐廳其實喺PMQ隔離條街，可以見到對面有間dough bro。餐廳嘅門面唔算突出，冇好誇張嘅門牌，係黑沉色嘅門面，可以影得出餐廳嘅係靠地下一個楓木座地燈箱寫住すき焼森，同埋門口掛咗牌寫住すき焼森既布。餐廳有一道面積唔大既玻璃牆，可以睇到入邊室內嘅環境。
    159 瀏覽
    2 讚好
    0 留言
    102 瀏覽
    1 讚好
    0 留言
    109 瀏覽
    2 讚好
    0 留言
    餐廳嘅環境裝修比較平實，以木做主調，裝修比較低調，配上淺黃色燈光，整體環境整潔，牆上有唔少日本瓷器工藝品作為裝飾，有幅實木手繪屏風，加上天花既圓球型同紙吊燈，似一間壽司店嘅格局。枱同枱之間距離適中，唔算太密，有分開散枱同埋吧枱位，位置唔算多，得大約24個位，有三張四人枱、兩張兩人卡位同埋八個吧枱位。因為餐廳係席前料理，所以坐兩邊都一樣，下面嘅枱坐落就會比較舒服啲，坐吧枱位就有食omakase既感覺。

    呢個時間去到唔係座無虛席，心諗呢一間唔係Full Booking？咁係因為每個師傅會負責每一枱嘅席前料理，所以同一個時段我諗得三、四台左右。

    每張餐枱其實搵唔到壽喜燒同涮涮鍋用既火爐，原來佢係嵌左入張枱入邊，有木板蓋住。
    1687 瀏覽
    1 讚好
    0 留言
    1592 瀏覽
    2 讚好
    0 留言
    1804 瀏覽
    1 讚好
    0 留言
    2028 瀏覽
    1 讚好
    0 留言
    2364 瀏覽
    1 讚好
    0 留言
    2782 瀏覽
    1 讚好
    0 留言
    Menu非常簡單，晏晝會有Sukiyaki Set ($580) 同Lunch Set，Lunch Set分別有四個餐($180-290)。而夜晚除咗有Sukiyaki Set($680)、Shabu Shabu Set($680)，仲有一個Omakase Set($1480)。唔同分店個價錢會唔同。另外門面仲有一個外賣自取一人套餐，$480包括150g和牛、日本野菜、御飯或烏冬、漬物同赤面豉湯，一樣可以揀Sukiyaki Set同Shabu Shabu Set。
    -
    🥩 Sukiyaki Set 💰680 (Dinner Courses)
    呢度既Sukiyaki首先有得揀牛或者豬，晏晝價錢係580，夜晚係680，分別就係食既部位有啲唔同，晏晝都係四片肉，一樣係A4近江牛，不過係兩片西冷、兩片牛肩，所以晏晝係食唔到肉眼同兩款唔同嘅牛肩、同埋晚市嘅前菜會比較豐富。另外聽講因為客人主要係食牛，豚肉存貨唔多，所以如果想食要喺訂位個市問吓存貨。題外話，係開店個時，晚市套餐價錢已經係680，即係四年間都冇加過價。另外夜晚佢仲有一個Omakase Set要1480，其實係dinner set再加上其他好似長崎縣生蠔、北海道海膽、牛肉刺身、備長炭燒鹿兒島A5和牛柳、昆布蒸赤睦魚等，會按季節而變。

    夜晚Sukiyaki套餐包括前菜、茶碗蒸、四個唔同部位既肉、蔬菜、蛋牛飯同埋甜品，可以另外加$100多一份牛舌。
    -
    🥦 前菜 （👅: 8/10）
    前菜
    24 瀏覽
    2 讚好
    0 留言
     首先前菜係蠶豆、千葉縣菜之花同炸海老芋，呢度嘅前菜會按季節更換，抹擺盤同份量都精緻。

    蠶豆、千葉縣菜之花都係冷盤，而炸海老芋係熱，菜比較清新，當中最出色嘅係炸海老芋，炸到外層夠薄，咬落脆身，入面軟糯，食落係芋頭嘅甜味，甜味夠天然。
    -
    🥚 蒸物 （👅: 8/10）
    蒸物
    26 瀏覽
    1 讚好
    0 留言
     茶碗蒸都會按季節更換，之前係櫻花蝦蒸蛋，今次嘅茶碗蒸上面係松葉蟹肉、海藻同薑蓉，師傅提醒要撈勻嚟食。

    蛋入口係嫩滑水滑，不過食到既唔係好重蛋味，而係食到蟹肉加海藻嘅鹹鮮味，鮮味十足，不過鹹鮮味會搶過蛋味，味道偏重，係同平時食到嘅茶碗蒸有啲唔同，如果想食到蛋味就唔好同上面嘅配料一齊食。
    -
    🥩Sukiyaki
    Sukiyaki Set
    $680
    39 瀏覽
    2 讚好
    0 留言
     呢度每一枱都配左一位師傅負責席前料理，而餐廳用既壽喜燒係來自岩手出產既南部鑄鐵，保溫之餘又唔會痴底。

    食嘅次序係肉眼、西冷、兩款唔同嘅牛肩、牛舌，由肉味淡啲到肉味濃啲油脂感多到油脂感小。

    師傅首先用蔥同埋牛嘅油脂爆香個鐵鍋，之後首先落一層糖，之後先放牛肉，呢個唔係一般嘅做法，師傅話唔係想令到啲牛肉甜啲，特登用日本比較低甜度嘅糖，係為咗想令到牛肉有一層焦糖化嘅效果，令到牛肉食落有焦香味。

    師傅建議食咗原味先，之後再點蛋漿，食落會更加滑，不過呢個蛋如果想追加要加錢。
    -
    1️⃣ A4 近江牛 肉眼 （👅: 9/10）
    肉眼
    36 瀏覽
    1 讚好
    0 留言
     第一塊首先係夜晚套餐先有嘅肉眼，係咁多個部位最肥嘅一塊，咬落去係咁多塊最嫩滑嘅一塊，肉質完全無粗糙鞋口既感覺，食落去係油脂非常重，肉味比較淡啲，同時食到醬汁嘅味道，因為醬汁鹹既味道比較重，有少少蓋過牛本身嘅味道，因為加左糖，除咗有少少焦糖嘅效果，仲令到牛肉多少少甜味。如果你鍾意食啲油脂重啲嘅牛，或者係入口勁滑嘅口感，呢一塊絕對係你嘅最愛。
    蛋汁
    19 瀏覽
    1 讚好
    0 留言
    如果覺得肉味太過澎湃，可以落蛋汁，口感會比較綿滑柔嫩啲，好似海綿嘅感覺，喺口腔入邊慢慢溶化，蛋香味出，不過牛味同埋醬汁嘅味道會比蛋汁中和咗啲，不過成塊牛肉就好似入口即融咁，好似食緊A5級數既牛咁滑。
    肉眼
    20 瀏覽
    1 讚好
    0 留言
    如果唔想落蛋汁，仲可以用飯去送牛肉，將肉香、脂香、鹹香加落白飯，係完美嘅配搭。呢度嘅白飯都係可以任添，不過其實食完牛之後仲會有一個蛋牛飯，所以唔係特別大食嘅話，唔使加飯都夠飽，建議大家留肚。
    -
    2️⃣ A4 近江牛 西冷 （👅: 8.5/10）
    西冷
    20 瀏覽
    1 讚好
    0 留言
     西冷嘅大細帶過一隻手掌，兩塊加埋蔬菜啱啱好擺得入個鍋入邊。
    西冷
    16 瀏覽
    1 讚好
    0 留言
    西冷相對肉眼來講無咁多脂肪，咬落去係比較實淨一啲、乾身啲，但佢始終油花係非常之靚，夠多脂肪，所以入口都係非常之軟嫩無筋，食落去係油脂感比較少，不過同時間可以感受到牛肉味，肉味比較香濃，而且比較同醬汁夾啲，肉味出啲。
    -
    3️⃣ A4 近江牛 牛肩胛 （👅: 8.5/10）
    4️⃣ A4 近江牛 上牛肩胛 （👅: 8.5/10）
    牛肩胛
    18 瀏覽
    1 讚好
    0 留言
     煮牛肩嗰時可以睇到師傅每次落嘅糖同埋醬汁都係越來越少，因為本身個鍋已經有味道。牛肩比較上冇前面兩塊咁多脂肪，因為佢係屬於運動量比較多嘅部位，燒完明顯睇到係瘦啲同埋比較細塊。

    咬落去唔似肉眼、西冷咁腍滑，牛肩因為有小小根，所以更加有咬口，不過筋本身都係好軟熟，帶彈性，比較乾身。食落去牛味重，比起西冷更加重，第一塊牛肩相對比較瘦一啲，第二塊比較肥一啲、嫩口一啲，兩塊幾乎都冇咩油脂香味。另外肉上面仲會有一條三葉，可以清一清口腔嘅油膩感。
    -
    5️⃣ 牛舌 +💰100（👅: 8.5/10）
    牛舌
    $100
    27 瀏覽
    1 讚好
    0 留言
    日本牛舌係好難出口，就算出口買到，價錢可能都要5位數價錢，所以呢啲都係澳洲嘅和牛牛舌，一份牛舌有4片，所以兩個人加埋係8片，師傅會問你需唔需要加葱，我就加咗少少令到味道冇咁單一。

    有兩片大塊啲係靠近中間嘅部位，咬落去比較嫩滑有嚼頭，另外兩片細塊啲就係牛舌近芯嘅位，落去比較爽口啲，兩塊都係比較薄身，牛味食落都偏重。不過牛舌對比起前面嗰幾塊肉冇咁多驚喜，可以選擇唔加。
    -
    🥗 野菜 （👅: 8.5/10）
    野菜
    16 瀏覽
    1 讚好
    0 留言
     食完牛之後就係野菜盛合，呢度嘅煮法係牛同蔬菜梅花間竹，所以唔會一口氣食太多牛而覺得好膩，野菜部分有大白菜、皇帝菜、三葉、冬菇、蒟蒻麵、蒟蒻條、麵筋、日本淡路洋蔥、豆腐同大蔥，所有蔬菜都係由日本空運過嚟。

    係食完第一塊肉眼之後就會落蔬菜，首先係大白菜、豆腐、冬菇、麵筋，因為煮完牛之後，個鍋入邊仲有牛嘅油脂同埋醬汁，同埋已經焦糖化咗嘅糖，所以蔬菜食落非常香口，但係又唔會覺得太鹹太重味，帶有小小甜味同和牛既脂香。豆腐咬落有彈性，唔似食緊豆腐，麵筋係京都麵筋，口感有小小似魚腐，食落非常入味。冬菇咬落軟稔煙韌，菇味係壽喜燒汁加持下一樣濃郁，豆腐係傳統日本豆腐，咬落紥實，食落豆味香濃，加上壽喜燒汁令豆香同味道有所提升。

    西冷會同春菊、蒟蒻條一齊煮，春菊姐係日本既皇帝菜，味道偏重，食落似唐萵，蒟蒻咬落鬆軟爽彈，一樣盡吸壽喜燒汁，非常入味。
    洋蔥
    14 瀏覽
    1 讚好
    0 留言
    洋蔥其實係煮西冷嗰時已經擺落去煮，煮佢嘅時間係最長，煮到佢透身同底面煎香之後就上菜。

    呢度嘅洋蔥係用淡路島出品，淡路島一直都係最出名洋蔥，甚至有人話嗰度嘅洋蔥係全日本最甜。師傅建議洋蔥可以由外到內每一層咁食，洋蔥無煮到佢好老，食落唔會有渣，咬落係越咬越嫩，食落越食越甜越濃味，冇平時洋蔥嘅辛辣，除咗佢品質好之外，仲因為佢吸哂壽喜燒嘅精華，甜而爽脆，好似食緊平時既蔬菜咁，完全唔似食緊洋蔥，就算唔鍾意食洋蔥嘅人都會鍾意。
    蒟蒻麵
    10 瀏覽
    1 讚好
    0 留言
    最後係蒟蒻麵，入口Q彈，一樣係吸收晒醬汁好入味。
    -
    🍚 御飯 （👅: 8.5/10）
    呢個係用鐵鍋整嘅最後一道菜，利用鐵鍋入邊剩餘嘅精華，師傅首先會將牛肉粒炒香，再加蛋漿，最後擺上飯上面，牛肉碎都係近江牛，不過係切肉期間剩低嘅肉碎。

    御飯
    18 瀏覽
    1 讚好
    0 留言
     可以明顯見到蛋汁係半熟狀態，聞到好香嘅蛋香味，入口首先係壽喜燒汁既味道，之後食落去蛋有蛋香，而且好滑身，牛肉粒口感煙韌帶嚼勁，食落有少少牛味，不過就唔可以同前面嘅牛肉比，飯粒夠軟熟，加上鍋內既油脂香味，所以整體非常香口惹味。

    如果唔想食蛋牛飯，可以轉烏冬，不過師傅話烏冬無咁掛汁，一般會建議客人食飯。
    味噌湯
    11 瀏覽
    1 讚好
    0 留言
    除咗蛋牛飯，仲有味噌湯同漬物，味噌湯飲落去比一般嘅味噌湯濃郁，我覺得係應該用咗赤味噌，所以味噌嘅香味直接入鼻，帶回甘，係我鍾意嘅味噌湯。

    如果嫌味噌湯太重味，可以食隔離嗰碟嘅漬物，可以稍微中和一下味噌既味道。
    -
    🍮 甜品 （👅: 8.5/10）
    甜品
    140 瀏覽
    1 讚好
    0 留言
     最後嘅係甜品，今日嘅甜品係北海道牛布甸配新鮮士多啤梨粒，隔離仲有啲蕨餅，如果你係慶祝生日或者週年可以同餐廳講，佢會換上一個擺盤，用可可粉寫字，估唔到一間咁日式嘅餐廳都有呢個服務。

    北海道奶凍入口非常順滑，夠creamy，食落去牛奶味非常重，唔會太甜，如果覺得太甜可以用士多啤梨中和一下。而蕨餅既黃豆粉恰到好處，有豆味香又唔會太甜，畫上完美句號。
    -
    🥃 Sata Kakutama 💰75（👅: 8/10）
    Sata Kakutama
    $75
    47 瀏覽
    1 讚好
    0 留言
     餐廳本身會提供熱茶，飲品方面有純米大吟釀、純米吟釀、純米酒、清酒、燒酒、梅酒、香檳、紅白酒、啤酒、礦泉水、汽水果汁、咖啡茶，我就揀咗價錢比較實惠嘅梅酒。
    梅酒入口清爽輕盈，果味恰到好處，飲落去酸味都幾突出，不過我覺得可以接受。
    -
    🥂 Suntory Whisky Soda 💰48（👅: 7.5/10）
    Suntory Whisky Soda
    $48
    19 瀏覽
    1 讚好
    0 留言
    入口清爽，味道比較淡啲，酒味唔算好重，聽講近江牛配獺祭好夾，下次會試吓。
    -
    🌟整體嘅用餐體驗非常滿意，首先講嘢食，我自己比較鍾意油脂重嘅牛肉，所以會比較想用A5既和牛，不過餐廳就驚客人會覺得太過肥膩，所以就用A5，牛肉嘅口感同味道雖然唔係我食過最好，但係師傅經驗豐富嘅烹調技術之下，滿足程度遠比用上A5和牛既日山好。而因為有蔬菜係肉同肉之間做間場，所以最尾係夠飽，但唔會覺得好油好膩。如果要挑剔嘅話就係醬汁味道係偏鹹，如果甜味方面可以再提升少少會更好。

    環境方面，雖然個壽喜燒喺面前煮，不過呢度空氣流通，唔會好焗，唔會有好多油煙吹住自己，餐廳冇任何景色，如果對比有海景嘅日山當然會遜色。服務方面，師傅係完成每一道菜都會介紹，不過有時會好似急口令講嘢比較快，不過有時個別問食材方面佢都會解釋，有時食omakase唔係淨係為咗食好食嘅菜色，同師傅交流、對一種嘢食嘅認知加深，都係一個好嘅omakase 嘅體驗。

    因為關西風壽喜燒對於師傅嘅技術更加要求高，淨係講火候控制點樣令到個鍋唔燶，食起上嚟冇苦味係非常之難，隨時都要睇住情況去控制大細火、糖嘅份量、醬汁份量、烹煮時間，所以師傅係絕對需要經過訓練先做都好食嘅壽喜燒，所以食完今次更加肯定我個人係鍾意關西風壽喜燒多過關東風。

    不過呢一間同日本嘅始終有少少唔同，以日本好出名食壽喜燒嘅京都「三嶋亭」為例，佢一樣係落咗糖煎香左牛肉先再落汁煮，不過日本
    負責料理嘅所謂師傅，係「女將」，喺日本係好常見，其實即係日本傳統餐廳或者旅館嘅經理，多為上左年紀既女將，女將做嘅嘢其實同香港嘅師傅或者廚師係一樣，都係需要對和牛同清酒有知識，仲要學習烹飪技巧，始終壽喜燒都係要識得控制溫度、觀察每塊牛肉嘅狀況、符合客人既要求，其實做嘅嘢同廚師、師傅冇咩分別。

    另外唔同嘅地方，主要係關西風壽喜燒去到香港、台灣呢啲地方，比較鍾意用甜度低啲嘅糖去取代製作和菓子專用嘅盤糖，可能因為香港人唔習慣肉類配甜味，所以香港人唔習慣食比較甜嘅壽喜燒，好似今次呢間すき焼 森就係用呢啲冇咁甜嘅糖，所以鹹味比甜味更加出，但正宗既關西風壽喜燒，食落去就係要甜味突出。
    3161 瀏覽
    5 讚好
    0 留言
    至於值唔值得黎依間餐廳食，價錢上我覺得好值得，因為出邊買一個壽喜燒外賣餐，或者自己去買肉，價錢可能同呢度差唔多，但以烹調嘅技巧來講，我哋絕對唔夠師傅，冇佢煮得咁好食，呢度晚市人均差唔多800幾，有前菜到甜品都令人滿意，係一個精心準備嘅壽喜燒體驗，口味上絕對係適合香港人，如果係未試過壽喜燒，係絕對好值得嚟呢度試一次。當然如果你要攞呢一間同日本既壽喜燒比，當然冇得比，因為嗰度既牛肉更加新鮮更加高質，價錢上亦都比香港更加平，環境上都比香港嘅店舖大，但係未有得去日本嗰時，呢一間絕對可以一治思鄉病。如果要挑剔呢一間餐廳，第一一定係book位實在太難，如果準時喺1號排隊基本上係一定book到，不過打電話就唔知要試幾多次。第二就係呢度用餐嘅節奏比較快少少，有限時105分鐘，不過我覺得唔算好快，都唔係食到趕頭趕命，不過就唔會係慢慢食、任坐嗰種。第三就係自己個人鍾意食肥啲嘅肉，雖然整體味道比日山好，但如果依度都可以提供A5級既和牛套餐，可能會更加滿足，因為呢度嘅牛肉唔係我香港食過最好食最肥，如果對比自己食過咁多間日式燒肉，肉料理廣同Nikushou 既A5級飛驒牛更肥美。不過以香港嘅壽喜燒黎講，呢一間絕對地位無法動搖。
    -
    👅味道: 9/10
    🍴環境: 7.5/10
    💰消費: $700-900pp (服務費: 10%)
    題外話/補充資料： 當初以為Mori San會係總店所以食呢間，不過後來先知佢長駐既係卑利街分店既Sukiyaki Mori Kyuu，而今次總店嘅師傅都係香港師傅，不過每間分店嘅師傅都係經過考試，所以技術係毋庸置疑，不過如果想同Mori San交流，可以直接去Kyuu，但只可以用日文或者英文溝通，如果都係想聽返廣東話可以去總店。
    (以上食評乃用戶個人意見 , 並不代表OpenRice之觀點。)
    • 推介
      已推介
    • 檢舉
    6 已推介
      張貼
      評分
      味道
      環境
      服務
      衛生
      抵食
      用餐日期
      2022-02-11
      用餐途徑
      堂食
      人均消費
      $870 (午餐)
      慶祝紀念
      紀念日
      推介美食
      前菜
      蒸物
      Sukiyaki Set
      $ 680
      肉眼
      蛋汁
      肉眼
      西冷
      西冷
      牛肩胛
      牛舌
      $ 100
      野菜
      洋蔥
      蒟蒻麵
      御飯
      味噌湯
      甜品
      Sata Kakutama
      $ 75
      Suntory Whisky Soda
      $ 48
      • 滑蛋牛肉飯
      • Sukiyaki
      等級4
      935
      0
      食和牛，返鄉下🥩
      2020-12-06 2383 瀏覽
      係IG📷同Youtube 都見到瘋狂討論既呢間Sukiyaki🤣 等左成個月終於食到啦🥰 打算係無得去旅行既日子✈️一解思鄉之愁🇯🇵 呢間餐廳主打關西風 Sukiyaki🎎叫左一個Sukiyaki Set 坐係鍋前有師傅專人燒比你食🔥 座位比較迫 唔算好舒服 ⭐️ Sukiyaki Set 🍲⭐️ 前菜🍁呢度既前菜好特別會隨著時令改變🌾Presentation 好似藝術品咁精緻🎨 咁啱秋天就用左唔同蔬菜🍂 南瓜🎃用糖漬過 同銀杏一樣帶本身既清甜 菠菜沙律比較清爽🥗 而前面既每一粒三文魚子都充滿鮮味🐠 令我好期待呢一餐⭐️ 蒸物 🫕本菇同舞茸既茶碗蒸🍳見到得黎不平凡 口感好滑 而菇菌增添了一份Earthy的感覺🪵 配合了秋天既主題⛅️⭐️ Sukiyaki 🥩主角有關西風既壽喜燒🎎 主要用醬汁輕輕係鍋裡面將牛肉燒香🔥 加上一點點糖帶出牛肉既鮮味😋 見到有人可能怕甜🍬 但我覺得有畫龍點睛既效果😍總共每人有四片A4 近江牛🐮 分別係肉眼 西冷 同埋牛肩🐄師傅會由淡味煮到濃味🥘再點一點蛋汁🥚 增加嫩滑的感覺 😋 肉眼脂肪比較多😚入口即化 牛肩就比較有口感 個人比較喜歡西冷💕 嫩得黎脂肪均勻唔會太膩 加上
      更多
      係IG📷同Youtube 都見到瘋狂討論既呢間Sukiyaki🤣 等左成個月終於食到啦🥰 打算係無得去旅行既日子✈️一解思鄉之愁🇯🇵 呢間餐廳主打關西風 Sukiyaki🎎

      叫左一個Sukiyaki Set 坐係鍋前有師傅專人燒比你食🔥 座位比較迫 唔算好舒服
      Sukiyaki
      57 瀏覽
      0 讚好
      0 留言
      ⭐️ Sukiyaki Set 🍲
      前菜
      38 瀏覽
      0 讚好
      0 留言
      ⭐️ 前菜🍁
      呢度既前菜好特別會隨著時令改變🌾Presentation 好似藝術品咁精緻🎨 咁啱秋天就用左唔同蔬菜🍂
      南瓜🎃用糖漬過 同銀杏一樣帶本身既清甜 菠菜沙律比較清爽🥗 而前面既每一粒三文魚子都充滿鮮味🐠 令我好期待呢一餐
      蒸物
      29 瀏覽
      1 讚好
      0 留言
      ⭐️ 蒸物 🫕
      本菇同舞茸既茶碗蒸🍳見到得黎不平凡 口感好滑 而菇菌增添了一份Earthy的感覺🪵 配合了秋天既主題⛅️
      Sukiyaki
      49 瀏覽
      0 讚好
      0 留言
      47 瀏覽
      0 讚好
      0 留言
      ⭐️ Sukiyaki 🥩
      主角有關西風既壽喜燒🎎 主要用醬汁輕輕係鍋裡面將牛肉燒香🔥 加上一點點糖帶出牛肉既鮮味😋 見到有人可能怕甜🍬 但我覺得有畫龍點睛既效果😍
      總共每人有四片A4 近江牛🐮 分別係肉眼 西冷 同埋牛肩🐄師傅會由淡味煮到濃味🥘再點一點蛋汁🥚 增加嫩滑的感覺 😋 肉眼脂肪比較多😚入口即化 牛肩就比較有口感 個人比較喜歡西冷💕 嫩得黎脂肪均勻唔會太膩 加上砂糖既焦香配合得好鮮甜🤩
      野菜
      30 瀏覽
      0 讚好
      0 留言
      野菜
      38 瀏覽
      0 讚好
      0 留言

      28 瀏覽
      0 讚好
      0 留言
      ⭐️ 野菜 🥦
      師傅會係每道牛肉之間煮少少蔬菜清清味蕾👅
      有蔬菜 蒟蒻 冬菇 豆腐🫔 索曬壽喜燒既湯汁 完全唔會有草青味🌱 特別鍾意日式既豆腐同蒟蒻🍢QQ的口感好吸引
      御飯
      41 瀏覽
      1 讚好
      0 留言
      御飯
      27 瀏覽
      0 讚好
      0 留言
      ⭐️ 御飯 🍚
      用了牛肉碎加上蛋漿 醬汁撈飯💛 好溫暖好窩心🥴 感覺就似高級版既滑蛋牛肉飯🤪
      甜品
      23 瀏覽
      0 讚好
      0 留言
      ⭐️ 甜品🍮
      甜品都好有秋意既特色🍁好特別💨 用梨汁做成既果凍🍐好清甜 食得出唔係糖水既甜😛 而奶凍既牛奶味🥛好濃郁 加上梨子果肉作點綴💡甜而不膩
      38 瀏覽
      1 讚好
      0 留言

      91 瀏覽
      1 讚好
      0 留言
      整體而言 牛肉Quality 雖算對得住價錢💰但係細節位比起日本都係有一點差距🗾 最明顯係服務質素完全唔係有求必應🌚 未食完就急著收碟 同埋吧檯前聽到師傅吹水🌝 都係俾呢個價錢唔可以接受的
      (以上食評乃用戶個人意見 , 並不代表OpenRice之觀點。)
      • 推介
        已推介
      • 檢舉
      張貼
      評分
      味道
      環境
      服務
      衛生
      抵食
      用餐途徑
      堂食
      推介美食
      Sukiyaki
      前菜
      蒸物
      Sukiyaki
      野菜
      野菜
      御飯
      御飯
      甜品
      等級3
      33
      0
      2020-11-23
      2020-11-26 1739 瀏覽
      一行六人預早半個月才預約到位嗌左$680 Sukiyaki set 加牛舌跟住就橋埋雙手食殘廢餐有師傅係我地面前幫我地煮(日本都係唔洗自己動手)每上一道菜師傅都會介紹一下食材先上前菜，會由左邊食起蒸物就係蒸蛋，入面有兩到三款菇菌類，令到蒸蛋味道增色不小 ，蛋亦夠滑野菜，師傅會配合不同肉類上，新鮮嘅當然到主角A4和牛，唔好以為有咁大分量，哩到係6人分，只係放埋一齊，有4個不同部位，都有介紹，不過忘記了另外後面係另加牛舌，當然，亦是6人份量每人會有一小碗蛋汁，用來點牛肉的師傅大顯身手，可是，糖落得太重手，太甜跟住我地要求師傅小甜後便好多了當煮好後師傅很細心地首先將肉類分配給女士，才分給男士，此係一個好好的動作最後會有一個蛋飯作主菜的總結，配上一個麵豉湯及小菜當然到最後有個甜品作結尾，甜品比較清甜
      更多
      一行六人預早半個月才預約到位

      嗌左$680 Sukiyaki set 加牛舌
      跟住就橋埋雙手食殘廢餐
      有師傅係我地面前幫我地煮(日本都係唔洗自己動手)
      每上一道菜師傅都會介紹一下食材
      先上前菜，會由左邊食起
      前菜
      38 瀏覽
      0 讚好
      0 留言
       蒸物就係蒸蛋，入面有兩到三款菇菌類，令到蒸蛋味道增色不小 ，蛋亦夠滑
      蒸蛋
      30 瀏覽
      0 讚好
      0 留言
       野菜，師傅會配合不同肉類上，新鮮嘅
      野菜
      39 瀏覽
      0 讚好
      0 留言
       當然到主角A4和牛，唔好以為有咁大分量，哩到係6人分，只係放埋一齊，有4個不同部位，都有介紹，不過忘記了
      另外後面係另加牛舌，當然，亦是6人份量
      A4和牛
      29 瀏覽
      0 讚好
      0 留言
       每人會有一小碗蛋汁，用來點牛肉的
      蛋汁
      21 瀏覽
      0 讚好
      0 留言
       師傅大顯身手，可是，糖落得太重手，太甜
      跟住我地要求師傅小甜後便好多了
      37 瀏覽
      0 讚好
      0 留言
      當煮好後師傅很細心地首先將肉類分配給女士，才分給男士，此係一個好好的動作
      13 瀏覽
      0 讚好
      0 留言
      17 瀏覽
      0 讚好
      0 留言
      最後會有一個蛋飯作主菜的總結，配上一個麵豉湯及小菜
      20 瀏覽
      0 讚好
      0 留言
      當然到最後有個甜品作結尾，甜品比較清甜
      甜品
      20 瀏覽
      0 讚好
      0 留言
      (以上食評乃用戶個人意見 , 並不代表OpenRice之觀點。)
      • 推介
        已推介
      • 檢舉
      張貼
      評分
      味道
      環境
      服務
      衛生
      抵食
      用餐途徑
      堂食
      推介美食
      前菜
      蒸蛋
      野菜
      A4和牛
      蛋汁